سواد الرقبة .. شنو الحل ؟؟

[سنابل]

السلام عليكم ..

مساكم الله بالخيــر يا بنات ..

شنو أحسن حل لسواد الرقبة ؟؟

في أحد مجرب شي و خف سوادها ؟؟

و يعطيكم العافية

 

[الشفق]

مشاركة: سواد الرقبة .. شنو الحل ؟؟

الله يعافيكم نبي الحل انضم لصوت سنابل بارك الله فيكم

 

[تفاخيه مبطوطه]

مشاركة: سواد الرقبة .. شنو الحل ؟؟

وأنا بعد وياكم ..

 

[ظلال القرآن]

مشاركة: سواد الرقبة .. شنو الحل ؟؟

اسكينول
او التيما الي بالصيدليه نظفي فيه الرقبه وبعدين حطي اي مبيض

 

[سنابل]

مشاركة: سواد الرقبة .. شنو الحل ؟؟

الشفق .. تفاخية مبطوطة .. شكرًا لمروركم

ظلال القرآن .. بس اذا استخدمت المبيض فترة و قطعت يرد أسود أكثر من أول !!

أمي كانت تستخدم مبيضات لين قالت بس و تركتهم .. رد أغمج من قبل !

صرت أخاف من هالمبيضات صراحة ..

الاسكينول بروحه مو كافي ؟!

مشكورة على مرورج أختي

 

[السفيرة عزيزة]

مشاركة: سواد الرقبة .. شنو الحل ؟؟

سؤال اذا ممكن يا سنابل

السواد اللى تعانين منه من شنو

يعني من الحمل و الولاده و لا خلقه ربانيه
عشان اعرف ارد عليج

 

[fulla]

مشاركة: سواد الرقبة .. شنو الحل ؟؟

جربي اتسوين حمام مغربي ترا وايد ايفتح الجسم

 

[كويتية أمورة]

مشاركة: سواد الرقبة .. شنو الحل ؟؟

جلسرين وليمون وايد زين يشيل السواد
وعندج الهردة بعد زينه

 

[جكورة]

مشاركة: سواد الرقبة .. شنو الحل ؟؟

سوي حمام مغربي بأستمرار.. وسنفره للرقبه مرة بالأسبوع..
إن شاء الله ينفع..............

 

[سنابل]

مشاركة: سواد الرقبة .. شنو الحل ؟؟

السفيرة عزيزة .. السواد من لبس الحجاب .. تدرين مع الحر و الحجاب ، تسود المنطقة .. مو من حمل و لا من ولادة .. و لونها مو مثل بشرتي لا صاير اغمج

انتظرج أختي ..

يزاج الله خير مقدمًا ..

 

[السفيرة عزيزة]

مشاركة: سواد الرقبة .. شنو الحل ؟؟

شوفي حبوبه
انا من الحمل و الولاده

تدرين شنو سويت
في عند الحواي مثل الصخره
بس مو صخره بالعكس تتفتت على طول

المهم تاخذينها و تفركين فيها رقبتج

عن تجربه بسرعه يروح السواد
و ترى الحواي لما تسالينه اهو يقولج

 

[jolie_q8]

مشاركة: سواد الرقبة .. شنو الحل ؟؟

ترى الرقبه بعد يبيلها ترطيب

يمكن من الجفاف ..او حساسيه

وصج الحمل وايد يخلي الرقبه تقمج

بس بعد الولاده كل شي يرد

مع شويه عنايه

 

[الشفق]

مشاركة: سواد الرقبة .. شنو الحل ؟؟

الف الف شكر على ردودكم الحلوة وبستفيد ان شاءلله منها

بس الحجاب هل يسبب كذا ما اعتقد

 

[سنابل]

مشاركة: سواد الرقبة .. شنو الحل ؟؟

فلة .. مالي خلق اسوي حمام مغربي .. صج ايننن و يخليج تحسين انج فرشششش و نظيييييفة .. بس يبيله وقت و خلق صراحة

مشكورة على مرورج

 

[سنابل]

مشاركة: سواد الرقبة .. شنو الحل ؟؟

كويتية امورة ..

يعني افرك رقبتي بالليمون و بعدين ادهنها بالجلسرين ؟

و الهردة شلون استخدمها ؟؟

مشكورة على مرورج اختي

 

[سنابل]

مشاركة: سواد الرقبة .. شنو الحل ؟؟

جكورة ... مشكورة اختي على نصيحتج

 

[سنابل]

مشاركة: سواد الرقبة .. شنو الحل ؟؟

السفيرة عزيزة ..

مشكووووورة ماقصرتي اختي ..

بروح الحواي ان شاء الله و بسأله عن الصخرة

يعطيج العافية

 

[سنابل]

مشاركة: سواد الرقبة .. شنو الحل ؟؟

جولي ..

يعني الجفاف مسبب لها السواد؟؟

ماحس ان رقبتي جافة ابد .. بس لونها اغمج من لون بشرتي !!

مشكورة على مرورج

 

[سنابل]

مشاركة: سواد الرقبة .. شنو الحل ؟؟

الشفق ..

انا البس حجابات مو ملافع .. فأربط طرفي الحجاب على رقبتي .. مع الحر و الرطوبة .. يصير السواد ..

يعني لو البس ملافع يمكن ما يصير اسود مثل الحجاب يصير اخف بس ماني متعودة على الملافع بسرعة تزلق و كل شوي لازم اعدل ، فالحجاب اسهل باللبس

شكرًا على المرور

 

[الشفق]

مشاركة: سواد الرقبة .. شنو الحل ؟؟

طيب الليمون ما يسبب حبوب على الرقبة