شركات التغذيه منو احسن فيهم وجم نزلنى (الجزء الثانى وبالصور)

[ترف بابا]

الاخت اللي بدايت كير - شلون اطلب الاخصائية اللي ابي يعني ؟

 

[فنار الكويت]

مشكوره منال القلب الله يعطيج العافيه

فعلا قطوه انا كنت قبل رمضان بيوم جسمي وايد خق والخدود فشت والكرش خف وصلت وزن حلو وكنت وايد مستانسه والملابس اوسعو بس عقب رمضان زدت ال٤ كيلو وطبعا رجعت قري والحين احاول ديري بالج تمتنين والله بتتحسفين وبالذات انتي قاعده تدفعين من الاعانه فحرام حافظي لا تتحسفين مثلي
الله يتمم علي الكل يارب​

 

[دلع طفوله]

بنات انا وزني 109

تهقون اقدر انزل مع شركة دايت سنتر لو لا


لو اخلص منهم واسوي كيمائي الصراحه متحطمه

 

[رُۈحَ ۈ رْيحَآن]

*?? تــٌذكــيـر/ ????
صيام الايام البيض 13-14-15 ذوالقعدة تبدأ الثلاثاء و الاربعاء و الخميس
11-10-2011 الثلاثاء
12-10-2011 الأربعاء
13-10-2011 الخميس
الرجاء انشرها لتذكير المسلمين ..


بنات بلييز ادعوا لاختي كب كيك انه الله يحقق لها امنياتها ويجعلها خير لها لانها اهي اللي ذكرتني:yaaaaaarb:

 

[قطوووة]

دلع طفؤلة

الناس اللي عندها ؤزن زايد حيل مثلج ينزلؤن ؤيحرقؤن اسرع من مثلا ؤحدة عنده 10 كيلؤ زايدين

انصحج سجلي باي شركة .. ؤؤخري عن النظام الكيميائي لان له اضرار عالجسم سؤاء الشعر اؤ البشرة

خلج نظام طبيعي عشان حتى ماتردين تكسبين الؤزن مرة ثانية ....


فنار
صااااجة ؤالله الؤحدة من تفقد حتى لؤ 2 كيلؤ ترى يأثر .. يكفي ان حركتج تصير اسهل ..



ربي خلقني لك
جزاج الله خير انتي ؤكب كيك ماقصرتؤ :**

 

[غمـأزه]

قوة بنات
شلونكم شخباركم
أنا راح اشترك بفرش دايت وحطيت موعد ان شاء الله يوم الأربعاء الصبح

 

[عنيّد]

صباح الخير


الدرس الثالث مع : كالوري كنترول

كان الدرس الاول مع : هيلث كومباني
والدرس الثاني مع : لوفات

رحت لهم يوم الخميس 6\10\2011
اشتراكي البنفسجي

خذت وزني 79.6
طولي 165 "مزيديني 1 سم

"

تحليلي الشامل الحمدلله مافيه شي وكل شي تمام

فحصت الجسم من دهون وماي وغيره ، قالتلي طبعا نسبة الدهون مرتفعه ، ونسبة الماي مرتفعه !! تقول يا اما ماتشربين ماي او اكلج فيه ملح زايد ، قلتلها كنت مع شركة تغذيه واستحاله اكلهم يكون مالح وابد ماكنت احس بهالشي قالت صحيح اكيد بيراعون هالنقطه ، والماي انا الحمدلله ملتزمه 6 قلاصات عالاقل باليوم ، هي استغربت ! وللحين موعارفين شالسبب حتى اخصائيتي بلوفات قلتلها هالشي قالت غريبه !!!

النكته وين ؟ لما قالتلي وزنج لازم يكون 53 ، قلتلها نعم ؟؟ تبيني اصير عود !
جان تضحك ، قالت خلينا نحسب الآفرج وطلع 64 قلتلها اي هذا معقول >> اي والله حلوه هذي 53 تبيني اصير النمر الوردي

قالتلي مبدئياً راح نبدي بــ 1200 كالوري ، لأنج بالشركه الي طافت كنتي 1250 واصلا شركتنا مافيها اكثر من 1200 ... OK

سألتها معدل النزول تقريبا اشكثر ؟ قالت بحدود 4 كيلو ، يعني كيلو كل اسبوع ، طبعا اذا كنتي بالويك اند ملتزمه بحدود الرجيم



اليوم #1 ... 9\10\2011


** المنيـــو **

عندي سلطتين لأني لغيت الشوربه


الجاي من ظمن العلبه الي فيها ادوات الاكل

مادري متى اشربه ، احتمال اخليه بين الريوق وسناك الفاكهه


** الريــــــوق **

عجبني ، حسيت بشعور عبيط لما شربت عصير الخوخ ، طول عمري آكله ماتخيل اشربه -ــ-


** الغــــــــدا **

بصراحه ماكنت عارفه اشلون ينوكل خخخخ اول ماشفت هالشي الاصفر قلت شنو هذا اكل طيور !! "سويت سيرج بالنت وطلع هذا طحين ذره او قمح" ، ذقته ماحسيت بأي طعم بس ماتقبلته وماكملته ، اما الدياي والخضار فكانوا حلوين

+

عجبني الفتوش لأنه ملون لوول والورقيات مو واااايد ، كانت المكونات حيل معقوله


** السنـــاكــات **

+

كانت لذيذه حييييل ولا جنها بسبوسة رجيم


** العشــــا **

ماخابت نظرتي بسندويجاتهم الي كانت اكثر شي جاذبتني للاشتراك معاهم ، لذيييييييييييييييييييييييييذه حيييييييييل وذكرتني بصمون سب واي :eh_s(22):
أهم شي ان الصمونه عليها حب مقشر !! :krkrkr:

+

ماكلتها لان زاد من فتوش الغدا وحطيته بالصمونه وماقدرت اكل سلطه اكثر


.
.

مشيت 45 دقيقه
و
الحمدلله
:yaaaaaarb:


،


على فكره ، ممكن تشوفون بعض أطباقهم بالصـــور من خلال موقعهم http://www.caloriekw.com/ar/caloriemenu.aspx

وعلى فكره ثانيه عندهم 3 انواع من السلطات ثابته يومياً وهي الفتوش والسيزر والثالثه ماذكرها + عصير ثابت يومياً وهو البرتقال


ماعجبتني شغله ، انا قلتلها عن الاشياء الي ماحبها ومن بينهم الكجب والمايونيز ، اتصلت علي بنفس اليوم تقولي عن جم وجبة عشا انا مختارهم واذا ممكن تغيرهم لي ، ليش ؟؟؟؟ تقول لان فيهم مايونيز
اي وخير ياطير @@ لا تحطولي عادي !! جان تقول يمكن يدخل بالطبخه فعندج خيارات ثانيه قلتلها ماحب الباجي جان تقول احطلج من سندويجات الريوق ؟ قلتلها اوكي !
جان تنط على وجبة عشا ثانيه وبتسوي نفس الحركه !! ، قلتلها مابي اغير مومعقوله ترى عادي تلغون الي ماحبه ، جان تقول خلاص خليني أراجع المطبخ وبعدين نتفاهم بالمراجعه اليايه
اي والله حلوه هذي مايصير :eh_s(4):
عاد اشكثر صمونات العشا الي فيها مايونيز ، انشالله بكنسل كل شي ;\

،

ملاحظه : من الأسباب الرئيسيه لاشتراكي بكالوري كنترول <<< الستكرز "صباح الخير - غداء العافيه - تصبح على خير" ، كيّــــفت عليهم لما شفتهم بصور البنات ، لوووووووول فراغه ادري ، بس والله صج العامل النفسي شي مهم ترى

​

 

[فنار الكويت]

صباااااااااااااح الورد يارشيقات

عنيد بالعافية يارب وانشالله تحققين حلم الرشاقة
انتم السابقون ونحن اللاحقون بكالوري كنترول
أتوقع بتعجبني الشركة بإذن الله
​

 

[فلبينية عبدة]

مبررروك عنيد ع الاشتراك الجديد

وقطوووة وينج ؟؟

 

[عنيّد]

فنار ،، صباح الخيرات ، يعافيج ، واشالله تعجبج ، انا متفاءله فيهم من بعد اول يوم ! ^ـ^

فلبينيه ،، يبارك بعمرج ^ـ^

 

[فنار الكويت]

عنيد سؤال لأني قاعدة احاول اختار المنيو

الحين تختارين حلو + فروت سلط + 2 سلطة صح ولا غلطانه والشوربة اخذ بدالها سلطة يصير صح
يعني المجموع 2 سلطة بدون شوربة وطبعا الحلو والفروت سلط

 

[عنيّد]

فنار ،، انا قاعده احاول اتذكر تقسيم المنيو بس كلشششش موذاكره ;\
بخصوص السلطه اي عدل كلامج ، تلغين الشوربه ، وتختارين نوعين سلطه
اما الحلو والفاكهه ماذكر بالضبط اشلون كانوا ، بس هذا انا وصلني سناكين حلو "اذكر اخترته" + فاكهه "ماذكر وين اخترتها لول "

 

[كويتية82]

صباحكم ورد

اليوم رحت موعدي الصبح مع الاخصائيه ميريام واشتركت معاهم

اسلوبها حلو وكلامها يريح ويشجع
200 الاشتراك
فحص كتلة الدهون والماي اللي بالجسم وهالامور ب 10
اخترت معاها عالسريع منيو اول اسبوع
وعطتني منيو اسبوعين اختارهم على راحتي بالبيت
بنات اللي اشتركو بهيلث كومباني
شنو اختار من اكلهم وشنو ابتعد عنه ؟؟
انا كنسلت الشوربه نهائيا لان مااحب غير شوربة البيت
وكنسلت السي فود لان مااحب اكل سمج غير شغل البيت
شرايكم ؟؟
بشنو تنصحوني بالحلو ؟
والغدا والعشا
وشنو احلى سلطاتهم
بليز اللي جربو هيلث كومباني ساعدوني اختار المنيو​

 

[فنار الكويت]

قوليلنا اسامي الحلو واقولج الأحلى
اذكر البريفوتول ،،،،،،،، اممممم نسيت اسمه
وجوكليت بول رووووووووعة
والله تصدقين نسيت الأسامي بس كتبي اللي بالإنجليزي والعربي الحلويات وأقولج
سندويشات الصبح حلوه وعندج فطيرة زعتر كل يوم موجودة عندهم وايد حلوة وتشبع
وتقدرين تختارين فاكهة معينة مثلا كل يوم موز او تفاح أو يوم ويوم

 

[قطوووة]

عنيد
الحمدالله اؤل يؤم يبشر بخير

كؤييتية راجي يؤمياتي

انا اليؤم بديت فرش دايت

بس لان تاخرؤ عني اليؤم طالعة مبجر للكلية
تريقت من كيفي .. للحين ماكليت اكلهم بس هذا المنيؤ مال اليؤم

طبعا تؤني رادة من الكلية الحين


طليت اخذت نظره سريعه عالاكل . انصدمت من فطيرة السبانخ حدها نتفه

 

[فنار الكويت]

اليوم مريت كالوري كنترول وقست وزني مره ثانيه طلعت نازله كيلو لاني لما اشتركت كانت الدوره مشرفه وميزان البيت كنت نازله وطلبت من الاخصائية وماعترضت وانشالله ابتدي يوم السبت مادري حاسه انها بتعجبني الشركه وراح انزل لاني مصممه على النزول بإذن الله بس يارب مايعند الوزن
وزني ٦٣ ونص وطبعا كل يوم مشي ساعه ممشي البحر
واخترت المنيو لشهر كامل لان مالي خلق كل شوي اختار واحتمال اذا نزلت على ميزان البيت اراجعهم اخر الاشتراك لما اجدد مالي خلق روحه ورده​

 

[فنار الكويت]

بالعافيه قطوه وانشالله تعجبج الشركه

 

[منال القلب]

قطوة: بالعافية عليج يارب وان شالله تصورين وتحطين لنا انطباعج الأولي عن الطعم والاكل وكل شي بصورة عامة. بس لاحظت المنيو مالهم حوسة ومو مرتب أحس الي كاتب المنيو مصري لول.

عنيد: بالعافية

فنار: بالعافية وانا متأكدة راح يعجبج أكلهم مثل ماعجبني

====

اليوم على أساس بصورلكم من كالوري كنترول بس من اليوع دخلت البيت بدلت وكليت ولما خلصت تذكرت اني المفروض اصور وايد عليج >> وعد باجر أصورلكم وجبتي أكيد

 

[فنار الكويت]

بنات محد يدري عن حياة زوجي وينها فيها شي اختفت مره وحده اللي تعرف تطمنا بنات

 

[توتا الكتكوته]

بنات ابشركم صديقتي ردت علي سألتها شلونج بمسج

بنات البنت فيها تكيس بالرحم وتسوي رجيمات ما تلتزم ولا جسمها يضعف خاصه التكيس اساسا يسبب السمنه معروف