شعرج طويل تعالي قوليلنا شلون طولتيه وعندي نصايح من بدويات شلون طولوه خلونا نتشاور :)

[قدوتي رسولي]

استعمل 3 ايام بالاسبوع خلطة سلسبيل وساعات اضيفلها حنا اذا كلن لي خلق

اسوي مرتين بالاسبوع ماسك من خليط الجرجير ورشة ثوم خفيف مو وايد

صارلي جم شهر ناسيه الشامبو الي بالجمعيه وطايحه بشامبو عطتني العضوه ام عيالي عينه منه علشان اجربه يزاها الله خير ومن يومها وانه اطلبه تستقط مافي لمعان في كثافه في حيويه في بعد اشنبي اكثر من جذي

 

[العصيمية]

الحمله حلوة

للرفع

 

[العصيمية]

اي نسيت اقولكم

انا معاناه .. شعري بالاهتممام يكثف ويصير حلو

بس مشكلته انه ما يطووووووووووول
يوقف لحد معين اللي هم كتفي

والله احلم بشعر لي نص الظهر ..

والله لاعت جبدي

شسوي قصيت اطرافه اعتنيت كلشي

شسوي .. ابي شي مجرب ساعدوني الله يرضالي عليكم

 

[خذااني الشووق]

انا اكتشفت شي اي دهن تستمرين عليه اكثر من 5 اشهر وبانتظام يبين نتايجه ويطول

 

[LuLiTa]

خذاني الشوووق احنا مو ذابحتنا غير العيلة
كله نبي نشووف النتايج بين يووم و ليلة

و انا شريت دابر املا و استعملته مرة الأسبوع اللي طااف و ان شالله بواظب عليه

 

[العصيمية]

لا انا من زمان مداومه .. بس شعري لوع جبدي ما يطول

 

[زبــــــــدة]

انا بعد مايطول شكثر ادهن فيه وماكو فايده هم يوقف لي جتفي وبس يبلش ملاقه لووووول

 

[LuLiTa]

انا شعري لحد جتوفي و حلمي و امنية حيااااتي انه يصير على طوول ظهري و لي تحت المؤخرة على شهر 12 حق السنة اليديدة

 

[بنت^الشيخ]

انا سمعت عمتى كلا تقول اللي تبي شعرها يطول تاكل حديد ويطول لي ريولها بس تقول طعم الحديد كلش موشي ويأذي على فكره شعرها قبل كان طويل وايد

 

[LuLiTa]

صج بنت الشيخ؟؟ عاااد انا توني شارية حبوب الحديد(فيفوول) بس ما جربتهم للحين

على فكرة انا وااايد الاحظ انه النباتيين شعورهم اتكوون حلوة و ثخينة و طويلة و لماااعة ...محد لاحظ هالشي بعد ؟؟؟

 

[غــزل]

مرحبــــــــــــــــــا


..
..


الله يعينكم ع القرقـــــه .. بس انا حابه أفيدكم





واللــه نفس الحـاله .. شعري كان طويــل وأســود يعني ينضرب فيـه المثل

لأن أمي كانت تهتم فيه وتحط لنا حنا وزيت زيتون كل فترة

بس من كبرت صرت أقصصه وأصبغه يمكن بالشهر مرتين ثلاثه يعني لعبت فيه لحد

ماصار ناشف ومتقطــــع واحس فيه فراغات!! فسويت عليــه حمله ورحت الصـالون وقعدت ع الكرسي وكلي ثقـة

قلت حق الكوافيرا قصي لي الشعر المتقصف جان تمسك شعري

من عرجـه وقالت هذا كلللللللللللللله شعر ميــت!! .. انا اهني تفشــلت لوووووووووول

بس قلت لهـا خلاص قصي لحد جتفــي " كان لي آخر ظهري بس طوله ع الفاضي مافي حياة"


ومن هاليوم اللي تفشلت فيه وانا احط يوم وترك او مرتين بالاسبوع" حنــاء" تشتريها خالتي من وحدة معاها بالدوام

حدها عجيبة تسويــها مرة بالسعودية .. واحط معاها زيت باراشـوت وروب واذا ماعندي شغل

احط زيت باراشوت بروحه بس ما أكثر " المثل يقول دعي شعرك يتنفس " لوووول طبـعا

هذا كله كوم ونقص الحديد بكوم .. شريت حبوب حديد و ومداومه عليـهم

والحمدلله راضيــة عن شعـري وعن صحته ...

بنات انا شعري طبيعته بسررعه يطول " قولو ماشـاءالله " بس مع الاهتمام صار يطول بشكل مو طبيعي

يعني بتاريخ 13 سبعه وانا مسافرة احتريت وطنقرت لانه شعري نشف

وحشيته "ماراح تصدقون شكثر قصيت " بس الحين طال

واااااااااااااااااايد والحمدلله ..

اي وصج نسيت اقولكم ان اختي العوده تستعمل زيت املا وشعرها زينان

.
.

يالا ادعولي استمر اطول شعري .. وما اطنقر عليه مرة ثانية هههههههههههههـ

 

[غــزل]

اي اي نسيت ان لما قصيته اول مرة صرت كل شهر اقص الاطراف لحد ما راح كل التقصف وطلع الشعر اليديد

ناعم ومافيه تقصف ولا شي ..

ونسيت بـعد اقول ان صـارلي اسبوعيـن استعمل الكثيرة والحمدلله تعطي الشعر لمعه ونظرة حلوة

وحسيت اني مرتاحه عليــها .. واهي طيحت شعري بس بأول غسلتين بعديـن عادي

 

[بنت^الشيخ]

صج بنت الشيخ؟؟ عاااد انا توني شارية حبوب الحديد(فيفوول) بس ما جربتهم للحين

على فكرة انا وااايد الاحظ انه النباتيين شعورهم اتكوون حلوة و ثخينة و طويلة و لماااعة ...محد لاحظ هالشي بعد ؟؟؟

اي صج حتى شعرها كثيف واايد وهم كانت كلا تحط زيت الحل البنفسجي وكان لي ريولها شعرها بس كبرت وقامت تقص

 

[بنت^الشيخ]

لا النباتين شعرهم مو حلوو وانا جايفه بعيني الا اذا كان وراثه

 

[LuLiTa]

شنو اهو زيت الحل البنفسجي؟؟ شنو مكوناته ؟ و ما في صورة له ؟؟

 

[ساندى]

لوليتا الحل اهو زيت جوز الهند اللى قوطية لونة بنفسجى عند الحواويج تلقينة

 

[marioom]

نظامي حق شعري الحين واليوم باديه فيه خل نتشجع بنات
نظفت شعري عدل بشامبو تي جل من نيتروجينا تلفونه بالصيدليات
يوخر القشره كلها
وفيتامينات جبدة السمج مستمره فيها والعلبه الاولى بتخلص الحين
وادهن شعري بزيت دابر املا مخلوط معاه براشوت << شاريتهم من زمان وابي اخلصهم
اول ما يخلصون بستخدم حق شعري زيت الخروع مع الجرجير
وبحط حنه بالاسبوع مره واخلط معاها سدر وخل و ثوم
بس مابيها تصبغ شعري ابيه يظل باللون الاسود منو اتعرف شنو احط معاه ؟؟
​

 

[ريحان-ومسك]

وااو حلو الموضوع

مدام انج تحطين دابر وحنه ماراح يصبغ لاتحاتين كملوو بناات بنشوف تجاربكم

 

[f6oooma]

lipstick

دري بالج تهدين دابر املا ان هديتي كل شي يخترب يعني هدي شوي شوي حطي مرة بالاسبوع بعدين كل اسبوعين مرة
يعني لا تقطعينه عن شعرج مو ليه مرة وحدة

لا شوي شوي
عشان ما ينصدم الشعر

دابر املا ما يصير تتعودين عليه بعدين تهدينه فجأة و يستحسن بعد انج ما تهدينه

 

[الجوهرة الكويتية]

تعالو شوفو هالمعلومه وقولولى منو سمع فيها من قبل!!!!!!!!!!!!!!!

وحده تقول جيبى حبوب منع الحمل...germany....علبتها بيضه وعليها كتابه ملونه..اطحنيها عدل عدل عدل..وحطيها مع الشامبو الخاص فيج وراح تدعيلى..تطول الشعر وتنبته..!!!!!!!!!!!!!!!!


انا تونى قاريتها فى احد المنتديات....واتوقع انها تقصد حبوب جنيرا....شرايكم!!!!!!!!!!!!!!!!!

ديروا بالكم ترى هالطريقة تسبب العقم لانه حبوب المانع تتغلل الى اعماق فروة الراس وتروح من خلال الدورة الدموية للجسم وتسبب العقم الدائم وفي وحده كانت تسوي انها تطحن حبوب المانع مع الزيت على شعرها وكانت تبي تحمل واما سوت تحليل قالوا لها ان فيج عقم ما تقدرين تحملين وكان السبب حبوب المااانع


اللهم اني بلغت اللهم فاشهد