سلطة بلحم الخنزير في اللولو هايبر ماركت

[جوري وبنفسج]

السلام عليكم​

بنات أنا نزلت الموضوع علشان الكل ينتبه لأن فينا طبع يمكن مو كلنا بس الأغلبية نأخذ أي غرض من غير ما نقرأ مكوناته بحرص شديد . وهذ شيء للأسف غلط لأننا ما ندري شنو ممكن يكون فيها أشياء ضارة أو محرمة شرعاً​

وأنا قبل كنت تسوق باللولو هايبر ماركت لقيت سلطة مأكولات بحرية ولأن من طبعي لازم أدقق في مكونات أي شيء قرأت مكوناته لقيت أن من ضمنها خل النبيذ لا ومكتوب بالعربي بخط صغير ​

المهم أخذته ونبهت خدمة العملاء

وحسافة أني كنت مصورته بس إنمسحت الصورة

​

واليوم وأنا رايحة للولو بقسم الخضار لقيت سلطات جاهزة طبعاً مصدرها دولة جنبية ولما قعدت آخذ منهم وأقرأ لقيت من ضمنهم سلطة فيها لحم خنزير( ham )​

وهذي صورتها ​

​

وهذي صورة أقرب وأنا محددة على كلمة ( ham ) يعني خنزير​

​

فديروا بالكم ونبهوا الكل على الواتس أب والـ بي بي أم الموضوع خطير فيه حلال وحرام​

والله يبعدنا عن الحرام .​

 

[الباحثات عن الجمال]

أعوذ بالله مشكوره عالتنبيه جزاك الله كل خير.

 

[فاقده حنان ابوه]

واااي مشكوره خيتوو

 

[Nicki Minaj]

دام اغذيه فاسده يدخلونها بدون ذمه وضمير ونص الاوادم تاكل وتلط بهالاكل .. ونقول يا رب من وين سرطان وهالامراض الجلديه و و و و .. أكيد ماكو رقابه خنزير وسحالي وغيرهم بيتمون !! لا اله الا الله .. الحمدالله التفتو حق الاغذيه الفاسده أكيد بيون حق هالمسأله
مشكوره حبيبتي ما تقصيرين

 

[معلمة شيسمونه]

امس كنت هناك لاعت جبدي

والله عاد انا اقرا المكونات كلها جزاج الله الف خير

وبعدين شلون مخلينهم جذي

 

[شهوده أحلاهم]

يعطيج العافيه ع التنبيه

 

[dore~]

.. استغفر الله صاروا يبيعون لحم الخنزير و الخمور في بلد مسلم ..

هذا دليل على ان الرقابة ناايمه ..

و مشكورة غاليتي ع التنبية انا ما اشتري بلولو هابير افضل جمعية الحرس او غيرها ...
​

 

[::كيك وعسل::]

مشكوره ع التنبيه !!!!

 

[مس دلال]

والله شكلنا شبعنا اكل خنزير وكحول
ولا ليه الامراض انتشرت والوحده صارت ماتحمل الا بعد علاجات والهرمونات طالعه ونازله
كله من هالنجاسه اللي دخلوها بأكلنا

الله يرحم الحال

 

[YES I CAN]

بس ham مو يعني خنزير

اخاف غلطانه

 

[هجووورة]

صباح الخير يالرقابه
باجر بتواجهون ربكم على تقصيركم في شغلكم
وش عذركم جدامه

 

[البسايل]

تسلمين علي التنبيه عاد انا طايحتله لولو هايبر

 

[ام خالد 78]

يزاج الله خيررر

 

[MyLittleBerry]

ترى كلمة هام يستخدمونها هني اغلب المطاعم على انها لحم

ولاحظته بوايد مطاعم

 

[& شرطان الذهب &]

اعووووووووذ بالله

 

[وردة-الكويت]

استغفر الله صاروا يبيعون لحم الخنزير و الخمور في بلد مسلم

جزاج الله خير على التنبيه

 

[Leann]

ham تعني قطعة من فخذ الحيوان .. و مو بالضرورة يكون هالحيوان خنزير

عادة اذا كان من الخنزير ينكتب قبلها pork ham

اتوقع هذا لحم عادي مو خنزير ..

 

[*دنــيـQ8 ــا الوله*]

يعطيج العافيه ع التنبيه

وحتى لو كان القصد ان كلمة ham يعني لحم ... تتوقعون هاللحم بيكون ذبح اسلامي ؟

 

[شندوخه]

مشكوره عالتنبيه .. حتى مركز سلطان من جم سنه لقيت صمون الجاهز ومحشى بخنزير !!
من بعدها صرت ماحب اشتري الاكل الجاهز المعلب بره الكويت

 

[منجامور]

ham= لحم خنزير

ترجموها بقوقل


الله يبعدنا عن الحرام


كل اللحوم المعلبة المرتديلا واللحوم ..... امريكانا وغيرها

كيف تشتروها وهي جاية مدري من اي بلد

وان كانت لحم بقر ولا غيره هل حتى تظمنوا انه ذبحها حلال

وهي مو بعد جاية على لحم الخنزيرر


انتبهوا من الحلال والحلاام ياناس

انتبهوا وش تاكلون عيالكم


مو يروحون الجمعية وياخذوا من هب ودب