أهلين حبيبتي ,, وشلونك يا عسل ^^ عساك طيبة ؟
بارك الله فيك ,,
شوفي يا قمر ,, أنتِ صغيرة و ما لك خبرة بالحياة ,, فـ اعتبرينا أخواتك الكبيرات آللي ننصحك لأننا نبي لك الخير يا قلبي ,,
أول شي ,, ما فيه شي اسموهـ صداقة بين بنت و ولد ( بدين الإسلام )
أنتِ مسلمة صح ؟ طيب دينك يا غاليــة آللي أنتِ معتنقته يحرم عليك مثل هالعلاقة ,,
و حط لك مجموعة من الأحكام الشرعية آللي تضمن لك سلامتك من الوقوع في الحرام ,,
المرأة فتنة على الرّجل ,, بل هي من أشد الفتن على الرّجال ,, و هذا ما ثبت في الحديث صلى الله عليه و سلم ,,
قال صلى الله عليه و سلم : ( ما تركت بعدي فتنة أضر على الرّجال من النساء ) ,,
دوري أكبر فتنة بالعالم ,, النساء أشد و أكبر منها ,, تصوري ؟
و لأن المرأة فتنة على الرّجل ,, صار لازم تكون فيه مجموعة من الأحكام الشرعيّة ( الوقائية )
كما يقول الدكتور محمد العوضي حفظه الله ,, دين الإسلام وقائي قبل أن يكون علاجي ,,
فديننا أعطاك كوكبة من الأحكام الشرعية آللي تقيك - بإذن الله - من الوقوع بالغلط ,,
فـ أمرك بالحجاب ,, ليـه ؟ لأنك فتنة على الرّجل
أمرك بعدم الإستعطار حين الخروج من المنزل ,, ليه ؟ لأنك فتنة على الرّجل
حرم عليك الخلوة بالرجل الغير محرم لك ,, ليه . لأنك فتنة على الرّجل
حرّم عليك الإختلاط ,, ليه ؟ لأنك فتنة على الرّجل
حرّم عليك الخضوع بالقول و لين الكلام أثناء مخاطبة الرّجال ,, ليه ؟ لأنك فتنة على الرّجل ,,
آية صريحة البيان تقول لك :
{ محصنات غير مسافحات و لا متّخذات أخدان }
محصنات = عفيفات
و لا متّخذات أخدان = الأخدان جمع ( خدن ) و الخدن هو الخليل و العشيق ( مثل حالتك الآن )
فالآيـة معناها ,, إن البنت المحصنة ( يعني العفيفة كما ذكرنا ) هي التي لا تكون مُسافحة و لا متخذة للخدن ,, يعني ما عندها خليل ( صديق ) أو عشيق
فلمّا تتخذين لك صديق أو عشيق ,, أيش يصير ؟ تنتفي عنك صفة الحصان ,, يعني تنتفي عنك صفة العفّة
فهل ترضين يا حبيبة يا طيبة يا عسولة ,, إن يجيك شخص و يقول لك بنص القرآن : أنتِ غير عفيفة لأن عندك صديق ؟
ما ترضين ,, ^_^
و هذا الشاب آللي تكلمينه ,, أكيد ما يرضى إن وحدة من أخواته يكون عندها صاحب ,, أصلاً يذبحها ,, السالفة سالفة عرض و شرف !
الشي الثاني .. لا تحسبين إن الشيطان راح يآقف معك أنتِ و هو إلى ( حدود الصداقة ) ,,
ما أقصد أتفاول عليك ,, و لكن لازم أعلمك بآللي راح يصير لو ما تداركتِ الموضوع و قطعتِ العلاقة من الآن ,,
تدرين وش راح يصير ؟
ما راح يتركك الشيطان إلا لما تكلمينه و ترسلين له صورك و تطلعين معه ,, و ينتهك عرضك !
أبشرك لو استمريتِ معه هذا آللي راح يصير !
بتقولين مستحيل لا أنـا أعرف الصح من الغلط و أنـا أخاف ربي و و و و إلخ
أقول لك : المشكلة بنات قبلك قالن نفس الحكي ,, و النهاية كانت ( زنــــــــــــــــــــا ) و حمل سفاح
الشيطان يبي يمشي معك بشويش بشويش بشويش ألين ما تحسين على نفسك إلا و أنتِ فقدتِ شرفك ,,
و إلا الحين لما ضفتِ الولد هذا على الواتس آب ,, ( قبل لا تضيفينه ) ,, هل كنتِ متصورة إنّك راح تضيفين شاب في يوم من الأيام على الواتس آب ؟
لا طبعًا ما كنتِ متصورة ,, أصلاً يمكن لو سألتك قبل لا تسووين هالحركة كان قلتِ لي : لااااا مستحيل هذا آللي ناقص أضيف شباب و أصادقهم !
صح ؟ لو سألتك راح تردّين علي بكذا ,,
بس الآن اختلف الوضع ,, ضفتِ رجّال و صار صديقك ,, و ما حسّيتِ عن نفسك
و نفس الشي راح يصير بآللي أقوى من هالتصرف ,, مثل ما سهّل عليك الشيطان إنك تضيفينه على الواتس آب
راح يسهل عليك إنك تطلعين معه و ترسلين صورك له ,, و حتى راح يسهّل عليك ( و اعذريني على الكلمة ) راح يسهّل عليك ممارسة الزنـا مع ذلك الشاب ,
و أنتِ اختاري نهايتك .. و بالأخير إذا صار ما صار لا تلومين إلا نفسك ,,
و أنـا أنصحك كـ أختي آللي أحبها و أخاف عليها
بارك الله فيك يا عسل ^_^
