شحلات هدية ريلي :( اخرتها فالصوووووو

[انت مناي]

يمكن شافها غاليه لان فيه تقليد ماركات تكون اغلى من الماركات الثانيه عشان جذيه يابها لج ..

 

[Patcholli]

شوفي انتي سوي روحج منصدمه
وقوليله فلان اتصدق اللي يبتلي ياه طلع تقليد
روح رده عليهم لان قاصين عليك اللي مايخافون الله
اذا قال اشلون ومالون
قوليله دشيت البوتيك مالهم وقبل لاتكلم هجمت علي الموظفه وقالتلي تقليد
وبس يمكن صج قاصين عليه ومايدري

 

[دلوعة أبوهآ]

يمكن انضحك عليه ومآيدري انها تقليد
هالايام الواحد ماصار يفرق بين الاصلي والتقليد
خاصة في الشنآط

,

 

[كتكوته نورة]

ههههه ذكرتيني بوقتاده ونبيل ... كان في حلقه جذي ؛)

عادي كل شي حلوو ،، المهم اذكرج بشئ

 

[عسل مرت قيمر]

اممم عجبتني فكره انج تقوليله ان المحل قالولج تقليد او رفيجتج


بس عشان تعرفين يدري ولالا

 

[Eva-SS]

أنا أقول حرام لا تكسرين بخاطره الهدية مو بسعرها بس كافي أنه تذكرج وشراها لج


صراحة ماشوف أنها مشكلة يجيب لج تقليد جيبي له هدايا تقليد ماركة

يمكن قصوا عليه يمكن مايعرف أنا أشوف انها بسيطة

 

[Eva-SS]

حمدي ربج ذاكرج غيرج يدور الهديه لو جدر هريس

ههههههههههههههههههههه عاد جدر هريس


امبيه مت ضحك على الردود

 

[المزيــونه]

بصراحه غريب امره

بس يمكن مايدري او مايعرف

حاولي تعرفين منه الموضوع

 

[Broy]

هههههههه عادي ياقلبي انا ريلي بآول عيد زواج انا يبتله ساعه قوتشي سعرها 449 دينار

واهوه يابلي قلب و تراجي والله اكسيوار لو انا اشوفه ما اخذه يوم سألته من وين شاريه قالي واحد من الربع يايب بضاعه
شفته جان يعجبني وخذيته لج ههههههه وانا كل علامات الاستفهام والتعجب علا ويهي وسويت نفسي مستانسه فيها وانا من داخلي
ميته قهر هههههههه بس المرا الي بعدها قلت له انا بختار هديت زواجنا وانته اختار الهديه الي تبي اييبها لي

وشكرا و اسفه علا الاطاله

 

[basoOomah]

يب صارحيه انج تكرهين التقليد انا قلتله اني اكره العطورات التقليد صار مايهدي صار يجيب ورد بسس هههههههه

 

[رويال ديزاين]

قوليله وديتها البوتيك قالولي تقليد

حبيبي ترا انقص عليك رجعها حرام فيها القيمه اللي دفعتها

و اذا قالج انا شاريها تقليد

قوليله اهاااا طلعت كل كشختك فالصوووو و ضحكي و قولي صراحه حسبتك تحب الماركات الاصليه


و شكريه عالهديه و صدقيني ما راح يكررها بس لاتواجهينه مباشره خليها بطريقه غير مباشره

 

[دلع24]

هههههههه سووري لوو مااجاابلج هديه بقوولين لييش ماايجييب لي هديه لو من بوو مييه


احمدي ربج بعض الحريم ماايجييبوون لهم شي بالمرره


والهديه موو بقيمتهااا المااديه

والله انا اتقبل من زوجي الهديه لو قطعه ككاو بخمسين فلس


والله يسخره لج يااربي

 

[طريق السعاده]

لا نصيحه لاتكسرين بخاطره صح قهر اول هديه وتطلع مو شي وتقليد رغم ان عنده خير بس صدقيني لو قلتي له بيحسك ماديه ويصير كل مايبي يجيب شيء بيقول ماتبي الا اصلي وتتشرط ومن هالكلام تعرفين يعني ويسحب عليك عادي خليه يجيب هالمره ساعه او شنطه تقليد الجايه قبل بفتره لمحي انه خاطرك بالشيء الفلاني ومو قادره تجيبينه او مثلا تشوفين شيء وتمدحيينه مره وتحسسينه انه حيل عاجبك وتتركينه ماتشترينه وكذا عشان اذا صار مناسبه يروح يجيبه لك وتكونين اخترتي هديتك بشكل غير مباشر


والهديه بقيمتها المعنويه حبيبتي لكن تذكري ان العمر قدامكم وتوكم متزوجين ولو كسرتي بخاطره بتتحسفين لان بعدين مرح يهدي ع ابو مايعجبها شيء !!

 

[عروسة كانون]

حبيبتي قولي الحمد لله..
أكثر من ثلاثة أرباع مشاكل هالقسم طلاق وخيانة ومشاكل عودة وهموم وكدر ودموع..
ربي يوفقك..

 

[كليـ دلعـ]

انقلو مشكلتها لقسم الفرفششه