شركات التغذيه منو احسن فيهم وجم نزلنى (الجزء الثانى وبالصور)

[كويتية82]

الله يردهم بالسلامه ويطمنكم عليهم

انا اشوف ان الموعد موفايدني بشي بس تاركه اشغالي ورايحه لهم عالفاضي باجر اشوف وزني بالبيت وابلغ الاخصائيه والملاحظات بقولها بالفون لان وايد مضغوطة هاليومين

اليوم غداي سكالوب سمج ماعجبني بدلته بقطعة دياي مشوي من البيت موقطعه كامله ربع قطعه والحلو انا مومختاره كب كيك فانيليا مبدله الحلو من كيفها واااااي بتذبحني هالاخصائيه​

 

[كويتية82]

إلا صج قطووة وينهااا غاطه

شكلها لعبت بحسبة الدايت ....... اممم اتوقع انها عايشه جو التخبيص على اصوووله​

 

[عنيّد]

كويتية ،، انشالله تكونين وازنه بالبيت اول مابديتي ، لان اكو فرق بين ميزان الشركه والبيت غالبا

 

[كويتية82]

نكمل اليوميات​

​

الاثنين 24 /10

الريوقساندويش جبن

سناك 1

الغدا
لزانيا بالخضار


ماعجبتني

خيار وذره

سناك 2
براوني دمااااااااار شامل

العشا


شوربة ذره كللللش ماحبيتها

شاورما لحم يمي يمي

​

 

[كويتية82]

اي عنييد وازنه اكو فرق 400 غرام ميزاني ينقص 400 غرام عن ميزانهم <<<<< فديته عنده ذوق ​

 

[قطوووة]

لا كاني مؤجؤدة
ؤمؤقفة اشتراكي مؤقت

قسما بالله الميزان صرت احلم فيه يابنات ههههههههههههههههه

حلمانه امس ان ؤزني نازل هههههههههههههههههههههههههههه

رحت امس الممشى بس لهؤا لعؤزني صراحه ههههههههه

ؤاليؤم متؤقعه الدؤرة تنزل علي ...

 

[كويتية82]

^
^
^

لا حالتج يرثى لها صراحه ههههههههههه


قطوه موناويه تردين الاشتراك ؟؟؟ مو جنه مصختيها ؟؟​

 

[فنار الكويت]

بنات انا خبصت شويه بس
يعني باجر موعدي ومادري من الصبح حاسه ابي كاكاو لان الحلو مال كالوري حده نتفه مايرضيني بصراحه فاكلت بفك ٢ ومااكلت سلطة الفواكه
عندكم فكره جم كالوري البفك بولند اتوقع اسمه جذي ابو خمسين فلس يعني كنسلت سلطة الفواكه وامممممم حدي مشتهيه كتكات بس بحاول امسك نفسي لي باجر ونشوف انشالله اول مااطلع من كالوري اقولكم جم وصلت بإذن الله
عنيد اذا سألوني عن الوجبات بقولهم غاااااااااااااااااليه والحلو شويه لازم بالملاحظات نكتب ونقولهم لازم عرووووض
قطوه شدي حيلج وبلشي من السبت الوجبات حسافه تخربين نظامج ولاحقه على التخبيص وراج العيد واخذي بريك يومين والباجي رجيم
عاد تدرين ان انا طول ايام العيد ماراح اوقف رجيم بسكر حلجي لاني متشجعه على النزول قبل الشتا كفايه لبس الشتا يمتن
كويتيه حسافه روحي وزني نفسج او جدمي الموعد او خليها السبت ولازم تشوفين ميزانهم يمكن تكونين نازله وايد وتتحمسين زياده

على فكره دقو على هيلث كومبني اليوم وقالولي مثل ماسمعت خصم ١٥٪ من السبت لغاية ١٠نوفمبر الخصومات
اللي فاضيه السبت تزرق تروح تشترك انا عندي شغل بالشويخ واحتمال كبير امر اشترك بس باخذ المنيو نسخه واختار بكيفي وبراحتي وعلي مااخلص اشتراك كالوري​

 

[فنار الكويت]

كويتيه انتي منو اخصائيتج؟؟؟​

 

[كويتية82]

فناااار ماعندي فكره البفك جم كالوري بس حاولي ماتخربطين لاتخربين الدايت حراام

انا اخصائيتي ميريام اللي بفرع فندق المنشر وماادري اذا مداني باجر بروح الله يسهل

يالله يارب نزولج يبرد القلب بشرينا باجر اول ماتخلصين ناطرينج وتصدقون عقب كلامكم ماافكر اشترك بكالوري كنترول اول شي لان اذا مااحب شي ماراح يكنسلونه نفس ماصار مع عنيد وثاني شي انا اعشق الحلو جني نمله اموووت عالشكر واهما حلوياتهم نتفه اللي شجعني عالدايت حلويات هيلث كومباني >>>>>> صج هالشركه تبرد القلب ويسمعون الملاحظات نفس سالفه العيش بالكمون مع ان من ضمن مقادير الطبخه الرئيسيه قالت لي الاخصائيه عادي نشيله

الحمدالله مع ان هاذي اول شركه اشترك معاها بس صراحه مو حرام ال200 فيهم واايد عاجبتني

وصج 15% يعني جم يصير الاشتراك ؟؟​

 

[فنار الكويت]

كويتيه الاشتراك يصير ١٧٠دينار اتوقع

 

[فنار الكويت]

عاد تصدقون ودي اشترك الاشتراك الكامل مع هلث كومبني
واشتراك ثاني اذا عندهم اللي وجبتين مع السناك والسلطات يعني غدا وعشا والريوق اخذ من البيت توسته وجبن وحلو مال هلث كومبني شرايكم

 

[فنار الكويت]

انا احتمال اشترك شهرين عن الحسافه لان ماراح يسوون عروض غير بشهر ٢ يعني بعد ٤اشهر
بصراحه فرصه الخصومات ماتتعوض ؛؛؛؛؛عنيد اشتراك هلث كومبني قبل الخصم ١٩٠ ولا ١٩٩ انا كذا شهر مشتركه وعيبي مااحفظ الاسهار

يعني هيلث كومبني بعد الخصم مافي فرق وايد عن كالوري كنترول مو اكثر من عشرين دينار صح ? الله لو اخر اشتراك انزل لو ٣كيلو مع كالوري اجدد على طول واذا اطلعو نفس دايت كير بيرتفع ضغطي واحطهم بالقائمه السوده من صج

 

[عنيّد]

فنار ،، انا دقيت اليوم اخذت موعد حق اختي معاي بهيلث كومباني وانشالله احتمال امر عالاسبوع الياي ادفع ، ونفس الكلام قالتلي عالخصم يصير 170 الي كان بميتين شامل فتح الملف

زين تعالي بزفج ممكن ؟ انتي من متــــــى مسويه هالوجبات وكل مره الاحظج تقولين نفس الكلام عن الحلو وهذا سبب تخربطج ، يابنيـــــه لا تقصين على نفسج ترى انتي قاعده تسوين رجييييييييييم يعني الوضع مو طبيعي وهذا اكل خاص عشان تضعفين ، بكل الرجيمات هذي كميات الحلو ، ولا تاخذين هيلث كومباني مقياس حتى هم مرات يحطون شغلات صغيره او نص الكميه
لا تعودين نفسج على سالفة الحلو الزايد
انتي تدفعين بهالفلوس ووالله انا منقهرررررررررررره على الي تقطينه وتخربطين !!!
حرام

رد ع السريع من القهر ، وبعدين اكمل هع

 

[كويتية82]

فناار اشتراك هيلث كومباني 200

وانا بعد افكر اشترك عشا وغدا وسناك والريوق اكل توسته وجبن ويقزر عاد مومن زين ريوقهم يعني >>> وجذي بيصير اوفر​

 

[كويتية82]

بناات ماعندكم فكره جم اشتراكهم الوجبتين وجم بيصير بعدالخصم ؟؟​

 

[عنيّد]

ماكو خصم ١٥٪ الا عالاشتراك الرويال "٢٢٥" والكاجيوال "٢٠٠"

 

[عنيّد]

نتابع الدرس الثالث مع : كالوري كنترول



اليوم #14 ... 26\10\2011


** المنيـــو **
حقدت ع الشغاله كل يوم تحذف القوطي وانا انسى انبهها :eh_s(4)::rgewrg:



** الريــــــوق **

توست وبيض + عصير برتقال ، البيض ثقيل ع الصبح :bbbiu:


** الغــــــــدا **

كبة بطاط ، حلوه بس ثقيله اكلت نصها

+

فتوش


** السنـــاكــات **

+

كب كيك فانيلا بحشوة الفراوله ، حلو


** العشــــا **

سندويجة دياي بالجبن ، حطيت داخلها سلطة .. لذيذه

+

.
.

مشيت 45 دقيقه

الحمدلله
:yaaaaaarb:
​

 

[فنار الكويت]

صباح الورد بنااااااااااااااااااااااات أحلى تشجيع بس ناقصنا حياة زوجي

رحت موعدي والحمدلله ان عنيد عطتني فكره وهيئتني للصدمة يعني بما ان اليوم الصبح موعدي قبل نص ساعة تقريبا وماأقص عليكم امس عقب 2 بفك اكلت كتكات بس مااكلت سلطة الفواكه
واليوم كرم السامع الصبح اسهال واكلت على السريع ربع الريوق لأن موعدي الصبح والمره اللي طافت كان موعدي العصر فقلت مابي اروحلها قبل مااكل
المهم قاست وزني بالجهاز اللي شاكة بهالجهاز في اول اشتراك كان وزني 64.4 واليوم 63.8 وعصبت قلتلها ملتزمة بس امس خربطت شوي ليش مع ان ميزان البيت احسن وانزل عليه بس قلتلها انا شاكة بجازكم ان قاعد يزيدني قلتلها ابي اقيس مره ثانيه وسبحان الله علق الجهاز وانتظرت ليما طخ شوي ووقفت مره ثانية على الجهاز وحضرته كان زايدني 300 جرام فطلع وزني 63.5 جرام ولو عاندت مره ثالثة وقست وزني جان طلع اقل بعد بس صدقوني على ميزان البيت اقل من الشركة مادري شسالفة المهم تحبطت شوي وقلتلها 1100 كاالوري اخذ وخليتها سلطتين والظاهر السلطة الثانية نفس عنيد بخليها سبيل للبيت
وبشوف نفسي هالأسبوعين وانشالله خير ،،،، عنيد عندج فكرة جم كالوري بالسلطة
ال

 

[كويتية82]

مبروك فناار نازله كيلو يعني زين الحمدالله احسن من لاشي​

​

بس انا اشوف اسبوعين بس كيلو شوووووووويه وعلى قولتج اكلهم ايوع ليش جذي ؟؟؟لا خلاص شلت كالوري كنترول من راسي نهائيا مالي الا هيلث كومباني بجدد معاهم

المهم انا عندي شغل فما رحت وتوه دقو علي قلت لهم كنسلو موعدي وخلوه يوم الاحد​

​

وشفت وزني ناااااااااااااااااااااااااااااااازله كيلو ونص الف الحمدالله يعني صار الاجمالي 3 كيلو باسبوعين الحمدالله ياااارب ينزل وزني بعد... كنت خايفه ماانزل هالاسبوعيارب كل اسبوع كيلو ونص راااااضيه