شركات التغذيه منو احسن فيهم وجم نزلنى (الجزء الثانى وبالصور)

[Day Dreamer]

انا اشتركت بهيلث كومباني و بسرعه نزلت ماشاء الله
عادي بالشهر تقطين 6 كيلو وانتي مو محرومة من شي

 

[عنيّد]

وانا اشتركت بهيلث كومباني ونزلت بالشهر 3.500 كجم بالضبط


اكو فرق بالنزول من جسم لجسم ..... اكو فرق بالنزول لما الوحده تكون مخربطه بالاكل وتسوي رجيم معاهم ، او تكون مسويه رجيم بروحها واشتركت معاهم

 

[أم راشد المطيري]

والله حدي محتاره

يمدحون ديناز وليناز ويمدحون كالوري كنترول وهيلث كومباني

انا اهم شي عندي انه انزل بسرعه

 

[Day Dreamer]

انا عن نفسي كنت مسويه رجيم قبل ما اشترك و نزلت عليه حتى كنت حاطة ببالي ماراح انزل وايد معاهم لان نازله من قبل
بس الحمدلله نزلت خوش نزول

 

[أم راشد المطيري]

طممكن اعرف وين مشتركه وجم نزلتي بالشهر

 

[عنيّد]

ام راشد ،، بالنسبه للشركه اليديده اسمها Prime Bites
لهم حساب بالانستغرام بنفس الاسم فيه صور ، وحساب بالفيس بوك وفيه صور اكثر
ممكن يرسلون لكم المنيو مالهم ع البيت وتشوفونه

للأمانه ماجربتهم ، بس رفيجة رفيجتي مشتركه معاهم وتقول اكلهم حلو ..... ومادري عن النزول معاهم
انا اشتركت اسبوعين بجربهم ، وابدا معاهم بعد عشر ايام


الشركه توها يديده ، فتحت بعد رمضان ، عشان جذي ماتوقع بتحصلون لها تجارب مع الناس بالنت

وارجع واقول مادري عنها كلش

ولو دريت فماني مسويه لهم دعايه ولا هاين علي ، من بعد القرصه الي انقرصتها من هالموضوع والدعايه الي صارت للشركات وهم موكفو

 

[أم راشد المطيري]

مشكوره عنيد

وجربي وقوليلي رايح بالشركه الجديده

انا بعد اسبوع ببلش ويه فريش دايت

 

[أم راشد المطيري]

عنيد باجر بدق عليهم وبسئل عن اسعارهم

 

[عنيّد]

ام راشد ،، اسعارهم ماتفرق عن باقي الشركات النصابه
وطالعين بموديل يديد ، تقولي سعرنا 220 بس عشان اول 100 مشترك بيكون السعر 200
قلتلها ترى كل الشركات بهالسعر يعني انتوا مومسوين عرض


ولما سألتها عن فتح الملف قالتلي 20 دينار !!!!!!!!!
قلتلها شكو الشركات الي قبلكم اما مجاني او ب 10 دنانير و انتوا ترى شركه يديده !!!!

قالتلي لأنه الشركات الثانيه ماعندهم مطبخ خاص فيهم واكلهم يكون من بره ، قلتلها لا مو صحيح انا اشتركت من قبل بأكثر من شركه وكلهم عندهم مطابخهم ، جان تسكت

شوي راحت وانا قعدت اشوف المنيو ، رجعتلي جان تقولي الاخصائىة تقول بما ان الشركه يديده ففتح الملف بيكون مجاناً <<<<<<<< ناس ماتيي الا بالعين الحمرا !!!!!!


انشالله اذا جربتهم برسلج تجربتي بالخاص ، لأني ارجع واقول هالشركات موووووووو كفو الواحد يسوي لهم دعايه
الشركه الي صارلها سنين والي توها فاتحه كلهم نفس الاسعار ، كلما زادوا الشركات مايصير تنافس بينهم !!! ماغير نفس السعر او يزيدون

 

[Day Dreamer]

صراحة انا اشوف الاسعار واااااايد غاليه شدعوة
الحين مستخسره اقط 200 و حتى 180 على اشتراك
بس اشتركت 3 شهور دفعت دم قلبي

 

[عنيّد]

^
^

اذا اشتركتي ٣ شهور مره وحده بنفس الشركه ، فبعض الشركات تسويلج خصم 10%-20%

 

[أم راشد المطيري]

الصراحه كلهم غالين المفروض في منافسه بينهم وتقل اسعارهم اما كل مره ويزيدون بالاسعار

انا انطر المعاش وبشترك بفريش دايت

 

[Pretty Amoola]

بنات بليز ممكن كل وحدة تقول كم ضعفت من أول ما اشتركت مع

شركات التغذية ؟؟؟

وكم استمرت مشتركة معاهم؟؟؟

أتمنى ما اطنشون لي :eh_s(8):​

 

[Ms.LoL]

السلام عليكم ..
اشتركت ب 3 شركات ..
أكثر شركة نزلت فيها هيلث كومباني ..
و كنت مشتركة بس وجبة غدا مع سلطة و قطعة حلو ..
و هالشي وايد ناسبني ..
لأنه معدتي تعودت على الأكل الخفيف و القليل ..
فما كنت أحتاج ريوق و عشا ..

رغم إنه عندي ملاحظات على الشركة ..
و هي أقلهم مستوى بكل شي ..
لكن الحق ينقال .. أكلهم مال رجيم و خفيف و مافيه دسم ..
و معنه إنه وجبة غدا بس .. لكن كمية راهية ..
يعني مثلا دازين لي 3 قطع فيليه دياي ..
وأنصح فيه حق إللي وزنهم يعتبر مثالي لكن شكل جسمهم مو مثالي ..

ودي أكمل أشترك وياهم بعد ..
لكن مليت من أكلهم .. قالوا إنهم جددوا المنيو ..
و طلبت المنيو أشوفه منهم .. لكن ما أشوف شي يديد ..

و احتمال أجرب فلكس قورميه ..
أرخص ب 15 دينار بس ..
لكني قريت إنه مافيه دهون ..

موفقين .. 3>

 

[رانيا6]

ااااااااااااااااااااب

 

[أم راشد المطيري]

اب

اب

اب

 

[عنيّد]

هيلث كومباني x


جربتهم قبل سنه ، والحين جربتهم
خدمتهم صايره تكرمون زبااااااااااااااااااااااااااااااااااااله

ركزوا معاي اوكي

المره الي طافت رحت فرع مستشفى الهادي عند الاخصائىة ميرا خطّار ، طبعا الي متابعيني عارفين اشكثر اكرهها ، لانها زفت ، وبشهادة اكثر من وحده مو بس انا ، كانت وحده ميته على عمرها ولا تفيد الواحد ، والحمدلله افتكينا منها سافرت

والحين لأنه وحده من البنات مدحت دكتور ايلي عون بفرع المنطقه الحره
وفعلا تعنيت لفرع المنطقه الحره عشان الاخصائي ، وصحيح محترم الريال

ولكن ....

بالاسبوع الثاني اقوله دكتور ترى الكميات قاعده توصلني كامــــــله ، يقولي اشلون ! اوووه الظاهر اني ملخبط بينج وبين زبونه ثانيه <<< نعم ؟ ووالله طوفتها
قالي من هالاسبوع كل شي انصاااص راح يوصلج ، وراح نقلل الكالوري من 1200 الى 1000
قلتله اوكي

تخيلوا الحين انا بالاسبوع الرابع ونفسسسسس الشي يتكرر ، اتصلت فيه قلتله دكتور ترى الكميات رجعت كامله !
يقولي لحظه اشوف ، وبعدها يقول اي صحيح انا ملخبط بينج وبين زبونه ثانيه
قلتله دكتووور ترى هذي مو اول مره !!!!!! شنو يعني ملخبط بيني وبين زبونه ثانيه
انت بجذي بدل ماتخليني اتخلص من وزني بشهر ، قاعد تخليني اضطر ادفع لشهر ثاني ؟!!!!!!!

قام يرقع بالكلام والمصيييييبه ان العذذذذذر اقبححححح من الذنب
يضحك ويقولي مومشكله انتي لا تاكلين سناك الحلويات ، قلتله نعم ؟؟؟
قال اكو مشكله ، ان مثلا انتي بالعشا باجر مختاره صمونة جبن وهالصمونه ايي معاها طماط وتركي ، وانتي ماتحبين الطماط والتركي ... فأنا بالملاحظات السستم مايسمح لي ادخل اكثر من ملاحظتين ، فاذا حطيت "بدون طماط" و "بدون تركي" ، ماقدر احط ملاحظه ثالثه وهي "نص الكميه"
فانتي لما يوصلج الاكل اكلي نص الكميه
قلته هذي مووووووووووووشلغتي !!!!!!!!!

تكفوووووووون شهالعذر ؟؟؟؟؟؟؟؟؟

اذا هالمشكله عندكم المفروض من قبل لا اشترك معاكم تفهمني هالشي
انا من البدايه قلتلك شالاشيا الي ماحبها

قلتله انا دافعه ميتيـــــــن دينار عشان تكون عندي حريه بالخيارات ، مو عشان تلزمني بشي وهالشي بدل مايضعفني يسوي العكس !!

واذا سالفة ان الاكل يوصلني كامل وانا آكل نص الكميه ، عيل شكو مشتركه بشركه ؟؟؟؟ جان اعتمد على اكل البيت واحطلي الكميه المسموح فيها
لكن مو تحط جدامي اكل وتقولي اكلي نصه ، اختبار تقوية الاراده مثلا ! ;\

بعدها قالي صح معاج حق وخلاص راح اصحح المنيو


و جد اذا بيوم من الايام مدحت هيلث كومباني من ناحية الاكل ، فلا والله اكلهم هالمره الله يزيد النعمه مو لهناك
وماعندهم ترتيب بالاكل ، وقلت للاخصائى هالكلام ، وبعدها مسؤولهم كلمني وكررت له الكلام
قلتله روح شوف باجي الشركات اشلون طريقة تقديمهم وتزيينهم للأكل
وشوف التشكيل بسلطاتهم ، سلطاتكم كلها خس !! ترى انا الوحيد الي ماحبه هو الطماط ، لكن معقوله ماكو غير الخس والخيار من الخضار ؟؟؟


صايرين فاشلييييييييييين

الحق ينقال ، احلى شي بهيلث كومباني هو الحلـــــويات بالطعم والكميه مالهم منافس ، والا الباجي ابو ضيقة الخلق ، حتى سناك الفاكهه ماعندهم تشكيل ، يوم موزه يوم تفاحه يوم برتقاله ، يعني ماعندهم سلطة فواكه

ومره صار غلط بالغدا ومن الساعه 4 كلمتهم وقالولي اوكي كلمنا المطبخ وراح يدزون لج اكل ثاني ، لماااا الساعه 6 ماوصلني !!! وبعدها قلتلهم اذا وصل ماراح استلمه وفعلا تم هالشي
وقلتلهم لما يخلص اشتراكي تعوضوني بهالوجبه


اوكي انا اعترف اني عسره بالأكل ، ولكن دور شركات التغذيه انها تشوف راحة وذوق الزبون ....... خلاص هالشركه حذفتها من قائمتي

 

[أم راشد المطيري]

عنيد جربتي وجبات رجيم سنتر

 

[عنيّد]

لا
وحسب الي اعرفه من هالموضوع ، انها شغل مش حالك

 

[أم راشد المطيري]

اختي هالشهر بتجرب رجيم سنتر وانا بجرب فريش دايت واللي تضعف اكثر الشهر اللي بعده بنشترك بالشركه اللي ضعفنا عليها اكثر