شركات التغذيه منو احسن فيهم وجم نزلنى (الجزء الثانى وبالصور)

[(كويتيه عسل)]

السلام عليكم شلونكم


الصفحات وايد يبيلنا جزء3 :eh_s(9):

انا الحين مشتركه في دايت كير اشتراكي غدا وعشا لاني مااتريق

اول الايام الاكل مايشبع قمت اخربط

وبعدين بديت احاول امسك نفسي هذاك اليوم في الزواره هذاك الكيك اللي يشوق :eh_s(2):

اشتهيته بس قضبت روحي :eh_s(2): ومااكلت

الحين بديت التزم بس بالاكل اللي بالبوكس

وساعات لما ايوع آكل روب او اشرب عصير سيزر

لان الله يسلمكم حاطه في غرفتي ثلاجه صغيره قبل كلها كاكاو وخرابيط

الحين حاطه فيها عصاير ولبن وروب

قبل لا اشترك كنت العب رياضيه الحين ماالعب وماشرب ماي

ساعات يمر يوم كامل مااشرب ادري غلط

الحين صارلي يومين اشرب كوب ماي حار احط فيه جيس زنجبيل وجيس دارسين

عندي ميزان في البيت وزني نزل بس جرام :krkrkr:<<<<حلفي انجااااز

<<<<<<< حمدي ربج زين مني بعد نازله جرام لاماي ولا رياضيه وساعات ازعبر على قولت البنانيين وآكل كاكاو

باجر موعدي مع الاخصايه اول مره براجعها وبعطيها تحليل الدم الشامل هذاك اليوم خبوني الا تحليل شامل ولما سويته قالولي لما ايي موعدج تعطينه للاخصائيه الحين مانبيه


وناويه اشتري جهاز مشي اذا نزل المعاش

بنات بسألكم اذا يعتوا شنو تاكلون من برا البوكس و ملتزمين بس تاكلون من البوكس ؟؟؟؟؟

 

[law love]

انا الحمدالله ملتزمه ما اكل من بره البوكس كلشششش

حرام اقط فلوس على هالشركات و ماالتزم باكلهم

بنات سؤال الحين اللي جدد من قبل مع الشركات بعد اول شهر الشهر الثاني فيه نزول ؟؟؟

 

[(كويتيه عسل)]

law love

معاج حق حرام انا قاعده احاول آكل بس من البوكس بس ساعات ايوع مااقدر :eh_s(2):

انتي مشتركه في اي شركة وشنو نظامهم

واول مره تشتركين ولا مجربه مع شركات قبل

 

[law love]

انا مشتركه مع برايم بايتس و هاذي اول شركه اشترك فيها
اخترت الاشتراك البالنس
بدون ريوق بس غدا و و سلطه و حلو و عشا و سلطه و شوربه

الصراحه اكلهم حلو و نظيف و السلطات فرش و يوصلون الاكل مبجر الصبح


بعترف كليت قطعة كاكاو امس ضااااااايق خلقي حييييل و المصيبه ما كنت يوعانه بس لانه يايني هديه و اهوه غريب فكليته

 

[(كويتيه عسل)]

lawlove

عليج بالعافيه عالاشتراك وانشالله توصلين للوزن اللي تبينه

انتي نفسي انا اول مره اشترك والحين مشتركه في diet care

انا امس اكلت وايد كنافه يااااربي تشووووق شسوي :eh_s(2): ماقدرت اقضب روحي

كلهم قاعدين ياكلون الا انا :eh_s(2):

 

[كتكوته نورة]

أهلين بنات


أنا حاليا مع شركة هيلث كومباني نظام ١١٠٠ سعره حراريه

 

[فجوره]

أنا مشتركه برجيم سنتر للي بمغاتير وصارلي شهر معاهم يومين وأكمل شهر
والحمدالله نازله 10 كيلو للحين اذكروا ربكم بنات وقولوا مشاءالله ترى وزني
بالبدايه نزل سريع وألحين بالغصب قاعده أنزل نص كيلووو بس الدكتوره جذي قالت
لانه أنا رحت لها وزني 99 ونص واذا وزنج قل راح يقل عدد النزول بالتدريج واهم قايلين
نضمن النزول من 7 لي 11 كيلو بالشهر يعني هالشهر نزلت 10 الشهر الجاي 7 أو أقل ما يندرى
على حسب كلامها وأنا ارتحت عليه وأكلهم حلو ونظيف بس بوقف أسبوعين
لانه بكسر الرجيم بنظام التمر واللبن وأرد لهم مره ثانيه باذن الله
وعدد السعرات الحراريه 1000 وأمشي باليوم ما بين 30-45 دقيقه على حسب​

والله يثبتني ياااارب وأنزل بعد يبيلي 30 كيلو لانه بديت أمل والله ​

​

 

[فجوره]

حاطين لي ١٢٠٠ سعره

صاجه بحط فلفل بروحي
انا الشوربه لازم ازيدها كمون و فلفل اسود

العشا

شاورما دجاج لذيذه

تبوله احس ما فيها نقطة زيت بس فرشششش انا ازيدها ليمون

شوربة عدس على الطريقه الهنديه شوربتي اليوميه

الحلو الحلو

حبيبتي انتي أي شركه ؟؟ وكم كالوري ؟؟ وشلون نظامهم
ونزلتي ولا لا








​

 

[أم راشد المطيري]

مشاءالله عليج فجوره شجعتيني اشترك وياهم

انا الحين مشتركه مع فريش دايت والحمد الله مرتاحه وياهم واكلهم حلو ونازله بس مو وايد الله يقدرني واكمل وانزل الوزن المثالي

انا ودي اغير الشركه من باب التغير ومحتاره بين برايم بايتس ورجيم سنتر

عنيد و لاو لووف فيدونا بتجربتهم جم كيلو نزلتي

 

[law love]

انا مع شركة برايم بايتس
بالبدايه كنت 1200 كالوري وراجعتهم بعد اقل من اسبوعين بكم يوم كنت نازله كيلوين
و الحين عطوني 1000 كالوري وجبة العشا صارت نص الكميه

بالنسبه للشركه انصح فيها كاكل و اهتمام و معامله من الاخصائيه لكن النزول يفرق من وحده ليه وحده عيب الشركه المنيو احسه شوي محدود و في وجبات لذيذه لكن للاسف ما تتكرر و في وجبات وايد تتكرر يمكن لانها شركه يديده فالمنيو للحين محدود
اكثر شي احبه فيهم الالتزام بالملاحظات اللي اقولها ماكو اغلاط كلش
و السلطات فررش مع اني ما احبها بس اتغصبها

ملاحظه انا وزني زايد لكن مو حيييييل لا شي بسيط فنزولي مو سهل نفس اللي وزنها كبير

 

[أم راشد المطيري]

لاو لووف شجعتيني اشترك

بس بريح شهر وبكمل عشان ما امل من الاكل

وبهالفتره بخفف اكل

 

[أم راشد المطيري]

عنيد وينج

ابي اسمع رايج عن شركه برايم بايتس

 

[دبدوبه عوبه]

السلام عليكم بنوتات

انا اسووووووء تجربه لي كانت مع هيلث كومباني كرهت كل الشركات سببهم

ودي بشركه سنعه بس لما تذكرهم اغير رايي وما اشترك مع احد الله يعين

وعسى ربي يوفقكم وينولكم الي تتمنونه يارب واشوفكم احلى رشيقات

 

[شربـــات لـــوز]

احلالالالالالالالا موضوووووووووووووع
انا ان شاءالله بشترك بدايت كير وايد يمدحونه

 

[Pretty Amoola]

بنات ايش رايكم نسوي تجمع ثاني ونسجل بياناتنا وكل اسبوع نوزن

ونشوف اشكثر نضعف ؟ وطبعا أكثر وحدة تخسر وزن تصير رشيقة

الأسبوع .

وياليت لو نحط يومياتنا بانتظام مع ذكر الرياضة اللي نسويها .

ها ، من موافقتني ؟؟؟؟

ترفع ايدها .​

 

[رويال ديزاين]

بنات اشلونكم مبروك التجمع الثاني

عندي استفسار

بالنسبه للاشتراكم

انتو تروحون لشركة التغذيه و اهناك تقابلون خبيرة التغذيه و لا شلون ؟

واي شركه اللي فيها جزره

امي لازم تنزل عشرين كيلو و اهي فيها سكر و اختي تبي عشره كيلو

نبي شركه زينه و الله يعينا على هالوزن

 

[شذى الدعوه]

أنا مشتركه برجيم سنتر للي بمغاتير وصارلي شهر معاهم يومين وأكمل شهر

والحمدالله نازله 10 كيلو للحين اذكروا ربكم بنات وقولوا مشاءالله ترى وزني
بالبدايه نزل سريع وألحين بالغصب قاعده أنزل نص كيلووو بس الدكتوره جذي قالت
لانه أنا رحت لها وزني 99 ونص واذا وزنج قل راح يقل عدد النزول بالتدريج واهم قايلين
نضمن النزول من 7 لي 11 كيلو بالشهر يعني هالشهر نزلت 10 الشهر الجاي 7 أو أقل ما يندرى
على حسب كلامها وأنا ارتحت عليه وأكلهم حلو ونظيف بس بوقف أسبوعين
لانه بكسر الرجيم بنظام التمر واللبن وأرد لهم مره ثانيه باذن الله
وعدد السعرات الحراريه 1000 وأمشي باليوم ما بين 30-45 دقيقه على حسب​

والله يثبتني ياااارب وأنزل بعد يبيلي 30 كيلو لانه بديت أمل والله ​

​

ماشاء الله
معقوله بشهر 10 كيلو أتوقع الا أكيد لأنج تمشين
والا بروحه ماأتوقع تنزلين
طيب ممكن جم اشتراكهم بالشهر ونظيف
أنا مشيت دايت عادى مع دكتور ونزلت 10 كيلو بشهرين ونص
بس كنت امشى ساعه الا ربع

 

[law love]

باقي ٥ ايام و يخلص اشتراكي في برايم بايتس

ما ادري اجدد او لا ابي اضعف بس اخاف اذا جددت امل من الاكل او وزني يثبت

ودي اغير الشركه بس دايت كير غالي و الباجي مو واثقه فيهم


وين البنات اللي مشتركين بالشركات ما اشوف احد يتكلم عن اشتراكه

 

[law love]

رويال ديزاين اي نارجع اخصائيه بالشركه تعطينا نصايح و تقيس الوزن كل فتره و نختار معاها الاكل


بنات ملاحظه كل ماكان الوزن اكبر كل ما كان النزول اكثر فلا تستغربون ناس تنزل وايد و ناس شويه كل وحدها و طبيعة جسمها و الرياضه اللي تسويها

 

[أإأم روويم]

أإأب أإأب