شرايكم برقصة العروسه ...؟؟ - تم تعديل العنوان

[عبث طفله]

مادري احس السالفه عاديه بس مجتمعنا يرفضهااا .. انا مرت خالي ارقصت وعادي بس فيه ناس تكلموا وعادي هذا شي طبيعي لازم القراض والحش والسوالف

وبعدين حتى بدخله العروس لما تتدلع في المشيه قالوا هذي فيها ومافيها .. يعني سواء رقصتي ولا مارقصتي راح يتكلمون الناس

ما اختلف في الوضع شي هع هع

هذا رايي

 

[غزل بنات]

تفكرين بتحليل البدله هههههههههههههههه ..

عزتالله ما حللت بدلتي ... دشيت . و قعدت على طول وراي داش المعرس على طول طلعنا ..ولا بعد منزله راسي


وما يصير أبتسم . إن شافوني مبتسمه .. أو رافعه راسي..

قالو هالبارع اللي ما تستحي ..؟؟ <<< الله يعينا على هالعجايز .. تعبنا نحاتي كلامهم

ههههههههههههههههههههههههههاي انشهد الله يعينا علي العجايز كل وحده حاطه راسها براس الثانيه ومخوزز

وحش بكل وحده اطب الملعب ياااحبيبي هالمره اجي انا اطينها وارقص اصلا زين مني رجولي بتشيلني

لي الكوشه ومااطيح الله يستر بس لا اصلا انا ماافكر ارقص لو حتي عادي عندنا حلات العروس تمشي مثل

الملكه ورازه نفسها والكل يرقص مستانس فيها اجل ليش فستاني ابيض وملكي ليه مكياجي غير عن الي بالصاله ليه

عندي مسكه ليه يدخلوني بغنيه خاصه لي مو الاني عروس الليله مايصير ارقص اذا على زوجي اصلا

مااكلمه ولا شي بس شفته يعني مومتعوده عليه هالمره ارقص له وبالعرس قدام الكل قويه اذا كلش

اسوي لي قبل العرس بيوم او يومين حفله لرفيجاتي وارقص لين يخيب ثناي اما قدام العالم يافشلتي

هذا راي الشخصي

 

[درقاء]

انا كنت برقص بعرسي مع انه خواتي وبنات العم كانوا يقولون لي ماله داعي انتي من صجج ينقدون عليج وبيتحجون

ايه اخاف انا همني احد الحين ،، اللي براسي اسويه ومارد على احد ولا همّوني ،، شمسويه اعوذ بالله !!!!!

المهم ،، كنت ناويه اني ارقص

ورقصة العروس تصير حييييييييييييل ناعمة وذربه وحلوه تونّس

بالعكس انا عندي عادي الوحده ترقص بعرسها
كلها رقصه وحده وبعدين بترقص حق زوجها عشان يشوفها بالنفنوف عدل والرقصه الناعمة والدلع

بس للأسف ريلي ما دخل العرس ،، ماكان يبي يدخل (( يستحي حياتي )) ،،
وقلت مدامه مو داش خلاص ماله داعي ،، انا برقص عشانه

يعني عادي لو كان داش جان رقصت


عسى ربي يوفق الجميع يا رب

ويسهل اموركم ويسعدكم

 

[عيون كحـال]

انا برقص مصري

 

[المحيلبية]

مادري على حسب العروس

 

[حنطاااويه]

بالفتره الاخيييييييره تقريبا تقريبا كل العروس إلي رحتهااا العروس ترقص
عادي مافيهاا شي
بس انا عن نفسي اذا الله كتبلي وتزوجت
والله مادري
فشله واستحي لي صار وقتهااا يصيييييير خيير لوول

 

[farawla_q80ia]

انا من رايي ما اأيد ان العروس ترقص حلاتها مرتزة بس وتتبوسم للحضور واللي تقول عشان ريلها يشوف كشختها اكيد بيشوفها عدل لمن يصورون لقطات خاصة داخل وبعدين حلاة العروس بحياءها وبراءتها واشوف ماله داعي الرقص

 

[فاتنه]

انا من وجهت نظري سوا حضر ولا بدو حلاة العروس ماترقص بيوم زواجها وتصير نفس الملكه بهذا ليوم واذا مسكت معاها رقص ترقص قبل لاتدخل على الناس مع رفيجاتها وخواتها وبنات خالتها انا عن نفسي مخططه جذيه وهم بتصور وكل شي بس مو جدام الناس احب ابين ثقيله وهااديه لانه هالليله الوحيده الي بيشوفني فيها ماارقص لووووووووووول <<-- تحب الرقص

 

[ع ــندك / خ ــبر]

السالفه مو سالفة اسمع كلام الناس

بس اتوقع إن العروووس المفروووض تستحي ^_^

وقلبها بيقرقع .. ويالله اصلا بتدش شلون ترقص :ggdw:​

 

[ورود الودود]

وييييييييييييييييع فضيحه

 

[فيفالدي]

بالعككس حلوه الفكره شفيها مافيها شي

خلها تتدلع عليه وتستانس ليلة عرسها

 

[yooma]

لا امبلا حلو ترقص العروس
اهو مو رقص رقص
اهتزازات
ههههههههه
يعني تتدلع جدام ريلها
شوي اتهز عمرها وترد اقين بكوشتها
عشان يشووف ويتمقل عدل
راح اينن فيها شور

 

[yooma]

اول بصراحه كنت اقول لا عيب
بس لما كنت اروح عرس واشوف العروس تقوم ترقص حق ريلها ماادري استانس شكلها حلو
قاعده ترقصله
اتيييين
وطبعا اهو هههههههههههه
قاعد يقول بينه وببين نفسه ياي زوجتي اشحلاتها تيييييينننن

 

[ReMaaas^MLS]

صج بنات اهو مو عيب بس يمكن شغله حلوه وكشختج لما يشوفوج ريلج وانتي جدام الناس غير لما اتكونون ابروحكم يكون في مشااعر قويه واشياااق اكثر لانه بشوفج وانتي بعيده عنه
وانا اتمنى ريلي يرقص بعد معاي بس شلون الا اذا يلبس بدله وكرفته نفس الزلماااات علشان يصير شكلنا حلو واحنا نرقص لوووووووووووول يعني بعد شرقي نرقص سلووووووووووووو خخخخخخخخخخخخخخخخخخخخ

 

[خدود بنات]

هههههههههههههه ياحلات ردودكم

لا انا ابي الناس اهي ترقص لي وانا اتفرج <<= مو ناقص الا تنقط :dddds: