سواد الرقبة .. شنو الحل ؟؟

[سنابل]

مشاركة: سواد الرقبة .. شنو الحل ؟؟

ماظن !! اول مرة اسمع ان ممكن تسبب حبوب

بس ليش ممكن يسبب حبوب ؟؟

الليمون ممكن يسبب حكة .. لكن من ينغسل كل شي يصير تمام ..

 

[أم جوري]

مشاركة: سواد الرقبة .. شنو الحل ؟؟

عندي لش برنامج يخلي رقبتش رقبة كيلوبترا
شوفي المطلوب : اسكينول سفيداب ( تلقينه عند العطار مثل الحجر الأبيض واذا عنده الصابونة يكون أحسن ) حمام مغربي سنفرة , كريم مرطب أو كريم مبيض .. ( فيه كريم ب 6دنانير تقريبا ايطالي ينباع في لصيدلية اسمه Lily زغطاه أحمر وايد زين وما يرجع السواد بعد الانتهاء منه ..
كل يوم بالاسكينول قبل الكريم بالليل والنهار
بالليفة اخلطي قفشة حمام مغربي مع قفشة سنفرة وحطي على الليفة المغربية واركي اللي تبينه هذا ثلاث مرات بالأسبوع
والسفيد اب اذا عندش الصابونة كل ما تسبحين اما اذا لقيت الخجر اطحنية واخلطيه بماي ورد وبعدين حطي على رقبتش لين ينشف وبعدين افركي بايدش مع شوية ماي وبعدين اغسلي رقبتش وحطي كريم مرطب وهذا مرة او مرتين في الاسبوع ...
المهم يوميا الاكينول مع كريم ليلي ..

 

[سنابل]

مشاركة: سواد الرقبة .. شنو الحل ؟؟

مشكوووووووووووورة يا ام جوري ..

بمر الحواي اليوم ان شاء الله و اشتري الي تقولين عنه

بالنسبة للسنفرة .. اي نوع اتسخدم مو مشكلة ؟ انا عندي البرتقالية اللي بالخوخ نسيت شنو ماركته بس معروف ماركة سويسرية

تقولين (( بالليفة اخلطي قفشة حمام مغربي مع قفشة سنفرة وحطي على الليفة المغربية واركي اللي تبينه هذا ثلاث مرات بالأسبوع )) يعني حق اي مكان غامج ابي افتحه اقدر استخدم هاللي تقولين عنه ؟؟

و يزاج الله خير

 

[زهرة الكويت]

مشاركة: سواد الرقبة .. شنو الحل ؟؟

أم جوري شنو قصدج بصابونة السفيداب؟

 

[سنابل]

مشاركة: سواد الرقبة .. شنو الحل ؟؟

ام جوري ..

رحت الصيدلية قال لي ان الكريم سوري !! مو ايطالي .. و احصله اما بالجمعيات او صيدليات المرقاب !! قلت له شنو يسوي هذا ، جان يقول هذا مرطب !

 

[أم جوري]

مشاركة: سواد الرقبة .. شنو الحل ؟؟

اعتذر عن التأخير يا بنات
السنفرة اي نوع والنوع اللي قلتي عنه خوووووووش سنفرة ..
والطريقة تنفع لأي مكان بالجسم حتى الوجه بس خلي له ليفة خااصة بروحها والفرك يكون خفيف تعرفين لوجه حساس
السفيد اب ممنج ايراني قدييييييييييييييييييييييييييم وتعتمد عليه المرأة الفارسية في تنظيف وتبييض جسدها وتلقينه عند العطارين اما حجر وتوجد ايضا صابونة انتجت حديثا وهذي تستخدم مثلها مثل اي صابونة

الكريم يا عمري ايطالي انا استخدمه وهو كريم تبييض ومرطب ايضا , شوفيه بصيدلية الرميثية .. قيمته حوالي 6 دنانير

 

[سنابل]

مشاركة: سواد الرقبة .. شنو الحل ؟؟

مشكوووورة ام جوري ..

انا بجرب الطريقة ان شاء الله بس اذا ما نفعت في دكتورة جلدية قالت لي عن منتجات زينة تبيض

يعطيج العافية

 

[أم جوري]

مشاركة: سواد الرقبة .. شنو الحل ؟؟

'طيب شنو هالمنتجات يا الغالية ؟
علمينا ...

 

[سحابة خير]

مشاركة: سواد الرقبة .. شنو الحل ؟؟

انا اعاني نفس المشكله فيه فرق بين لون الوجه والرقبه.......يا ليت تفيدونا

 

[أم جوري]

مشاركة: سواد الرقبة .. شنو الحل ؟؟

استخدمي خلطات وكريمات توحيد لون البشرة وحطي على ويهش ورقبتش

 

[مـــــــذهـلـة]

مشاركة: سواد الرقبة .. شنو الحل ؟؟

انا قريت عن وحدة مغربية تقول انها كل ما دخلت الحمام تمسحين رقبتج بس بماي وبعدها تمسحينها بكليسنكس وانا سويتها وطلعت رقبتي مثل لون وجهي وابيض واصفى بعد بس اكيد كنت استخدم معاها خلطات كنت أستخد الليمون مع زيت اللوز المر و الجلسرين السائل الطبي وبعد كنت اتسبح بورق سدر مطحونوانشالله راح أشتري الاسكينول

 

[الكادي الحزينه]

مشاركة: سواد الرقبة .. شنو الحل ؟؟

مرحبا****الحمام المغربي ميه عل ى ميه

 

[wafa_tofe]

مشاركة: سواد الرقبة .. شنو الحل ؟؟

والله اختي جربت هالطريقة وممتازة حيل وبتشوفين النتايج بنفسك
شوفي يطولي بعمرك


لو عندج الة بخار ممتاز ولو ماعندج حاولي تعرضين وجهك ورقبتج للبخار لمدة عشر دقايق وبعدها جيبي قطن وزيت زيتون وبللي القطنة بالزيت وامسحي الرقبة بس حاولي تكون قطعة القطن كبيرة وافضل تكون فوطه ولاتغرقينها زيت وامسحي راح يطلع السواد وتشوفينه بعينج تالي غسلي رقبتج واذا عندج زيت بذرة جنين القمح حطيه لانه مرطب ممتاز ويزيل الخطوط اللي بالرقبة


ومثل ماقاوا البنات الحمام المغربي ممتاز بعد بس انتبهي تدعكين المنطقة حيل لانه بتصير حمره وبعدها يسبب سواد

واي شي امريني


وفا

 

[P u r e]

مشاركة: سواد الرقبة .. شنو الحل ؟؟

الحمام المغربي هوه الحل

أنا كنت أستحي أطلع رقبتي أو أتوضأ جدام حد من كثر ما رقبتي سودة

ألحين راااااااااااااااح السواد الحمد لله من بديت أسوي حمام مغربي ^_^

 

[Brounzi_girlly]

مشاركة: سواد الرقبة .. شنو الحل ؟؟

آنا أقول الليمون وزيت الزيتون يشيل السواد مع تفريكه بليفة صابون مغربي
مع تحياااااااااااااااتي...............

 

[ام الجميل ناصر]

مشاركة: سواد الرقبة .. شنو الحل ؟؟

بس انا اختي سنابل ما عندي سواد اللي عندي خطوط مثل التجاعيد واستخدام لها السنفرة بس ماركة فتشي ومعها الحمام المغربي

 

[farawlaa1]

مشاركة: سواد الرقبة .. شنو الحل ؟؟

حبيبتي سوي طريقتي ووايد راح تفرق معاج يبي فوطه بيضه و بيكنغ صودا و ماي حطي بيكنغ صودا على الفوكة وبلليها و فركي رقبتج راح تلسعج اشوي بس طبيعي وشوفي بعدين الفوطة اي لون اتصير

 

[خبيرة اعشاب]

مشاركة: سواد الرقبة .. شنو الحل ؟؟

الحمام المغربي ...السواد جاج انج تسبحين و ما تفركين رقبتج عدل ...
التزمي بالحمام المغربي كل 5 ايام و شوفي ان ما راح على ضمانتي

 

[أوشال]

مشاركة: سواد الرقبة .. شنو الحل ؟؟

بنات السواد اللي
يطلع بالرقبة وبأمكان ثانية بسبب الحمل
متى يروح ؟؟ من بعد الولادة اقصد ؟؟

 

[كويتية أصيلة]

مشاركة: سواد الرقبة .. شنو الحل ؟؟

الليمون وايد زين ترى مع زيت الزيتون حق السواد

وحطي بالج تحطين عطر او اي شي فيه كحول على جسمج وتعرضينه لاشعه الشمس

هذا ممكن يسبب سواد

شكرا