شركات التغذيه منو احسن فيهم وجم نزلنى (الجزء الثانى وبالصور)

[كويتية82]

بنوتااااااات اليوم رحت موعدي ونفس ماقلت لكم نازلة كيلو ونص يعني الاجمالي 3 كيلوو




وقلت لها تكنسل الشوربه






والمصيبه ان اقولها بشترك معاكم بفترة العرض تقولي للحين مافي عرض عالعيد يمكن نسوي عرض >>>> جان اقوولها نعم واللي دقو علي قبل جم يوم وقالولي عن العرض قلت لها حبيبتي الرسبشن دقو علي وقالولي يبلش العرض من الاحد جان يعطي ويهها الوااان وتبستم واهي منحرجه قالت والله ماادري ماعطوني خبر






نعممممم شنو يعني ماعطوها خبر ماتدري عن عروضهم يعني شنو مهنتها بالله
المهم تنرفزت وطلعت من عندها وسألت الرسبشن عن العرض والتفاصيل العرض يخلص بتاريخ 10



​

 

[كويتية82]

كويتيه صارلج جم يوم مع هلث اشتراكج متي بيخلص وهل بجددين
سؤال ثاني حاسه ان الاكل يشبع وهل قاعده تنزلين عليهم ترى متابعتكم بس حدي نسايه اعذريني​

صارلي 20 يوم واكلهم اول الايام مايشبع بس بعد الملاحظات ومراجعاتي زادو الاكل شوي وغيرجذي انا بديت اتأقلم عالكميه
ونزلت 3 كيلو ​

​

صباح الخير

يبارك بعمرج ، كويتيه من صجج ، انتي بسم الله توج بأول شركة يعني بأول الطريج شكو مبربسه !!! :eh_s(4]

يختج ماادري ليش ارادتي ضعفت :eh_s(2): والله تحسفت ان شاء الله اخر مره

 

[فلبينية عبدة]

منال القلب تروحين وتردين بالسلامة

وكويته مبروك ع النززول

وايد حلوو 3 كيلووو استمري وخلي عنج الكسل

 

[فنار الكويت]

الجو اليوم رهييييييييب والله رهييييييييب على البحر ماشالله غيوم وهوا بااارد يعني علي اجازة العيد المشي الظهااااري يطلع حلو قبل الزحمه بنات لايطوفكم الجو

كويتيه نزولج لا اله الا الله وايد حلو اذا مرتاحه للشركه نصيحه استمري لان اهم شي الاخصائيه والاكل واذا هالشيين مرتاحه عليه كملي طيعيني واذا زهقتي غيري الشركه ورجعي اشتركي مره ثانيه النزول راح يشجعج وصمدي هالايام عشان يصير ٤كيلو بالاشتراك والله نفسيتج راح تتغيرً مع الضعف وبتكون معنوياتج عاليه الله يثبتج انشالله وخلاص لاتخربطين
انا اليوم ١٠٠٠ كالوري والله يصبرني يارب ودي علي اخر اشتراك اكون نازله ٣كيلو ياااااااااارب


ههههههه منال القلب لحد الحين محتره والله بوقتها انا احتريت اكثر منج ماعليه خيره ولو انا منج على اشتراكج الياي خلي سعراتج ٢٠٠٠ كالوري عشان اطلعين حرتج بالشركه ونص الاكل حق البيت ،،،،،شرايج موفكره حلوه وانتقمتي منهم اشتراك كامل لووووووووول
ترى اضحك بس اذا اعجبتج الفكره شاوري نفسج وطبقيها​

 

[فنار الكويت]

ح

عنيد حلويات كالوري مو جنها اي شي
تدرين كيك الكراميل والجوز يضحك وينرفز عباره عن دايجستيف وماي يعني الدايجستيف مطحون والظاهر حاطين معاه ماي بس ومسوينه اشكاااال هذا طعمه
اخيييييييه على حلويات هلث كومبني حتى لو الحلو صغير بس يرضي عيني ونفسيتي
​

 

[فنار الكويت]

كويتيه على فكره اذا لغيتي الشوربه والسلطه مثلا يعني اتوقع يصير يزيدون الحلو

اليوم غداي شيش طاووق عجييييييب وسلطة كول سلو والعشا ورق عنب ٤حباب مع روب
ريوق كالوري سندويشات ماتعجبني بس اللي يعجبني عندهم الغدا فقط

 

[قطوووة]

هااااااااااااي :d

 

[فنار الكويت]

هااااي قطوه وين مختفيه مواضبه علي الرجيم ولا غش​

 

[فنار الكويت]

اليوم المنتدي نااااايم

 

[كويتية82]

بااك


يوم الخميس
يوم 15


27 /10




الريوق


صاج لبنه لذذذذذذذذذذذذذذذذيذ وخفيف

سناك 1

الغدا


كبسة دياي لذييييييييييييذه

والسلطه فتوش


طبعا تلاحظون وايد اخذ فتوش لان سلطاتهم موحلوه فكنسلت كل سلطاتهم وصفيت على الفتوش والخيار والذره وخيار بالروب

سناك 2
جوكليت بول


حلوه بس توقعتها احلى

العشاا


سلطة باستا وتونه حللوه
وبيتزا دياي بس ماصورتهم نسييييييت​

​

 

[كويتية82]

يوم الجمعه


16


28 /10




الريوق نسيت اصوره


بس كان لذييييذ


بسكوت جبن وشريحتين حلوم وزيتون وطماط




سناك 1


برتقاله


الغدا


دولمه لاباس فيها بس طبعا لاتقارن باكل البيت

سناك 2
جوكليت كيك حبتين بينهم كاكاو >> حلو وخفيف

العشاا
شيش طاووق وفتوش بس ماذقتهم لان يومها خربتها وتعشيت من ماكدونالز

​

 

[كويتية82]

يوم السبت


17


29/10


الريوق

اذا بتشوفون الصوره عدله لازم تسوون وقوف عالراس او تقلبون اللاب رأسا على عقب خخخخخخخخخخخخ


سناك 1


تفاحه


الغدا


مربين يبوووووووووووووووووووووووي يهبببل ويشبع

فتوووش

سناك 2
كيك مادلين حلييييو
جنه قرص عقيلي

وعشاي كان ساندويش حلوم
وشوربه
طبعا بما ان انا امس مخبصه فعاقبت نفسي وماتعشيت


بس ذقت الشوربه عن خاطري
وطلعت فاااااااااااشله
وطبعا بالموعد لغيت الشوربه من المنيو مالي نهااائيا

​

 

[كويتية82]

اليوم
18
الاحد 30/10



طبعا هذا يوم الموعد مع الاخصائيه


رحت صايمه كالعاده والحمدالله نزلت كيلو ونص


وريوقي كان معاي
ساندويش حلوم
ومريت كرسبي كريم خذيت شاي حليب

سناك 1

الغدا
مرق باميه ولحم وعيش ابيض لذذذذذذذذذذذذذيذ بس العيش نتفه

سناك 2


الصوره تعبر مايحتاي اقول رايي

العشاا

 

[كويتية82]

فنووور سوري انا صارلي معاهم 18 يوم مو 20 يوم


وانا اساسا قايله لها ماتجيس الحلو تحطه كامل والغدا بعد وقلت لها اذا بتشيل شي تشيل من الريوق او العشا​

 

[كويتية82]

قطوووووووووووووووووووووووه شلونج وشلون الدايت صايره ماتبينين عسى المانع خير​

 

[فنار الكويت]

عوااااااافي يااااارب ولنا عوده لهلث كومبني باذن الله اشتقت لريوقهم وااااااايد

 

[كويتية82]

الله يبارك فيج فلبينيه فديتج​

 

[فنار الكويت]

كويتيه انتي نفسي قلتلها الريوق والغدا والحلو ابيه كامل بس اخصائيتي الغدا تقلل منه يعني العيش مايعادل ٣كفشات بس بس شنسوي لازم حرمااااان
عندهم سلطة بطاط حلوه جربيها

 

[كويتية82]

وانا بعد بعد فنور ودي اجدد معاهم بس المشكله الماديه الحين موذاك الزود عشان ضغط العيد وجذي وبنفس الوقت ماودي اطوف العرض​

 

[فنار الكويت]

ناويه مع هلث ارجع من الدوام اكل موزه وابدل وعلى طول الممشي ولما ارجع اتغدي علشانىيكون عشاي متأخر ومايحوشني يوع والغدا الساعه ٥ والعشا ٩ مافي غير جذي وبنفس الوقت اروح الممشي خفيفه