شركات التغذيه منو احسن فيهم وجم نزلنى (الجزء الثانى وبالصور)

[فنار الكويت]

عنيد جم كالوري معطينج
​

 

[الحراير]

مرحبا
علي كم اشتراك كالوري كنترول؟؟؟

 

[قطوووة]

الكامل 189
بدؤن ؤيك اند 139

 

[الحراير]

حلو اسعاره بس اي احسن ويعطيج العافيه قطوه

 

[عنيّد]

فنار ،، معطيني 1200 كالوري

الحراير ،، نفس الشي بس انتي تختارين الي يناسبج

 

[فنار الكويت]

عنيد اخذي ١١٠٠افضل
انا قلت حق الاخصائيه ابي ١١٠٠سعره لان ١٢٠٠ماانزل عليه و١١٠٠ بصعوبه واقل بمووووت بس شسوي​

 

[عنيّد]

فنار ،، مع لوفات اخذت 1250 والحمدلله نزلت بحول 7 كيلوات لان المشي بصراحه فادني وايد
بصراحه انا موقاطه فلوسي عشان اذبح عمري من اليوع
يعني لوفات كانت بتقلل قلتلها لا جذي مناسبني مابي اقل
وكالوري كنترول للحين مابيّن ، بعد اسبوعين يتقرر اذا انزل والا لا

 

[الحراير]

فنار ،، معطيني 1200 كالوري

الحراير ،، نفس الشي بس انتي تختارين الي يناسبج

عنيد رفيجتي ودها تشترك وقلت اسالكم ويعطيج العافيه ياقلبي

 

[قطوووة]

الحراير

كالؤري كنترؤل اكلهم تؤب ؤحلؤ



:eh_s(15):

 

[عنيّد]

قطوه ،، شسالفه ليش خامره على اكلج ؟

 

[عنيّد]

صباح الخير



نتابع الدرس الثالث مع : كالوري كنترول



اليوم #3 ... 11\10\2011


** المنيـــو **

عندي سلطتين لأني لغيت الشوربه


الجاي

أول مره بحياتي أشرب الجاي بدون ماحط فيه شكر ! ، طعمه معقوول مو ماصخ ، غريبه


** الريــــــوق **

الخبزه كامله بحجم الخبز اللبناني ، يشبـــــــــع


** الغــــــــدا **

+

الله يزيد النعمه كلللللللش ماعجبني ، العيش الاسمر اول مره اجربه وماحبيته ، اما الدياي فأنا ماحب الصلصات البيضه أحسه أكل مستشفى :eh_s(1): وطبعا راح علي الغدا ماغير قفشة عيش وقطعة دياي والفتوش وبس :eh_s(16):


** السنـــاكــات **

اليوم آخر يوم مع سناك سلطة الفواكه ، لأني طلبت منهم يلغون البطيخ والاناناس بس قالتلي مايصير ! ، عاد قالت بحط لج كل يوم حبة فاكهه ، قلتلها اوكي مومشكله ^ـ^

+

جد جد ماستحوا لما حطوا سناك بهالحجم ؟ حدي تنرفزت لما شفته :eh_s(14): مذذذذله ، الله يعز ايام هيلث كومباني :bbbiu: قهر اكلتها بقرمتين وخلصت وكانت حلو !


** العشــــا **

معشيني ريوق ! خخخخخخ كنت مختاره شي ثاني فيه دياي بس مثل ماقلتلكم الاخصائيه غيرته لي لأن هذاك فيه شغله انا ماحبها فبدلته لي بصنف من اصناف الريوق وكان حلــــو وخفيــــف :eh_s(15):

+

ما أكلتها ، كالعاده زاد من الفتوش وضفته مع العشا :bbbiu:

.
.

المفروض اليوم امشي ، بس لما قربت من الممشى جان اتذكر اني ناسيه سماعات الآيفون ، يعني بمشي جني عتوي بروحي !!! :eh_s(1): + كانت الشوارع زحمه + كان قلبي مع مباراة المنتخب ، الزبده طقيت فوق تحت ورجعت البيت خخخخخ ، الظاهر خيره

،

الحمدلله
:yaaaaaarb:

​

 

[قطوووة]

عجزانه ارفع الصؤر ههههههههههههه بس بعد شؤي اضبطهم

 

[فنار الكويت]

صباح الورد بنات

عنيد بالعافية الأكل ،،، عاد تدرين انا طالبه كله أرز أسمر وشكلي بجيك على المنيو مره ثانية واعطيه مع السايق يوم السبت

الجو أمس على البحر روووووووووعه ومافي زحمة والكويتيين الأغلبية مو رايحين عشان المباراة انا لحقت على الشوط الثاني

​

 

[عنيّد]

قطوه ،، يالله خوش ننطرج

فنار ،، والله انا استغربت من الزحمه من دوار حديقة الشعب لما المارينا ، وهناك اكتشفت السماعه بــــح ، عاد بغيتها من الله

 

[قطوووة]

امس صج الهؤا يهبل عالممشى رؤؤؤؤؤؤؤؤؤعه
بس نا ماررؤح بحر ارؤح ممشى منطقتنا




<<< تكتب اليؤميات قررت اسؤي مؤضؤع :d





برب

 

[*Little**Angel*]

قوة يا الرشيقات

انا بنضم لكم

توني اشتركت مع لو فات حق 3 شهور وامس اول يوم يوصلني

لاني مليت من نفسي وبلتزم قررت اربط نفسي معاهم 3 شهور ورا بعض

المشكله انا ما جربته من قبل شرايكم فيه وكم نزلتوا معاهم بالرياضه وبدون رياضه؟؟؟؟

 

[قطوووة]

غلطانه تشتركين 3 شهؤر بشي ماجربتيه خيتؤ جان عالااقل شهر

عمؤما سؤي يؤميات ؤبنتابعج ؤنآزرج :>

 

[فلبينية عبدة]

عوووووافي عنيد


انا قاعدة اكتب اسماء الاكلات اللي عجبتني من اللي انتي

مختارتهم عشان اذ رحت اسجل اعرف شنو بختااار

سلطات الفاكهه شنو البديل عنها ؟؟

لاني ما احب الفاكهه الا نوعين بس
​

 

[عنيّد]

قطوووه ،، لووووووول يالله ننطرررررررج :d

ليتل انجل ،، اتمنى انج مادفعتي اشتراكات الثلاث اشهر
انا الشهر الي فات كنت معاهم ونزلت تقريبا 7.8 كجم طبعا مع المشي 3 مرات بالاسبوع لمدة 45 دقيقه ، هممم بس للامانه رحت لهم وانا مخربطه شهرين ووزنت وانا ماكله فطبيعي باول اسبوع نزولي كان كبير بسبب السوائل مو اكثر
الاكل كان حليو تقدرين تشوفين موضوعي بقسم اليوميات ، بس برايي اني اذا بسوي رجيم متواصل ما اجدد مع شركه وحده ، احس بملل بالذات ان لوفات منيوهم يتكرر كل اسبوعين

 

[عنيّد]

فلبينيه ،، يعافيج ربي ، ايــــه عدل عدل شغلج سجلي خخخخخخ ، بس ترى اكو خيارات ثانيه طبعا وانا اعترف للمره الالف اني عسره ;\
بالنسبه للفاكهه ، اما سلطة الفواكه أو حبة فاكهه ، انا ماحددت لها فاكهه معينه لاني الحمدلله غالبا احب الفاكهه الا هالبطيخ والاناناس ، اذكر بلوفات كنت احدد ابي مووووزه بوايد ايام وكانوا يحطولي الصنف الي ابيه ، فأتوقع كل الشركات جذي والله اعلم