ورده الجهراء
New member
يوم ذكرى زواجهم ( صارلهم سنه )
عبدالله يتصل على سلمى : قلبي وينج
سلمى: بالسفريات مع ام سمير
عبدالله : متى اشوفج انا توني طالع من الدوام
سلمى : ماراح ترجع بيتكم تتغدى
عبدالله : امبلا بس بعرف متى بشوفج
سلمى : العصر على ساعه 4 تمام
عبدالله : خلاص ساعه 4 تكونين جاهزه
سكرو التلفون
سلمى : شفتي شلون ناسي اليوم عيد زواجنا
ام سمير : اي انا متزوجه 40 سنه ما بعمرو افتكر باي يوم اتزوجنا الله يرحمك يابو سمير هاهاها
سلمى : خلاص هونت مابي اشتريله شي قومي نطلع
ام سمير : اي بلا دلع خليكي احسن
صارت ساعه 4
سلمى اطلعت مع عبدالله نفس كل مره
سلمى : حبيبي اليوم جم التاريخ
عبدالله : ماادري دقيقه خل اشوفلج بالموبايل
سلمى : لا لا خلاص
عبدالله وقف على البحر نفس المكان الي طلب فيه ايدها سلمى ابتسمت
سلمى : ما اظن صدفه
عبدالله يضحك : اكيد لا
باس راسها : كل عام و انت حبيبتي
سلمى طلعت من جنطها علبه صغيره
عبدالله مسكها و فتحها لقى داخلها دبله مكتوب عليها من بره اية الكرسي و من داخل سلمى
قام يضحك بصوت عالي
سلمى ليش تضحك ما عجبتك ؟
مسك ايدها و باسها : الحين تعرفين ليش اضحك طلع من الدرجج دبله الماس شاريها حقها
سلمى : يا قلاد هاهاهااها
لبسها الدبله و باس ايدها ما بي اشوفج من غيرها.... او نسيت شي ثاني بعد
عطها علبه مغلفه
سلمى : شنو هذي بعد ؟
افتحت العلبه لقت دفتر اسود صغير مكتوب عليه الجنسيه الكويتيه
افتحتها لقت صورتها حست ان قلبها راح يوقف
سلمى : صج !!
عبدالله يبتسم : اكيد صج
سلمى لمته و قعدت تبجي
عبدالله : ليش تبجين ترى والله اسحبها منج هاهاها
بعد اسبوع
عبدالله : تدرين وين بنروح
سلمى : لا !
عبدالله : بعرفج على اختي الكبيره
سلمى : ها !! من صجك
عبدالله : اي اهيه تدري بكل شي الحين
سلمى : شلون و شنو قلت لها !!
عبدالله : انا ما قلت شي بس ريلها اهوه الي قالها
سلمى : ريلها !! شدراه
عبدالله : ريلها نائب بمجلس الامه و اهوه الي سوالج اوراق الجنسيه
سلمى : و ليش الحين قالها من سنه توه يقولها
عبدالله : بعد قالها يلا نزلي
سلمى : انزلت و اهيه خايفه و مرتبكه
عبدالله مسك ايدها : عمري ترى اختي طيوبه ماراح تاكلج
ادخلو وقعدو بالصاله
عبدالله : سلمى اشفيج !؟
ادخلت طيبه اخت عبدالله الكبيره
سلمت عليهم و اقعدت
عبدالله : وين بواحمد عيل ؟
طيبه : سفره سريعه كالعاده
عبدالله : الله يعينه
طيبه : قول الله يعيني انا ولا شرايج سلمى
سلمى تبتسم
عبدالله : خل اقوم اصلي على ما يخلص الشاي
طيبه : سلمى لاي درجه علاقتكم جديه
سلمى : ماادري شرد عليج
طيبه : ماادري بس عبدالله اخوي الوحيد و انت تدرين شكثر الاخو عزيز
سلمى : انا بس اقدر اقولج ان لا يمكن احد يحب عبدالله كثر ماانا احبه
طيبه : واهوه بعد يحبج ولا جان ما نوى يتزوجج
سلمى : انت رافضتني صح
طيبه : لا والله حشى انا مو قصدي انا مااحب اتدخل بحياة احد واثق باختيار عبدالله
سلمى : انا ادري ان مو من مستواكم الاجتماعي بس صدقيني هالشي انا ماخترته هذي ظروف انفرضت علي من اول ما طلعت على الدنيا
سلمى و عبدالله بالسياره
سلمى : اختك ماتدري ان احنا متزوجين
عبدالله: اي انا كنت اموصي بواحمد
سلمى : اممم
عبدالله : اشفيج ؟
سلمى : مافييني شي بس انت على شنو ناوي
عبدالله : بخلي طيبه تمهد الموضوع حق امي
سلمى : الله كريم
عبدالله : تكفين تفائلي شويه
سلمى انزلت من السياره
عبدالله توه يبي يحرك شاف خالد ياي صوبه
فيلجـ كول ـاويه
New member
- إنضم
- 11 أغسطس 2009
- المشاركات
- 2,583
- مستوى التفاعل
- 0
- النقاط
- 0
weee alla yster plZZZZzzzz nbee part 
shbesawy 5ald ambee * mshkora 3all part w na6reen el.yay 8lboo $$ omwaaah
shbesawy 5ald ambee * mshkora 3all part w na6reen el.yay 8lboo $$ omwaaah 
شانييل
New member
- إنضم
- 18 أكتوبر 2008
- المشاركات
- 1,297
- مستوى التفاعل
- 0
- النقاط
- 0
واااااااااااااااااااااااااااااااااو
أكشنات أكشنات
صكيتي على فجر السعيد ماشاء الله عليج يا أم يويو
عفية تكفين نبي النهاية سعيدة حرام تعذبت هالبنية
متابعينج
أكشنات أكشنات
صكيتي على فجر السعيد ماشاء الله عليج يا أم يويو
عفية تكفين نبي النهاية سعيدة حرام تعذبت هالبنية
متابعينج
استبرق أم علاوي
New member
امبييه يه الــــقـــنـــــــــــــبـــلـــــة خاااد الله ياااخذه
مشكوووورة حبي ع الباااارت
ناطريينج و متااابعيننج بقووووووة :eh_s(9):
مشكوووورة حبي ع الباااارت
ناطريينج و متااابعيننج بقووووووة :eh_s(9):
عثمان حبي
New member
miss disaster
New member
وي خالد ليش ؟ شكو ؟ شحقه ؟
قطع شاللي يابه
ويارب امهم توافق وتضحك الدنيا لسلمى ولو مره وحده بالغلط
يسلمو وناطريين البارت الياي
قطع شاللي يابه
ويارب امهم توافق وتضحك الدنيا لسلمى ولو مره وحده بالغلط
يسلمو وناطريين البارت الياي
أم@الحلوين
New member
