سـوالـفـكم مـع الـــجـــن .. و هـل مريتـي بمـوقـف ! و متـى !

[اخت خالتهم]

السـلام عليكم ورحمـة الله وبركاته

بمـا إن صـار الشتـا الكل في بيتـه أو اللي بالشاليهـات أو البــررر ..

و أكيـد صـارت معـاكم سـوالـف :tongue22: يا لهوي يااا لهـوووووووي يا خـراااشـي ..

فـ بتكلـم عنـي

أول زواجـي كنت متلحفـه و أحـد سحب الكنبل منـي شوي قلت فـلان ( زوجـي ) مـا رد
شفت السـاعه الا 10 اتصلت عليـه الا بـالدوااااااااااام يـاااااااااااا لهـووووي طبعـا قمت انحشت رحت الجامعة مبجر لووول محاضرتي وحده وانا 10 ونص طالعه من البيت

.
.
وهذي سـالفـة اختي رايحين شاليه مع خالتها وعمها و زوجها وحماتها

اهي وزوجها بسيـارة و اهم بالطريج حزة المغرب شافو بنت مسوية عنقوصتين
قااالو حرررراااام وين اهلها اتصلو على خالتها قالو شفتوا البنت ؟؟ قالت لااا
اختي قالت حق زوجها رد خلنا نشووفها حرررام يمكن ضايعه لما ردووو شافوووها بس راحت بعيييييييييييييييييييييييييد و فجأه بوووووووووم اختفت :ssssso:

فـ هذولي مواقف فررررررررررررررررش

يـلا خرعـوني و أخرعـكم

 

[ابي اصير ممثلة]

لحد يشوفك

 

[فلنتينو]

اهي موقف مواااقف
كنا مساافرين واجرنا فله علئ قولتهم خخ يعني بيت
مسكوووووووووووون كله جنون شكله مهجوور هالبيت سنيين


لي عوووده

 

[اخت خالتهم]

فلنتينو لا تطوليـن علينـا نبي سوااالفكـــم

 

[فتاة الإبتسامة]

عاااااااااد انا احب سواااااالف الجنننن
انا اذكر ساااااالفه قدييمه لاخووي
كنا ببيت جدتي نايمين وبيت جدتي بنياانه قديييم يعني بيت جده هههه وكانو كلهم مسافرين
فا احنا نمنا بالدور اللي تحت
واخوي كان صاعد فوق بيجيب له شغله وجااان نسمع صوووووت صراااااااااااااااااااااااااخ اخوووي
وامي وابوي يركضووون له يقووول شفت رجوول جهااال تمشي بروووحهااا وااااااااي وامي وابوي خذوه ونزلوه تحت وطلعنااااا من بييييت جدتيي وبعدها باااااعو البيييت فككككككككه

 

[فلنتينو]

تخيلي لما اناام ونطفي ليتات البيت كله يعني كلن بغرفته حتئ ليتات الحوش مطفيه
ولا فجأ ليتات الحووش اتبطل ونسمع نااس تلعب كووره بالحوش وركض اشخااص وتشوت كوره
وغير الصرااخ

اهماا يتسلطوون حزة الليل والنوم وحزة المغرب
لما نبي ناام ونطفي الليت فجأ داخل الغرفه عندنا قطووه تزعجناا
والمطبخ تسمعين صوت الجدور وتحسين ناس دااخله تطبخ

اصوات رييل اصواات حريم ويهااال

مره كنا دااخل الغرفه
تعرفين لمما نحط حلوجنا ع الباب ونقعد نكلم اللي داخل الغرفه << خخخ
كان في احد اخواننا الجن نفس الطريقه مسوي هالحركه
وضل يصررخ علينا صرخه مخييييييييييييفه صوت مره علئ ريال مدمووج صوووت عاااالي
ويخرع ضل 10 دقااايق وصووت والصرخه متواااااصله

لين نحشوونا

وااايد مواقف تخرع

 

[golnaz]

يبووووووي تخرييييييع بنص الليل
طبعاً لاتنسون دايماً لمن تبون تييبون اسم الجن وتتكلمون بهالموضوع قولوا قبلها:
(بسم الله الرحمن الرحيم .. اللهم اني اعوذ بك من الخبث والخبائث)
لانه انا سامعة مرات لمن تتكلمون بالجن ممكن يحضرون !!
..............................................................
خالاقولكم موقف صار معاي بس هذا عادي يعني .. مرة كنت صغيرة كنت بروح تكرمون الحمام وكنت متعودة لمن بروح الحمام اطق الباب قبلها عشان عرف في احد ولا لأ !!! طقيت الباب ولا اسمع من ورا الباب صوت جنه صوت ريال شايب بالحمام يقول: منووو؟؟؟؟ جان تيي امي تقولي شتبين ؟؟ قتله بروح الحمام!!
جان امي تبطل الباب ولا ماكو احد بالحمام استغررررررربت حيييل !!
الموقف الثاني مع اخوي :
اخوي يوم كان صغير كان دايما يشوف قطوة سودة بالسقف تدور وكان يخااااف وعليييه !!! و هم مرة شاف ريال شايب يأشرله بإيده يقوله : تعاااال معاي
وهالموقف بعد صار معاي :
مرة كنت نايمة بغرفتي و الضو مطفي جان ابطل عيوني جان اشوف مثل كرات فيهم ضو ويبرقون يدورون فوق راسي بس صاحبتنا هم خافت و انحاشت من الغرفة
...................
موقف خالتي : كانت طالعة البر جان تشوف ريال قزم قبيح عنده قرون يماااااااااي
............
وهالوقف لمن كنت صغيرة :
كنا ساكنين بعمارة المهم كنت نازلة تحت اشتري من البقالة بعدين وانا صاعدة السلم ولا اسمع احد يصعد وراي عالسلم لمن التفت ماشوف احد وضليت اصعد اخر شي يوم وصلت عند باب شقتنا ولا اشوف ولد شباب صعد لأخر طبقة بالسلم وابتسملي انا ماكنت اعرف اهو جن جان ابتسمله وادش البيت والحين لمن اتذكر عرفت انه جن هههههههههههههههههههههه
............

انشاءالله اذا تذكرت بعد بقولكم ......

 

[فلنتينو]

^^

هم لما كنت اصغيره اذكر عندنا مخزن مهجوور كل مادخله القئ فيه ريال
اسوووود ولابس غتره
بس كنت يااهل مااهتم للامور هذي

عاد يقولج الاطفال اهما يشوفون الجن يتشكلولهم
ويطلعون للجهال بأشكال

 

[! عافك الخاطر !]

اذكر وحده من. رفيجاتيْ قريب ححيل منهم المقبره
تقول ايام المدرسه بااخر الليل نسمع طق وطبل وصياح من داخل المقبره واحياننا يشوفون انوار بالمقبره

 

[هاديه احمد]

يووووووما يووووما يووووما
كنت بقولكم قصص صارت لي. بس لما قريت قصصكم مت رعبببببببب
بسم الله الرحمن الرحيم

 

[نانسي كويتيه]

جني يركبج هذي مواضيع تنطرح بتالي الليل

 

[غلآ نوآف]

امبيييييييه بنات
هههههه
يخوووف

انا حدي كل بيت اروح له مسكون خخخخخخخخخخخ

مرة رحنا نحن والعايلة وخوالي وخالاتي رحلة
سكنا ببيت بمنطقة بعيدة شوي
محد يسكنه يتاجر بالاجازات لاي عايلة تحجزه
ف اغلب الوقت خالي
سكنا ويااااااربي ش كثر كنا نخاف
البيت مرعب بالليل
ونسمع اصوات حول البيت من جهة البر
ودق بالخشب مثل اصوات العمال الي يبنون
لكن الحمدلله محد صار له شي
ولا شفناهم

اعوذ بالله بسم الله الرحمن الرحيم

 

[دلوعه ناعمه]

مررره كنت ناااايمه عالسريروسمع خطووات ريوووول ونط احد واااري جااان التفت ولا ماااافي احدد

ومره كنت بالفراااااش وولا اسمع صووت يم اذني جي (خخخخخ)

ومره انا واخواني بالصاله ولا استكاين الجااااي تتحرك بروووحها واحنا نطالع لبعض ومنصدميييين

ومره بعد واااااااير الشحن قااام يتحرك بشكل قووووووووووي بروووحه

ومره الستااااره انفتحت بروووووووحهاا


والله لوووووووووو اقوووووووولج شكثررررررررر مااااخلص

 

[[[ عيون جابر ]]]

واي ليش هالمواضيع هالحزه الحين شلووون اناااااااااام

 

[تحت ظلك]

ههههههههههه ياويلي ويلااااأاأه

 

[روح الصباح]

مآآبي

تخرعت تتوبة ماادج اهني مرة ثانية

 

[تحت ظلك]

بقولكم هالقصه بس شوفو بنات حافظو على التحصينات زين زين
كم مره تجيني وحده تشبهني منهم مدري شتبي مني شكلها مثل شكلي بس معصبه زين مره قمت لقيتها نايمه جمبي جان ابجي من الخرعه ومقدر اهج عنها لقيت وجهي الصوب الثاني جان تطقني بقوووه على ظهري طقه للحين ماأنساها وراحت!

 

[جلكسيه اس 3]

ولا مره شفت يني

بس بقولكم على شغله سويتها يوم ما كنت مراهقه اذكر وحده من اهلي قالتلي اعكس سوره و اقولها بالمقلوب
والله ي بنات خلصت من القراءه ولا اشوف بالمنظره ويهي نصه ممسوح وين راح ويهي مادري
مت من الخوف بنااادي امي بس مو قادره وصوتي مو راضي يطلع. و فجاءه رجع ويهي مثل ماكان

 

[برآكين آلغلآ]

:eh_s(16)::eh_s(11):


​

 

[* Snow White *]

لووول لا، بس اسمع اصوات احد يناديني باصوات الاهل بس ماكو احد ويعني جذي
او احس باحد يمي، يشاركني بشي .. بس عادي الحمدلله، طاقه الصحبه وياهم انا لول
يعني ساعات لما اكون بروحي بالدار وبليل، عادي اذا سمعت حركات او اصوات
اقول على عبط اهليين السلام عليكم حياكم الله لول ;p