شرايكم بتخصص رياض الاطفال؟؟؟؟؟؟تكفون فيدوني ++(دمج المواضيع المتشابهه)++

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

انا اقوول دامج على البر حولي من هالتخصص وافتكي

ترى اللي تدرسينه شي والوقع شي ثاني

العله مو باليهال لا, العله بالتوجيه وادارات المدارس وطلباتهم

والله شغلج مو بس بالرووضه الا شغلج اصلا ما يبتدي الا لما ينتهي الدوام

عاد قعدي راكضي حق درسج باجر ووسائلج ومنبهاتج

مرات احس ان خلاص راح تصير فيني سكته دماغيه من كثر ما افكر بمنبه مشوق وطرييقة عرض مختلفه

وهذا انا مو يديده صارلي هالسنه 13 بس ماكو فايده, حتى الاشراف صار لنا ناجحين من سنه وكانا قاعدين يقولون ماكو مكان !

سنه بعد سنه السالفه تتعسر...

حتى الاشراف صار لنا ناجحين من سنه وكانا قاعدين يقولون ماكو مكان !

مافهمتج هني

شنو يعني ؟؟؟:eh_s(1):


باعيط وربي ​

 

[[..كـــــرك..]]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

الاشراف امتحان يقدمونه الابلات عشان يترقون يصيرون مشرفات اوائل

 

[[..كـــــرك..]]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

تعالي اقولج

حتى انتي عندج مشكله بالتخصص

انامن اليوم ادخل واطلع موضوعج قمت اراجع حساباتي والنتيجه توقيعي :dddds:

 

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

كرك


الظاهر للموضوع جوانب سلبيه على مدرسات وطالبات رياض الاطفال

 

[طبيعيه]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

انا ما راح اقول لج زين و لا شين
انا راح اعدد لج المميزات و السلبيات
و انت احكمي
السلبيات
1- جدول مضغوط يعني ماعندج و قت راحه الا فترتين
2- الوسائل و الاغراض المطلوبه منج وااااااجد وصعوبه في تخزينها
3- مزااااااااااااااااااااااج الموجه و المشرفه و الناظره ( اذا حبوج ريحوج واذا ما حبوج نطروا عليج الزله ... و انا مجربه النوعين )
الايجابيات
1- الطلعه من الدوام الساعه 12 و ربع ( هذا اكبر سبب مخليني لي الحين قاعده بالروضه ومتسكه فيها )
2- ما في درجات مافي شهادات ما في عوار راس
3- تقربيا اخر شهر من كل فصل ( يعني شهر 1 وشهر 5 يغيبون الجهال وبمجرد غيابهم حطي راسج و نامي
4 - فتره التدريس الفعليه في اليوم اهي 20 دقيقه حلقه و 40 دقيقه لا صفي و وحده منهم عليج باليوم و الثانيه على رفيجتج

اما بالنسبه للمطامر و التنقز مع الجهال
حسب مزاجي اذا كنت مستانسه و الاداره مريحه على قلبي احلى من العسل
اما يوم كانت الاداره متعسفه و مليقه احس جنه روحي بتطلع
يعني اهو في النهايه
في سلبيات و في ايجابيات
و يعتمد على مدي راحتج بالروضه
و بيني و بينج كل وظيفه لها عيوب و مميزات
و الاستخاره اهو الطريق الصح
انا مرتين فكرت احول .... بس سبحان الله بعد الاستخاره تغير الحال
و موفقه حبيبتي

 

[أحلى شمريه]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

تعب تعب نفسي وجسدي :0bee2e8d89:

وياليت احد يقدر تعبنا وشغلنا


تدرون ان ناظرتنا جم مره تدخل علينا بالكورس؟

والله العظيم ان الناظرة بروضتنا تدخل علينا بكل خبرة


مليت

لو كنت محولة مدرسة جغرافيا أحسن بمليووووووون مره من الروضه:eh_s(1):

 

[^DanaH^]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

واااااااااااي موضوع مهمممممممممم خلوني افضفض عيل ...

السلبيات ويااااااكثرهاااا ...

1. انتي لست معلمه فقط يعني انا انصدمت ان اليهال آخر همهم في الروضه اهم شي الاداره ترززين عندهم وتكرفين لهم من طباعه بالكمبيوتر الى شغل باور بوينت ... الخ ... واذا حبوج خلوج فوق القانون تسوين اللي تبينه وغيرج يكرف ....

2. انتي مشرفة تغذيه يعني لاتتوقعين انج مجرد ادرسين خبرات وتشتغلين للاداره لا تاخذين اليهال للمطعم واتبطلين لهم وجباتهم وتوقفين على راسهم لين يخلصون أكل ...

3. الفرصه توقفين تراقبين اليهال ممنوع تقعدين على كرسي لاء انتي معاقبه وياويلج اذا ياهل طاح او ياهل طق الثاني او صار اي شي انتي محاسبه !!!!

4. فترة الراحه عندج قليله ممكن فترتين باليوم ويطلع لج فيها شغل مرات ياتدريب او تروحين تزهبين حق فترتج الثانيه من اغراض وعفسه .

5. ماعندج مكتب واغراضج وجنطتج ممنوع تحطينهم بالفصل !!!!

6. منهج رياض الأطفال غريب عجيب ماله ملامح عندنا دليل المعلمه ومكتوب فيه الدروس بس مايبونج تقدمين نفسهم!!! يبون تخترعين ادروس وتحطين هدف من عندج للدرس وغالبا اختراعج مايعجبهم !!! انزين ليش مايسوون منهج ثابت نمشي عليه ويخلونا نبدع في كيفيه تقديم الدرس بس !!!

7. كل شهر لهم قرارات يعني مثلا الشهر هذا ادرسين شي الشهر الياي يمنعونه قراراتهم تتغير بسرعه مايمديج تحفظينهم !!!

8. النقطه هذي تصير للبعض مو للكل صارت معاي شخصيا اذا الاداره حطوا عليج لو تسوين شنو انتي مدرسه دون المستوى .. وظلم عينك عينك يبدون الناس اللي ماتستاهل عليج لانج ماتجاملين الاداره وماترتزين عندهم تحشين باللي يسوى واللي مايسوى ... وينطرون عليج الزله ..

10 . بالاضافه الى انج مدرسه رياض اطفال انتي مدرسة حركيه (بدنيه ) وهذي الحصه يبيلج على الأقل ربع ساعه اتزهبين اغراض البدنيه والمسابقه والمسجل والمنبه !!! وممنوع تخلين فترتج اللي قبلها وتكون اركان !! شي غريب عجيب!! و انتي فراشه لان اغلب فراشات رياض الاطفال يختفون بنص الدوام يعني لوياهل وصخ عاد دبري عمرج معاه وروحي الاداره يطلعون رقمه ويدقون على اهله اذا ماعنده غيارات ولاتنسين ماتقدرين تخلين صفج اللي فيه يهال ... بالعربي لازم تكونين شخصين في واحد شلون مادري ..

11. كل كورس يحطونج مع مدرسه تكون مكلمه لج عاااااد انتي وحظج هالمدرسه زينه ولا مهمله ولامهاوشجيه يعني انتي وبختج ... واذا كان حظج حلو هالكورس وطحتي مع وحده زينه لا تضمنين الكورس الياي بيحطونج معاها ...


12 . صحيح رياض الاطفال تتعاملين مع يهال ومافي تصحيح وتطلعين مبجر بس من الساعه 7ونص لي ال 12 وثلث وانتي تكرفين فوق طاقتج !!!!


الصراحه انا محبــــــــــــطه من رياض الأطفال والله لو ينعاد الزمن جان غيرت تخصصي رياض الاطفال لان دراسته شي والواقع شي مرعب !!!

ماقول الا حسبي الله ونعم الوكيل ...​

 

[الزين 83]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

^DanaH^
صاجه والله نفس اللي بقوله بس انا احسن منج وايرا قررت احوووووووووووووول اداريه رحت الوزاره وقلت لهم بحوووووووول قالولي انتي جم خبرتج قلت 3 سنيين قالي ماتدرين ان التحويل بعد 10 سنييييييييين والله مت من الضحك
شنوووووووووووووووووووووووو 10 سنيين انت من صجك بكيفكم؟ مؤبد
وانشالله الله يسهل علي واحوووووووووول وانحاااااش ادعوووووووووولي

 

[((الجوري))]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

اناا الكورس الطاف تربيه عمليه .. وصج صج تعبت ولاعت جبدي من التدريس ومن الروضه كلهااا بس بسبة المشرفه ..

يعني اهم بالروضه االاداره من ناظره ومشرفه واذا كانت الاداره زينه بترتاحيين مع اني ما اعتقد ينوجد هالشي ..

وفكرت احول اداريه بس بعدين غيرت رايي بعد ما استخرت وقلت اتوظف يمكن يحطوني بروضه زينه وارتاح فيهاا .. بس اذا شفت اللي شفته

ايام العملي بحول على طول ..

 

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

بس بنات انا مقيده بالتدريس

تتوقعون لو احول ابتدائي .. مو مثل الشي ؟؟؟


تكفون ردوا على هالتسائل

لأني ماقدر كلششش اغير التربية ​

 

[*أم*خالد*]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

امممممم ماجربت الابتدائي

بس الضغط أكبر بالابتدائي من ناحية (((( تدريس ))))
تصحيح .. تجابلين أكثر من صف واكثر من منهج

اما رياض الأطفال أهون

وسئلي مدرسات الابتدائي بالقسم اللي بره وشوفي

 

[الزهقانه]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

اذا كان بامكانك حبيبتي انك تنحاشين فلاتقصرين لانك راح تندمين كثر شعر راسك والله العظيم انا صار لي مدرسة روضة 12 سنه والله اسودت الدنيا بعيوني والحين قاعدة احاول ان انتقل للسراج المنير

 

[^DanaH^]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

الزين من صجهههههههم عشر سنين !!!! انا مفكره احول اداريه او اغير الوظيفه بكبرها وقاعده اسال مني ومناك لاني جد زهقققت احس ليما الحين طالبه ماتخرجت فوق راسي ابله وتحنننن وواجبات وامتحانات اشغال شاااقه هههههه .....

 

[nsoom777]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

حبيبتي خلاصة الموضوع راحت بالدوام تعتمد على ادارة الروضة نفسها وانا جربت رياض انكرفت فيها وماكان يعجبهم شي بعدين نقلت والله وفقني وكاني مرتاحة والحمدلله والحين النظام الجديد كل صف 3معلمات وانا لي 3سنوات وصفي 3 معلمات والجدول خفيف يعني تعطين حلقتين ولاصفي بالاسبوع بس للحين ماتطبق على جميع الرياض للنقص بس خلال 5سنوات راح يطبق واذا عالجراة انا استحي حيل والعن منج بس مع الممارسة تتعودين ومن السنة الجاية راح يكون في منهج تدريس ثابت رياضيات وعربي وعلوم وبالنسبة للوسائل راح تتعبين اول سنة بعدين بتكون متوفرة عندج وعلى قط فلوس اقولج حسب الادارة وانت استخيري وشوفي شنوالله يكتب لج موفقة

 

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

بس بنات انا مقيده بالتدريس

تتوقعون لو احول ابتدائي .. مو مثل الشي ؟؟؟


تكفون ردوا على هالتسائل

لأني ماقدر كلششش اغير التربية

ومشكورين بنات ​

 

[^ليلاس^]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

بحبطج شوي لووول

عنبر اخو بلال يعني الابتدائي نفس الروضة اثنينهم شغل وكرف
وتوجيه وادارة ولويه

 

[nsoom777]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

خليج بالروضة اهون مافي لاتصحيح ولادرجات ولامطالب مع اولياء امور ليش منقص درجة وليش ظالمة ولدي ............................الخ

 

[رومنسيه بس دلوعه]

السلام عليكم ورحمة الله وبركاته ........:aha:

بنات بغيت اسالكم عن تخصص رياض الاطفال
تنصحوني اني ادش هالتخصص
يعني الشغل باجر ما يتعب وحلو والمعاش نفس معاش المدسه مالت الابتدائي .......

بنات بلييييييييييييييييز بليييييييييز ساعدوني ترا جد محتاره :gr4uu:


واذا تخرجت اتوظف بسرعة ولا انطر جم سنه
وبعدين اقدر اذا زهقت من وظيفتي احول شي ثاني

فديتكم يا كوييييييييييييييييييتيااااااااااااااااااااااااااااااات لا تخلوني تسجيلي بعد جم يوم :lkmnkl:
ونسيت لا اقولكم انا بجامعة الكويت​

 

[الدلال]

رد: شرايكم بتخصص رياض الاطفال؟؟؟؟؟؟تكفون فيدوني

لازم تحطين في بالج ان شغل معلمة الروضه متعب وحيل موشويه

وترى هالمعاش اللي كنا مستانسين فيه قاعد يطير على وسائل الرووضه

ونصيحة مدرسة صار لها 13 سنه بالروضه , اذا في مجال تتوظفين في مكان ثاني لا تطوفين وانا اختج

 

[عبق الورد]

رد: شرايكم بتخصص رياض الاطفال؟؟؟؟؟؟تكفون فيدوني

والله رياض الاطفال تعب .. ياليتني ابتدائي
ما عندنا منهج واضح انتي مدرسه لكل شيء درسين وترقصين وتغنين انتي ابله موسيقى وابله الالعاب وانتي ابله رسم وارقوووز ونجار وصباغ
بعدين صعبه ترقين بسرعه والله اعرف ناس اربعه تعش سنه وللحين مدرسات والابتدائي اعرف وحده ست سنوات صارت رئيسه قسم
واذا تدبستي خلاص مافي فكه من الرياض .. والله صاير لي ثلاث سنوات ادور طريقه اطلع من هالمجال بس املي بالله اكبير
اذا ودج بالتدريس اختاري ابتدائي ارحم على اقل متخصصه بشيء واحد تقدمين حصتج واذا خلصتي تروحين عندج مكتب معززه مكرمه
مدرسه روضه عينج عل الاطفال بكل لحظه وربي صرت احلم فيهم .. نصيحه لوجهه الله لا انحاشي
ادري طولت بس من كثر ما اعاني ..