شحلات هدية ريلي :( اخرتها فالصوووووو

[جوري 2007]

أنا ( لو مكانج )
بسأله وبكلمه بصريح العبارة
مو عتاب لا استفهام
ليش تشتري لي تقليد او رخيص
خاصة انه يشتري الغالي
لنفسه
بحسسه بتضايقي لرخص هديته او كونها تقليد
ارد واقول لو كنت مكانج
وانت اعلم بوضعج وظروفج وردة فعل زوج

نفس الرد :rerrerek:

 

[((shoOoshoOo))]

امممممممممم



ميخالف طوفيله هالمره

 

[am faisal]

بالعكس
افرح لانة تعنى وطلبها علشان يفرحنى
هو حد طايل
انا لو يهدينى نباطة ابروزها واحتفظ فيها للذكرى
واكتب تحتها نباطة حبنا
هههههه

 

[برنسيسة2007]

لا بالعكس لاتهاجمينه
حلات الهديه طالعه من خاطره بالله هاوشتيه وراح يجيبلج ماركه بتستانسين فيها!!وهي مو من خاطره
خﻻونا واقعيين الحمدلله بنات الكويت بخير ونعمه وتقدر تجيب بنفسها ماركات
لكن العبره في الموضوع ان احنا نبيه يعطينا شي يدل علا حبه الشديد لنا

لذلك من رايي لاتهاجمينه ممكن اذا مقهوره وماقادره تكتمين
روحي اشتريله شي ماركه واصلي مثلا لو شاريلج ساعه اشتريله ساعه اصليه وقوليله حبيبي والله من غلاك تسلفت وجبتها حقك تستاهل احسن منها وبينيله انج مبسوطه جدا بالهديه مالته علا اساس انها ماركه ودلعيه ونفخييييه
بعد كم يوم حطي نفسج ماتدرين قولي رفيجتي فلانه فشلتني وقالت هذي موماركه تقليد وقلنلها لازوجي طالبهﻻ من النت واصليه بس لمى وديتها المحل قال مو اصليه
وقوليله رجعها علمحل وتهاوش معاهم ليش يقصون عليك

 

[al-musk]

انتي طنشي الحين وبعدين بعد فترة مدحي ذوقه وستايله وان رزه ويعجبج فيه ان ماركات وانه مايلبس تقليد وقوليله انج ماتحبين التقليد وان لوتلبسين شي زوين ومو غالي بس اهم شي مايطلع تقليد فهو راح يستوعب

 

[شامخة بأخلاقي]

اتوقع ما يدري انها تقليد

انا عندي فكره
اذا طلعتو مع بعض السوق دخلي معاه محلات الماركات و تسوقي جدامه عشان اتخلينه يعرف انتي شنو اتحبين

و عن الهديه اللي يايب لج اياها قولي له في وحده شافتها و قالت لج انها تقليد و ان انتي انحرجتي
بس لا تحرجينه

 

[طموحــة]

مشكورين حبيباتي كل اللي ردوا علي وتفاعلو مع الموضوع
الله يعطيكم العافيه ماقصرتوا فديتكم وفديت افكاركم وردودكم اللي تبرد الجبد


الله لايخليني منكم :*





زبادي بالفراوله
برنسيسه 2007
Almusk
شامخه باخلاقي
^^^
^^
^

افكاركم قيد التطبيق وخوووووش ردود دشت مزاجي فديتكم الله يهنيكم ويهني كل البنات

 

[الزين والغلا]

بدون تعليق

 

[الزين والغلا]

بالعكس
افرح لانة تعنى وطلبها علشان يفرحنى
هو حد طايل
انا لو يهدينى نباطة ابروزها واحتفظ فيها للذكرى
واكتب تحتها نباطة حبنا
هههههه

هههههههه حلوه نباطه حبنا

 

[موكا لاتيه]

ههههه شنو يعني لو تقليد

انا احمد ربي انه ذكرني ويابلي هديه

احسن من ماكو

ياختي التواضع حلوو

لازم ماركة سعرها بالالاف والا مااقبلها

يمكن علا قده الريال

 

[أميره بلا قصور]

حمدي ربج ذاكرج غيرج يدور الهديه لو جدر هريس

 

[لسعة شقاوة78]

هههههههههههههههههههه
الله يرحم الحال
اكيد على نياته خو مو كل يوم يعرس
ما يعرس سوالف الحريم
انتي علميه قلبي
الله يسخره لج

 

[خالتي قموش]

انا لو يعطيني ورقه مكتوب عليها احبج
كافي عندي
الهديه بقيمتها

وانتي شبعانه ماركات
مافيها شي هلمره اعتبريها تغيير
ولا تلبسينها جدام احد
بس جدامه
كافي انه تذكرج

 

[شامخة بأخلاقي]

بنات اشفيكم الله يهديكم البنت مو قصدها لازم هديه غاليه
بس اهي ما اتحب تلبس شي تقليد يعني لو شي مو ماركه احسن من تقليد

 

[انا فجر]

اي يمكن مايدري
دامه راعي ماركات ومو قاصره شي
يالله الله يسسخره لج
ويجيب لج كل عيد احلى واحلى

 

[ايمان الغساني]

وهالشي يزعل ..مستغربه

 

[سندس 90]

اسمحيلي <<< ماعندج سالفه

 

[طموحــة]

فديتج (شامخه بأخلاقي)

فاهمتني عدل الله يكثر من امثالج ولاتعليق علي بعض الردود


وشكرا للجميع علي التفاعل

 

[Smchoocha]

يمكن مايدري انها تقليد
الرياييل يحتارون بالهدايا وايد
تخيلي انا ريلي كله يهديني الكترونيات ويقولي ماعرف اشتري شي ثاني

 

[أم خشم]

اتوقع ما يدري ,, و بعدين الحمدلله ان ذكرج بشي
و اذا الريال زين معاج و سعيدة مااظن هالامور تهم ,, وايد حريم عايشين بالماركات و الفلوس و حياتهم غثا و تعب
قولي الحمدلله : )