شرايكم بالوضع بديرتنا؟؟؟؟؟؟؟؟

[شويهينه]

اولا ان على بالي صاير شي بالديره اقوى من سالفة جويهل :080402ask_prv:


بس انتي تكلمين عن شي جدااااا بسيط.... حبيتي اللي عنده وبخاطره شي بيشتريه ... يعني كل عقله براسه محد جابره يشتري



وبعدين ترا السالفه جدااا عاديه والله دشيت على بالي عن جويهل ولا عن شي ثاني بديرتنا



هم هالتجار الصغار يبون يبدون حياتهم وشغلهم من الصفر.... وبس...


لحد يكبر المواضيع
:hjy5jewf:


عالعموم حبيبتي مشكوره ويسلمو عالموضوع

 

[The purple]

أول شي جناط ايرميز يبين اللي مستواها راقي وتحب تتميز وشاريتها بدون كلافه وتقليد ماستر وA و B ومادري شنو وتصير مخامط على الفاضي

وترا اللي شاريه تقليد لو إن شاءالله شاريتها من المصنع شكلها واضح مو مال تشيل هالجنطه

< آخرتها بتنطرد هالبنت

والتقليد جآن زين يصير بالكويت او بالخليج نفس نظام اوربا !!
مايصير اتدشين وانتي لابسه شي تقليد
ويع ويع ويع تقليد بكل شي
وتصير طلبيات ومادري شنو !
إذا الله معطيج استانسي مثل ماتبين
بس إذا ما عندج ليش غصب غصب بتصيرين نفس فلانه وعلانه

وفي اشياء ملابس اوكي لا حرام تسوى بس هذول مانسبته 30% ولا الباجي ملابس تقليد !
اشكرا حاطه اسم الماركه /= صج صج الله يكبر عقلوهم

< ااكتفي عند هذا الحد عشآن لا يشوتوني برا المنتدى

 

[أحبه موت]

اي والله صاجه بكل كلمه قلتيها انا منقهرررررة منهم مو عشان شي عليهم بألف عافيه بس بصراحة بعض البنات يوصلون بضاعتهم بالسما واهيه ولا شي
قبل عيد الأضحى كان في معرض اهني بمنتدانا سوو عليه ضجججججججججه وحالتهم حاله ويايبين اعلاميين بيوم الافتتاح قلت المعرض هذا أكيد شي ولمن رحت قسما بالله كله خلاااااجييييييييييييييين يلوع الجبد على شنو وقلت ميخالف خل أشوف الأسعار اذا زينه باخذ حق الدوام لأن كلش مو مال عيد أصلا مريت عند وحده ولا مسوية قميص طويل ساااااااااااده أسود أقسم بالله مافي ولا شي حتى حركه مافي ساده خالي وحاطة عليه اكسسوار واهوه الي مخليه شوي ينبلع جان أقولها جم سعره جان تقولي القميص بروحه 50 والإكسسوار الي عليه 25 يعني كله 75 ههههههههههههههههه والله شي يضحك انا بطلت عيني وحست فيني اني مصدومة أصلا اهيه لو تقولي كله على بعضه مع الاكسسوار 50 والله ما اخذه على شنوووووووووو ولا انا مفكره فيه حق دوام لأن ماينلبس حق عيد
وعندي حماة اختي أمبيييييييييييييييه شنو نصاااااااابه تروح الهند تشتري بضاااعه وتعرفون الهند شنو رخيييييييصه وتخم لج الأكو والماكو وتنزل معرض لا تشوفون على جم تبيع القمصان على 40 وعلى 50 واختي الغبيه حيل تشري منهم انا مااقول شغلهم مو حلو بالعكس حلو بس كلللللللش مايسوى هالسعر يعني بره اخذه على 20 كلش كلش 25 مو أكثر

 

[د-سوسه]

والله كلامج صح قبل انا كنت اروح المعارض الحين صارلي فتره قاطعه قبل كنت اروح واشتري مجامله حق رفيجاتي بس صراحه يوم شفت السالفه زادت قمت اكشت لان ماكو شي يسوا وان لقيتي بيكون طاق بالعالي واحنا ندري الخام من وين وتكلفته التقريبيه جم ..اتصدقين اخر مره رحت معرض علشان اختي بتشتري شفت اشياء استغربت انها معروضه قلت اشلون من يلبس هالسوالف !!!والاخت مسميه نفسها مصممه علي شنو!! هالخلاجين !!بس ارد واقول لوماكان في ناس تشتري والله ماتشوفينهم قاعدين يزيدون لان الخسران مايكمل ...ويمكن الوحده فيهم مكفيها انها تبيع قطعه وحده بسعر عشر من المكودين عندها

 

[اريج الجوري]

والله كلامج كله ميه ميه ولا فراخ الجمعيه ,,,



مره رحت معرض وشفت قميص ب90 دينار ,,,



مافيه موديل بس كلفه على القوله ,,,


جان تقولي صاحبته ان الكلفه اهيا اللي مصصمتها ومسويتها هاند ميد ,,,



تخيلوا لقيتها بعدين بالبلوكات المتر بدينا وربع ؟؟؟



مو حرام الكذب ؟؟؟؟



وكله بصوب ونفانيف العروس بصوب على 500 وانتي طالعه



والعرايس لبسه اولي من 1500 وفوق


والله العظيم حرام وطغى وفسق ,,,



لحد يقول انا ماعند وما اقدر اشتري



بالعكس اشتري ماركات واشياء غاليه بس تسوى ,,,



مره شفت بمعرض قميص ابيض مثل مال الثانويه عااااااااااااااااادي


بس حاطه فيه زرارت ملونه ب70 دينار وتقول من امريكا !!!!




علييييييييينا ,,,



والحلو الدرزن ب10 دنانير وكله بربسه !!!




وبصراحه الذنب ذنبنا اللي نشتري وساكتين


على بون مميز وماكو مثله



حرام والله حرام


في ناس مو لاقيه تاكل ,,,

 

[$الـــحـــلاوه$]

صح كلامج حييييييل مبالغين بالاسعااار
بس ما ينلامون شايفين ناس تشجعهم وتعطيهم وجه
وناس تشتري عادي

 

[blue ocean]

مو الغلط يا اختي من اللي تشتري منها واهو بهالسعر
والثانيه ذكيه تترزق الله بهالاسعار .. العيب من الشرايه ..

والله انا اكثر وحده مريحه راسي .. ألبس اللي يعجبني واشوفه ذرب ومرتب وبسيط
وبلا شحاطه وتعنفق ومو شرط من مكان معين وصلى الله بارك ..

 

[nazek_q8]

حتى انا ماحب البس من المعارض شي مبالغ فيه وادري انه اهو ارخص بوايد من جذي

بس هم في اشياء حلوه وسعره حلو بعد

 

[عيوووش]

يعجبني الابداع والافكار الغريبة
والتميزوالله يرزق الجميع

وهذي التجارة عرض وطلب واذواق مختلفة