شرايكم بالوضع بديرتنا؟؟؟؟؟؟؟؟

[HeR HiGHNeSs 90]

قوه









بنات موضوعي وايد ترددت اني اكتبه او لاء لانه هنييي ماشااله كلش مو حق الشماته
ماقصد المنتدى قصدي الناس بالكويت
لاني ان تحجيييت قالو ماعندهااا ومو ستاايل ومو هاي :nocommint:









بس جد جد بنات
يعني الحيين الحلو بديرتنا انه الكل قام يشتغل من شبابنا وااايد الغالبيه ماقامو يعتمدون على مصروف الاهل
وهل شي حلوو يعني الي يقدروون يفتحون لهم بوتيك والي مايقدرون يكتفون بالمعارض

بس يعني مهما يكووون هذيل باول الطرييج يعني مو الي تقولون دزاينرز معروفيين
يعني الي تصمم اكسسوار يكون خيط وحديده وشوية ستراس وتبيعه على 30 ليش؟؟
مادري الاخت مصدقه نفسها دزاينر مشهوره؟:gr4uu:



والي يسووون كيك وهلسوالف الدرزن 50 ويطلع يلوع الجبد ولا يسوونه بالبيت
المشكله اهلهم مستانسين فيهم يشجعووونهم

يعني الي محتلين هلسوالف اغلبهم الماك جكن :eh_s(6): ورفيجاتهم لانهم وايد يشجعونهم
وسوالف الجامعه كلها تصير معارض وشغل فلانه وشغل علانه
واذا سالتي عن شغله شنو يعني وله وين يعطونج نظره :eh_s(12): من صجج ماتدرييين انتي وين عايشه انتي وينج عن الدنياا

اوكي اذا بقط على اكسسوار تافه 50 و60 على بونه فلانه مسويته ولام استعرض فيه جدام البنات بالجامعه عشان اصير ستايل ولازم اكون اول وحداا

غير الملابس خو الحيين منو ياخذ من محلااات!!! لازم من معرض والقطعه مو متكرره
وتعالي شوفي كل يوم وحدا طالعه بشي يديد
بناات الشغل حلو اوكي اشتغلو بس شماله قطعه خام تلوع الجبد مسويه الموديل لوعه وتبيعينها بذيج القيمه ؟
حراام يعني والله معقوله محد يفكر نفسي وله انا ماخذه الموضوع بحساسيه مادري والله:080402ask_prv::080402ask_prv:

بس يعني معقوله بنيه توها طالعه تسوي معرض تبيع شغلاتها بنفس اسعار الماركات العالميه الي عليها طق مطاقق ومحد يقدر يوصل لها؟؟ ومعقوله الكل يشوف هل شي عادي؟ وله مستحين اتحجون؟

انا عن نفسي بصراحه لو اموت ماقول هلكلام حق احد لانه ادري الي حوالي شنو تفكيرهم :denya:

الحمدالله كلنا محد قاصرنا شي خصوصا احنا بنات الكويت صرنا اخس من بنات لبنان نقط قط على نفسنا بس حراام والله يعني القطعه مو ماركه عشان تنباع بذاك السعر

ومادري قولولي رايكم؟]​

 

[alb7ranya17]

رايج جين ومو جين
يعني يترزقون الله بعد عمري صج اسعارهم خيال بس على قولتج هذي الدنيا خخخخخخ وبعدين انتي حبيبتي لا تشترين من الي اكلهم يلوع الجبد اشتري من الي اكلهم حلو مثال انا اموت عالماك جكن بماقدونالدز واموت على جكن جورميه صيري مثلي روحي وعظي الصمونه واهي حاره بالسياره وعلى طاري الاكسسوارات حبطتيني الحين انا اهلي يشجعون فيني انزل تصاميمي بالمنتدى بعد موضوعج اكتفي بكسسواراتي لي ولبنتي هههههه

 

[HeR HiGHNeSs 90]

لا حبيبتيييي انا موضدهم بس ضد الاسعار المبالغه فيها يعني راس المال يكون خنقوول 10 ياخذون فايده فوقه 50 ميصيير يعني لازم الاسعار معقوله

بالعكس انا احب اشجع الناس واشوف شغلهم بس حرام اسعار ماركات عالميه واهما توهم ابداية الطريج

يعني الميك اب ارتست الي ميك ابهم ب 200 و300 شدعوااا وين صارت هاذي؟؟؟ كلها حق يوم واحد ويمكن 7 ساعات بالكثييير
منو الي وصلهم لهدرجه غير الي يشجعهم عرفتيي
وبالعكس موفقه بشغلج حبيبتيي

 

[alb7ranya17]

صح انا معاج اب هالنقطه وايد يبالغون بالاسعار والي تشوف في اقبال على بضاعتها تستخف وتطق بالعلالي هذا غير اجره المندوب
وتسلمين يا قلبي

 

[HeR HiGHNeSs 90]

الله يسلمج نورتي الموضوع

 

[رنه خلخال]

انا ما احب سوالف هالمعارض كلش لان مبالغ فيها ويعطيج العافيه عالموضوع
عاد اقولج شي تدرين ان اغلب الاكسسوارات ايبونها من الهند رخيصه وايد وابيعونها اهني دبل لا لا مو دبل مره وحده الا 10 مرات اكثر من السعر الحقيقي ولا اتييبلج نفنوف من امريكا ساده واهي اتحط عليه جم اخرزه ولا على قولتهم استراس وقالت فنانه الصراحه شي مبالغ فيه وااايد عالعموم البنات اهما راضين بهالشي فاللي عنده خل يشتري وعليهم بالعافيه

 

[نور الفنر]

انا معاج اعتقد من الترف الزااااااايد والفرااااااااااااغ ... صار هذا حالنا ...

 

[brettey]

تبين الصراحه ؟الغلط منا احنا الي نعطيهم ويه
يعني انا ياما رحت معارض وشفت خلاجين خام من سوق دبي فتوش بدينار ونص وحطت عليه كلفه وتطقه ب 50 و60و80 اشدعوه
واهم صاير بالمعارض ياخذون ارضيه فيبون يطلعون ربحهم قولي الخام مترين او 3 يطلع بحدود 6 والخياط يخيط ب 8 مثلا والكلفه مثلا ب 5 يطلع كله19 خل تبيعه على الاقل ب 23 او 25 بالكثير واذا فيه موديل ب 30 اوكي جذيه نشجع لكن ب 60 او 70 حرام
انا اعرف وحده كله تشتري من معارض واهي بعد ذوقها زفت وجسمها ما يساعد بس ماله شغل ياما متان لبسهم حلو المهم انها تشتري من المعارض نفانيف وقمصان حق بنطلون ب 60 و80 ولا يسوى كلش يعني عادي لا فيه موديل ولا شي حتى الكلفه تكون عاديه بس تقول اي هذه كلفتها هاند ميد ولا غاليه
وفيه بنات يعرضون في بيوتهم يعني مافيه ارضيه وهم تطق السعر طقه شالسالفه ؟
خو الي يسوون اكسسوارات حدث ولا حرج بالغلا وشنو حجتها يايبه الاكسسوارات من ايطاليا وانا اسويهم وتلاقينها يايبته من تايلاند
انا عن نفسي اذا حبيت اخيط اصمم حق روحي والحمدلله انا شاطره بالتصميم حتى الي بدزامي قالوا لي دشي معارض انتي شاطره بس مالي مقاقه الصراحه وما اضمن ربحي لان ماعندي استعداد ابيع غالي واحنا عندنا الرخيص ما يمشي للاسف يبون الشحاطه شريت قميصي ب 80 و 100 و 200 من المعرض مادري اخاف الاسطوره ولا ماركات الثريا والصالحيه والرايه
غير الي ايبون من بره وحده يايبه مره شالات من لندن من مانشيستر واهي ارخص من لندن يطلع الجاكيت الواحد قيمته 10 دنانير حظرتها باعته ب 30 على الاقل بيعي ب 20 منها تطلعين ربحج وربح الوزن مادري الشحن

 

[HeR HiGHNeSs 90]

رنة بالعكس المعارض فيها شغلات اتينن اقولج يعني مو انه ويع بس السعر حراام على قولتج دبلاااات لييش يعني اوكي صج انه حلوو بس مو سعر جنه ماركه من ميلان

نور اي والله بس احسن لهم من الهياته يسوون شي مفيد لوول

 

[HeR HiGHNeSs 90]

بريتي اي والله صاااجه

حتا انا والله لو عجبني شيي اسوي نفسه اخذ المواد الخام والله يخلي البلوكات واسوي بس الملابس ساعات مالي خلق ووين اييب لي خياط يضبط ف اضطر اخذ والسعر حدا مايسواا

 

[brettey]

حبوبه روحي حق شاهد ورشيد بجمعيه السره والله يبدعون وشطار وفيه مخايطه يضبطون بس على الي يدور

 

[HeR HiGHNeSs 90]

انا ساكناا بالسره بس مادري عنهم خل اجربهم لووول مشكوره

 

[Gulf Spice]

انا ولله الحمد الغربة علمتني البساطة او بمعنى اصح (البساطة الانيقة), الى جانب اشياء ايجابية كثيرة

 

[الحــــياة]

والله انج صاجه

 

[HeR HiGHNeSs 90]

قولف سبايس المعارض فيها اشياء بسيطه انا ماقصد الخبه قصدي اي شي حلو بس على بونه هاند ميد يسون سعره فووق وشدعوا اهما يسوونه ياجرون لهم هنود فلبن ويبيعونه ماله داعي صراحه

الحياة نورتي

 

[tmtmt]

والله انا من دشيت التجاره تعلمت
ان لو شنو اقول هالشي غالي وانا اصلا ما ادري جم طالع علييها !!!!

بس نقول شدعوه هالسعر انزين احنا ماندري اصلا بجم ماخذه الاغراض وماندي شكثر قاعده تتعب عرفتي

وفي اشياء انتي ماتعجبج غيرج يذوقها يقول لذييييييذ وما يستغنى عنه
وفي اشياء تشةفينها تقولين ويييع منو يلبس جذي
وطالعي سعرها بجم بعد مادري على شنو ..

وغيرج من اول ما يشوفها يقول اخذها اخذها لو سعرها شنو عدل ..

يعني بالاخير الناس اذواق واراء
ومادري شنو جان بارت السلع <<<< تسيته

 

[* ليــــدي *]

حلو التميز

 

[The purple]

مره رحت ببيت ديفا وشفت وحده عارضه قمصان بسيطه بسيطه بسيطه

يعني اللهم طرق الخامه والموديل مو بالعين شي وناعم
السعر : خمسون دينار كويتي وياقلب لا تحزن

والله أحب اتميز واشتري بس العقل زين يعني اشتري من ماركة وايد احسلي !

ويقولون احنا مو احسن من الماركات شجعونا !!

xD

والصراحه الجسم اهو يحلي البدله لو اهيا جيس بتطلع راقيه على البنت اللي تعرف تلبس ~

 

[المـــــها]

المعارض نادرا ما تلقين فيها الزين ،، أحس كلا خرابيط ،، والأسعار مبالغ فيها مادر على شنو ؟؟
يعني حنا نعرف الخام جم يسوى و الخياط جم يسوى ،، خنقول نعطيها زيادة حق التصميم لأنه اكيد تصميمها بتاخذ
عليه فايده و المندوب ،، ما توصل لهالأسعار يعني !!!

 

[اروى77]

للاْمانه لاني من التجار الصغار ولاني من زباينهم
بس الحق ينقال
ترى التجار الصغار مايجبرون الناس عالمشترى اهمه يعرضون بضاعتهم ويعلنون عن اسعارهم
والزباين يعاينون ويقتنعون ويشترون
ليش انتي مستنكره الوضع؟!!!!!!!!!
التجاره شطاره
والزبون وخاااااااااااااااصة الزبون الكويتي موغبي
لان الكويتي شايف وعارف وان دفع بالقطعه اللي انتي مستغليتها
اكيد بيكون معجب فيها ومقدر الشغل اللي انبذل فيها
فلازم علينا نشجع هالطاقات الشابه
وبدال مانبعثر فلوسنا بره ديرتنا
فلوسنا ابمكبتنا