شاعوني اتمني اللي ترد تكون كبيره

[loulie]

السلام عليكم
بنات انا داخله بنك بنت عمي
فلا تستغربون


انا بنت عمري 14 سنه
قبل جم يوم واحد عندي بتوتر من زمان مسويلي فولو
قام يسويلي ريتويت بكثره و ff و انا مسويتله فولو بعد
ففاجأني مره و ققال عالخاص انه معجب فيني
معني اشوف صفحته مو مسوي حق بنت فولو غيري
المهم
قمنا نسولف علخاص بتوتر و طلب مني يضيفني
فانه وافقت
و ضفته بلواتس اب
نسولف عادي


المشكله

احس بتانيب الضمير
احس انه هذا شي غلط
بس بنفس الوقن فيتتي جانب يقول انه عادي مجرد صداقه
انتوا شرايكم
اتمني اللي ترد علي تكون كبيره وواعيه
مو بنفس عمري

و مشكووريين

 

[Tom ♥ Jerry]

.


حبيبتي ليلحينج صغيره حافظي على نفسج
جذي طريقتهم الشباب عشان يطيحون بنات
لا تصيرين صيده و ديري بالج

موفقه :*

 

[جنون العاطفه]

انا اقول خلي عنك تويتر توج صغيره وهالامور
لاحقه عليها عمرج 14 وتكلمين عن الصداقه بين الرجال والمرا مافي خوه بينهم

اتمنى تعقلين صراحه نرفزني موضوعج حييل شكوا 14 سنه شكو



يا الله زمن يخوف وربي


بس ودي اعرف شنوا نوعية السوالف يعني !!

وقلوا البنات مثلا !!


وهوو ان شاءالله عمره بعد 15
اصدميني قولي 22 او اكبر



انا بناء على طلبج بالموضوع اكبر منج كثير وحبيت اقول راايي عطيني رقم امج اعلمها وبس هذا الحل تلحق عليج !!
​

 

[*الجادل*]

شوفي انتي توج صغيره نونو حرام والله تطيحين طيحه سنعه ولاتتبعوا خطوات الشيطان

حبه حبه فولو حبه حبه واتس اب باجر مكلمات تالي طلعات

الشباب كلهم محثله مايهمهم الا وناستهم لاتستانسين بس انا فولو قاص عليج يقدر يسوي ميه حساب نصيحه توج صغيره شخليتي للي اكبر منج

امسحي رقمه واذا تقدرين غيري رقمج لابو الشباب لابو سوالفهم اللي تبط الجبد

حدييييي عصبت

 

[misk]

طبعا حبيبتي تصرفج غلط
وماكو صداقه بين واحد ووحده

شوفيه بدا يستعد للهجوم
اول شي تويتر والحين واتس اب
وباجر يكلمج وعقبه. ووووو

الله يستر عليج وعلي بناتنا
حبيبتي ديري بالج علي نفسج وانتي صغيرة علي هالسوالف اللي مالها فايده

والله يحفظج يارب

 

[αησмα]

هذا بيلعب عليج يا صغيروونه

صحصحي يا حلووه لا تروحين فيها

امبيه احنا كبرج ما نعرف سوالف النت حدنا تلفون بيت ولا يسمعونا اغاني ويصكوونه بالويه ؟

الحين يا حظي كل شي علني يماااااه زمن يخوف


استغفري ربج وعطيه بلوك وطنشيه اشتبين فيييييييييه. اهتمي بدراستج انتبهي لصلاتج ورضا الوالدين

فكككري بمستقبلج ركزي عليه شوفي وين بتروحين وين بتوصلين لدراسه ؟


اهتمي بخواتج ولهي نفسج بصديقاتج الصالحاات


الله يستر عليج !

 

[pinkoosha]

وييييييه انتي صغييييره وينج وين هالسوالف،، انا يوم كنت بعمرج كنت العب بالقاري ويه عيال الجيران

 

[عسل سل]

محد راح يمسك الخيزرانه علييج يخليج تهدينه
انتي بارادتج خليه بلووك وبس

 

[حلوه بس هبله]

وي وي وي << انصدممت

حبيبتي توج ياهل عمرج ١٤ وتتكلمين عن امور الصداقه بين البنت والولد ؟

اقول حبيبتي اتركي عنج هالخرابيط ''''''' شخليتي للي اكبر منج
انتبهي لا يستغلج وتطيحين لا قدر الله طيحه ومحد يسمي عليج انتبهييييييييي

 

[pink Barbie]

بدعتي !!!!!
امبيه صج صج صدمتيني
حرام والله صغيره عيشي حياتج صح
حبيبتي هذا قاعد يضحط عليج صدقيني ومستعده ابصملج بالعشر
شلون ترضين على نفسج تكونين اضحوكه ؟؟ معجب والحين واتس اب بعدين دزيلي صورتج
مكالمات وتالي بشوفج انتي صغيره وبسرعه راح تعلقين فيه عشان جذي صايره صيده سهله بالنسبه له
واااااااااااااي هالجيل يخرع عيل جيل عيالنا شبيصير اكثررررررر من جذي
الله يستر عليج وعلينا وعلى بنات المسلمين يا رب
استغفر الله

 

[pink Barbie]

اوووووله يا البدليه لوووول
يضحك**

 

[دآنة آلرشآيده]

توج صغيره الله يهديج
الشباب كلهم جذابييين

 

[برينسيسا]

ويييييي لا حبيبتي ديري بالج توج صغيره لاتخلينه يستغفلج لاتندمين بلا حب بلا بطيخ انهي الكلام معاه حاااالاً نصيحه

 

[سفييره الكويت]

انتي توج صغيره ماوصلتي لسن الزواج لي يسمح لج تبحثين عن الشاب المناسب بحياتج..!

فنصيحتي لج حبيبتي ابتعدي وخلكم صداقه بتويتر فقط تجنبا لتطور العلاقه ..!

اهتمي لدراستج ومستقبلج الان..

 

[عادت ذكرياتي]

لا تخربين سمعتج وسمعة أهلج اللي ربوج ... يالله سترك

 

[نعوووووومه]

هههههههههههه والله جهال اخر زمن قالت صداقه قالت شنو وين عايشين اخاف لندن وانا غلطانه او خرفت ههههههههه
اقول بلاسوالف دلع وتقلدين اللي اكبر منج يمال العافيه ١٤ يعني توج جاهل بنت خالتي كبرج ودايم تلعب بالحوش وبنطاطيه ههههه وانتي تويتر ونت والله الشرهه مو عليج ع اللي معطيج فون ومو داري عنج الله يستر بس

 

[متواضعة]

.


حبيبتي ليلحينج صغيره حافظي على نفسج
جذي طريقتهم الشباب عشان يطيحون بنات
لا تصيرين صيده و ديري بالج

موفقه :*

بالضبط نفس كلامها

الشباب ماتامنون صايرين جلاب ملبسين ثياب

ربي يحفظج

شغلي نفسج باشياء اتحبينها وتوبي الى الله ...

 

[المرتاحة]

والله يا حبيبتي نصيحة لا تحاولين تتعرفين على الشباب و خاصة اللي موجودين في النت و حتى اللي بره النت ترى اغلبهم يلعبون هذا اذا مو كلهم تشوفين كلامهم اشحلوه و يقنعونج باسلوبهم الحلو اللي تشوفين الواحد يطلع لج شريف روما واهم اللهم يا كافي.. والله يستر عليج حبيبتي

 

[تفاءل بالغد]

عزيزتي


أنتبهي لنفسك من الشيطان ...



مافيه صداقه بين الرجل والمرأه .. الله يحميك ويحفظك .

 

[^^ريهام^^]

حبيبتي

لا يضحك عليج ..... ادري كلامه حلو ويموت فيج ومستعد يحارب العالم علشانج ..... بس كله كلام فاضي

الشباب ما يفكرون الا بوانستهم .... اذا خذا منج اللي يبيه يروح يفتش على وحدة ثانية يضحك عليها

الحياة مو مسلسل تركي .... والرجل الشرقي مو مثل مهند او جاك في فيلم التيتانيك

الرجل الشرقي يفتش على وناسته وبس .... حب ما حب ما يعرف .... يبي بنت يستانس فيها ... ويتكشخ فيها عند ربعه

انتي توج صغيرة ومشاعرج تحكمج

خلي عقلج هو اللي يتحكم بحياتج مو عوطفج

بهالعمر اهتمي بدراستج .... بهواياتج .... بشكلج وانوثتج .... واهم شي بدينج

صدقيني ما في احلى من ايمانج ودينج .....