شركات التغذيه منو احسن فيهم وجم نزلنى (الجزء الثانى وبالصور)

[سحرني حلاها]

انا اشتركت بدينا ولينا دايت سنتر واليوم اول يوم وتمام الامور بس فيه كذا شغله صارت وبنزل بوضوع منفصل بعد اول اسبوع بشوف النزول شكثر والحمدلله انا ملتزمه

 

[أم راشد المطيري]

لاو لووووف نفس نظام فريش دايت الغدا طبق رئيسي وسلطه وسناك والعشا طبق رئيسي وسلطه وشوربه والسعر139بدون مراجعه والصراحه مرتاحه وياهم والاكل حلو

يمكن الشهر الجاي اشترك وياهم بس بالاول بشوف تجربتج وتجربه عنيد

 

[q8**girl]

محتاره بين دينا ولينا وبين الشركه اليديدده .. خايفه اجازف باليديده وما اضعف واتحسف :/

 

[سحرني حلاها]

محتاره بين دينا ولينا وبين الشركه اليديدده .. خايفه اجازف باليديده وما اضعف واتحسف :/

استخيري والله يوفقج

 

[(كويتيه عسل)]

يوم اليمعه طلبت عشا من مطعم light option

اهوا مطعم يبيع وجبات صحيه

طلبت من ابلكيش طلبات اللي في ايفون

عصايرهم اتهبل عندهم خلطات عصاير فريش عجيبه

طلبت عصير خلطة رمان وعنب احمر وتوت

وطلبت باسته صج صغيره العلبه مربعه بس بسرعه تشبع

وطلبت اللي يكون خس محشي بتونا وطماط وجبن بدال التوست والخبز

باجر بتصل وبسألهم اذا عندهم اشتراك عاجبتني عصايرهم انا احب العصاير الفريش

 

[law love]

راح ابدي انزل صوور بنهاية اليوم طليت بالبوكس الغدا ما يبشر بخير

ما احب الصلصات البيضاااااا

 

[عطاء أنثى]

اتوقع انكم تقدرون تسوون نفسهم
يعني الاكل بالمعقول

 

[أم راشد المطيري]

لاو لوووووف الاكل اتتي اللي تختارينه واختاري اللي يعجبج

 

[أم راشد المطيري]

بنات وين اللي مشاركين بالوجبات

بشروا جم نزلتوا

 

[law love]

هلا ام راشد برد عليكم هني عشان الكل يستفيد

اول شي هذا بوكس الشركه و مثل ما قلت انا مشتركه بدون ريوق
قلت لهم ابي البوكس الساعه ١ بس قاعد يوصلني مبچر قبل الدوام ٧ تقريبا واصل

 

[law love]

اول يوم يابولي حق الغدا سمك بصلصة الزبده و الليمون طبعا كلش ما حبيته مو حلووووو ولا صورته من الاحباط

و كانت السلطه عباره عن ورق عنب اشوه عوظ الوجبه الرئيسيه و كان حلوووو راح اعتمده

 

[law love]

الحلو عباره عن قطعتين ككاو اهوه في انواع للحلو بس انا ما احب الا الككاو

 

[law love]

و هذا عشا اول يوم فش فنجر مو وااو زين اهنيه اكتشفت انه سمكهم مو وايد حلو عادي

مو زفر ولا فيه شي يلوع الجبد بس مو لذيذ

و معاه شوربة عدس طبعا كل يةم العشا فيه شوربه و انا مختاره كل يوم عدس احب احط عليخا كمون ة فلفل اسود شوربتهم حلوه

وسلطه نسيت اصورها

وهذا المنيو

باختصار اول يوم كان شوي محبط

 

[law love]

ثاني يوم الوضع كان افظل بوايد

الغدا سمك تندوري و هيش زعفران حلو خاصه الصلصه
سلطة مشروم و رمان و خس فرشششششش
الحلو كيكة كاكاو حلوه
العشا شاورما دجاج لذيذه
و في تبوله و شوربه نفس مالت اول يوم

 

[law love]

ثالث يوم الغدا دجاج مشوي مع خضار مشويه حلو عجبني مع نص خبزه و تبوله

الحلو قطعتين ككاو داخلهم كراميل

العشا نسيت اصوره عباره عن بطاطتين مشويتين صغار داخلهم ذره و شمندر حلو مو واو اهوه يصير فيهم جبن بس انا ما احبه فمو حاطينه و طبعا مع سلطه كانت فتوش و شوربة العدس اليوميه

 

[عنيّد]

مساء الخير

باك من بعد الانقطاع لظروف السفر


وصلوني سؤالين ع الخاص .... وعشان الكل يستفيد بنسخ ردودي عليهم

السؤال الأول

السلام عليكم
شلونج عساج بخير
بسئلج شلونج مع برايم بايتس وشلون اكلهم وضعفتي وياهم ولا لا

وعليكم السلام
كلها يومين واكمل اسبوعين ، الحمدلله اكلهم عاجبني
اما الميزان فللحين ماوزنت
الاحظ عليج وايد تسئلين ع الميزان والنزول ، لا تزعلين ولكن ببساطه اقولج لا تقصين على نفسج
الجسم مو واحد والالتزام مو واحد والرياضه مو وحده وشرب الماي مو واحد بين كل البشر
انا اقدر اعطيج رايي بالاكل ، ولكن النزول هذا الشي غسلي ايدج منه انه يكون ثقه
هذي نصيحتي من خلال تجاربي مع الوجبات ..... وحتى كلام البنات عن شركة دايت كير يقولون انها غالبا تثبت الوزن .... لاحظي غالبا ولكن مو دايما ، لاني اعرف بعد ناس ضعفوا عليها
ماكو شي اسمه شركه تضعف وشركه لا
كله واقف عليج انتي وبس

التزمي بالاكل ..... التزمي بتقسيم الوجبات باليوم ..... التزمي بشرب الماي ...... التزمي بالرياضه ..... شيلي من بالج انج تنزلين الف كيلو بشهر ..... شيلي من بالج رعب ثبات الوزن ببعض المرات ...... وباذن الله بتحصلين النتيجة الي تسرج


السؤال الثاني

المشاركة الأصلية كتبت بواسطة ######
السلام عليكم

قريت ردودج بموضوع الشركات و انا معاج البنات يصعدون الشركه فوق لي درجه انه الشركات اصدقون عمرهم

المهم

انا مشتركه فبرايم بايتس و اليوم اول يوم و متوهقه ماني عارفه شلون انقي يا ريت اتحطين صور الاطباق الرئيسيه بلييييز

او اذا ما تقدرين شنو الاطباق اللي يصير عليهم صلصات بيضا و بنيه يعني صلصه غير الطماط لاني ما احبهم و اليوم يابوولي السمج عليه هالصلصه البيضا تحبطت

اذا تقدرين تذكرين اسمائهم

و شنو احلى الاطباق الرئيسيه

مشكوره

وعليكم السلام
للاسف ماني حافظه الاطباق ، والغدا انا دايما عيش
بس احسن طريقه انصحج فيها وهذا الي سويته مع اخصائيتي ...... قلتلها انا ماعرف اختار من الاسامي وابي اختار معاج ، فصارت هي تقرا لي الاكلات واذا اكو شغلات ابي اعرفها اسالها وتقولي المكونات بالضبط
هذا احسن شي عشان تضمنين اكلج يوصلج بالشكل الي يعجبج
الحمدلله انا كلها يومين واكمل اسبوعين معاهم ومرتاحه

 

[q8**girl]

صباح الخييير ..

اشتركت بدينا ولينا اليوم بكمل رابع يوم ليلحين الكل حلو احلى من لوفات وكالوري كنترول بواااااايد مو وااو بس حلو احلا منهم وليلحين تمام الوضع عاد يارب اكون نزولي حلو اكمل لي اخر الشهر كل شي تمام ما اطنقر بنص لوووووووووول

 

[law love]

والله الامور ماشيه تمام مع برايم بايتس الاكل حلو و يشبع بس الحلو نتتتتفه

حطيت جم صوره و ان شاء الله اكمل

الصور كبار ولا عادي ؟

جم سعره انتو بنات ؟

 

[عنيّد]

q8**girl ،، الله يتمم عليج ، ولولا الاذواق لبارت السلع ^ـ^


law love ،، تمام الحمدلله ، انا حطتلي 1000 سعره ، لأني بالشركه الي طافت كنت 1200 وبآخر اسبوعين 1000 ، فقالتلي نكمل ع الالف ..... قلتلها لأ بجرب اذا شفت كمية الاكل شوية راح ارجعهم 1200 ، ولكن الحمدلله كمية الاكل زينه بالنسبه لي

 

[شذى الدعوه]

يعطيكم العافيه جميعا
انا قريت لكم بس منو الافضل ودى اجرب اشترك مع انى سمعت ماينزلون بالوزن يدوبك شهر نص كيلووو


منو افضل شى بالشركات