شفط الدهون بتقنيه الvaser

[salsa]

السلام عليكم ورحمه الله وبركاته
هذا اول موضوع لي بالمنتدى اتمنى فعلا اني افيد المشاركات واستفيد انا بعد
ماني حابه اطول عليكم بمقدمات
وزني 97 وطولي 160 حاليا انا حققت زياده في الوزن بعد ما كنت مسويه رجيم بس للاسف رجعت اغلب الوزن اللي خسرته عشان جذي حايشتني حاله احباط شديده خلتني ادور بالانترنت اي وسيله ترجعلي ثقتي بنفسي ومن خلال مشاركات بعض البنات بالمنتدى فكرت بالشفط هذا اسهل من العمليات بالنسبه لي من خلال اللي قريته لاني قررت اسوي شفط بدون جراحه قصتي تبدى:

 

[salsa]

اتمنى القا ردود منكم تشجعني اسرد باجي خطواتي الى الشفط بتقنيه (الفيزر)

 

[Eng_7asasa]

هلا حبيبتي انا الصراحة ما اييد شي غير الرياضة والاكل الصحي

تدرين ليش بختصار شديد انتي اذي نقول شفطتي ورديتي تاكلين نفس اكلج وبنفس الكميات الي متعودة عليها بتردين الي شفطتييه صدقيني

لازم الاحد اغير عادات الغلط ولا يصير فيج احباط ولا شي ياما نااس امتن نج دبلات و اوزانهم الحين بالخمسينات وعايشين احلة عيشة

 

[salsa]

هلا حساسه حبيبتي مشكوره على اهتمامج شكرا جزيلا .. صح كلامج عدل وانا اايدج فيه بعد لاني جربت الضعف بالطرق العاديه الطبيعيه بس شوفي حساسه في اشياء بعد هالعمرتوصلتلها وعندي قناعه فيها ان تقسيم اجسامنا هذا شي مو بايدنا هذا شي من صنع رب العباد واللهم لا اعتراض انا حامده وشاكر نعمه الله بس في اشياء تستجد بجم الادمي مو بس بسبب السمنه بعد هم بسبب تأثر البشره بعده عوامل ففعلا تخلي الجسم في بعض الاحيان مشوه او غير مقبول وبيني وبينج انا في بعض الاجزاء من جسمي صراحه وايد تضايقني نفسيا وسببتلي بعد احراجات ومشاكل عشان جذي فكرت بهالشي وتأكدي ان عقب الشفط اللي ابي اسويه ان شاء الله راح التزم باسلوب حياه مختلف مو بس عشان الشفط لا بعد عشان ابتدي صح .. مره ثانيه اشكرلج اهتمامج بس صج تكدرت ان محد من اللي مروا على الموضوع علق وشجعني عشان اكمل باجي المراحل

 

[salsa]

يا حافظ 37 وحده ادش تقرى الموضوع وتطنشني؟ جاملو اول مشاركه على الاقل
عموما انا قررت اكمل باجي قصتي لعلها تفيد احد في يوم من الايام00
من مده شهر تقريبا اخذت موعد عند دكتور سامح صادق االي في بوشهري كلينك لاني سمعت انه اهو وقنال الصايغ اللي يسوون شفط بدون جراحه وعن طريق الليزر وبصراحه اشكر الاخت نفنوف 85 على مواضيعها اللي سهلتلي الطريج المهم الدكتور لمن قابلني شرحلي ان الليزر اهو وسيله حديثه لشفط الدهون لتحسين الشكل وطبعا اكدلي ان هالطريقه ما راح تييب نتيجه معاي لان ما تنزل الوزن بس تغير بالشكل يعني قالي انتي راح يبين عليج تغير بنسبه 20% فقط ولازم 3 جلسات اقل شي ومن ناحيه الوزن ما راح يتغير فقالي عنده اسلوب جديد لازاله الدهون وهذا يعتبر كنتيجه مثل الشفط العادي مع اختلاف انه ما فيه جراحه يعني تعتمد التقنيه واسمها تقنيه الفيزر مو الليزر على ان يدخل الدكتور بمنطقه الشفط ابره اسمك من ابره الليزر ومن خلال اشعاعات تخلخل الدهون من الخلايا الدهنيه وتذوبها وبعدين تنشفط عادي وهذا كله تحت بنج عام مو عميق وبعدها البس مشد واروح بيتنا بالسلامه ان شاء الله, طبعا هذا الشرح بس انا اخذت موعد عقبها عشان اكون قررت اكيد والاثنين اللي طاف رحت للدكتور وحددت موعد اجراء الشفط في المستشفى يوم الاحد الياي باذن الله ..نسيت اقولكم ان الدكتور قررلي العمليه في منطقه البطن والظهر باعتبار هالمنطقه عندي وحشه على قولته لان انا اصلا عندي سيليوليت بالفخوذ والمؤخره بس اهو بوجهه نظهر هالمنطقه اهم فقررت ابدي فيها وبعدين يصير خير ان شاء الله,مادري اذا في احد ممكن يكون جرب الفيزر من قبل ممكن يفيدني اكثر او في احد يحب يستفسر هم انا احب افيد اللي بيسأل بالحدود اللي اعرفها لي الحين..

 

[((MiSS CuTe))]

سامعة عنة بس ماتوقع موجود بالكويت

 

[قطوطه 1985]

حلو كملي اختي قوليلنا شنو صار معاج وحسيتي اب الم ولا لا وجم طلع عليج لانه معاي وحده بالدوام سوت شفط تقول دم ولويه عند الكتور لاري بس صج اضعفت بس شهر ماتقدر تقو من الفراش وهذا الشي اللي خلاني اتردد عن الموضوع هذا وبالتوفيق انشاء الله

 

[AFRoDiT]

حبيبتي .. الله يكون بعونج

قوليلنا جم تكلف العمليه؟؟
وتنامين بالمستشفى ولا لأ؟؟
وهل حساب العمليه ياخذه ع المنطقه بالجسم ولا جسم كامل؟
وسئلي الدكتووور مكان الابره مايصير أزرق بعدين؟ مايسوي آثار على الجلد؟


وكثري من الصلاة والدعاء من الحين لي وقت العمليه عشان الله يسهل عليج


بانتظار شنو يصير معاج حبوبه


ربي يكتبلج الخير انشالله

 

[salsa]

هلا افروديت صراحه اشكر اهتمامج مشكوره يا بعد عمري ..الله يسلمج اهو يسوي المنطقه اب 500 يعني البطن 500 والظهر 500 وتكلفه المستشفى 500 يعني الاجمالي 1500 دينار اهو طبعا مو رخيص بس يمدحونه واتوقع لان بعد اسلوب الشفط اليديد هذا اغلى من القديم لانه أأمن ما يسوي المضاعفات اللي ممكن تصير مع الشفط العادي انا بالنسبه لي مدام مافي جراحه ودم ميخالف ,وتبين الصج افروديت انا اليوم لمن قعدت الصبح قلت انا ليش ما اسوي فخوذي بعد وافتك لان فيهم سيليوليت جان اقوم وادق على العياده واقول حق السكرتيره تسأل الدكتور اذا في مجال اسوي لفخوذ بعد عشان ادفع سعرهم لان ابي مره وحده خصوصا ان الطبيب لمن شاف بطني قالي ترى راح يصير معاج ترهل بعد الشفط لان منطقه البطن عندج مو مالت وحده بسنج يقول انا تفاجأت بجسمج انصدم الريال شاف شي كدره فقال بعدها بشهر تعالي اسويلج شد انا قلتله سوها مره وحده جان يقولي معلومه يديده ..يقول اللي يسوون شفط مع شد بنفس العمليه يصير عندهم مكان المعده متفوخ شوي يعني الجسم ما يضبط فاحسن يكون الشفط بيوم وبعدها بفتره تسوي شد خصوصا ان الشفط مو عمليه جراحيه بس الشد عمليه طبعا وفيها دمامين وقص ولزق عاد انا بشوف عمري عقب الشفط ان شاء الله بشد حيلي وما احتاج شد لان ما ابي اسوي عمليه والشد يقولون يعور وتقعدين بلفراش ما تقدرين لا تنسدحين ولا تقومين بروحج لازم احد يمسكج لمده جم يوم وهم يخلون عليج وايرات تسحب الدم مال الجراحه جم يوم وتنامين بالمستشفى بس بالنسبه للشفط بالبيزر مو جراحه اصلا حتى قالي انتي مو جراحه والبنج عام بس مو عميق اللي لمن تصحين تقعدين تخربطين لووول ويقول تطلعين بنفس اليوم بس اذا حابه تنامين عادي نامي لان الغرفه اصلا مدفوع سعر الليله بس انا بصراحه ما ودي انام عموما الغالبيه يطلعون بس الناس عاد قدرات الله يسهل ان شاء الله..ان شاء الله بستفسر عن الاثر مال الابره وبردلج خبر افروديت تابعيني عفيه ابي احس ان احد وياي خصوصا اني متكتمه على الخبر بس امي وبنت خالتي ورفيجتي يدرون وهني بالمنتدى والله المستعان

 

[ii DareeN ii]

الله يوفقج ان شاء الله ويسهل عليج ويقومج بالسلامة

 

[jolie_q8]

انا اول مره اسمع بهالشي

بس ما قالج متى راح تبين النتيجه؟

جنه 20% تغيير شويه!!

بانتظار تجربتج والله يقومج بالسلامة

 

[صدى الأفراح]

يعني بتعرفي؟؟؟؟؟؟؟؟؟؟؟ انا بجد كنت عم فكر في نفس الدكتور ونفس الشي وفعلا فعلا الله يوفقك دنيا واخره على هالتجربه لأني رح أضل ليل نهار استنى يومياتك بجد فعلاااااااااااا رح تكوني انتي تجربه والله يتممها عليكي بس حبيت اسألك سؤال خاص معلش تحمليني وجاوبيني عالخاص كم مقاس محيط البطن عندك بالمتر حابه اعرف يعني حتى احكم على نفسي من حجم البطن اللي هي عقدتي ويارب تنجحي يارب عشان اعملها من غير تردد وعملية الشد بكم وليش رح تعمليها وتنامي بالمستشفى مره تانيه ؟؟؟

 

[salsa]

مشكورين وايد بنات على متابعتكم
جوليا حبيبتي الظاهرتلخبطتي بقصتي ادري شطولها خليني اوضحلج اكثر انا اول ما رحت للدكتور قالي ان الليزر واهي جلسات ليزر لتذويب وشفط الدهون السطحيه فقط تكون نتيجتها بالمنظر بس بالكيلو ما لها تأثير واهي تنفع للمناطق لصغيره مثل اللغد والزوايد الحيل صغيره مو للمتان باختصار قالي هذي بالنسبه لحالتي احتاج فيها 3 جلسات علشان احصل نتيجه 20% بس فقال اصلا حرام فلوسج بتروح عل الفاضي خصوصا ان المنطقه اللي بحجم كف الايدين ب 350 دينار وهذي تتسوى بالعياده تحت بنج موضعي هذي ما تناسبني وانا صرفت نظر عنها ,انا باذن الله بسوي شفط دهون بالفيزرvaserوهذي التقنيه نتائجها مثل نتائج الشفط العادي ينقص فيها وزنج والنتايج تكون ملحوظه والمنطقه اللي يتم فيها الشفط تنزال عنها السمنه ومثل ما انا موضحه فوقوسلامتج..

 

[salsa]

بنك مون سوري توني اشوف ردودكم انتي وقطوطه ودارين اشكركم على المتابعه
بالنسبه لهالتقنيه انا بعد مثلج ما عمري سمعت فيها الا عنده الدكتور من جذي تشجعت لانها يديده وآمنه واهو بعد حاليا ما يسوي الشفط العادي بالاسلوب القديم اللي اهو بالبايب الحديد اللي يمسكه الدكتور ويحركه تحت الجلد ..الحمدلله التقدم يا بصالحنا

 

[salsa]

قطوطه والله تصرقعت لمن قلتي شهر اخاف رفيجتج مسويه شد مع الشفط؟ لان الشد معروف جنج مسويه عمليه قيصريه وازود بعد تدرين ليش لانها جراحه اولا ثانيا دمامين ثالثا الشد مو بس بالجلد يسويه الدكتور بالعظلات الداخليه فهذي عاد تذبح جنج مسويه رياضه وعضلاتج مشدوده دبلات فشنو الاحساس اتوقعين هذي المعلومات من قريبه لي صارلها ايام مسويه شفط مع شد تقول عوار الشد لا يطاق الله يكون بعونها,, وهم يمكن اهي مسويه الشفط بالاسلوب القديم لانه فيه دم صح وفيه اكثر من فتحه بالجسم تتخيط بغرز ففي فرق وهذا اللي شجعني,,اما بخصوص التكاليف فاهي مثل ما وضحت فوق ..

 

[yam_yam]

uppp

 

[salsa]

دارين..بعد عمري تسلمين على الدعوات انا فعلا هالايام متحاجه للدعاء

 

[salsa]

صدى الافراح صراحه انا سعيده اني اكون افدتج لان التجارب بهالسوالف تخفف على المقبل على التجربه وايد ..تبين الصج انا مو مقايسه مقاس بطني بس ترى بطني مو وايد كبير الدكتور تفاجأ مو من كبر البطن بس لانه نازل فباللبس ما يبين علي ان عندي بطن اصلا خصوصا ان مقاس الصدر عندي كبير وهم لان المنطقه اللي اتكلم عنها تحت كلش فوق الحده يعني مو بنص البطن او اوله بس بقيسه انشاء الله وبقولج,وبخصوص الشد مثل ما وضحتلج الدكتور يقول ان مع الشفط الجلد عندي راح يترهل لانه من خلال خبرته يقول مدام عندج سترج ماركس اللي اهي الخطوط ما راح يشد الجلد بروحه اتوقع لان الجلد مو سليم 100% مثل اللي جلدهم ما فيه خطوط هذا الجلد السليم يقدر يشد عمره بس انا قلت خلني اخلص الشفط واقرر بعدين فموضوع الشد لي الحين قيد الدراسه بالنسبه لي وهم لان الدكتور يقول شد مع شفط مع بعض بنفس اليوم يعطي نتيجه سلبيه للبطن يتفخه صوب المعده والله اعلم.. تابعيني

 

[q8y-moon]

يعطيج العافيه

 

[AFRoDiT]

كنت كاتبه وايد اشياء طلعلي المزود مشغول

اتذكر شنو كتبت وارد .. برب


up
up