شرايكم برقصة العروسه ...؟؟ - تم تعديل العنوان

[خشف المطران]

واضح السؤال بنات ...

شرايكم ..؟؟


أحس مصخره .. أنا برايي حلاة العروس بثقلها وعقلها .. مو خففه .. قاعده تهز ... ؟؟

مو حلوه كلش....

أدري إنها رقص بسيط .. ومافي دفاشه .. بس هم مو حلوه كلش..


شرايكم ... حضرتو عروس .. ولقيتو العروس ترقص وكان شكلها حلو ..؟؟


وشرايكم .. بعرسكم .. رقصتو ..؟؟

وإذت بنات .. الله يرزقكم .. تفكرون ترقصون ..بعرسكم ..؟؟

 

[ReMaaas^MLS]

رد: شرايكم برقصة العروسه ...؟؟ لابسه الأبيض و الطرحه .. وقاعده تهز ؟؟؟ ههههههه

الصراحه عاادي عروس ما احس انها ترقص اكثريتهم يتمشون مع هزز خفيف جدا جدا والقصد منه انه المعرس يشوووفها ويطالعا عدل لانه تدرين اول ما يدش يكون لويه ويغتبص وغير انها تكون متغيطيه ما يشوووفها عدل فعلشان جذي احس انه يخلونها ترقص علشان يشوووف كشختها ولبسها ويبطل عيووونه @@ فهميييهاااعااااااااد لووووووووووووووول
بس انا افضل العرووس ما ترقص اهو صج حلاتها بثقلها بس ياترقص رقص يا بلاها وبنفس الوقت احس من حقها ترقص وتستانس بليلتها لانها ليلة العمر وعلشان تحس بالعرس مو جنها مزهريه موجوده بالعرس..
انا افضل الوحده اذا تبي ترقص ترقص خووو انا الي ودي اسويه انشاء الله اذا تزوجت اني ارقص بس مو اي رقص انا بخاطري ارقص حق ريلي شرقي جدااام الكل لوووووووووووووووووووووووووووووووووووووووووول حدي بايعتهااا خخخخخخخخخ

 

[أم سعـود]

رد: شرايكم برقصة العروسه ...؟؟ لابسه الأبيض و الطرحه .. وقاعده تهز ؟؟؟ ههههههه

انا أفضل الوحده ترقص عاادي إشفيها لازم الوحده ترقص حق ريلها ويشوف كشختها ولبسها اهو مو راقصه حق احد غريب

اعرف نااااس تزوجو عن حب وارقصووو وأشرووو بعد وايد كان حلو العرس

الحين الزمن اختلف عن قبل ترا

 

[كتكوته وكيوته]

رد: شرايكم برقصة العروسه ...؟؟ لابسه الأبيض و الطرحه .. وقاعده تهز ؟؟؟ ههههههه

واااااااي ذكرتيييينييييي بعرررسي امبيييه احلالالا شي لمه رقصت امبييه ونااسه طبعا مارقصت بدفاشه رقصت بدلع واصلا انا مااكنت برقص بس خالتي تلتني غصب واختييي وبنات عمييي بسسسسس حدددددده شعووور ثااااااني وليلتج ويحقلج اتسوين اللي تبيييينه امبييييه احد يطوووف الرقصه ونااااااااااااااااسه وريلج رااااااح يتنح فيييج ورااسح تكوون احلالالا ذكرى بينكم

 

[سر الود]

رد: شرايكم برقصة العروسه ...؟؟ لابسه الأبيض و الطرحه .. وقاعده تهز ؟؟؟ ههههههه

انا كنت اعارض ان العروس ترقص بعرسها بشكل كبير و كانت تتطيح من عيني العروس اللي ترقص

بس <<<<<<<<<<<<< ركزوا فيها

بعرس بنت خالتي فاجئتنا برقصها

والله يا بنات انا طول العرس عادي بس لما شتها تقوم و ترقص حسيت مثل شي ينزل على مثل ماي بارد بس حلو استوعبت انها تزوجت و انها الحين بتروح حق ريلها و اهنيه صج قمت ابجي و ابجي بالعرس اكسرت خاطري << حبيبتي و الله

و من بعدها


و انا مؤيدة مؤيدة مؤيدة لرقصت العروس
الحين صج حسيتها شي ما يتطوف

ادعوا اعرس و ارقصها بعرسي ان شاء الله <<< بتعرس على شان ترقص ههههه

 

[أسـيـل]

انا مااحب العروس اللي ترقص حلاتها بثقلها وكل حر بحياته

 

[جوزائيه مغروره]

انا موبي ارقص بس عماتي مصممين

الله يستر

 

[NoNoFeTa]

ليش مصخره عاد !! مافي كلمه تعبر عن رايج بألطف من هالكلمه؟ بالعكس حلات العروس ترقص وريلها يشوف كشختها لان مراح يشوفها بالعرس الا وهي ترقص وهذي ليلتها وخل تستانس وبعدين رقصة العروس مورقص اهو مشي بدلع وحركات موقاعده تهز ورابطه خصرها وهز ياوز وعلى قولتج تكون بثقل وعقل اصلا رقصة العروس مراح تقلل من قيمة العروس كلش وعمري مادشيت عرس مافيه عروس مسمته بالكوشه كل عروس قامت العروس رقصت وياااحلوهم يهبلووون

 

[∫ ∫ ∫ ∫ جــوان ∫ ∫ ∫ ∫]

انا بعد ما اايد العروس ترقص بس ترى كلن له رايه حسب البيئه الى عاش فيها وتربى فيها يعنى مثلا عندنا البدو يعتبر عيب وعند الحضر عادى على حسب جرأه العروس وفى مصر وسوريا لاااااازم ترقص يعنى على حسب البيئه والمجتمع

 

[رفرف]

احنا عندنا عادي اصلا شي غريب اذا العروس ما رقصت كل عرايسنا يرقصون وطبعا انا رقصت مو رقص هززز بس رقصت وصج شي ما يتطوف تحسين انها ليلتج

 

[:: Diva ::]

ودي بس استحي

 

[قلبي معاك]

اذا هلشي مو غريب على اهل المعرس والعروس عادي
واول وتالي هذي حرية شخصيه
مشكورة خوش موضوع

 

[yam_yam]

وي انا عاد قاطه كل هالالاف و مابقا مكان مو دايرة منقية بدلتي و مكياجي اخر شي اقعد
و البنات يرقصون خخخخخخخخخ
لا و الله الا بقول ارقص و استانس و ادور كل القاعة اوريهم كشختي و اخلي ريلي يتحلى علي
بس عادد مو دفاشة لا شي بسيط على دلع
بس احلل البدله عالاقل


عيل لو تشوفين لبنان و سوريا و مصر شسوون صراحة يحللون البدله عدل و العروس صج تستانس بعرسها بس طبعا هم لهم عاداتهم و تقاليدهم احنا مانقدر نسويها مثل الرقص و الاختلاط و هالسوالف
مو احنا نمشي فيها عشر دقايق و نقعد ساعتين و نطلع بس شنسوي هذا النظام

تقبلي مروري

 

[.]

انا عن نفسي ماحب..

وزين مني اذا ريولي وصلتني للكوشه..

انا بستانس بعرسي لاني بفتك محد يقولي رقصي خخخ..

واذا برقص برقص سلو مع ريلي خخخخخخخخ قويه..

مشكوره ع الموضوع..

 

[خشف المطران]

وي انا عاد قاطه كل هالالاف و مابقا مكان مو دايرة منقية بدلتي و مكياجي اخر شي اقعد
و البنات يرقصون خخخخخخخخخ
لا و الله الا بقول ارقص و استانس و ادور كل القاعة اوريهم كشختي و اخلي ريلي يتحلى علي
بس عادد مو دفاشة لا شي بسيط على دلع
بس احلل البدله عالاقل


عيل لو تشوفين لبنان و سوريا و مصر شسوون صراحة يحللون البدله عدل و العروس صج تستانس بعرسها بس طبعا هم لهم عاداتهم و تقاليدهم احنا مانقدر نسويها مثل الرقص و الاختلاط و هالسوالف
مو احنا نمشي فيها عشر دقايق و نقعد ساعتين و نطلع بس شنسوي هذا النظام

تقبلي مروري

تفكرين بتحليل البدله هههههههههههههههه ..

عزتالله ما حللت بدلتي ... دشيت . و قعدت على طول وراي داش المعرس على طول طلعنا ..ولا بعد منزله راسي


وما يصير أبتسم . إن شافوني مبتسمه .. أو رافعه راسي..

قالو هالبارع اللي ما تستحي ..؟؟ <<< الله يعينا على هالعجايز .. تعبنا نحاتي كلامهم

 

[خشف المطران]

أنا بالنسبه لمجمتعي .. واحد من جماعتنا أخذه حضريه .. السالفه من عشر سنين ..

ورقصت بعرسها ... لين يومكم هذا و الحريم يتكلمون فيها ... مثال ( الحمدالله والشكر.. لا تستحي ولا تنتخي .. قامت ترقص فبدلة عرسها .. و الخبل زوجها وياها .. ) مو كلامي كلام الحريم ..

حتى زوجها ما خلوه المسكين .. تحشو لين خلصو .. بس هم أهو بدوي المفروض يعرف إنه هذا ما يجوز عندنا ..

مو يطاوعها ...

و على فكره البنت .. تطلقت من سنين .. ومالله كتب لها قسمه وياه ... بس للحين .. جماعتي مو ناسين .. صدمتهم .. برقصها ليلة عرسها...




وأكيد حرية شخصيه .. لها .. بس هم لكل .. مجمع طريقة و تصرفات معينه .. إن دخلتي معاهم . مجبوره تتطبيعين بطبايعهم ..

إنهي تدري إننا ما نحب هالسوالف . و أنا بنفسي قايلتلها .. ترى عيب عيب عيب. .. ومحد بيخليج . .. و إهي الله يهديها طقت الناس كلهم بالطوفه وسوت اللي براسها و بالأخير.. حصلت .. حجي له أول ماله أخر ... كان له داعي .. لو سامعه حجينا . أبرك .. لها ..



هذي القصه كنت فيها . .من 10 سنين .. . .وهذي تفاصيلها .. شفتو شلون مجعتمعنا متشدد ..؟؟ 10 سنين ..؟؟

يالله إنتو قولولي تجاربكم الشخصيه .. وأرائكم ..

وتكفون لا تقلبونها هواش...

تكفون ما نبي هواش... خليكم ريلاكس.. ريلاكس.. و إنتو تردون ..

 

[مطيريه ماركه]

شوفي انا بقول وجهة نظري مابي احد ينتقدني هذا رايي

انا الحين ارقص بعروس خلق الله وما ارقص بعرسي ياحرتي بس يبقى لمجتمعي راي فوق رايي وماقدر ارقص والا لو رادة علي برقص لين اقول بس ههههههههههههههههههههههههه

بس انا عندي حركة تطلع مافين منر قص قبل عرسي بيوم بسوي حفلة لرفيجاتي :gathering:

ونردح ردح وهم واعديني يحطون لي اغنية واخيرا اتجوزت :ggdw:

تراااااا مو مستعجلة ع الزواج بتخرج ويجيب الله مطر :27d66a9c24b146327bf

ويسلممممممممممممممو حبيبتي ع الموضوع الحلو في موضوع قبل مشابه بس كان عنوانه شنو الاغنية اللي رقصتي عليها بعرسج

 

[خفايا الروح]

ما افكر اني ارقص استحي واحس اشحقه ارقص يعني عشان شنو

عشان تزوجت وبعدين !!!! كل خلق الله تزوجت خخخخ

وما صار هالشي عندنا ما يرقصون عرايسنا ...

وان رقصت عزالله رحت فيها وصرت علج بحلوج العجز الله يعينا عليهن ....

اصلا ماراح يكون فيني حرت الرقص اللي ممكن تصيبني بعروس خلق الله ..لاني بكون بعالم اللاوعي ..

 

[*^*مــــزيــــانــــا*^*]

اهوا طبعا ترد على حسب البيئه

نــاسج واهلج ... شنو متعوديــن عليه

يعني بعروووس البدووو ... ما ترقص .. والحضـــر عادي..

على حســـب ....

بس بالنسبه لي ... اذا مو راجعه لبيئتي ( البدويه ) ...

هم ما ارقــــص ... استحـــــي ( :eh_s(22): )

احس حلووو تكووون قااعده بثقلها وبرزتهـــا وناسهاا ورفيجاتها وأقاربهااا
اهما اللي يرقصووووون عشااانها .. وعشان فرحتهــــا

يعني ماعندي جرأه .. اني اسووي هالشي ... زين منى اذا وصــلت الكووووشه بســـلام ... :eh_s(1):


وسلامتكـــــــــــــــــــــــــم

 

[رفييف]

اللي صاير عندنا مع اني حضريه
اذا العرس ببيت عادي ترقص
اذا بفندق لا مو حلوه
بس ليش عاد . مادري لا تسألوني لووووووووووووول

بس في شغله غريبه ! رحت عرس 2 من رفيجاتي بدويات ! و رقصو بالعرس عادي !