شرآيكم بشكل المنقبه اللي تلبس نظآره شمسيه ؟؟

[BLack doll]

اختاريلج نظارة تناسب شيلتج ونقابج

وخليها بالسيارة

والله بيحاسبج يوم القيامه على اهمالج لصحتج

كلش ولا العيون

 

[C'est La Vie]

خلونا من الشكل
معقوله تبدون الشكل على صحه العيون؟
تدرون شمسنا الشموسه الحنانيه شتسوي بالعين ؟؟ تسبب جفاف وممكن تقرحات بالقرنيه بسبت هالشمس
وتجاعيد مبكره لان تلقائي نكرمش عيونا من الشمس
انا اي اشوف ان الشكل موحلو بس شنو فيها وشنو اللي يضحك ؟ بالعكس معذوره والا عشان منقبه ماتقدر صراحه الله يعينهم فوق النقاب والقمته هم تجاعيد وجفاف عيون ؟
لا والله لبسي وتوكلي على الله انا مو منقبه بس اقولج لو شفتج عادي لان انتي مولابستها دلع ولا شكل
وياريت نشجع بعض على الشي الصح مو ننتقد بس عشان الشكل العام وننسى المنطق
ومافي منطق يقول ان عيب او حرام المنقبه تلبس نظاره واذا على الشكل اللي يضحك نقدر نخليه عادي وما نضحك
ونخلي الضحك على حجاب بوتفخه والحواجب الشيطانيه والميك اب الفسفوري وفاونديشن بو 11 طبقه
وسلامتكم

صاجة والله
شعلي انا من الناس وشعلى الناس مني؟
دام انج مو مسوية شي غلط امشي وانتي واثقة بنفسج ومااااا عليج من احد
باجر اذا تأذت عيونج الله لا يقوله ماراح يفيدونج

 

[TeAcHeR_BeZaRiN]

انا منقبه والبس نظارة شمسه ولا ماركه بعد

عادي مالج شغل من احد اهم شي انتي اتكونين مرتاحه

وفي ناس يكون شكلها ذرب بالنظارة والنقاب ما تستنكرينه

 

[اتعبنى جمالي]

انا وحده البس نظاره شمسيه وانا منقبه واللى قالوا شكلها يضحك ؟؟كل شى بالكويت تحبون تتمسخرون عليه وللعلم اهم شى الثقه بالنفس وانا البسها وهى حلوه على ولاهمنى اصلا باللى ينتقدون هالشى لان احنا مجتمع بس نحب نتطنز وننتقد وكل واحد يسوى اللى يشوفه لصالحه واحنا شمسنا معروف انها تحرق حرق فليش احرم نفسى من الشى الصح عشان لااخليكم تتمسخرون حبيبتى لبسى النظاره ولاتستحين ماعليج من احد واللى تقول مايلبسها غير كبار السن اقولها استريحى انا تونى صغيره والبسها وحدها تهبل وانصح فيها..........

 

[غموض المطيرى]

أنا رأى مافيها شى لو تلبس المنقبه نظاره شمسيه وأنا شخصيا ألبسها وماركه بعد وعادى أشوفها تهبل علي ولافيها أى شي المهم الانسان يكون واثق من نفسه وماعليج من اللى يتطنزون ويضحكون خليج مميزه عنهم ريحى نفسج لان النظاره الشمسيه قبل شى عاده صحيه مهمه ولج تحياتى

 

[تيوليب]

حبيبتي اذا عيونج حساسه من الشمس لبسيها شتسوين بعد ..
بس انا شفت كذا وحده منقبه ولابسه نظاره شمسيه صراحه شكلها حده غلط موشي يضحك ... الله يعينكم انتو يالمنقبات وهذا رأيي

 

[miss_ano0oma]

لا ويع شكلها مو شي مع النقاب...
ما تقدرين تستغنين عن النقاب...؟

 

[عاشقه القيصر]

اذكر ابكليتي وحده منقبه كانت تلبس نظاره شمسيه كانت نكته الكليه لمده كورس كااامل مع انها قطتها النظاره بس الناس ماترحم

 

[um khaled]

احس يمكن تكون ضروره بس بصراحه انا ما اسويها

 

[اوراد العشق]

لا مو حلوه بصراحه نصير مثل السلاحف النينجا...
وهالحركه واااايد اشوفها بالمملكه يسونها ودارجه عندهم بس احنا يبقدون لان الشكل يصير موحلو

 

[queen4m]

شوفى حبوبة انتى قلتى ابى رئيكم وانا اقولك اذا انتى خايفه على عيونك اليسيها وماعليك من الناس كثير عندنا فى السعودية يلبسون نظارة طبية مع النقاب وعادى جدا شكلها والشمسية نفس الشىء وبقولك على شغله عنى كنت اطلع امشى بعد العصر ويكون فية شمس شوى قمت
لبس شمسية والحمد الله ارتحت مرة وكل من تمر عندى تطالعنى لان شكلى كله اسود فى اسود قمت غيرت اللون للبنى وطلع مقبول وصرت مرة بنى ومرة اسود وصرت خلاص ماعرف بدونها والحين عندى انواع الماركات والاشكال ومرتاحه وكل اللى فى الممشى صارو يقلدونى
وربى ماكذب عليك ترى عندنا ناس تطنز على كل شىء بس اهم شىء انتى اقتنى وماعليك منهم وبعد تعطيك حشمه ووقار وماحد يقرب يمك

 

[::فوشيه::]

أأحسهااا مووحلووه الشوووي شكلهااا ,, ~~

 

[حلوة وبس !]

شوفي اهو يكون الشكل غريب اشوي بس انت كيفج وهذي اعيونج فمالج شغل باحد انت عليج من نفسج واذا الشمس مأذيتج لبسي ياعمري ولا يهمج من احد الزم ما عليج راحتج وانا الصراحه ما الومج الوم اللي تلبسها داخل الاماكن المغلقه اللي ما فيها شمس حتى لو كانت مو منقبه

 

[a3andho0om]

وااايد اشوف يلبسون طبيه عادي لا يضحك ولا شي شكو اضحك شكلها مافي شي و بعضهم صج يطلعون حلوين و اذا شمسيه عادي كل واحد و راحته مادري يعني اشوف الشي حدا عادي والله لو انا مكانج البس و اريح عيوني شنو مو بشر ... عيني ما تتعب و اللي يبي يضحك يضحك عادي !!!

 

[الغشمريـــه]

لا كلش شكلها بيطلع موحلو

 

[غربــــة اِحساس]

انا لما سويت ليزك لعيوني اضطريت طبعا البس نظارة شمسيه كبيرة وسودا

والحمد لله انا منقبة

فتخيلي الشكل كنت(( الشبح الاسود)) هههههههههههه بس والله صج حماية

ماهموني الناس خل يخزون ويضحكون انا مو مسوية شئ غلط ولا حرام

عيوني اغلى ماعندي وبحميها

والحين قاعده ادور نظارة شمسية عنونه ولونها بني فاتح او رمادي مابي اسود تعقدت من سالفة الشبح

واالبسها بأيام الشمس القوية

والي يضحك على عسى اسنانه تطيح هههههههههههه

حبوبة ماعليج من نظرات الناس

سوي اي يريحج ويفيدج

وخلى الناس أخـــر هـمـج : )

 

[ALyaNa]

انا مااحب البسها بس اذا مقتنعه لبسيها وماعليج من احد

 

[روحي تحبه]

والله انا وخواااتي منقبات ونلبس نظارات شمسيه اشكال والوان ولا تفشل ولاشيء واللي تقول انه شكلها يضحك ليه شايفه ارقوز تراها منقبه ولابسه نظاره حالها من حال المحجبه والمتلثمه انا شايفه بنات طاقين اللثمه ولابسين نضارات شمسيه قسم بالله جووووونان وروعه....وبعدين اهم شيء سلامة عيونش ولا الناس وش بيفدونش عااادي ياعمري البسيها هذا وانتي داومين من صباح الله الخير....انا لاطلعت الصبح اتسوق البسها ولا علي من احد......

 

[عبق الورد]

انا كنت مسويه عمليه ليزك بعيوني وقعدت اسبوعين بالبيت طقت جبدي .. كانت اختي الصبح بتروح السوق عاد قالت امشي معاي ما راح اطول والصبح ماكو زحمه .. اول ما دخلنا السوق وحده الله لا يسامحها قطت على تعليق شكبره !!!!
مالت عليج انتي ونظارتج مستانسه على شكلج !!!!!!!!!!!!!!!!!!!!!!!
انا واختي تنحنا ... شكو ... خلت كل العاهات اللي بالسوق وعلقت علي !! .. بعدين منو عطاها الحق تعلق !!!
اختي الزم ما عليج صحتج .. بس اخذي ديزان حلو يناسب النقاب

 

[كريستال ليدي]

الطبية شكلها مو حلو مع النقاب .. شلون الشمسية !!

عالعموم دام الموضوع في صحة عيونج لبسيها ... بس الصراحة شكلها مو حلو