سيارة زوجي احسن سياره .....!!!

[*أذكــــر الله*]

العنوان خطير صح؟

اكييييييييييييييييييد زوجه مغروره :eh_s(15):

ما علينا اذا زوجج ما عليه قاصر و عنده سياره تكفي و توفي ما عليها مشكله بس خل نفرض سيارته انها

يابانيه ( كامري من هالسوالف ) و زوجج بامكانه ياخذ سياره كشخه ( مرسيدس) بس لازم مقدم و قرض يعني ينقص من معاشه و اهو وده يخش للمستقبل ( عياله سفرات لبس ..الخ) يعني ما يهمه المظهر بس يهمه انتي .....

و اهو وده يكبر بعينج يعني لو تقوليله اشتر يشتري علي طوول و مستعد يبيع معاشه كله عشان يرضيج و

يكبر بقلبج انتي من اي نوع الي يقوله ((اشتر و قص من معاشك عشان احر رفيجتي زوجها مو احسن من زوجي )):eh_s(14)::eh_s(14)::rgewrg:


و لا ((ما يحتاج كلها سياره وسيلة نقل و انا مستعده اروح تكسي بس ابي قلبك يدش قلبي ما ابي مظهرك قدام الناس ( كلام رومانسي )


ابي اشوف كم النسبه و شكرا:yaaaaaarb:​

 

[بتبوتااا]

الحمدلله اني انسانه قنوعه وارضى بأي شي وعندي دام انه هالشي يأدي الغرض فما اعترض

 

[فوفو22]

استغرب من هيك عقليات

تمشِي امورها على هوى مجتمعها

القناعه كنز لا يفنى

والانسان يعيش على مستوى ظروفه

ولا يرفع راسه لفوق لانه يتعب

فوفو

 

[باااربي]

لا كلش مو من هالنوع منو يستاهل احرّه واخلي ريلي يحط دين علا ظهره عشان منووووو...؟؟؟
لا يبا مد ريولك علا قد لحافك وطززززززز بالعموم :eh_s(9):
سوري علا هالمصطلح بس صج طزززين بعد :krkrkr:

 

[اخت خالتهم]

انـا أول شي مـا أشتغـل و ريلـي يـدرس
فـ ليش أضغـط عليـه !
صـح خواتـي يسـوقـون ورفيجـاتي وبنات خوالـي وخالاتي الكـل عنده سيـارة سنعـه
مرسيدس و لكزس و طوارق

و آنـا أقـول حق ريلـي أبـي كـامري حقي ويـاك لين يتعـدل الوضـع

وقـمت أشتري كل شي بالمعقـول و قمـت ألبس العباية علـى طـول
لأن حـرام أهـو يبي يـدرس ودراسته تكلـف
فـ ليش اضغط عليه و احسسه الزواج نقمـه !

المهم نطلع و نستانس ولا ناقصني شي من " الأساسيات "

و آنـا أفكـر بالماجستير .. و اهو مثلـي
يعني بإذن الله بتتغيـر حياتنـا و نصيـر أحسن بمليـون مـره

الوحده تقتنـع باللي عندهـا دينا ورسولنا الكريم عليه افضل السلام والصلاة
وصـونـا غلى جذي .. وبمـا ننتمي لـ هالديـن لازم نضغط على غرايزنـا شـوي
عشان نوصلهـا صـح

واحنـا نحب السفـر نقعد نجمع طول السنـة عشـانه
و السيـارة مو مظهـر الحمدلله بيت و احسن الجامعـات و احسـن لبس


مشكورة على الموضوع

 

[عبالي حبيبي]

بصراحه انا عندي هذا الميول ان الانسان الي احبه اعطيه روحي وكل مااملك

بس مومن باب عدم القناعه او شي من هالقبيل لا

لكن احس اني من الناس الي ممكن اترجم حب بالعطا الغير محدود

على فكره هذا عيب موميزه

يسلموووو

 

[سموة حضرتي]

اختي قالت جملة حلوة القناعة كنز لايفنى ومهما سويتي من شي او سوى من حاجه واااااااو تبقى عند الناس انو لا سوى ولا خلى عيشي على قد مستواك والحمدالله اهم شي سيارة تودي وتجيب واقتنعي اقتناع تام رضا الناس غاية لاتدرك وبذات في مجتمعنا الخليجي لايعجبهم العجب ولا الصيام في رجب

 

[love love]

صراحه اذا مثالج عالسياره

ماخذ سياره تاذيني وكل اشوي توقف علشان انا قنوعه

ولا اخذ سياره اخر مديييل وتقص ظهري قص بالسيرفس والاقساط


اخذ شي يرضيني ويناسب معيشتي وعندي قناعه كل واحد يمد ريوله على قد اللحافه

الي عنده بستين الف عافيه والي ماعنده بس قنوع بحياته عليه بستين الف عافيه والله يعوضه

 

[@النوري@]

لووووووووووووووووول

 

[توتا حمرا]

كل واحد يمد ريله على قده !!!
ليش الجشع
زوجي وده يغير سياراتنا بس أنا رافضة وبقوة
لأن بصير قسط غير القرض اللي خذاه عشان هالسيارة وانا مو موظفة
ليش اضغط عليه عشان مظاهر مع ان سيارتنا نوعها حلوووو
القناعة مهمة عشان تمشي الحياة

 

[white**angel]

اكيييد لااا كلام الناس صج بيكون اخر همي الحياة مو بس ماركات وسياره اخر موديل شالفايده اشتري كل هذول وريلي تاليتها يتعب ويكره شي اسمه زواج ويلعن الساعه اللي تزوجني فيهااا

 

[om MaRyooM]

بقولج بكلللل صراحة ررايي


اذا كان معاشه قوي ويكفينا وزيادة اي اقوله ياخذ سيارة كشخة مافيها مانع
خصوصا انتي عارفة المجتمع اللي احنا عايشين فيه



اما اذا كان حددده قده ومايكفي طبعا لا ماأظغط عليه حرام

 

[sosowaty]

مع ام مريوووم

 

[-_-Designer-_-]

انا رايي اذا كان بخاطره السياره الكشخه ويقدر عليها وعلى اقصادها راح اشجعه وبقووه تدرون ليش ؟ لان مابي ريلي يحس ان الزواج احكرة و خلاه ما ياخذ الي بخاطره انا جذي مع ريلي اي شي بخاطره اخليه يسويه بدوون ما اعارض دامه يوونسه لان اذا قلت لا حرام انكد عليه عيشته و اخليه يتحسف ان تزوج , اكبر غلط اني امنع ريلي من شغله يحبها يعني اوكي اخليه يسوي الي يبيه بس طبعا شي في بنات اكيد لا واذا انا مو مقتنعه بألي يبيه اتفاهم معاه بهدوء بدون لا اضغط عليه شفته حاب ويبي اخليه يسويه , و طبعا انا مع المثل الي يقوول مد ريلك على قد اللحافك و مشكووره يا صاحبه الموضوع

 

[عشقي اناني]

لا طبعا والله السيارة الجديده راح تقص من معاااشه وتنقص علينا
ماابغاها

 

[αмάι]

سيارت زوجي كامري والله الحمد
غيرنا ما عنده سياره وغيره احنا مبتعثين يعني اي شي يمشينا اهم شي نكون سعيدين
والحمد الله صح نحب ونطمح لكل جديد وزين بس مقتنعين باي شي يكتبه ربي لنا

 

[كويتية222]

اذا يقدر خل يشتري كاش واذا ما يقدر خليه ع سيارته ليش اضغط عليه واحمله فوق طاقته

 

[Kensington]

وانما بنعمة ربك فحدث اذا الله موسعها عليه ليه لا
بس اذا كان يالله يالله فيه اساسيات وفيه كماليات
اعرف ناس قريبنين لي اول حياتهم كل شي معهم يصرفونه علي سفرات سيارات عطايا
والحين مستواهم عادي واللي اقل منهم بذاك الوقت وكانو يصرفون عليهم بعد
صارو اغني منهم لانهم حافضو علي فلوسهم واستثمروها وامنو نفسهم وصارو يلعبون بالفلوس لعب
حبيبتي لازم الوحده من الحين تامن نفسها الحياة كل مالها تصعب
اذا شرت سياره الحين بمبلغ وقدره وديون وقرض وهياط كله عشان كلام الناس
الناس حتي الميت مايخلونه بحاله
ابدي ماعلي الواحد راحته

 

[~Unreachable]

على حسب معاشه و وضعه المادي

اذا كان راهي اكيد بقترح انه يشتري سياره سنعه

اما اذا كان على قد حاله ف الافضل انه يمد ريوه على قد لحافه

 

[popa]

كلام الناس مايهمني اهم شي راحتي وبس