شاب شعر راسي

[ماخذة غلا اخوي]

عسى ربي يهدية لج ان شاء الله يارب

 

[امل20]

رد : رد: رد : رد: شاب شعر راسي

مو رابط اختي سوي بحث باسم العضوه ماما ام بدر بالهلقسم انا توني قاريه موضوعها بس ساعات انسى اشياء وارد اقرا الموضوع لان كلامها حكم ماقصرت

حبيبتي مشكوره شفت الموضوع

 

[fatomy]

الله ايهدي لج .................

 

[الأماكن]

رد : رد: شاب شعر راسي




...~

رجعي شقتج أحسن ... حسسيه ... ان في وحدة تنطره بالبيت ... قعدي على قلبه .. و لا طلع خليه يوديج لأهلج ... و قوليله الساعة الفلانية

مر اخذني ...

وحاااااولــــي تحقرينه يوم يومين لا تدقين ولا تدزين مسجات ... و الأحسن سكري فونج ... شوفي هو يدق ولا لأ ...

الحقران يسوي نتايج خطيرة

وعسى الله يوفقكم و يسخره لج

 

[ماعلى الدنياعتب]

الله يسخرة لج

حبيبتي مالج الا الصبر والدعاء والاستغفار

عاتبتي ما نفع

نصيحة خليج ببيتج لا تروووحين لاهلج ولا تعاتبين وقوومي بكل واجباتج

اذا عندة دم بيستحي من معاملتج له

 

[ana mo ana]

الله يهديه ويسخره لش ويألف بين قلبه وقلبش كما الف بن قلوب عباده يارب العالمين

شووفي حبيبتي الرجال ما يحب اللي تلاحقه وتتصل فيه اربعه وعشرين ساعه....لا خلش ثقيله طنشيه...احقريه صدقني بيلحقش....والله الرياجيل يحبون اللي يحقرهم....بس عاااد مو كلش مره وحده ...لا حاولي كل يوم اتدقين عليه مره وحده بس...ودزيله مسج عتاب او شوق...بس مو اكثر علشان لا ينحاش.....وحاولي تسألينه قولي حياتي له ما اتدق تتطمن علي تسأل عني....ازعلي بس بحدود...


والله يسخركم لبعض ووفقكم يااارب العالمين

 

[قـہۈه فـرنسيـہ™]

وآآضح انه انتي قاطه نفسج عليه حيل ..اسمحيلي هذي الصرآآآحه ..

وعفوا الرجااال عطيه فنقر يجي يركض وراج ...

 

[ام جوري89]

وآآضح انه انتي قاطه نفسج عليه حيل ..اسمحيلي هذي الصرآآآحه ..

وعفوا الرجااال عطيه فنقر يجي يركض وراج ...

صح

شوفي حبيبتي .. انا زوجي ما ادق عليه ولا ادز له مسجات الا اذا ابي شغله ولا شي مهم بس !

اخليه اهو الي يدز ويدق .. جذي مايحسج ميته عليه ! بالعكس يجيج ركض :eh_s(22):

خليه لا تدزيله شي .. عطيه اقوى سكب وشهر شهرين او حتى اسبوع اسبوعين وتلقينه يركض وراج :fun:

​

 

[Ba$ko0oTa]

حياتي الله يكوون بعونج احسه والله معلقج
ردي شقتج
وقعدي معااه وتفاهمي
لا تخلينه قعدي معااه قعده صريحه
قووليله يا فلان انت شفيج ليش بارد وردك على قد السؤال
انت فيك شي ومن هالحجي لما تعرفين شنو فيه وطمنينا عليج
الله يهديه ويسخره لج حبيبتي

 

[& مــشــايــخ &]

الله يفرجها عليج اختي ويسخره لج

 

[هلا20]

رد : شاب شعر راسي


من راي البنات والله عطيه احلى سكب <<<<< ومثل ماقالوا البنات بعض الرياجيل مثل الزل الايراني مع الدوس يزين وبعضهم لاوالله مخترمين وعازين بنات الناس وعارفين ان الله حق بس ارجع واقول عطي طاف من امه ولاتسالينه شفيك شصاير بعدين يتعزز عليج خليه يولي لي طاح اللي براسه بيعرف ان الله حق
والله يسخره لج يارب

 

[كل شي فيني اكتمل]

رد: رد : شاب شعر راسي

الله يهديه يارب ويسخره لك
بس انتي قللي اتصالاتك ومسجاتك له وحتى العتب لاتعاتبيه دايم تعاملي بذكاء معاه

احسن حل:080402ask_prv:

 

[خيالة]

اختي انتي كاتبة نكج امل 20 ممكن عمرج 20
ريلج وايد فرق بينج وبينه بالعمر يمكن هالشي مخليكم شوي مو متفاهمين وفي شغلة في بالي بس ما ابي اسبق الاحداث بس ضروري تكلمينه وتواجهينه موضوع الطناش ما ينفع الامور تتراكم
يمكن طناشج ايي على هواه وتكبر الفجوة بينكم
تجاهلج للمشكلة ماراح يحلها احسن شي المصارحة طالما انتو توكم متزوجين عشان تعرفينله ويعرفلج
طمنينا عليج

 

[حالية الشفة]

الله يهدي لج
يارب

 

[عهود الحب]

رد : شاب شعر راسي

جربي انج تغيرين طريقتج معاه

اهو يدري انج بتدقدقين عليه وتنجين وهو مستانس على لعبة توم و جيري


غيري من نفسج يتغير


شحقه قاعدة بيت اهلج روحي بيتج وخلج كاشخة على سنقة عشرة

و بيتج لاتهدينه ولا تنامين ببيت اهلج


عيشي حياتج البسي اكشخي سولفي اضحكي

عطيه اهتمام بسيييييييييييط وطنش تعش

لي بطل حلجه بطلب لا يسمع الا حاضر وان شاء الله

واذا طالع فيج تبسمي واضحكي وخلي الوضع عاااااااااااادي


لا تحسسينه انج معصبة عليه انه نايم ومطنش الأمه

ولا تقولين تونا معاريس


حسسيه انكم فعلا معاريس تصرفي مثل العرايس

مو ستين الف مسج ستين الف رنة تلفون

اقلبي الطاولة عليه و عامليه بنفس طريقة معاملته لج


و بعدين شوفي شلون يتغير


اصبري على ما تبين النتايج

مو يوم يومين اسبوع اسبوعين


لألألألألألأ اصبري وسكري حلجج


نظام زوجج ما ينفع معاه الملاحق ولا الحنة و ترى اغلب الرياجيل جذي الا قلة بسيطة


و ترى التصرفات الذربة و الكشخة واللبس الحلو والعطر والبخور والطباخ الي من ايدج يجيب نتيجة احسن من كل الي قاعدة تسوينه



و سالفة ابجي وعيوني دش فيهم الصابون والسوالف هذي والله محد يتعب غيرج

و انا نصحتج وانتي حرة

 

[« لـ / غيـرگ »]

السكب ع قولت البناااااااات والله اييب نتييجه

نصيحه اهلي لاي وحده بتتزوج منا ماتدق ولا تتلزق بالريال لانه طبعهم جذي مايحبون اي احد يتحكم او حتى يسأل

وانتي اذا عندج اخوو اسآليه كذا مره وين رايح ومن وين راد بيرد مره مرتيين بعدين بجعمج

 

[SUCARA]

اختي عرفي شالسالفه قوليله كلمني بصراحه ...واذا مانفع كلمي ام زوجج اذا تحسين انها قريبه والله ترى الخاله ساعات تنفع

 

[روحي تحبه غصب]

تدرين ريلج الحين متوقع منج النكد والحنه والاستجواب

نصيحه اذا رديتي لاتسالينه ليش مادقيت علي ولا رديت على اتصالاتي ومسيجاتي طنشي ولاتحسسينه انج كنتي متضايقه من تصرفاته

ريلج ليما الحين في صراع مع نفسه يبي حياة العزوبيه فانتي لاتطفشينه بتصرفاتج خليه على راحته

وغيري طبعج معاه واشغلي وقتج عشان ماتضعفين وتتصلين عليه

اذا ما مرج اليوم ورحتي لبيتج خلي احد من اهلج يقطج البيت ولاتعطينه خبر انج رديتي البيت واذا شافج ابتسمي

الله يسخره لج ويهديه هذي معانات اغلب الحريم في بداية حياتهم

 

[عوااشه90]

حبيبتي انان اقول رجعي بيتج وقعدي

ولا تدقين عليه ولا تدزين مسجات

ولا تعاتبينه كلش

وسوي روحج لاهيه

الله يسخر زوجج لج ويهديه انشالله

 

[&غفرانك ربي &]

رد : شاب شعر راسي

حبيبتي شوفي ،،، وقفي المسجات والاتصالات شوي ترا الرياييل ما يحبون الحنه ويضايقهم كثر العتب واللوم
ردي لشقتج وخليج طبيعية ولا تعطينه اهتمام واضح سوي اللي مطلوب منج
حاولي انج تشغلينه مثلا طلبي منه يوديج للجمعيه أو السوق ولما يوديج وانتوا طالعين قولي اشرايك نجرب المطعم الفلاني يمدحون أكله
لرديتوا شغلي التلفزيون وحاولي تثيرينه بأي برنامج أو مسلسل أو فلم ،،، شوي شوي يضيع الوقت وكسبتي قعدته معاج
اربطيه بطلعاتج خليه هو يوديج وييبج حتى لو انج تسوقين حتى طلبات البيت خليها عليه
لو آخر لمبه بالبيت تحترق لا تبدلينها خليها مسؤوليته
لا تصرفين على البيت خليها مسؤوليته
ان شاء الله لا رزقج ربي بالياهل خلي طلباته عليه
اشوي اشوي يصير البيت اهتمامه الأول
بس نصيحة لا تكثرين بالنوم ببيت اهلج وتعطينه الحرية ترى هذا اللي يخرب الريال
والله يسهل دربج ويحننه عليج يارب