شرايج تكونين زوجه ثانيه ؟؟؟؟

[توووفية]

ما ارضا اكون سبب تعاسة وعلة على فلب احد

 

[Johnson]

انتوا شرايكم بهالظاهره؟؟؟
حسب اذا كانت البنت حالتهاا النفسيه تعبانه من اهلها وكبيره بالعمر و و شغلات كثيره واهم شي انه يكون الريال اللي ياي بتزوجها معور يعني مرته فيها عيب مثل انها ماتجيب عيال او ما تهتمله اما لعب يبي ينوع صعبه لانه راح يتزوج بعدها

وبعدين كلنا ندري انه الشرع حلل اربعه بسسس مو كل ما شابت المره راح ينوع :|

 

[كرز حالي.]

رد : شرايج تكونين زوجه ثانيه ؟؟؟؟

لا ارفض اكون زوجة ثانيه
احب يكون زوجي لي بروحي محد يشاركني فيه

 

[حنان الذكريات]

ردودكم واايد حلوه على الموضوع ...وفعلا هو موضوع حساس وايد والاراء مختلفه بين المؤيد والمعارض
اتمنى اشوف اراء اكثر من بنات المنتدى

 

["اسطورة العشق"]

انتوا شرايكم بهالظاهره؟؟؟
مو حلوه و ما اشوفها منتشره كلش
وهل لو انتوا بمكان هالبنات راح توافقون على هالشي ؟؟؟
اذا انا الزوجه الثانيه اوافق بس اذا يتزوج علي لا ما ارضا
وشنو راي اهلكم بالموضوع؟؟؟
يشنقوني لووووول
واذا كانوا مو موافقين شلون اقنعتيهم؟؟
لا اذا احبه اهلي بينقسمون نصين نص يرفض بشكل قاطع و نص يوقفون معاي على طول الخط و اقدر اقنعهم بكل شي ابي كالعاده
شنو موقف الزوجة الاولى بهالموضوع؟؟
تعصب و تروح عند اهلها و اطق راسها بطوفه و بعدين بتستسلم و تردله و اهيا خووووووش وحده
وشلون علاقتها مع الزوجه الثانيه؟؟
مافي علاقه يعني علاقه مقطوعه تماما
ومنو من البنات اللي معانا بالمنتدى او تعرفين احد هي زوجه ثانيه ؟؟
ماعرف اصلا ما اشوف هالظاهره منتشره كلش


عندي اضافه ... اذا احد بيسالني انتي صغيره و حلوه و شهاداتج عاليه ... والخ
ليش تتزوجين واحد جذي ؟
اجابتي ان انا وحده احب روحي و احب ادلعها و ما تعودت اهتم باحد غير نفسي يعني مثلا عادي اترك وظيفه براتب كبير عشان تاخذ كل وقتي مني .. سو الريال الي عنده مره ثانيه يتقسم الاهتمام في بيني و بينها و بجذي بيكون عندي وقت اكثر حق روحي مو مجابلته كل يوم ما احب الالتزام و اصلا بيكون عندي دافع اني دايما اكون على سنقه عشره لان في منافسه لي لووول .. و انا وحده طبعي مو مزاجيه بس من ناحيه الرومنسيات حيييييييل مزاجيه يعني مرات صج مالي خلق و اقفل فبهذا الوقت لما يصير مالي خلق يكون في وحده تسد عني لان عندي الوضع سهالات

 

[تعبتوني]

رد : شرايج تكونين زوجه ثانيه ؟؟؟؟

الشر برا وبعيييييييييييد

 

[« لـ / غيـرگ »]

انتوا شرايكم بهالظاهره؟؟؟
هذاا شرع الله
وهل لو انتوا بمكان هالبنات راح توافقون على هالشي ؟؟؟
اكييييييييييييد لا
وشنو راي اهلكم بالموضوع؟؟؟
اذا كانت زوجته الاولى من اهلنا اكيد لا ماراح يوافقون
واذا كانوا مو موافقين شلون اقنعتيهم؟؟
اقنتعت منو؟ مو منهم وربي
شنو موقف الزوجة الاولى بهالموضوع؟؟
اكييد ماراح توافق وتحاول تفركش الزوااجه
وشلون علاقتها مع الزوجه الثانيه؟؟
مايدرون عن بعض لانه الاولى شبه مطلقه او بالاحرى معلقه < حاله زوجة ريل عمتي الاولى
ومنو من البنات اللي معانا بالمنتدى او تعرفين احد هي زوجه ثانيه ؟؟
عمتي زوجه ثانيه
وهل مرتاحه بزواجها ولا لا؟؟
لا مو مرتااحه يومين عند ريلها وستيييييييييين يوم عندناا

 

[ضايعه بهدنيا]

ما توقعت في بنات بالهلانانيه
تقول ارضى فيه اذا يحبني واحبه
وبنفس الوقت يكون جوابها ان مرته الاوليه راح تموت من الحره

دام انج عارفه هشي شحقه تزوجينه تستانسين على حساب غيرج يعني ؟!

انا من ناحيتي مستحيل هشي وحالات مثل هذي معدومه بعاليلتنا

وما قط شفت شرايج مستانسين مستحيل هشي

 

[ضايعه بهدنيا]

ما ارضا اكون سبب تعاسة وعلة على فلب احد

بعد عمري والله اهنيج على مشاعرج الطيبه :eh_s(17):

 

[بنت الواوان]

رد : شرايج تكونين زوجه ثانيه ؟؟؟؟

ما ادري اذا احبا بخذا يوم عندي ويوم عندها اريح والله منو حابة تشاركنى بزوجى بس مو ثانى يوم تقولى عوووع الله يعينج

 

[brat]

رد : شرايج تكونين زوجه ثانيه ؟؟؟؟

حتى لو شرع الله، يعني لازم يتطبق؟ مو واجب اهو!

ويع أهم شي اللي عندهم إن عادي، الظاهر طايحين بجبد روحهم.

 

[Leann]

صحيح هذا شرع الله لكني ما أتخيل روحي زوجة ثانية
الزوجة الثانية راح يكون عندها اسلوب حياة غير و المفروض يكون فيها صبر و ايثار و تضحيه
هالنوع من اسلوب الحياة ما يتماشى مع منطقي و تفكيري
افضل اظل عانس و عزوبية على اني اكون سبب في تعاسة غيري و اتشارك نص رجل
بالنسبة لي اقول
ظل حيطة ولا ظل راجل خليني بالحيطه احسن معززة مكرمة ولا اكون ورا ظل ريال
و ماتوقع كل ريال يتزوج ثانية زوجته الاولى تكون فيها علة بعض الرجال انانيين يحبون التعدد بدون اي سبب
بس مستغربة شلون في بنات يرضون اذا يحبون هالريال المتزوج؟؟ يعني تشوفين ريال متزوج عنده بيت و عيال تسميحن لنفسج انه تنجرفين ورا اهووائج و تحبينه و يحبج؟؟؟
مجرد وجهة نظر و انا احترم رأي البنات اللي يبون يصيرون زوجة ثانية لكن بالنسبة لي هالشي ما ينفع ​

 

[الليدي ديانا]

انتوا شرايكم بهالظاهره؟؟؟
مو شي هالظاهره
وهل لو انتوا بمكان هالبنات راح توافقون على هالشي ؟؟؟
لا طبعا اعنس و لا اكون سبب في هدم اسره و بيت مهما كانت الظروف
وشنو راي اهلكم بالموضوع؟؟؟
اكيد ما راح يوافقون
شنو موقف الزوجة الاولى بهالموضوع؟؟
بتوري شريجتها الويل مسكينه ما تنلام
ومنو من البنات اللي معانا بالمنتدى او تعرفين احد هي زوجه ثانيه ؟؟
لا الله لا يبلانا


والي قالو عادي حطي موقفكم بدال الزوجه الاولى

 

[حنان الذكريات]

راي البنات مقنع بانهم يرفضون ... بس البنات اللي يوافقون وعندهم عادي اكيد فيه اسباب تخليهم يوافقون على هالشي مثل كبر سنها او ظلم اهلها لها وعشان جذي تبي تتزوج عشان لو تكون زوجه ثانيه
المهم اللي الله كاتبه هو اللي بيصير وكل انسان وطريقة تفكيره
والله يرزق كل البنات واللي انا منهم بالازواج الصالحين

 

[sweet cake]

انتوا شرايكم بهالظاهره؟؟؟
انتي تقصدين ظاهره لأن زايده هالسالفه هالايام وتكون بنت وشكثر صغار ويتزوجون ويكونون الثانيات.. .. كل وحده وظروفها وماندري شنو اللي خلاهم يوافقون .. لكن فعلا زادت ان بنات توهم ويكونون الثانيات .. على كل حال هذا شرع الله وما نحرمه ولا نقول انه عيب.. وماندري عن ظروف هالبنات
وهل لو انتوا بمكان هالبنات راح توافقون على هالشي ؟؟؟
عن نفسي ما اوافق .. وان شاء الله ما اكون بهالموقف.. لكن ما اتخيل نفسي ابني سعادتي على تعاسة غيري.. مهما كان مستحيل وحده بتكون مستانسه وزوجها يبي يتزوج عليها.. ما اتخيل نفسي سبب لضيقة هالانسانه مهما كانت زينه مع زوجها او لأ.. وغير هذا الرجال لا كان مع ثنتين قلبه بيكون اكثر مع وحده .. يعني يا انا ارتاح وهي لأ .. او هي ترتاح وأنا لأ.. لا كلش كلش مو مريح الوضع جذي
وشنو راي اهلكم بالموضوع؟؟؟
ما اعتقد يوافقون.. اولا شووور السالفه فيها مشاكل وغثا وما يبونها لبناتهم.. وغير هذا خالتي وصل عمرها 30 وما تزوجت وامي قايله ما تاخذ واحد متزوج..والحمدلله جاها نصيبها وخذت ولد خالها ويصير ولد عم ابوي.. وبنت عم ابوي امها وابوها متوفين ومالها احد وتقدم لها واحد متزوج ورده ابوي .. يقول مو لأن اهلها متوفين نقطها على اي واحد ومابي اجيب لها المشاكل
واذا كانوا مو موافقين شلون اقنعتيهم؟؟
ماني مقنعتهم
شنو موقف الزوجة الاولى بهالموضوع؟؟
كيد راح تتضايق وما راح توافق وممكن يخرب بيتها .. وحتى لو تحملت وقعدت لزوجها احتمال كبير كبير ان علاقتها بزوجها ما راح تكون مثل الأول.. ويت انا شدراني عن موقفها !! مادري والله
وشلون علاقتها مع الزوجه الثانيه؟؟
عادة بيكونون كل وحده بروح وتجيهم اخبار بعض من الناس
ومنو من البنات اللي معانا بالمنتدى او تعرفين احد هي زوجه ثانيه ؟؟
نووو
وهل مرتاحه بزواجها ولا لا؟؟
ما ندري

 

[ƒédaîtn¥ ZoO'3a]

السلام عليكم بنات:aha:..
عندي موضوع واايد مهم وحساس وملاحظه انه منتشر هالايام..
ظاهرة الزوجه الثانيه للرجل ....انا ملاحظه واايد بنات عوايل واايد مو متزوجات من قبل عندهم عادي انهم يتزوجون ريال متزوج ...
وتكون البنت زوجه ثانيه .. عندي شوية اسئله واتمنى تجاوبون عليها وتعطوني رايكم ...عشان نعرف راي اغلب الكويتيات بهالموضوع....
انتوا شرايكم بهالظاهره؟؟؟
كل زواج وله طروفه
وهل لو انتوا بمكان هالبنات راح توافقون على هالشي ؟؟؟
مستحيييييييييييييييييييييييييييييييييييل
وشنو راي اهلكم بالموضوع؟؟؟
اكيد ماراح يوافقون
واذا كانوا مو موافقين شلون اقنعتيهم؟؟
آنا ماراح اوافق اصلن
شنو موقف الزوجة الاولى بهالموضوع؟؟
وعليه اكيد بتنفقع مرارتها
وشلون علاقتها مع الزوجه الثانيه؟؟
اكيد نجره ومداحر
ومنو من البنات اللي معانا بالمنتدى او تعرفين احد هي زوجه ثانيه ؟؟
ماعرف
وهل مرتاحه بزواجها ولا لا؟؟

اتمنى اللي تدخل تجاوب على اسئلتي عشان نتناقش بالموضوع بكل جدية ..ومشكورين وما قصرتوا..​

​

​

​

:tek:

 

[حنان الذكريات]

مشكورين بنات على ردودكم الحلوه لموضوعي