شاب شعر راسي

[دانة حبيبها]

رد : شاب شعر راسي

:
:

فوفو كلامها عين العقل ..

و ردي شقتج .. و لا تعطين مكان للفتور زياده ..

بالعكس حسسي باهميتج ..

شنو صارلج 5 شهور و زعلانه .. !

الله لا يهينج اختج و لا اخوج يردج البيت .. اذا اهوا مو فاضي !

بعدين لا تركزين على هالسوالف .. تاخرت .. رحت رديت طلعت ..

سأليه اسأله عاديه بتطول حياتي ؟! عسى ما شر يا عسل ليش ما ترد !!

لا تحسسينه انج لزقه و هالاشياء لازم تسويهاا !!

واذا ما سواها يا سواد ليله !!

حطي في بالج اي شي .. الغايب عذره معاه !!

واذا دقيتي مرتين .. بس خلاص لا تدقين يمكن معاه احد و ما يقدر يرد عليج !!

لا تحاسبينه جنه ياهل .. ريال يبي يحس بستقلاليته !!


:
:

 

[nooooof]

غيري اسلوبك معاه طنشيه راح يسال اشفيها ليش تغيرت بيدق ويسال رجعى بيتك وتعوذى من ابليس عاااجى دق هلا ومرحبا ما دق ولا طرش مسجات عااادى طاف لى رجع من برا خلك قاعده لا تنامين على بو ولهت عليك او ركضى لى عنده وقولى له خفت من شي وخلك ذكيه لا تحسسينه ان ما عندك غيره بالعكس انك فيه او بلياه مستانسه بيحتر ويجابلك وانت عروس ماله داعى تنكدين عليه وعلى نفسك يا قلبى

 

[nooooof]

عاجى= عادى
بدليه اشكبرها

 

[تعبااانه]

الله يفرج همج ويصلحه لج

 

[Stylista_Q8]

الله يهديه ويسخره لج إن شآلله ،،

 

[توووفية]

حبيبتي ترا تلفوناتج الزايده له تخبيه فوق ما اهوا مو مهتم ومال يمل زياده انتي تقوللين مو مقصرة معاه ليش يسوي جذيه ؟؟ لا انا اقولج حاولي تقصرين معاه يمكن يعرف قدرج تغلي ترا الرياييل يحبون الوحده اللي تشوف نفسها عليهم بس طبعا انتي سويها بالمعقول

 

[fdeet_shosho]

انا بعد نصيحتى ردي بيتج ماله داعى تنامين بالاساس عند اهلج - اكبر غلط للبنات الحين وخاصه المعاريس سالفه انام عند اهلى بس راحت هالسوالف روحي لاهلج زيارة وردى بيتج بالليل ليش تعودين الزوج انج تنامين برا البيت خليه يكون متعود انج دايم بالبيت - مو لازم اهوا يردج شوفى اى احد يردج لو سايق جيرانكم المهم تردين والبسي وتعدلى واكشخى فى بيتج وان رد البيت لاتسوين محاضرات خليج عادي جنه ماصار شي ان سولف سولفى وان سكت خلج ملتهيه بالتلفزيون او اى شي ولاتقلبين اليوم نكد صدقيني بينصدم يمكن يتهرب منج مايبي يواجهج وتسوين تحقيق معاه لاتعقدين الامور والله يهنيج ويسخره لج

 

[أبله ميمي]

رد : شاب شعر راسي

الله يهديه لج
والله يعينج حبيبتي

 

[*سوسو ستار*]

حبيبتي الريال مايحب المره تلاحق وتدق عليه اذا طلع لا خففي اتصالاتج او كلش لاتتصلين عليه الا شي طاريء وحاولي تشغلين نفسج وانتي بالبيت ولاتكثرين بنومتج عند اهلج انتي توج عروس خليه يتعود على وجودج لين يصير مايستغني عنج ويفقدج ويوله عليج اذا غبتي اذا رجع متأخر البيت لاتقوليله وين كنت وتعاتبينه لا قوليله اشتقتلك غرقيه كلام حلو دلعيه تكشخيله اشغلي نفسج بصديقاتج بحمولتج لا يصير هو شغلج الشاغل صدقيني بيرجعلج والله يسخره لج ولايشوف غيرج يااااارب

 

[مروووم]

الله يعينج حبيبتي ويهديه لج
بس انتي كثر ما تقدرين حاولي تخلينه اهوالي يلحقج مو انتي بس اول شي عرفي السبب ولا مو معقوله باول زواجكم يسوي جذي اخاف اهله قاصبينه على الزواج ؟؟؟؟؟؟
حوالي تخففين من المسجات والمكالمات يمكن يحس شوي بس نصيحتي لج تردين عند ريلج وما تنامين بيت اهلج عشان ما يتحجج عليج ويقول كل قاعدة عند اهلج بعد شتسوين لازم تتحملين الله يعينج
والله يهدي النفوس اميين