سيارة زوجي احسن سياره .....!!!

[ام كوثر2007]

المثل يقوول مد ريوولك علي قد لحافك ...

 

[ElN00R]

احنا مقتدرين نكشخ ونشتري ونصرف مافي الجيب ياتيك
الحمدلله يارب

 

[سمسمة كويتية]

الحمدالله ما تهمني هالسوالف
بالنسبة لي السيارة وسيلة مواصلات لا غير توصلنا و تييبنا و بس سواء كانت كورولا أو لكزس

 

[أسيرة حبيبي]

شوفي اذاء كان راتب الزوج حلو ويقدر ياخذ سياره كشخه ليش لا بالعكس شي حلو اماا اذاالراتب ع قد الحال ياخذ الي تفي بالغرض مع ان الان الشباب اول مايتوظف يشتري سياره جديده اشوف اخوااااااني كذا ,,,,,,,,,

 

[om-3azo-83z]

بدون غرور و لف و دوران ....... الثااااااااااااااااااانيه و عمري ما صرت الاولى لان كره حياتي المظاهر انا مو متزوجته اكشخ فيه

 

[حآلية الذوق ~]

لا اذا يقدر بدون قص معاش واهوا الي يبيه كيفه بس عشان نظظره المجتمع لا

اما يقص من معاشه عشان سيااره مستحييل!!

نقصر علي عمرنا عشان سياره ليش كلها كماليات مو اساسيه شنو نوعها ولا جم سعررها
سوريي بس احس الي تفكر هالتفكير. اشتري بالسعر الفلاني واحط علي عمري قرض عشانه وينقص معاشي <بنت فقر ماشافت خير

 

[رق رق]

اهوه خل ياخذ رايي اول شي وبعدين اقولج لووووووووووول

 

[اميره1980]

الحين ترا كل السيارات غالية
حتى الكامري هذي اللي مطيحة من حظها غالية مو رخيصة اتوقع سعرها 8 الاف و طالع
ترا اغلب اللي عندهم سيارات كشخة مفلسين
خلي فلوس ريلج لوناستكم احسن من يقطها على سيارة

 

[Dana.Qtr]

انـا أول شي مـا أشتغـل و ريلـي يـدرس
فـ ليش أضغـط عليـه !
صـح خواتـي يسـوقـون ورفيجـاتي وبنات خوالـي وخالاتي الكـل عنده سيـارة سنعـه
مرسيدس و لكزس و طوارق

و آنـا أقـول حق ريلـي أبـي كـامري حقي ويـاك لين يتعـدل الوضـع

وقـمت أشتري كل شي بالمعقـول و قمـت ألبس العباية علـى طـول
لأن حـرام أهـو يبي يـدرس ودراسته تكلـف
فـ ليش اضغط عليه و احسسه الزواج نقمـه !

المهم نطلع و نستانس ولا ناقصني شي من " الأساسيات "

و آنـا أفكـر بالماجستير .. و اهو مثلـي
يعني بإذن الله بتتغيـر حياتنـا و نصيـر أحسن بمليـون مـره

الوحده تقتنـع باللي عندهـا دينا ورسولنا الكريم عليه افضل السلام والصلاة
وصـونـا غلى جذي .. وبمـا ننتمي لـ هالديـن لازم نضغط على غرايزنـا شـوي
عشان نوصلهـا صـح

واحنـا نحب السفـر نقعد نجمع طول السنـة عشـانه
و السيـارة مو مظهـر الحمدلله بيت و احسن الجامعـات و احسـن لبس


مشكورة على الموضوع

الله يخليكم لبعض .. وردج حيل عجبني واحسه قمة القناعة والعقلانيه .. والله بيكرمج باحسن من جذي وبيضاعف لج .. اخير قدوه وان شاء الله اكون مثلج

 

[مناير ...!]

سيارته له
اهم شي مرتبه ومو حدها خرده

 

[ZOoOZ.2012]

تصدقين زوجي تو مشتري له سياره موديل السنه يوم فكر يشتريها انا ماكنت راضيه ان ياخذ قرض واهو كان يبي

 

[غنوة ستايل]

عادي لو يقدر ياخذ سياره كشخه وغاليه ليش لا عليه بالعافيه
خاصه ان الكويت مظاهر الناس مو عارفه شنو بمخباتج بس. شايفين انتي شراكبه
وكل واحد ع قد لحافه

 

[@حياة الروح@]

لالا اهم شي قناعه زوجي وماعلينا من الناس

 

[*أذكــــر الله*]

الله يعطيكم العافيه خواتي و صح القناعه كنز لا يفني و الواحد يسوي اي شي يرضي ربه ثم يرضيه و الواحد او الوحده المفروض ما يبذروون المبذرين اخوان الشياطين و الدنيا فتن و اغراء و انا صراحه شفت واحد موقفه سيارته و بروحه (سيارته قيمتها فوق 30 الف) و صفط اخوي بعيد قاله شفيك عسي ما شر قال و الله ما فيها بانزين قاله اخوي و متعمد يقوله ( عطني فلوس اعبيلك بانزين و اجيبلك قاله و الله مصفر اخر الشهر ّ!! اخوي اللحين تاكد انه مفلس بس اخوي ساعده و عطاه و قاله نصيحه من اخو لي اخوه قاله بيعها و اشترلك سياره تنفع حياتك مو الناس