شسويتي باغراضج بعد طلاقج ؟؟؟؟؟؟؟

[noni_q8]

السلام عليكم ورحمة الله وبركاته


بنات الموضوع باين من عنوانه انا عمري 20 و صارلي متزوجه 4 اشهر بس بالضبط وانا على وشك طلاق ولله الحمد


وانشاءالله الله يعوضني باللي احسن منه ويعوض كل عازبه ومطلقه وارمله بالزوج الصالح


بنات ياعزيزاتي اللي تطلقت شنو سوت باغراضها لمن خذتهم من بيت الزوج ؟؟؟؟

*
يليت تقولولي لانه بعضهم يقولولي قظيهم لانه اهل الزوج والعياذ بالله راعيات سحر واللي تقولي تبرعي فيهم واللي تقولي حطيهم بطشت وكتي عليهم ماي زمزم مقري وانفضيهم بالحديقه ؟؟؟؟

انتو شرايكم قولولي حبيباتي

 

[عصير ليمون]

يا بعد عمري عمرك 20 سنة وبتطلقين ليش حبيبتي هونيها تهون ما في مجال للتفاهم
لا تستعجلين الطلاق ،، الطلاق مو شي سهل ​

طبعا إنتي أدري بظروفك بس عورني قلبي عليج ،، الله يطمن قبلك ويفرج همك يا رب ​

موضوعك صعب ،، ​

عموما مثلك أنا هدومي عطيتها أمي تتصرف فيها قلت قطووووها ما أبي أشوفها جدامي ​

عموما حبيبتي لا تهتمين بأمور السحر وما سحر قطي كل شي ورا ظهرك وابدي حياة جديده ،، لا تفكرين بالماضي
حتى لا تظلين حبيسه فيه ،، انفظي عن نفسك كل شي صار ،، وطالعي المستقبل ،،
العمر جدامك والله يعينك على اللي جاي ،، إنتي بأول العمر وإن شاء الله حياتك الجايه أحلى وأحلى وأحلى
وتلاقين النصيب الزين ان شاء الله

ادري طلعت عن الموضوع بس هذي إضافه اعتبريها من اخت وأم ،،

لا تنسين بكره أحلى من النهارضه

الله المستعان​

 

[Tulips]

الله يعوضج حبيبتي

صفي النيه ان شاالله ماكو لا سحر ولا خرابيط

الملابس تبرعي فيهم احسن وقمصان النوم حرقيها او قصيهم صغار صغار

 

[softlady]

حبيبتي

توج صغيره والطلاق لج بهالعمر كاااارثه بمجمعنا عيدي النظر مليونين مرررررررررررره

اخذي فتره راااحه ونقااهه وتفكير وشاوري الكبار واهدي

واذا عزمتي حشاج اكبر جيس زباله ومع السلامه

بس قطيهم بعيد بزباله الجمعيه مثلاا

 

[noni_q8]

تسلمين حبيبتي عصير ليمون على ردج الحلو

وعن اني هونتها صدقيني اني حاولت ارردله واصلح الموضوع على العلم اني ماقتله قطني بيت اهلي ولا اني ضايقته بشي قطني بيت اهلي ومشى وقالي ماتردين الا لمن تعتذرين ومادري على شنو يبيني اعتذر و يقعد يتكلم عند الرياييل اني انا واهلي موزينين وامه اتباله علي اني طاقتها اهيا وبناتها واني ماشتغل ولا اطبخلهم ولاشي

والله الشاهد ان لمن يطلبون مني اي شي انفذه لدرجه يخلوني اراكض جدام الحريم ورا عيالهم الصغار

ماقول الا حسبي الله ونعم الوكيل وانا الحين صارلي ٥ اشهر عند اهلي ماعطاني لاملابس عشان ابدل ولا مصروف ولا هم يحزنون قطني بعباتي لمن خلصت من المستشفى وتحلطم بالسياره وقطني عند اهلي

والحمدالله اهلي ماقصرو معاي شترولي هدوم واثثو غرفتي ومو ناقصني شي واي شي ابيه الحمدالله يكون عندي
وصدقيني دقيت عليه مع ان اهوا غلطان شرط علي شروط ووافقت وقتله انته شنو راح تسويلي قالي ماراح اسويلج ولاشي انتي بس عليج تسمعين الكلام وتنظفين وتطبخين حتى طلعات ماراح يطلعني حتى يقعد معاي لا اهوا من يبطل عيونه يطلع مايرد الا الفير وينام

جني خدامه عنده وعند امه ويعطيني شهريا ٥٠ دينار وكلما اطلع وادخل انتي وين رحتي وشنو شتريتي وشنو صار معاكم وبس يفتحون عيونهم علي

والله بدون غرور اني انا جميله وبيضه وطول واخلاق والحمدالله واهما اللهم لاشماته اخت تنادي اخت بالفاظ جنها وحده من الشارع وكل شي ضيج وكله يدقرون فيني انتي موحلوه وانتي موحلوه اجكره تقطها بويهي لانه امبين عليهم غيورات والله الشاهد اني كلما انزل عندهم قلبي يدق بسرعه بدون سبب واحس اني ببجي واحس بقرصات بقلبي وويهي صار شاحب

ومن قعدت عند اهلي مشاءالله تبارك الرحمن الكل لاحظ انه ويهي نور ونفسيتي حلوه والحمدالله كل فتره والثانيه ارقي نفسي وبعد صلاة كل فير اقرا سورة البقره \\\\\^.^\\\\\\*

 

[noni_q8]

الله يعوضج حبيبتي

صفي النيه ان شاالله ماكو لا سحر ولا خرابيط

الملابس تبرعي فيهم احسن وقمصان النوم حرقيها او قصيهم صغار صغار

تسلمين حبيبتي على ردج

 

[noni_q8]

حبيبتي

توج صغيره والطلاق لج بهالعمر كاااارثه بمجمعنا عيدي النظر مليونين مرررررررررررره

اخذي فتره راااحه ونقااهه وتفكير وشاوري الكبار واهدي

واذا عزمتي حشاج اكبر جيس زباله ومع السلامه

بس قطيهم بعيد بزباله الجمعيه مثلاا

تسلمين ياقلبي وانا شاورت الكبار كلهم وماخليت احد ماشاورته وكلهم قالولي فلي منه واييج اللي احسن منه
لانه انسان من بعد العشره بان انه دياية امه وماله شخصيه ومايحترمني ولايقدرني وصراحه مامنه فايده كلش للامانه
والله يستر عليه انشاء الله
وبالنسبه للملابس والاغراض عندي شكثر شغلات مالبستهم ولا استعملتهم يدد بقراطيسهم

 

[عطر ايامي]

نوني

لا حبيبتي مدام هذا وضعك وياهم

ويمشي ويتكلم بالدواوين عنك هذا مو من شيم الرجال

استخيري ربك و الطلاق افضل

اما عن الاغراض

انا وزعت كل هدومي شئ عطيته قريبتي عطته لبنت خالها عرووس لانها كانت بالليبل

فستان العرس مكلفني كثير تبرعت فيها عند الجمعيات الخيريه


شناطي عطيتهم بنت خالتي

وباقي الاغراض تبرعت فيهم

المفارش الي شاريتهم و اغراض الحمام تركتهم ماخذيتهم

يعني كل شئ طلعته لاني كارهتته وماابي اي شئ يذكرني بذيك الفتره

صحيح ان اكثر هدومي جدد بالليبل بس عووووووووووووووووووووووووووووع كرهتهم


الصور احرقتهم حراااااااااااااااق مع شريط الفيديو


والله يععوووضني خير يارب و يرزقني من عنده


ويعوضك خير

انا تزوجت 18 و جلست معلقه تقريبا سنتين

تطلقت وعمري 20 وكان اسعد خبر خذيته بعد هم سنتين معلقه

لا متزوجه ومبسوطه ولا مطلقه ومرتاحه

 

[noni_q8]

عطر ايامي مشكوره على ردج حبيبتي

وانشاء الله الله يعوضج باللي احسن منه وينسيج هموم الدنيا ومافيها ياقلبي

ويارب تبعد عنا عين كل حاقد وحسود وتبعد عنا كل من يكن في قلبه شر وخباثه

وترزقنا بالزوج الصالح المصلي المسمي

اللهم امين

 

[la Rose]

الله يعووووضج خيييييييير

واحلى شي بالدنياااا العزوبيه

قطي الملابس ومثل ماقالت الاخت القمصان والداخليه قصيصيهم حيل وقطيهم

عشان سلامتج وتبعدين عن هالسوالف قطيهم
اهم ماعليج حياتج ولا الملابس بتشترين بدالهم

والله يوفقج​

 

[noni_q8]

تسلمين حبيبتي لا روز

تصدقون بنات انه خواتي لمن ملجو اتذكر ايامي وياه واحس انه عيوني غرقت دموع بس امسك نفسي

وانا قلت لامي خلاص ٥ اشهر عندكم معناته باعني وانا ماراح اشتري وانشاء الله على الويكند تروح تاخذهم

(((( قدر الله وماشاء فعل ))))))). لاحول ولا قوة الا بالله عسى انشاءالله حوبتي ماتعداهم ويشوفها اهوا واهله بعيونهن المبققه
على قولت اختي من باعني برخيص ابيعه بتراب

الحمدالله على كل حال

 

[Rimova]

الله يعوضج حبيبتي ويسعدج


اهم شي انج مرتاحه ومستانسه

تبرعي فيهم

 

[ام هزاع]

قول هالدعاء :



انا لله وانا اليه راجعون .. اللهم اجرني في مصيبتي واخلف لي خيرا منها



\
\

الملابس دقي على اللجنة الخيرية ياخذونهم .. وقمصان النوم .. اقرب زباله حشاج ... واهم شي


شقي هالصفحة من مخج وقطيها قبل لا تقطين الملابس


وتذكري حديث الرسول صلى الله عليه وسلم : ما اصابك لم يكن ليخطئك .... وما اخطأك لم يكن ليصبك ...



والحمدلله لان الطلاق نعمة ....


وربي يعوضج بالزوج اللي يسعدج

 

[noni_q8]

الله يعوضج حبيبتي ويسعدج


اهم شي انج مرتاحه ومستانسه

تبرعي فيهم

تسلمين حبيبتي

وانا الحمدالله مستانسه وصراحه نسيته بس احيانا اتذكر ضحكته وتغشمره احن له وابجي

حسبي الله على اللي كان السبب في طلاقي

لاحول ولا قوة الا بالله

الحمدالله

 

[noni_q8]

انا لله وانا اليه راجعون .... اللهم اجرني في مصيبني واخلف لي خيرا منها

تسلمين ام هزاع على ردج لموضوعي
والله يجزاج الف خير ويحقق لج كل اللي تتمنينه

وانشاءالله بحاول اشق هالصفحه وانسى كل شي يتعلق فيه

 

[درة أهل الطولات]

ربي يعوضج خير

اغراضج استخدميهم

 

[(حكاية قلب )]

حبيبتي مابي احط بذمتي بس شكلهم ساحرينج !!
روحي عند مطوع خيقرا عليج
وانا اقول تطلقي احسن ..دامهم راعيات سحر اعوذ بالله
وانتي توج صغيره والحمدلله ماجبتي منه ولد

الطلاق احسن لج ^^

 

[noni_q8]

انا قلت ان الاغراض اللي ماستعملتهم باخذهم وبتبرع باللي استخدمتهم

وبالنسبخ للمكياج والعطور ماراح اقطهم وبوزع بعضهم لان هم في شغلات يدد

واهما اللهم لاشماته ناس يعرفونهم شافو عندهم خره حمره يتعاملون فيها يحطونها بكلنكس ولايو يسلمون عليج يمسحونها بجتفج ولا ايدج

والله اعلم

لانه خالتي وخواتها وبناتهم الرياييل عندهم جنهم خرفان وينفذولهم اللي يبون
كافي ان ريل خالتي طاح بالمستشفى يقول قلبه بيوقف وحاس بضيق وغمته والدكاتره يقولوله مافيك شي

والله يستر عليهم انشاءالله

 

[بحر الرمال]

مدامها اغراضج و شاريتها بفلوسج شكو تخلينها او تتبرعين فيها؟ اخذيها و استخدميها عادي
حرام تقطينهم

 

[صادقة بكلمتي]

قول هالدعاء :



انا لله وانا اليه راجعون .. اللهم اجرني في مصيبتي واخلف لي خيرا منها



\
\

الملابس دقي على اللجنة الخيرية ياخذونهم .. وقمصان النوم .. اقرب زباله حشاج ... واهم شي


شقي هالصفحة من مخج وقطيها قبل لا تقطين الملابس


وتذكري حديث الرسول صلى الله عليه وسلم : ما اصابك لم يكن ليخطئك .... وما اخطأك لم يكن ليصبك ...



والحمدلله لان الطلاق نعمة ....


وربي يعوضج بالزوج اللي يسعدج

معاااااااااااااااااااااااها