شركات التغذيه منو احسن فيهم وجم نزلنى (الجزء الثانى وبالصور)

[عنيّد]

ام راشد ،، الي بتسوونه مو مقياس

انا ورفيجتي دخلنا هيلث كومباني ، هي نزلت 5 وانا 3
وانا واختي دخلنا لوفات ، انا نزلت 6 وهي 3

كلش ماله شغل !

الجسم والعمر والطول والوزن مو واحد ، وكل هالاشيا تأثر

 

[مـوني آلحلووة]

قوة بغيت استفسر شنو احسن شركة
وبجم ياخذوون؟

 

[Pretty Amoola]

بنات بليز ممكن كل وحدة تقول كم ضعفت من أول ما اشتركت مع ​

شركات التغذية ؟؟؟ ​

وكم استمرت مشتركة معاهم؟؟؟​

أتمنى ما اطنشون لي :eh_s(8):​

:rgewrg:

 

[أم راشد المطيري]

بريتي انا مشواري بيبدي مع اول شركه الاسبوع الجاي

اسمها فريش دايت واختي بتبلش مع رجيم سنتر

لازم تجربين ودقي على كل الشركات وقارني بالنسبه للاسعار وانا بديت باقل شركه139اشتراكي بالشهر واختي مع رجيم سنتر158 هذيل اقل شركتين وبعدعا دايت كير وبعدها دايت سيتي

 

[Ms.LoL]

وشوف التشكيل بسلطاتهم ، سلطاتكم كلها خس !! ترى انا الوحيد الي ماحبه هو الطماط ، لكن معقوله ماكو غير الخس والخيار من الخضار ؟؟؟ ​

عاد بالعكس ..
الحسنة الوحيدة إنه سلطاتهم منوعه .. صج فيها خس .. لكن نوعين خس ..
وفيها فجل .. بربير .. طماط .. تيركي .. جبن .. شمندر ..
عيل لو مجربة ملوت ديناز اند ليناز .. خس و تطلع لج مفاجأة آخر الصحن نص طماطة ..
مو معناته إني أذم ديناز وليناز .. بالعكس يازين أيامهم ..
بس ميزة هيلث كومباني عنهم .. إنه كمية السلطة ممتازة وصلصاتهم وراهيه و لذيذة تحلي السلطة ..

أما الغلطااات ..
استهباال ..
عيل أنا أقوله مابي نشويات .. وأبي كل الخيارات خضار ..
تدرين شنو حطلي :
يوم عيش ..يوم باستا .. يوم كشري(عيش وباستا يعني!)
لما دقيت .. قالي لا أنا اخترتلج أقل واحد فيه سعرااات من ضمن الخيارات ..
ومليت كل شوي داقه . . لين رحت بنفسي و غيرت المنيو ..
وأذكر خليت السكرتيرة تطلع لي شنو كان في خيارات غير اللي كان حاطلي إياهم ..
وطلع مختاري أدسم شي .. لدرجة السكرتيرة قالت لي إنتي مختارة زيادة وزن صح ؟
وأنا كل زيارة أقوله أبي أقل شي .. يحطلي 7 قطع كوسا !!! أنا من غير رجيم ما آكل 3 !
وكله أقوله الأكل راهي أقسمه على الغدا والعشا ..

أما حركة إنه يحطون شي ما أحبه ..
والله زين شرح لج .. أنا كان يستهبل علي كل مره ..
أثاري بس خيارين !
وأحسن شي تكلمون السكرتيرة .. وهي تعدل ..
أقصد السكرتيرة هيفاء .. مو المتحبجة اللي تلبس نظارة ..
عيل هو يقولي : كيف الأكل .. ولما أقوله في غلط يطنشني ويقولي اخذي وزنج ..

صح هو محترم ما قلنا شي ..
ولو إني أحس إني مو مرتاحة و أنا أكلمه .. وما أحسه أخصائي تغذية .. مصمم أزياء ..
خاصة إنه ما يعطي أي معلومات علمية .. ولا يشرح شي ..
حتى نصايح متى آكل آخر وجبة .. وأشرب ماي وايد .. وأبعد عن المنبهات .. ما قالهم ..
وشغله سريع سريع .. أقعد عنده 5 دقايق بالكثير 7 دقايق !
حتى بأول يوم مقابلة .. قعد يقول وزنج مثالي ليش ياية ..
ولا طل لو في دهون ! قلت له عندي فات زيادة ..
لي الحين أتذكر شعوري لما قالي الدهون بمنطقة "الخصر" تمام ..
قلت توبة أروح لأخصائي ريال .. حده إحراج ..
خاصة إنه ما ياخذون قياسات بالسانتي !
و إذا تبين تشوفين الفات و الماي و العضل تدفعين 10 دنانير !

مالي خلق أتذكر .. معنه عندي ملاحظات أكثر ..
أصلا كنت أتجنب أدخل أحش فيه ..
بس لما شفتج كاتبة بطيتهاااا .. p;

 

[عنيّد]

عاد بالعكس ..
الحسنة الوحيدة إنه سلطاتهم منوعه .. صج فيها خس .. لكن نوعين خس ..
وفيها فجل .. بربير .. طماط .. تيركي .. جبن .. شمندر ..
عيل لو مجربة ملوت ديناز اند ليناز .. خس و تطلع لج مفاجأة آخر الصحن نص طماطة ..
مو معناته إني أذم ديناز وليناز .. بالعكس يازين أيامهم ..
بس ميزة هيلث كومباني عنهم .. إنه كمية السلطة ممتازة وصلصاتهم وراهيه و لذيذة تحلي السلطة ..

أما الغلطااات ..
استهباال ..
عيل أنا أقوله مابي نشويات .. وأبي كل الخيارات خضار ..
تدرين شنو حطلي :
يوم عيش ..يوم باستا .. يوم كشري(عيش وباستا يعني!)
لما دقيت .. قالي لا أنا اخترتلج أقل واحد فيه سعرااات من ضمن الخيارات ..
ومليت كل شوي داقه . . لين رحت بنفسي و غيرت المنيو ..
وأذكر خليت السكرتيرة تطلع لي شنو كان في خيارات غير اللي كان حاطلي إياهم ..
وطلع مختاري أدسم شي .. لدرجة السكرتيرة قالت لي إنتي مختارة زيادة وزن صح ؟
وأنا كل زيارة أقوله أبي أقل شي .. يحطلي 7 قطع كوسا !!! أنا من غير رجيم ما آكل 3 !
وكله أقوله الأكل راهي أقسمه على الغدا والعشا ..

أما حركة إنه يحطون شي ما أحبه ..
والله زين شرح لج .. أنا كان يستهبل علي كل مره ..
أثاري بس خيارين !
وأحسن شي تكلمون السكرتيرة .. وهي تعدل ..
أقصد السكرتيرة هيفاء .. مو المتحبجة اللي تلبس نظارة ..
عيل هو يقولي : كيف الأكل .. ولما أقوله في غلط يطنشني ويقولي اخذي وزنج ..

صح هو محترم ما قلنا شي ..
ولو إني أحس إني مو مرتاحة و أنا أكلمه .. وما أحسه أخصائي تغذية .. مصمم أزياء ..
خاصة إنه ما يعطي أي معلومات علمية .. ولا يشرح شي ..
حتى نصايح متى آكل آخر وجبة .. وأشرب ماي وايد .. وأبعد عن المنبهات .. ما قالهم ..
وشغله سريع سريع .. أقعد عنده 5 دقايق بالكثير 7 دقايق !
حتى بأول يوم مقابلة .. قعد يقول وزنج مثالي ليش ياية ..
ولا طل لو في دهون ! قلت له عندي فات زيادة ..
لي الحين أتذكر شعوري لما قالي الدهون بمنطقة "الخصر" تمام ..
قلت توبة أروح لأخصائي ريال .. حده إحراج ..
خاصة إنه ما ياخذون قياسات بالسانتي !
و إذا تبين تشوفين الفات و الماي و العضل تدفعين 10 دنانير !

مالي خلق أتذكر .. معنه عندي ملاحظات أكثر ..
أصلا كنت أتجنب أدخل أحش فيه ..
بس لما شفتج كاتبة بطيتهاااا .. p;

تكفين وين التنوع بالسلطات !
القهرررر اني من الاحباط ماشتهي اصور ...... بس امس صورت عشان يكون عندي مثال ، وبصور بهالثلاث ايام الي باقيتلي

شوفي سلطات امس

هذي وحده بالحلوم

ماشي اوكي اكو حلوم ، بس وين السلطه ؟؟؟؟؟؟؟؟؟؟؟؟ نوع واحد ، وعن الحلال والحرام حاذفين نتفة فلفل رومي



وهذي الثانيه ، وشكرا ع الدياي ، بس السلطه وينها ؟؟؟؟ معنى كلمة سلطه شنو ؟؟؟؟

ترى انا الشي الوحيد الي ماحبه بالسلطه هو الطماط ....... بس الطماط !

اما الدكتور ، فصدقتي يلوق عليه مصمم ازياء هع ، بس هذا بالطقاق مو مهم عندي اذا فاهم ، وانا للحين ماشفت شي زود

بس الأكل ! ...... للحين أقول ماكو على سناك السويت عندهم ...... بس باجي الاشياء عاديه وماينقال لها واااو ، يعني بعض الاكلات حلوه ، وبعضها مقبول وبعضها الله يزيد النعمه تصك على اكل المستشفيات

 

[عنيّد]

واكو بعد شغله بهيلث كومباني عجيبه >>> السناك الأول عباره عن حبة فاكهه ...... يعني هالسناك عاااادة وقته يكون بالدوام
اشحلاتي وانا ماسكه تفاحه والا موزه وقاعده اقرم فيهم بالدوام !
ولحد يقولي قصصيهم بالبيت ، لانه التفاح والموز بسرعه يتأكسد على ماتيي حزة السناك

باشتراكي الاول معاهم كانت توصلني سلطة فواكه ، ولما سألت الدكتور عنها قالي اي هذا بالاشتراك الاغلى ابو 220 !! انا كنت مشتركه معاهم فيه لانه مسوين عليه عرض بسعر الاشتراك العادي


اما بعض الشركات الثانيه فيحطون سلطة فواكه بالاشتراك العادي


وطبعا سالفة جهاز الدهون والماي بو 10 دنانير ، هذي زيادة بيزات بطريقه محترمه
مثلا شركة كالوري كنترول بكل مراجعه توقفين على هالجهاز ويشوفون الدهون والماي والوزن كله مع بعض وبدون ماتدفعين زياده ، وفوق هذا سعرهم ارخص ب11 دينار من هيلث كومباني



انشالله هيلث كومباني يستوعبون ان زادت الشركات المنافسه بالسوق ، فيحتاجون انهم اذا كانو اوكي فيكونون سوبر اوكي

 

[عنيّد]

حتى ريوقهم ماخلى من نفس نوع الخضرا >ـــ<

باليوم الواحد نفــــــس صنــف الخضرا ، بالسلطتين وصمونة الريوق


لا تعليق !

 

[متجر جنات عدن]

للررررررررررفع

 

[أم راشد المطيري]

بنات ابشركم اختي اشتركت برجيم سنتر

الفال لي

 

[أم راشد المطيري]

عنيد بشري اشتركتي بالشركه الجديده ولا بعد

 

[nado0o77]

اببببببببببببب

 

[أم راشد المطيري]

عنيد وينج


اشتركتي ولا بعد

 

[nonaalj]

بنآت شنو آحسن شركة دآيت كير ولآ سنتر ولآ لوفآت ؟؟

 

[عنيّد]

انشالله يوم الاثنين

 

[أم راشد المطيري]

عنيد عاد سوي يوميات اج خاصه لانه شركه جديده

 

[عنيّد]

لا والله يام راشد ، الشركات مو كفو الواحد يسوي لهم دعايات
لانها بتقوي شوكتها

وارجع واقول ماااهم كفووووو ، ادفع هالفلوس وانا حاجتي عندهم ولكن ماشوفهم يستاهلون هالمبلغ
شركه يديده ماعندها فرق بالاسعار عن الشركات القديمه !

والشركات القديمه نست شي اسمه عروض

يولون

خليهم اهمه يكلفون على نفسهم ويخسرون ويسوون دعايات من هالفلوس الي قاعدين ينهبونها

 

[أم راشد المطيري]

عنيد شكلج محتره من هالشركات

زين عنيد جربي هالشركه ومره ثانيه لا تجربين شركات ﻻجيم

خل يولون صج اسعارهم غاليه

 

[Day Dreamer]

صاجة عنيد زين تسوين
خل ينقون هالفلوس اللي يمعوها منا و يحطون دعايات
انا بشترك بو وجبة وحدة و ماراح اقول اسم الشركة ولا بمدحها حق احد ماهموني انشهروا ولا قعدوا

 

[أم راشد المطيري]

عنيد بشري شلون اكلهم

انا اليوم اول يوم لي مع فريش دايت