شرايج تكونين زوجه ثانيه ؟؟؟؟

[رحيل المرافيء]

رد : شرايج تكونين زوجه ثانيه ؟؟؟؟

الزواج الثاني شي من زمان مو توه
يعني بالستينات والسبعينات هبوا بالمصريات والسوريات يتزوجوونهم على حريمهم عادي
وعن نفسي ماعندي مشكلة كاهم خذوا عزابية شهر شهرين وتطلقوا
العبرة مو زوجة اولى وثانية العبرة باستمرار الزواج
ولو تعدد الزواج حلال على الحريم جان ماقصروا بعد تزوجوا ولا التفتوا لاا لعدل ولا بطيخ بس لانه الموضووع مو في صالحهم يرفضونه
ويهاجموونه
بعدين مافيه ريال مرتاح مع مرته يفكر يتزوج عليها العلة من المرة

 

[*بسبوسه*]

انتوا شرايكم بهالظاهره؟؟؟..........اوافق عليها اذا كان في سبب معين....الزوجه الاولى ماتجيب عيال او مريضه
وهل لو انتوا بمكان هالبنات راح توافقون على هالشي ؟؟؟.............اوافق
وشنو راي اهلكم بالموضوع؟؟؟........اتوقع بيوافقون
واذا كانوا مو موافقين شلون اقنعتيهم؟؟...........بتكلم عن نفسي يمكن عشان كبرت بالعمر وطافني قطار الزواج بوقراطيس فاركب قطار الزواج الثاني :9 المستعمل
شنو موقف الزوجة الاولى بهالموضوع؟؟...........مادري عنها
وشلون علاقتها مع الزوجه الثانيه؟؟.........اكيد بتكون سطحيه لابعد الحدود
ومنو من البنات اللي معانا بالمنتدى او تعرفين احد هي زوجه ثانيه ؟؟.........ولا احد
وهل مرتاحه بزواجها ولا لا؟؟..........نوكومنت لان ماعرف

 

[قـہۈه فـرنسيـہ™]

ماشاء الله أشووووف أغلب الردود فيها مثاااليه زايده عن حدها ...

أول شي هذا شرع رب العالمين ...والشي الثاااني ...يعني الحين وحده انفصلت عن زوووووووجها ووحده ثانيه وصل عمرهاااا الـ30 ...ينطرون واحد شاب يطق بابهم ..؟؟

شي طبيعي ماراح يجووونهم الا المتزوجين أو مطلقين ...

يعني البنت تقعد طووول عمرهاا ماتتزوج ...عشاان والله ما أهدم بيت غيري وهو شرع الله ؟

شي طبيعي بتوافق البنت ...

 

[MiSS_RJ]

انتوا شرايكم بهالظاهره؟؟؟
اهي مو ظاهرة مثل ماقالوا البنات اهي شرع ربج

وهل لو انتوا بمكان هالبنات راح توافقون على هالشي ؟؟؟
يعتمد .. اذا احبه وحسيت انه يحبني ومتمسك فيني اي اوافق

وشنو راي اهلكم بالموضوع؟؟؟
اتذكر كنت اسولف من سنين مع امي بهالسالفة بس ماتذكر شنو اللي خلانا نفتح الموضوع بس قلت لها انا يمكن ارضى اذا شفت انه بهالشخص مقومات حلوة وتشجع يمكن يكون احسن من وايد رياييل من اللي ماعندهم حريم جان تقول من صجج تتزوجين واحد عنده مرة قلت لها انا عادي عندي راضية قالت كيفج بس ما انصحج .. بس ان شاء الله ما انحد على ريال عنده مرة لان اذا حبيته اكيد راح اغار عليه

واذا كانوا مو موافقين شلون اقنعتيهم؟؟
انا الحمدلله اذا بغيت شي صج وحيل متمسكة فيه اعرف شلون اضغط على اهلي واخليهم يرضون فيه

شنو موقف الزوجة الاولى بهالموضوع؟؟
اكيد راح تحتر وتتضايق سواء كانت تحبه ولا متمنية فراقه .. لان الانسان مايحب احد يشاركه او يستولي على اشيائه الخاصة وللأسف معظم الحريم عندهم الريال شي اساسي .. مايعيشون مرتاحين من غيره .. فتلاقينها تنهار اذا صار اي شي زعزع علاقتها بزوجها

وشلون علاقتها مع الزوجه الثانيه؟؟
في و في .. في اللي تراعي ربها بتعاملها مع الناس كلهم ومن ظمنها "الشريجة" وفي اللي شرية وتأذي .. والنتيجة راح يردلها الأذى لأن ماكو إنسان يرضى على نفسه انه يتأذي ويضل ساكت .. فالشريجة definitely راح ترد الاذى .. ويمكن ترده صاعين بعد وتصير بينهم لعبة القطو والفار "توم و جيري"

ومنو من البنات اللي معانا بالمنتدى او تعرفين احد هي زوجه ثانيه ؟؟
في من اهلنا جم وحدة

وهل مرتاحه بزواجها ولا لا؟؟
مادري عاد البيوت اسرار و مو كل شي ينقال نصدقه يمكن تمثل السعادة ويمكن العكس You never know

 

[حنان الذكريات]

مشكورين وما قصرتوا على ردودكم لموضوعي
هو فعلا موضوع حساس بس انا ملاحظه ان اغلب البنات يشوفون هالشي عادي ممكن يصير لهم
عموما الله يرزق كل وحده بالريال اللي تتمناه ان شالله

 

[&& دعاء &&]

اولا الزواج للمره الثانية مباح شرعا ولا اعتراض عليه

طبعا تختلف الاسباب التي تجعل الرجل يفكر بالزواج للمره الثانية والثالثة ايضا

في حالة زوجتة الاولي لا تنجب فهو مضطر لهذا الشئ بحثا عن الذرية

او
الزوجة الاولي سيئة خلق ومقصره بحقه

او
انتقلت الزوجة الي رحمة الله

او
الرجل غني وقدرته الماديه ممتازه

او
المره غير قادره على امتاع زوجها جنسيا فيبحث عن البديل

طبعا شعور المره الاولي لا يوصف من القهر والغيره ......
رايت في حياتي حالات كثيره
دائما المره الثانية تنتصر على الاولي وتاخذ عقله
يمكن لان الثانيه اتت بعد ما شافت نقاط ضعف والتقصير بزواجه الاول فعملت على تفاديها

دمتم بود

 

[أشبـاهـ المطـر]

أنــا متزوجــه من طبيعي سأرفض الأمــر ولا اشجعه
والاسباب كثيرة من اهمها الغيره والخوف أن أفتن ...

ومايهمني احد يدري ....ولو يكون زواج سري يفضل ( :

من شروط الزواج الأشهار ...
في مثل يقول لا تبوق لاتخاف ...

 

[حور العيون]

رد : شرايج تكونين زوجه ثانيه ؟؟؟؟

انا عن نفسي ما ارضى

الي ما ارضاه ع نفسي ليه ارضاه ع بنت الناااس

 

[حنان الذكريات]

مشكورين على ابداء رايكم في الموضوع ...

 

[جولينار]

صعبة تسألين وحده متزوجة ههههه


من وجة نظري اهم شي اللي بترضى بالتعدد تكون على بينة بسبب هذا التعدد

والتوفيق بيد الله

 

[MoonDiamond]

يا قلبي هذي مو ظاهره هذا شرع
والدين حلل اربع

وانا باختصار اقولج
عيال الكويت وحده ومومترقعين
هالدور يصيرون ثنتين

اذا والمرا اللحين حاصله على نص ريال
اذا دشت شريجه بتحصل على ربع ريال يا حظي

والله اللي ترضى انها تصير زوجه ثانيه لازم يكون عندها استعداد نفسي لهالنوع من الحياه
واللي احتمال كبير زوجها ماراح يقدملها ولا شي او شي بسيط
على قولة وحده من العيايز اخذي الريل لو انج الرابعه يحطلج بيت بروحج وتيبين منه عيال وحمدي ربج



اسمحيلي ما رديت على اسالتج بس انتي سالتي شرايي بالزوجه الثانيه


وفديتهم اللي يقولون شريجتي تصير مثل اختي (ايه هين هههههههههه)

 

[MoonDiamond]

رد: رد : شرايج تكونين زوجه ثانيه ؟؟؟؟

الريال مايتزوج الا عيب في زوجته طبعا مو الكل
انا شخصيا كلمت متزوج عنده 5عيال وارتحت معاه اكثر من العزابي

اعتقد عيب

 

[Purple Occasion]

رد : شرايج تكونين زوجه ثانيه ؟؟؟؟

بهالموضوع....
انتوا شرايكم بهالظاهره؟؟؟
انتشرت وصار طبيعي لان وايد بنات الكويت غير متزوجات وكثره نسبة البنات عن الشباب وكثره عزوف الشباب عن الزواج
وغلاء المعيشه اللى ادى للنفور من الزواج


وهل لو انتوا بمكان هالبنات راح توافقون على هالشي ؟؟؟

على حسب تقدم العمر وبعض الظروف تحد البنت انها تكون زوجه ثانيه

وشنو راي اهلكم بالموضوع؟؟؟

بعض الاهل تتقبل الموضوع

واذا كانوا مو موافقين شلون اقنعتيهم؟؟
قناعه الاهل مرات تحدها اشياء غير قابله للتغير

شنو موقف الزوجة الاولى بهالموضوع؟؟
بعض الزوجات تتقبل والاحظ وايد زواج السر منتشر وافضل الزوج الزواج افضل من الخيانه واللعب

وشلون علاقتها مع الزوجه الثانيه؟؟
بتكون اما رسميه او بعضهم مثل الخوات

ومنو من البنات اللي معانا بالمنتدى او تعرفين احد هي زوجه ثانيه ؟؟
ما عندي علم

وهل مرتاحه بزواجها ولا لا؟؟
لا تعليق




وحبيت اضيف بالنسبه للوضع المعيشى الحالى صار الزواج مجرد مظهر اجتماعي لاكمال الدين واداء الشرع والرزق بالبنون
لكن توزعت المسؤوليات وصار الرجل والمرأه سواسيه بالعمل والمسؤوليه ..


ومشكوره حبوبه
وبالتوفيق

 

[كـويـت عـسـل]

موووووووووضوعج واااايد حلو وكنت ناويه انزل هذا السؤااااال

شكرااا لج قلبي



انتوا شرايكم بهالظاهره؟؟؟

للاسف انها منتشرة وايد لاكني ما اايدهااا ابدااا لان ما يجي منها الى خراااب بيوووت للاسف


وهل لو انتوا بمكان هالبنات راح توافقون على هالشي ؟؟؟

لا طبعععاااااااااااااااااااا


وشنو راي اهلكم بالموضوع؟؟؟


يرفضووووووووونه لان الي ماترضاه للناس طبعاا ماترضاه لنفسك


واذا كانوا مو موافقين شلون اقنعتيهم؟؟


هههههههههههههههههههههههههه طبعا اذا كنت راضية لاكني موراضية ابدااا اخذ مطلق ولا اخذ منزووووج

شنو موقف الزوجة الاولى بهالموضوع؟؟

هذا سؤال ليس موجه لي ههههههههه الله يرزقني بولد الحلال

وشلون علاقتها مع الزوجه الثانيه؟؟

ما اتوقع اذا حصل بيكوووون شئ طيب

ومنو من البنات اللي معانا بالمنتدى او تعرفين احد هي زوجه ثانيه ؟؟

صديقتي بس الاسباب الزوجة الاول مريضة وتاركه زوجها من 10 سنوااااااات وعياله موراضين يطلقهااااا

والريال يبي مرة صديقتي بس تاكدت انه تاركه ومو عايشة معهااا تزوجته على فكرة عمرهااا كان 30 سنة

وهذا سبب الموووافقة على الزواج على ذرة



وهل مرتاحه بزواجها ولا لا؟؟
اتوووووووقع لا










كان بخاطري تسالين ليش الزوجة الثانية توااافق على هذا الزووووواج؟؟

 

[SWEET TIME]

صباح الخير انا عندي مشاركه في ها الوضوع لكن فيه احد موجود من الاعظاء لاني ابي اتنقش معكم الان لان الموضوع حساس باالنسبه لي

 

[هاجر الكويت]

انا وحده اشجع الزواج الثاني واذا ياني واحد متزوج وطلع زين اخذه ليش لاء 28 سنه يعني بنطر شاب مو متزوج يتقدم لي بنات بسن الزواج ماتزوجو ومحد طق بابهم هذا شي الشي الثاني البنت بهالعمر خلاص تبي تستقر وتبي يهال وتبي ريل وبيت وماعتقد هذي مشكله اذا كنت الزوجه الثانيه

 

[ضحكه مستعاره]

ياكثر المهايطيات اللي ردوا على موضوعج خخخخخخخ

بنات خلو الهياط بس

 

[ام غازي الصواغ]

انا اقول الله يرزق البنات رياجيل عزابين مو متزوجين ويبعد الشريجة عن كل المتزوجات وانا ماني قادرة اتصور ان تكون لي شريجة يعني بصراحة اللي مو مقصرة مع زوجها ليش يجازيها يجيب عليها وحدة تقهرها تالي عمرها والحين التعدد مو نفس اول يعني ما في انظباط من ناحية الزوجة الثانية ولا في عدل من ناحية الزوج هذا رايي وشكرا

 

[ام غازي الصواغ]

اي بس يا هاجر الكويت لو كنتي زوجة اولى وزوجج بغى يتزوج عليج كنتي قلبتي الدنيا فوق تحت وطلبتي الطلاق ولا رضيتي بهالشي وكنتي سويتي المستحيل عشان تمنعين هالزواج انا قبل لا اتزوج كنت من مؤيدين التعدد بس بعد ما تزوجت ماني قادرة اتخيل هالشي مجرد تخيل وترى مشاكل الزواج الثاني بهالزمن كثيرةلان الوازع الديني قل

 

[إبشر بعزك]

انا بييبها من الاخر
اخذوها مني بنات انا عندي العنوسه ولا تتزوجين واحد متزوج مشاكل العنوسه يابنات اهون بوايد وايد من انج تعيشين مع نص ريال

اتفق معاها

واحد لج والواحد مايلحق على هالعيال والبيت والمسؤليات وامور الحياة هالمره ايني نص دوااام ههههههههههاي