شركات التغذيه منو احسن فيهم وجم نزلنى (الجزء الثانى وبالصور)

[عنيّد]

شذى الدعوه ،، الله يهداج الحين صارلنا 290 صفحه نتكلم ، وهذا الجزء الثاني من الموضوع
وتقولين قاريه كلامنا ، وآخرتها تقولين "سمعت" ينزلون بالشهر نص كيلو !


الصلاة ع النبي ابرك )))))))


الي سمعتيه كلام فاضي ، والنزول مع الشركات من 3 الى 6 كيلوات بالشهر ، يعتمد على الجسم والوزن والرياضه

 

[law love]

انا احس اكل برايم بايتس وايد
ما ادري شلون بضعف

بنات متظايقين من حجم الصور ولا عادي اكمل
لاني ازلهم من الايباد

 

[عنيّد]

law love ،، الصور حجمها زين ^ـ^

 

[law love]

غدا اليوم عباره عن سباغتي و صلصة طماط طبعا انا قايله لهم اي صوص ابي يكون على جنب لا تحطونه فوق الاكل
لانه اول يوم الصلصه اللي على السمج خلتني ما اقرب صوب الغدا كلش مو حلوه

حبيت فيهم الدقه

 

[Day Dreamer]

بنات اللي تشترك بأي شركة لازم تحرص على اكل السلطة
سواء عاجبتج ولا مو عاجبتج اكلي السلطة بالغدا و العشا
السلطة كلها الياف تمشي البطن و تساعد على نزول الوزن
من تجربه الايام اللي التزم فيها بالسلطة يمشي بطني و اكون بهالاسبوع نازله
لو اهمل السلطة ما انزل مع ان المفروض الكالوري اقل
بس الالياف صج تنزل
فصار بالنسبة لي شي اساسي اكل السلطة و عادي حتى لو مو عاجبتني المهم اكلها
و الماااااي مهم مهم مهم
اللي تقول انسى و لا ما اعرف اشرب ماي مايصييييير
لازم تشربون ماي وايد
عالاقل 2 ليتر باليوم

 

[law love]

انا قاعد ه احاول اكل السلطه ولا اطوفها مع اني كلش ما احب السلطات

و الماي كثر ما اقدر احاول اشرب

 

[law love]

عشاي باحد الايام اللي طافت

بيتزا خضار

الحلو اللي اكله ولا احس اني كليت

الغدا عباره عن سمك و ربيان مشوي و نص خبزه

 

[law love]

اكلي من الايام اللي طافت شركة برايم بايتس

الغدا مربين

الحلو كورن فلكس

العشا عيش كمون و مرق بطاط المرق مو واو عادي احس يبيله فلفل بقولهم بعض الاكلات يخلونها سبايسي

 

[law love]

البوكس كامل من برايم بايتس

الغدا برياني ربيان و فتوش

الحلو سويس رول

العشا كروكيت البطاط و سلطه شرقيه و شوردة عدس

 

[روشا الفرفوشة]

الف مبروووووووووووووك

 

[عنيّد]

law love ،، عليج بالعافيه
ترى بعض الاضافات مسموح فيها بالبيت
يعني السبايسي ليش تنطرين يحطونه لج ويمكن يعجبج او لا !
انا دايما الفلفل بالبيت بأغلب وجباتي ، اظمن للمقدار الي ابيه


أما الماي فأحسن طريقه ان تحطين بطول الماي يمج عشان تنتبهين لهم دايم وماتقولين نسيت
ويكون الماي فاتر لأنه الماي البارد ماتقدرين تشربينه كله

وأسهل طريقه بشرب الماي هي قلاصين ماي فاتر قبل كل وجبه ، يعني ٢ في ٥ وجبات = ١٠ باليوم



جم سعره حراريه حاطيلج ؟

 

[شذى الدعوه]

شذى الدعوه ،، الله يهداج الحين صارلنا 290 صفحه نتكلم ، وهذا الجزء الثاني من الموضوع
وتقولين قاريه كلامنا ، وآخرتها تقولين "سمعت" ينزلون بالشهر نص كيلو !


الصلاة ع النبي ابرك )))))))


الي سمعتيه كلام فاضي ، والنزول مع الشركات من 3 الى 6 كيلوات بالشهر ، يعتمد على الجسم والوزن والرياضه

هههههههههههههههههههه فديتج:krkrkr:
موقصدى أبى الصافى:eh_s(4): يعنى أكيد بيطلع معاكم شركه وحده
طيب انتى مو الاحسن عندج

 

[law love]

حاطين لي ١٢٠٠ سعره

صاجه بحط فلفل بروحي
انا الشوربه لازم ازيدها كمون و فلفل اسود

العشا

شاورما دجاج لذيذه

تبوله احس ما فيها نقطة زيت بس فرشششش انا ازيدها ليمون

شوربة عدس على الطريقه الهنديه شوربتي اليوميه

الحلو الحلو

 

[راح حبيبي]

أنا جربت دايت سنتر أكلهم روعه وراهي وحلو وما شفت منهم شئ بس انا خربطت حيل

الحين ناويه على كالوري كنترول وحبوب ماغريم دايت لأني جربت هالحبوب قبل جم شهر بدون رجيم بدون شئ النزول كان روعه


حسبت فلوسي الي أقطها على المطاعم والوجبات السريعة طلعت ادفع 150 دينار ادفعهم لصحتي وايد أحسن


الي يأكلون بره وايد خل يحسبونها جذي أحسن والله

 

[أم راشد المطيري]

السلام عليكم

شلونكم بنات

بشروا نزلتوا ولا بعد

وشنو نوع الرياضه اللي تلعبونها

 

[law love]

انا للحين ما وزنت صارلي اسبوع و جم يوم مع برايم بايتس

الصراحه ماكو رياضه

انط حبل شويه مو وايد ودييييي اسوي رياضه بس ما اقدر امشي بروحي

 

[katalee]

مرحبا بنات
امي كبيرة في السن ومتينة وتعبانه الله يشافيها
شتنصحوني اي شركة اسجلها مع الرقم جزاكم الله خير
اختي تقول دايت سنتر شرايكن فيه؟

 

[راح حبيبي]

أنا مجريه دايت سنتر عجبني وايد والحين بجرب كالوري كنترول بس لازم تحليل وما عندي وقت

 

[عنيّد]

مرحبا بنات
امي كبيرة في السن ومتينة وتعبانه الله يشافيها
شتنصحوني اي شركة اسجلها مع الرقم جزاكم الله خير
اختي تقول دايت سنتر شرايكن فيه؟

سويلها تحاليل ووديها برايم بايتس ، لأنه للحين مواعيدهم سهل تحصلينها وماعليهم دوس ويشتغلون على راحتهم

أخصائىتي ريم ، خوش وحده
واكلهم تمام ، لكن حطي ببالج امج مره كبيره وخبرج اكل بره مايعجبهم غالبا ، فيعني مبدئيا لو تشركينها اسبوعين بس

 

[law love]

مره كبيره اكيد تحب الاكل الكويتي التقليدي انا اقول افتري عليهم و اخذي المنيو و اكثر شركه فيها اكل يعجبها اعتمدوها

الحمدالله باسبوعين الا يومين نزلت تقريبا كيلوين

و قللنا السعرات الى 1000 كانو 1200

مو قاعده اخربط كلشششش