سلطة بلحم الخنزير في اللولو هايبر ماركت

[أم نواف غير]

جزااج الله خير ​

 

[الرشوف]

معناتها لحم خنزيرً مدخن. حسبي الله عليهم

 

[aṕriliå]

حسبي الله عليهم

والله يستر ..

مشكورة ع ـالتنبيه ..

 

[طير الحب]

حسبي الله ونعم الوكيل

 

[ScarletteO'Hara]

شوي شوي لا تقومين تطقينا !!

حبيبتي روحي بطلي كتب anatomy راح تعرفين شنو يعني الهام
و انا ما افتيت حبي انا صايرلي 9 سنين عايشه بامريكا و انتبهت علي الفرق بنين الهام و البورك
و اللي علمني الفرق اهمه الامريكان اللي كنت عايشة بينهم

و فوق هذا انا من تخصصي بدراستي نعرف شنو اسماء اجزاء الحيوان و روحي دوري بالنت الفرق بين البورك و الهام قبل لا تتهجمين علينا بهالطريقة

يا ريت نتأكد من المعلومة قبل لا نتهجم على غيرها و يا ريت لو بغينا نقول شي نوصله بطريقه حلوة

و ليش ابطل كتاب اناتومي عشان اعرف هام شنو يعني؟؟؟
ham خنزير!!! اذا انذكرت كلمة ham من غير اقترانها بتركي او بيف
و مو شرط اكون عايشة بأمريكا عشان اعرف انجليزي بعد هذا غير منطق!
ممكن اتحدى اي احد بمعرفتي للغة الانجليزية واثقة من كلامي
بطلي oxford dictionairy الانجليزي
او websters الامريكي
الواحد لنا يبي يعرف معنى كلمة يبطل دكشنري مو كتاب anatomy sweety
احنا مو قاعدين بحصة تشريح عشان تذكرين لنا دراستج حبوبة مو شرط اشرح حيوانات عشان اعرف شنو يعني هام
انزين انتي تقولين تهجمت عليج الله يهداج انا حتى ما اعرفج
و انتي ياية تتطنزين تقولين لا تطقيننا؟؟؟؟
اسلوبج احسن من اسلوبي؟؟؟؟
كل من يفتي بكيفة و انا حطيت دفنشن من الدكشنري مو يايبتها من مخباتي

 

[ترانيم القصيم]

طيب حبايبي يا حلوووات لا نختلف و تصير مشكلة و نتفرق على كلمة ما ندري وش المعنى الأكيد لها

و لهذا ليه ما تقطعون الشك باليقين و تسألون نفس السوبر ماركيت ( اللولو هايبر ) آللي فيه السلطة هذي

عن معنى الكلمة أحسن أو تودّونها للأمكنة المختصة آللي تحلل مكوّناتها و يشوفون هل فيها لحم خنزير و إلا شي ثاني ؟

و بعدين بلغونـا بها ^_^

 

[ليدي دانة]

مشكوووووووووووووورة ع التبيه والله يجزاج ألف خيـــــــــــــــــــــــر

 

[شفايف كرزيه]

الله يجزااااااااج خيررررر

 

[جوري وبنفسج]

السلام عليكم

يا جماعة صلوا على النبي

خليتوا الموضوع وأختلفتوا على معناة ham

السلطة فيها نوعين لحم >> صدر رومي مدخن + خنزير مدخن

على العموم اللي يبي يقتنع كيف واللي ما يبي يقتنع هم كيفه وكل عقله في رأسه يعرف خلاصه
والأفضل أنا نتأكد ونتثبت علشان نبعد عن الحرام .

اللهم أكفنا بحلالك عن حرامك ​

 

[Leann]

و ليش ابطل كتاب اناتومي عشان اعرف هام شنو يعني؟؟؟
ham خنزير!!! اذا انذكرت كلمة ham من غير اقترانها بتركي او بيف
و مو شرط اكون عايشة بأمريكا عشان اعرف انجليزي بعد هذا غير منطق!
ممكن اتحدى اي احد بمعرفتي للغة الانجليزية واثقة من كلامي
بطلي oxford dictionairy الانجليزي
او websters الامريكي
الواحد لنا يبي يعرف معنى كلمة يبطل دكشنري مو كتاب anatomy sweety
احنا مو قاعدين بحصة تشريح عشان تذكرين لنا دراستج حبوبة مو شرط اشرح حيوانات عشان اعرف شنو يعني هام
انزين انتي تقولين تهجمت عليج الله يهداج انا حتى ما اعرفج
و انتي ياية تتطنزين تقولين لا تطقيننا؟؟؟؟
اسلوبج احسن من اسلوبي؟؟؟؟
كل من يفتي بكيفة و انا حطيت دفنشن من الدكشنري مو يايبتها من مخباتي

مثل ما انتي كتبتي تعريف الكلمة من كتب واثقه فيها
انا بعد كتبت تعريف الكلمة من كتب واثقة فيها و من ناس اجانب واثقه فيهم
بس الفرق اني ما دشيت بهجوم علي البنات و قلت لهم انتوا " تفتون" و " تتفلسفون" و " ما تعرفون انجليزي".. حبيبي احنا بالكويت ما في احد ما يعرف انجليزي ..
و شكو حصة التشريح ؟؟ انا ذكرت كتاب اناتومي لن هذا اللي اثق فيه عشان اعرف الاجزاء الصحيحة من الحيوانات مثل ما انتي تحبين اتيبين كلمات من ديكشنري

و كلمة شوي شوي لا تطقينا اتوقع كانت مناسبة للطريقة اللي كلمتينا فيها .. تبين الناس تحاجيج باسلوب حلو .. حاجيهم باسلوب حلو بالاول

و على فكرة مرة بلوقر مشهور شاف بمركز سلطان نفس الشي سندويتش هام و يوم راح اشتكى قالوا له نفس الحجي .. هام لحم بيف مو خنزير

 

[دلوعة أبوهآ]

الله يكافينا الشرر

 

[ام عبدالقادر]

حسبى الله ونعم الوكيل

 

[dandooosh]

أعوذ بالله
الله لا يوفقهم
واللي تقول ان ham مو خنزير ،،، المنتج من برا يعني أكيد صح الترجمة
اشوه اني ما اروح لولو ولا اشتري منه
ومشكورة ع التنبيه

 

[blue lady]

لا اكيد شي ثاني مو خنزير قوية

 

[**BESTGIRL**]

الله يحمينا
وما نقول الا حسبي الله
ونعم الوكيل ع الي يدخلهم
للكويت وهي عارف بالهشي

 

[طبعي كذه]

مشكوره جدا على تنبيهك

 

[marimor]

حبيبتي كلمه ham يعني لحم مو خنزير !!!

Pig يعني خنزير

 

[بنت الاحرار 1]

مشكوووره على التنبيه

 

[KOKO_284I]

رب ييستر علينا

 

[جوري وبنفسج]

السلام عليكم​

حياكم الله ​

الغالية marimor أختلف معاج ham يعني لحم خنزير و Pig يعني حيوان الخنزير​

وأنا عندي خبرة ​

على العموم الحمدلله أدارة اللولو هايبر ماركت شالوا السلطة أول ما قلتلهم ​

بس غلطتي أني علمتهم وما أتصلت على حماية المستهلك لأن حماية المستهلك لما بلغناهم وراحوا ما لقوا شيء​

يعني مرة ثانية لازم نبلغ حماية المستهلك ولا نبلغ المحل علشان يعرفون المصدر الرئيسي للمخالفة .​

على العموم بنات أي وحدة تشوف شيء مخالف أو معفن أو منتهي تاريخه أو محرم تتصل على رقم حماية المستهلك وهذا رقمهم أرجو تعميمه للأهمية​

حماية المستهلك
25422684​