شرايكم بتخصص رياض الاطفال؟؟؟؟؟؟تكفون فيدوني ++(دمج المواضيع المتشابهه)++

[^ليلاس^]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

بالنسبة للاطفال ما عليهم كلام يونسون وانتي بيدج تتحكمين فيهم

بس الادارة والتوجيه وصرف البيزات

 

[دنياك دنياي]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

انا بقوووووووووووووولج

اول تعـــــــــــــــــــــــب

من الصبح لين نهاية الدوام واقفه على ريلج

قاني شي تشتغلين بالروضه وبالبيت واذا كنتي متزوجه وعندج يهال تعب زياده

سواء كنتي بالبيت طالعه مع ريلج عززيمه عرس تفكيرج كله بالروضه وبالدرس الي بتقدمينه

ما يندرى تطلع لج ناظره ولا مشرفه ولا موجهه لووووووعه تكرهج المكان الي فيه

وفي مساوئ وايد بس ما اجذب عليج واقوولج راحه لااااااااااااا تعبببببببببببببببببببببب وستين الف تعب


المميزات


طلعه ساعه 12

والعطل بسسسسسسسسسسسسسسسسسسسس فقط لا غير

 

[لباس التقوىk]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

كل مكان فيييه الشين

 

[*أم*خالد*]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

:ada:مستعده تشتغلين صبح وعصر ؟؟

تذكرين حالج بالثنويه شلون ترجعين وتسوين واجباتج وتزهبين شغلج ؟ نفس الشي بالضبط مايتغير شي

انا كنت اقول مافي صرف واللي معاي بمشاركاتي يشوف كلامي ابسط الصرف .. بس عقب ماحطيت لي كشف اكتب فيه كل فلس وين انصرف لقيت اني صارفه على الروضه 60 دينار من نزل المعاش

والله نصيحه لج دوري مكان مافيه مسؤولية مثل التدريس
اذا بايدج تطلعين من التدريس

واذا مو بيدج خلج بالروضة ارحم من الابتدائي بوايد

 

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

:0bee2e8d89:


انا عارفه كل شي فيه الزين والشين

بس مرات الشين يطغى .. يكون الزين فيه 40%

والاشياء الشينة 60%

مادري انا رفيجاتي يقولون مدرسة رياض الاطفال = ارقوز :0bee2e8d89:


وفي دكتور بالجامعه استشرته يقول طلعي .. انتي جنج بيبي ستر

:eh_s(1): جليسة اطفال :eh_s(1):

حيل حبطني .. :eh_s(1):

ياربي يكون بعوني

والله حدي متعذبة​

 

[عبق الورد]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

السلام عليكم ورحمه الله وبركاته

حبيبتي انا مدرسه صار لى ثلاث سنوات انا جريئه حيل ونشيطه وشاطره بمجالي
واحب الاطفال وعلاقتي فيهم ممتازه لدرجه ان امهات الاطفال اللى كنت ادرسهم السنه اللى طافت يجون ويسلمون على وذلك لطيب العلاقه بيني وبينهم والاطفال اللى كنت ادرسهم السنه اللى فاتت مستوى اول اذا شافوني بالنشاط او بالفرصه يركضون ويضموني وآنا بعد المهم واضمهم
حبيبتي مجال رياض الاطفال مجال متعب متعب جدا جدا
المشكله مو بالجهال او بالجرأه او تحبين الجهال والا ماتحبينهم
المشكله برياض الاطفال نفسه والمنهج متعب جدا وتقسيمه الجدول غلط بغلط
مثل ماقالت الاخت الكادى من تفزين من الصبح وانتي واقفه على رجلج غير الوسائل اللى كل يوم رايحه السوق عشان الوسائل
والوسائل والمسابقات اللى مقدمتها السنه اللى فاتت ماتقدمينها السنه هذى >>>>> حكم قراقوش
غير المشرفه اللى كل اسبوع لازم تدش عليج وتحضر لج درس
والناظره مرتين بالكورس تدرش عليح
على عكس المراحل الثانيه اللى المشرفه ماتدخل لج الا مره بالكورس
رياض الاطفال مراقبه مو طبيعيه يحطون المدرسات تحت المجهر الله عاد والمنهج شدعوه عاد
وكل سنه تتتغير الموجهه وكل سنه تتغير التوجيهات شئ مو طبيعي عذاب وضيم ضيم
وارهاق ارهاق موطبيعي وتحميل فوق الطاقه
انا احب الاطفال ومبدعه معاهم لكن المشرفه تخيس نفسيتي وتجنني والله 100 مره افكر ااطلع واستقيل زهقت زهقت
والا اروح واحول اداريه
اتصحج لاتعبين نفسج روحي مجال ثاني روحي المرحله الابتدائيه تخصصي ماده غير اساسيه والمعاش هوه هوه
احنا متبهدلين آآآىخر بهدله وغيرنا على مكاتبهم قاعدين وحاطين رجل على رجل احنا مكاتب مثل الاوادم ماعندنا وقتنا كله بالصف واذا كلش رحنا غرفه المدرسات نص ساعه بس او اربعين دقيقه فقط هو وقت اللاصفي اذا ماكان عليج والله جداولنا حدها خاااااااااااايسه طول اليوم ماسكين الاطفال ضيم وعذاب مافي راحه
لاتقولين كلام حريم هذا واقع مدرسه رياض مبدعه ومجتهده في مجالها
ويكون بعلمج بتقعدين تكرفين 15 سنه وانتي مكانج لاترقيات ولاشئ وزين اذا ترقيتي مشرفه بعد 15 سنه
وغيرنا يتوقون بعد 7 او 8 سنين شفتي الفرق

انتي وكيفج استخيرى عن هالمجال

نفس حالتي بالضبط .. هدي ثالث سنه بس زهقت .. وربي الاسبوع اللي فات تنحت عند ابوي ابي احول بروح اي مكان بس برتااااااااااااااااح بس الكل يقول لابوي صعبه التحويل بس انا قاعده وادعي الله كريم الله قادر على كل شيء ان شا الله القى لي مخرج .. انا تخصص رياض اطفال ومتخرجه بتفوق والله من الجامعه وهذي المشكله تدبست مافي تخصص مساند
نصيحه حولي حتى لو تروح عليج سنتين ولا يرووح كل عمرج بالروضه

 

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

:0bee2e8d89:


عذاب والله مت خووووف ​

 

[ام كتكوت]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

استخيري ياقلبي اهم شي

ماخاب من استخار

والله يوفقج حبيبتي ... ويسهل دربج

 

[رضاب]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

عندك خبر


كل عمل وله سلبياته


الله كريم يارب

 

[فوفو22]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

انا ادرارية بالروضة

ترى اليهال اذا صار برد غابو

اذا عندهم عرس غابو

اذا غبار غابو

وآخر شهرين بالسنة غابو

واذا امهم والده غابو

وقبل العيد يغيبون

وبرمضان يغيبون

يعني بصراحه شهرين بالسنه هو التركيز على الدراسة

ولكن مشكلتهم مو اليهال

مشكلتهم الحقيقية

بالمشرفات الفنيات والوكيلة والمديرة

 

[***بنت الكويت***]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

انا هم تخصص رياض اطفال

واشوف اسهل شي رياض اطفال اهون من التدريس بوايد انا ماني فاضيه التزم بمنهج واعيده حق اربع خمس صفوف على الاقل اقعد بصف واحد احسن لي والتدريس كله صعب ترى مافي شي سهل تبين المعاش تبين فلوس لازم تتعبين ولج الاجر ان شالله وادعي ربج ان يحببج بالتخصص

 

[الدلال]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

انا اقوول دامج على البر حولي من هالتخصص وافتكي

ترى اللي تدرسينه شي والوقع شي ثاني

العله مو باليهال لا, العله بالتوجيه وادارات المدارس وطلباتهم

والله شغلج مو بس بالرووضه الا شغلج اصلا ما يبتدي الا لما ينتهي الدوام

عاد قعدي راكضي حق درسج باجر ووسائلج ومنبهاتج

مرات احس ان خلاص راح تصير فيني سكته دماغيه من كثر ما افكر بمنبه مشوق وطرييقة عرض مختلفه

وهذا انا مو يديده صارلي هالسنه 13 بس ماكو فايده, حتى الاشراف صار لنا ناجحين من سنه وكانا قاعدين يقولون ماكو مكان !

سنه بعد سنه السالفه تتعسر...

 

[الدلال]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

انا ادرارية بالروضة

ترى اليهال اذا صار برد غابو

اذا عندهم عرس غابو

اذا غبار غابو

وآخر شهرين بالسنة غابو

واذا امهم والده غابو

وقبل العيد يغيبون

وبرمضان يغيبون

يعني بصراحه شهرين بالسنه هو التركيز على الدراسة

ولكن مشكلتهم مو اليهال

مشكلتهم الحقيقية

بالمشرفات الفنيات والوكيلة والمديرة

ويييييييه خلف الله علينا

احنا يهال روضتنا لو صار زلزال ولا حتى اعاصير قبلنا يداومون

 

[***بنت الكويت***]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

ههههههههههههههه يحليلهم والله اليهال

 

[عالي مستواها]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

ما يعرف معاناة الرياض إلا مدرسات الرياض نفسهم

واللي تقول ليش يتحلطمون وينحشون الناس وهم ثابتين بمكانهم .. هو في مخرج أصلا ً

والله لو فيه جان محد قعد بالروضة كل المدرسات اللي اعرفهم لايعه جبدهم .. الوضع لا يطاق

بهرجه وتعب وتعقيد وتكاليف وصرف كله عشان عيون المشرفات والموجهات والناتج للطفل 0

رقص وأغاني وتمثيل وطقطقه ويتخرج الطفل حصيلته صفر على الشمال

كلش التعب مو من الأطفال و دوامهم التعب كله من الإستغلال المادي اللي قاعد يصير تأثيث صفوف وقط وسائل مصورات ومجسمات وشغل الدنيا كله كل يوم سوق ولا مكتبة أو دسمان تعب مو طبيعي

وصدقيني اللي ايده بالماي مو مثل اللي ايده بالنار .. لا تاخذين راي إلا مدرسات الروضة لانهم هم أعلم بالمعاناة اللي تصير

بكره بتتخرجين وتتحسفين على هالتخصص التعيس

 

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

ما يعرف معاناة الرياض إلا مدرسات الرياض نفسهم

واللي تقول ليش يتحلطمون وينحشون الناس وهم ثابتين بمكانهم .. هو في مخرج أصلا ً

والله لو فيه جان محد قعد بالروضة كل المدرسات اللي اعرفهم لايعه جبدهم .. الوضع لا يطاق

بهرجه وتعب وتعقيد وتكاليف وصرف كله عشان عيون المشرفات والموجهات والناتج للطفل 0

رقص وأغاني وتمثيل وطقطقه ويتخرج الطفل حصيلته صفر على الشمال

كلش التعب مو من الأطفال و دوامهم التعب كله من الإستغلال المادي اللي قاعد يصير تأثيث صفوف وقط وسائل مصورات ومجسمات وشغل الدنيا كله كل يوم سوق ولا مكتبة أو دسمان تعب مو طبيعي

وصدقيني اللي ايده بالماي مو مثل اللي ايده بالنار .. لا تاخذين راي إلا مدرسات الروضة لانهم هم أعلم بالمعاناة اللي تصير

بكره بتتخرجين وتتحسفين على هالتخصص التعيس

عشان جذي سألتكم

زين شحووول .. انا ماقدر الا بمحيط التربية

ابي هندسه بس صعبة .. بروح باجر بسأل العمادة

واذا بغيت احول ابتدائي مو مثل رياض ؟؟ والا هم اريح ؟؟

ومشكورةعلى رااايج ​

 

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

استخيري ياقلبي اهم شي

ماخاب من استخار

والله يوفقج حبيبتي ... ويسهل دربج

استخرت حسيت مادري شلون لين الحين :eh_s(1):

مشكورة ياقلبي ​

 

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

انا ادرارية بالروضة

ترى اليهال اذا صار برد غابو

اذا عندهم عرس غابو

اذا غبار غابو

وآخر شهرين بالسنة غابو

واذا امهم والده غابو

وقبل العيد يغيبون

وبرمضان يغيبون

يعني بصراحه شهرين بالسنه هو التركيز على الدراسة

ولكن مشكلتهم مو اليهال

مشكلتهم الحقيقية

بالمشرفات الفنيات والوكيلة والمديرة

انا ماحب ارهق نفسي وانجن عشان وظيفه

ابي شي ماقول سهل لا فيه صعوبه بس مثل الناس

مو الناس مستانسه وانا بضيقه وكدر والعن الساعه اللي دشيت فيها

في حريم ياعمري يبون طق الحنك على قولتهم .. انا ابي اشتغل واحلل معاشي

بس مو مثل ماقلت ابجي واتندم ​

 

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

عندك خبر


كل عمل وله سلبياته


الله كريم يارب

اعرف بس مثل ماقلت مرات السلبيات اكثر

وتسلمين على رايج .. ​

 

[ع ــندك / خ ــبر]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

انا هم تخصص رياض اطفال

واشوف اسهل شي رياض اطفال اهون من التدريس بوايد انا ماني فاضيه التزم بمنهج واعيده حق اربع خمس صفوف على الاقل اقعد بصف واحد احسن لي والتدريس كله صعب ترى مافي شي سهل تبين المعاش تبين فلوس لازم تتعبين ولج الاجر ان شالله وادعي ربج ان يحببج بالتخصص

:0bee2e8d89: والله بكل رد اخاف اكثر :0bee2e8d89:

ومارسى على بر بالعكس تزيد الضيقه ​