شعرج طويل تعالي قوليلنا شلون طولتيه وعندي نصايح من بدويات شلون طولوه خلونا نتشاور :)

[spanish Guitar]

انا من دخلت الجامعه ماحب شي اسمه حنه وزيوت ومخليتهه على اله وانا طبيعه شعري كثييف حيييل وطويل لي نص ظهري حشييته اول مادخلت الثانويه بووووي هههههههه على ايام ما هبوواا فيه والحين الحمدالله طال ولما الحين كثييف الحمدالله بس مالي خلق اهتم فيه وبعد فتره من الاهمال والكشتااان فيه اكتشفت انه طاااااال والسبب حبوب سفن سيزن

 

[اموولة]

بعطيكم جم نصيحة انا ما استغني عنها بالبداية انا شعري طويل ولله الحمد مو من الخلطات لاااااااااا
اول شي اذا ابي استخدم اي شامبو لاااااااااااااااااااازم اخففه بالماي
وهم نصيحة ثانية لا تطالعين شعرج بالمنظرة نهااائيا وتقولين ياليت يطول بس شوي بالعربي لاتحلطمين
والقص يابنات يعطي حيوية للشعر قصي منه شوي
دااااااااابر اللي كنت استخدمه قبل الزواج طبعا الحين خلاص اذا تبين تحطينه بللي شعرج اول0 اذكره خله شعري اسوووووود بس الحين اصبغ اسود ولا احطه لان ريحته ماتساعد كلللللللش وبس انشالله تشوفون شعركم للركب

 

[زود الحلا]

مرحباااااااااااااااااااا انا وحده شعري كاااان ينضرب فيه المثل من طول ونعومه ولمعان ومن تزوجت اسم الله عليكم تقولين محترق

 

[bint ilq8]

الله يعطيج العافية صاحبة الموضوع خذاني الشوق
لي رجعه معاكم وضوعكم عجيب وانا مواصلة فحدي دايخه

 

[بنت آدم]

حنـــــــــــــــــــــــــــــــــــــــــــــــــــــــــــــــــــــــــــــــــــــــــــه

 

[Q8stylle]

الله يعطيج العافية

 

[~RouNa~]

واااو واخيرا طحت على موضوع حق شعري

انا شعري الحمدلله بسرعه يطول

بس اول كاان كثييف وحده قالت حق امي بنااتج شعرهم كثيييف شنو تحطين لهم

وبس من ذااك اليوم وانا شعري صار شعرتين !

ان شالله بجرب جم خلطه كتبتووها

بس بـ سألكم

من وين نلقىى

تونيك كوين هير \ الشامبو الاحمر \ زيت رتاج تاج الهندي ؟!!

 

[لحظة صمت!]

مشكوره اختي على الموضوع..وتاج الوحده شعرها..بصراحه انا استخدم الحنا..واستخدم (الطيب)مادري شتقولون له الظاهر مشاط..بس حييييييييل يطول الشعروريحته حلوه بس تستمرين مو تحطينه مرتين وتقولين شعري ماطال..وصدقوني اريح من الزيوت والحنا بس نقعيه في ماي دافي لمده مثلا ساعتين بعدين صبيه على شعرك ..صدقوني يعطي نعومه وطول وكثافه وكلن راح يسالك شتحطين على شعرك. واي سؤال حاضره.تمنياتي لكن بشعور صحيه وطويله ..وبالتوفيق ..

 

[منووور]

انا ارووووووووووح الحواج واشتري تقريبا 12 او 13 زيت
واخلطهم واحطهم بقرشه واستعمل الزيت بين فتره وفتره على حسب المزاج

واحس التساقط وقف شوي الحمدلله

بس ابي يطووووووووووووووول شعري



وانا وحده ملوله بسرعه تلوع جبدي ابي نتايج سريعه

 

[أم تروفه]

صدقتى لحظة صمت المشاط رررروعة مع الحنا بس المشكلة اذا تركتيها ينحت الشعر كله

متااااااااابعين



كملوا بنات خلنا نستفيد

 

["ليان"]

مرحبا بنات
انا شعري تنتف من الصبغ مارحمته وكلا اقصه ...ومااحط شي .اغسله بشامبو وبس ...........وصار موحلو وخفيف
بس قبل 8شهور اخذت بطل ماي صحه فاضي .......حطيت فيه دهن جوزالهند البنفسجي القديم اللي فيه رسمه تخل ,,,نسميه قبل الحل ....وحطيت زيت الجرجير ...وحطيت فصين ثوم على عدلهم ..........كلهم مع بعض ........واحط الخلطه مرتين بالاسبوع .......والحمدالله تعدل شعري ......واكل فيتامينات شعر ..

الشعر يبيله اهتمام وصبر ...بس

 

[قلبي ابيض]

كيشور حلو ويطول الشعر

 

[شذى2007]

مشكورات وايد استفدت

صاحبة الموضوغ اللي يوفقج وتحصلين على اللي تبين

 

[>GUCCI<]

من ويين اشتري حبوب زيت السمك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[المحيلبية]

gucci<, post: 5532430, member: 73478"]من ويين اشتري حبوب زيت السمك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من اي صيدلية او محل فيتامينات و سعرهم بسته تقريبا

 

[أم تروفه]

هلا بنات اخبار الحنة وياكم الحمدلله احس بتحسن في شعري يوم بالاسبوع احط حنة ويوم زيت دابر مع خروع مع زيت سمسم وباقى الاسبوع يوميا احط المسرع كامينو ماتو بصراحة رهيب وانشاء الله بكمل واخبركم

 

[حبنا الله عليه]

up



​

 

[LuLiTa]

اب و الله يعافيكم

 

[shmoo5 2ntha]

إحم إحم
بما إني بدويه يعني شعري طويل لي اخر ظهري
طبعا ودي أقصه بس ماما ماترضه
المهم أنا أستعمل زيت من العطار إسمه الخلطه العجيبه وصج عجييييييييب يطول ويخلي الشعر صحي وسغره مايتعدى ال3 دنانير
اللي تجربه تدعيلي

 

[هاردلك يا قلب !]

السلام عليكم انا الحمد لله شعري تحت المأخره

والسبب < اني ازيته كل 3 ايام اوما بزيت الحيه او الخلطه العجيبه او زيوت انا اخلطها مع بعض ؟

دوم اعجف شعري ما احطه هاشبااكيه الا اذا بغيت اطلع وبالعزاايم

احط حنه نهايه كل اسبوع والحنه نسويها عند الحواج يعني ناخذها ورق ونقول له اطحنهاا ونحط فيه ( حنه وشويه محلب وريحان شويه حيل بس عشاان الريحه و شعير )

لا غسلت شعري احط دووم حمام زيت وابتعد عن شي اسمه بلسم ؟ لانه دماار

احط مرات خلطاات كذا بالشهر مرتين وماكثرهاا بس لا طقت برااسي مرات

كل يوم لا بغيت امشط شعري احط كريم بلكريم الاحمر او الاخضر < وانحشوا عن برشوت لانه يحت الشعر حتتت

وانا شعري طول لان عمري ماقصيته ولا صبغته غير مره بحيااتي صبغته خصل ثلجي قبل اربع سنين ومن الحنه طلع لون الخصل نحاسي خخخخخخخخ

ومشكورااااات على النصاايح


بعدين انا بدويه وجدتي طبابه سألتها عن السمنه قالت وش سمنه على الشعر وحوم كبدي حومااه تقل البدويات قبل يالله يحصلون السمن لعيشتم دون يحطونها لشعورهم

تقول انهم يحطون بول الابل ومو اي ابل ( الخلفاات اللي توها والده ) والحنه والسدر وهذا