ششلون اطبخ الربيان ابي طريقة سهله

[اخت خالتهم]

السلام عليكم الموضوع مبين من عنوانه


ابي طريقة سهله للربيان

 

[بـ سـ كـ وتـ ة]

ما شفت هالموضوع من زمان جان رديت عليج شكلج طبختي الربيان وخلصتي

حبيبتي يعتمد شنو تحبين وهل فريش ولا مثلج؟


ربيان بالبقسماط

تبلي الربيان بليمون وخل أبيض ومسترد وثوم وملح وفلفل أسود وبابريكا وخليه أقل شي نص ساعة

صفيه من التتبيلة وتقدرين ما تقطينها تخلطينها مع بيض التغميس

الحين جدامج 3 صحون غميجة الأول فيه طحين وثوم بودرة وفلفل أسود وأحمر وملح

الثاني فيه بيض هم معاه فلفل أسود وملح وفلفل وإذا بتضيفين التتبيلة كافي

والأخير فيه بقسماط أو كورن فليكس تفتتين عادي بايدج يصير مقرمش

تغطينه أول شي بالطحين بعدين البيض وعقب البقسماط

وإذا تبينه مقرمش زيادة طحين - بيض - طحين - بيض - بقسماط

وحطيه في صينية لما تغطينهم كلهم بالبقسماط حطيها بالفريزر عشان تمسك الكوتينج

بعدين عاد تقلينه مجرد ما يتغير لونه تشيلينه بملاس وتحطينه على ورق نشاف

احنا في البيت نحب الفلفل فعقب هالخطوة أحط دقوس كرستال كامل في جدر وأسخنه بعدين أقط فيه الربيان وأغطيه وأحركه عدل

قبل التقديم بالضبط عشان ما يذبل البقسماط

وطبعا تقدمين معاه سلطة وبطاط وإذا تحبون شوربة

 

[بـ سـ كـ وتـ ة]

مربين ربيان طري

تحتاجين ثوم ومعجون طماط وشدة كزبرة مفرومة وطماط مكعبات صغار

نص قفشة لومي أسود

نص قفشة بابريكا

نص قفشة فلفل أسود

ملح حسب الذوق

ليمون

وعيش حسب عددكم


سوي عيش عادي على طريقتج وعلى ما يستوي

حمسي الثوم بالزيت لما تطلع ريحته على طول قطي عليه الربيان عشان ما يحترق

حركيهم لما يبدا يتغير لون الربيان ويصغر حجمه ضيفي المعجون لما تحسين لونه صار حلو (سوري ما عندي مقادير)

حطي الكزبرة وحمسي

ضيفي البهارات وحمسيه على نار عالية دقيقتين ثلاث

عصري عليه تقريبا نص ليمونة

المفروض الحين يكون العيش استوى

سوي فرقاعة (بصل شرايح تقلينها بزيت كميته راهية تكفي العيش)

حطي البصل المقلي ونص كمية الزيت في جدر

ضيفي طبقة من العيش

والطبقة الثانية راح تكون حمسة الربيان اللي سويتيها بعد ما تأكدتي من ملحها

وآخر شي النص الثاني من العيش وباجي زيت قلي البصل

وحطي الجدر عالحديدة على نار هادية على ما تسوين الدقوس إلا العيش تسكر

وبس عليكم بألف عافية

 

[M!SS.LOBY]

هني وعافية

 

[وردهـ"]

بسكوووووته الله يسعدك ويجزاك الجننننننة ,, وصفات ولا احلى
مشكووووورة حبيبتي احب الربيا ن وماعرف اضبطه

شكرا لصاحبة الاستفسار خلتنا نستفيد معها

 

[M!SS.LOBY]

بالعافية

 

[قلب الزعابي]

طريقه روعه وجربتها
هاتي ذبيان مجمد او فرش الكبار او الجمبو
تبليه بهارات ملعقة روب ليمون دقوس اي صوص حار شوي كتجب
ملح وفلفل اسود
خليه فالخلطه لساعه او اقل
عقب هاتي الأعواد الخشبيه ورصيهم كل ٣ حبات في عود
واشويهم بالشواية
قدميه مع عيش اي طريقه انتي تحبينها
أنا اسوي مجبوس خضار
يمي يمي

 

[M!SS.LOBY]

عوووااافي

 

[انثى]

جربي هالطريقه وبتدعيلي واسهل منها مافييييييييه
اول شي المقادير حق كيسه وحده من الربيان المثلج نوع جااااااامبو /كريمه كويك
نص شده كزبره وشبنت / بصل / فلفل بارد وحار وحده /جزر /ثوم
١) تغسلين الربيان بعدين تحطينه بالتاااوه نوع تيفال افضل
وتصبين عليه كاس ماي وتخلينه يغلي عشان يطلع الزفر ويستوي
(ملاحظه تبين تشيلين الذيل او تخلينه براحتج انا اخليه افضل يزيد طعم البحري)
٢) تكونين مقصصه طوال وضعاف ( بصل فلفل بارد جزر ) وداقه ثومه وفلفل حار صغير
٣) بعد الغلي تحطين دهن مقدار ٢ م او زيدي شوي وتحمسين البصل مع الثوم والفلفل والربيان لما يستوي البصل
٤) بعدين تضيفين مكعب ماجي مع نص م من ( فلفل اسود/ بهار كاري/ بهارسمك/ كركم/) بيالتين ماي
وتخلين البهارات تتسبك مع الربيان وتضيفين عليهم الفلفل البارد والجزر وتضيفين هم بيالتين ماي
وتغطينه والغاز تكونين مقصره عليه بي مو حيييل متوسط لما ينشف الماي واخر شي
تضيفين ثلاث ارباع الكريمه او كلها حسب رغبتكم وتخلينها بس تغلي طفي عليها
ورشي فوقها شبنت وكزبره وحوسيها وقديمها على طوول وعليكم بالف عافيه

 

[انثى]

تبينها مع الخبز او بالتوست او العيش المشخول جربتها كلها روعه

 

[@أم يوســـف@]

للرفع

 

[M!SS.LOBY]

بالعاااااااافية

 

[مهره بلا خيال]

شكراااااً لصاحبة الموضوووع أستفدنا وااااجد من أستفسارها..


ومشكوووووورين البنااااات ..لاهنتووووا

 

[M!SS.LOBY]

تسلم الاناااامل