سـوالـفـكم مـع الـــجـــن .. و هـل مريتـي بمـوقـف ! و متـى !

[علقمه-المفلوعه]

هع هع

 

[الملكة فيكتوريا]

بعد كملوو سوالف

والله حنا مشهورين

معاااكم الجنيه ملكه

 

[بنت الأجوااد]

كنت اسمع ضرب على شباك غرفتى وكنت اظن انه احد بس مع مرور الوقت عرفت انه مافي احد

وقررت انى ارش البيت واحط قران بالبيت واكثر من هالاشياء اختفي هالشي
زكانت ملازمه بيتنا قطوه سوده ليل نهار ماتفارقه كانه تحرس شي واختفت بعد رش عتبة الباب

تقريبا هالاشياء اختفت من سنتين او اقل
الحمدالله

ان شاء الله ان ربي يحمينا ويحمى اخوانا المسلمين

 

[بنت 511]

ايوه انا شفتهم كذا مره اشوفه بهيئته وربي مره يخرع
ومره سمعته يلقي قصيده
وكذا مره يتشبه باخوي او اختي واذا قربت منه يختفي
ومره كنت اخذ شور الا النور يسكر واشغله ويرجع يطفي حسيت قلبي خلاص طاح جيت با افتح الباب باهروب الايديني تبعد عن الباب كان احد ماسكها ويرجعها على ورى
وربي بغيت اموووت من الخوف

 

[اخت خالتهم]

جني يركبج هذي مواضيع تنطرح بتالي الليل

حبيبتي اذا مو عـاجبج ليش تدخليـن ؟
وشالألفاظ عمـري ما غلطت علـى عضـوة عشـان إنتي تيين آخـر شي و تغلطين علي
حسبي الله ونعم الوكيل فيج يارب يحتر قلبج مثل ما حريتي قلبي
لأني محترمة الكل و تيين انتي وتغلطين

 

[حبيبه العلي]

حبيبتي اذا مو عـاجبج ليش تدخليـن ؟
وشالألفاظ عمـري ما غلطت علـى عضـوة عشـان إنتي تيين آخـر شي و تغلطين علي
حسبي الله ونعم الوكيل فيج يارب يحتر قلبج مثل ما حريتي قلبي
لأني محترمة الكل و تيين انتي وتغلطين

ماعليج منها محد جبرها تقرا الموضوع

انا لي مواقف كثير وزادت بعد الرقيه بشكل يوقف القلب مابي اقولها اخاف عليكم :krkrkr:

اول كنت اخاف والحين عادي لاني اتحصن بالاذكار :krkrkr:

يقولون اللي يشوفهم فيه عين او سحر والله اعلم

 

[هاديه احمد]

خلاص بتشجع وبقولكم

الاشياء اللي دايما اشوفها دايما تصير في غرفة النوم

والله اشك ان غرفتي مسكوووونه

انا دايما لما انام اخلي النور شغال
بس من اجلس من النوم اشوف مطفي
وكل يوم على هالحاله
في البدايه شكيت في الأمر قلت يمكن حد من اهلي يدخل غرفتي ويطفيه:eh_s(10):
المهم قررت اني اقفل باب غرفتي اذا بنام واشوف وش بيصير
طلع نفس الشي انام والنور شغال اجلس اشوفه مطفي يا ويلي:eh_s(2):

والشي الثاني
لما اكون نايمه اسمع اصوات واحس بشي يمشي قدامي
ولما افتح عيوني اشوف مثل الخيال ولونه على اسود مدري كيف صاير :eh_s(2):

وبعد احس بحد يضربني بقوه :eh_s(1):

وبعد في اشياء تصير بس لما اتذكر وارجع لكم
سلاما قولا من رب رحيم

 

[مرا دلع]

يمممه بسسسم الله 
الحمد لله عمرها ما صارتلي سوالف ويارب ما تصيرلي
بس اممي مرا تسولف لي
زمان اول ما تزوجت
ابوي كان بالدوام وهي بروحها شوي الا تحححس كككف يجيها
يممممااااه مدري شلون تحملت الله يعطيها العافيه

 

[قموشه21]

هم لما كنت اصغيره اذكر عندنا مخزن مهجوور كل مادخله القئ فيه ريال
اسوووود ولابس غتره
بس كنت يااهل مااهتم للامور هذي

عاد يقولج الاطفال اهما يشوفون الجن يتشكلولهم
ويطلعون للجهال بأشكال

يووووووووووووومااااااااااااااااااااااااااااااا ماخرعني الا هالسالفه

احنا عندنا بيتين بيتنا الثاني يم مقبرة قديمة .. لما يصير الليـــل نسمع اصوات بالطابق الثاني ناس عايشين معانا يمشون وصراخ ياهل اعوووووووووذ بالله

الحين سكنت انا وزوجي شقة ابيت اهلة بس مانسكنت من 10 اسنين محد دخلها الا انا مالت علي .. اول شهر لما تيي حزة النومة ادش فراشي واسمع برا الغرفة يناديني ريمممممممم ريمممممممم وصوته عالي اطلع ما الاقي احد ادق علي ريلي يقولي انه برا يما مت من الخوف

 

[قموشه21]

بقولكم هالقصه بس شوفو بنات حافظو على التحصينات زين زين
كم مره تجيني وحده تشبهني منهم مدري شتبي مني شكلها مثل شكلي بس معصبه زين مره قمت لقيتها نايمه جمبي جان ابجي من الخرعه ومقدر اهج عنها لقيت وجهي الصوب الثاني جان تطقني بقوووه على ظهري طقه للحين ماأنساها وراحت!

ياااااااااااااااااارباااااااااااااااه جسسسسسسسسسسمي بردددددددد

ولله لو انا مكانج منتحره .. يارب احفظناااااااااااااااااااااااااا

بس بقولكم على شغله سويتها يوم ما كنت مراهقه اذكر وحده من اهلي قالتلي اعكس سوره و اقولها بالمقلوب

والله ي بنات خلصت من القراءه ولا اشوف بالمنظره ويهي نصه ممسوح وين راح ويهي مادري
مت من الخوف بنااادي امي بس مو قادره وصوتي مو راضي يطلع. و فجاءه رجع ويهي مثل ماكان

مادري سمعت اللي يقرا الايه بالمقلوب كلهم سحره بس انتي كنتي ياهل شعرفج لوووووول

 

[Queenleo]

حبيبتي اذا مو عـاجبج ليش تدخليـن ؟
وشالألفاظ عمـري ما غلطت علـى عضـوة عشـان إنتي تيين آخـر شي و تغلطين علي
حسبي الله ونعم الوكيل فيج يارب يحتر قلبج مثل ما حريتي قلبي
لأني محترمة الكل و تيين انتي وتغلطين

لوووووووووووووووووووووول
طاف اهيا ردوودها دايما طاقه الرصيف :bbbiu:

 

[فـراوله]

واااااااااااااااااااي مواقفكم تخرع ​

والله أنا مادري اللي يصير لي جن أو لا ​

وأنا نايمه بالليل أسمع صوت جدور بالمطبخ وصوت قلاصات​

كذا مره أقوم أشيك ما القى شيء ..​

بعديت تعودت عاااادي ما اشيك اقول يمكن مو معدلتهم وتحركوا اشوي ​

بس ليش بالليل بس اسمع جذي لوووووووووول​

واذا كنت بيت أهلي قاعدين بالصاله والريموت بعيد عنه يعني محد عنده
نشوف التلفزيون يغير بروووحه ​

ومره كنت قاعده بالصاله بشقتي والبيت فاضي ما في أحد وولدي نايم عندي
بالصاله أسمع بغرفتي صوت عطر ينرش وبخاخ مزيل العرق ​

وهم كنت أسمع صوت ماي بالحمام ينرش ​

عاد مادري هذيلا جنوووون ولالا لوووووووووووول بس هذه المواقف
للي مرت علي

بس معروف الجنون يسكنون معانا بنفس البيت


​

 

[Unusual]

سلاااام قول من رب رحييم

انا بقولكم سالفة وحدة مرة سمعتها من امي هالوحدة من العيلة ..

اول ماااتزوجت كانت تو صاااحية من النوووم وزوجها في سابع نووووومة ،ودخلت تاااخذ شووور ،
وكل شوووي باب الحمام وانتوا بكرااامة يطق عليها .. وهي مسكييينة ع بالها زوجها تقوله
دقااااايق وطااالعة .. ولما قااااامت تفاجأت ان زووووجها بسابع نووومة .. ومو داري عن شي ..
مسكييينة كانت بترووووح فيها من الخوف .. وخبرت زوجها بكل اللي حصل واصلا هما بعد كذا لا حظوا ان البيت مو مزبوووط وفيه شي ..

عشااان كذا طلعوا منه .. ورااحو استأجروا في مكاااان ثااااني ..

اعوذ بالله من همزات الشياطين وان يحضرووون ..

 

[Queenleo]

انا قصصي قد شعر الراس يمكن لان بيتنا كان مسحوور مادري مسكون
عالعموووم
لي رجعه

 

[فـراوله]

اي تذكرت بعد موقف بهاليوم حزة المغرب كنت قاعده أطالع فلم عربي
اسمه الانس والجن مال عادل امام ويسرا مادري اذا تذكرونه او لا ​

أنا طبيعتي عادي اذا شفت هالشغلات ما أخاف ولا أهتم لها كللللش​

المهم خلص الفلم وقمت لبست بروح بيت أهلي زوجي كان زامه ليل وبروح اقعد عندهم​

جينا بنطلع أنا وزوجي أسمع الباب يطق من برا نشوف من العين السحريه ما نلقى احد ​

فتحنا الباب لقينا قطوووه سوده أعوذ بالله منها ما تبي تتحرك واقفه مكانها ​

زوجي يشوتها برجوله هم ماكو فايده ما تتحرك شاتها برجوله ودخلها الاصنصير ​

ونزل الاصنصير تحت وطلعت القطوه من الاصنصير وردت فوق يمممممممممه كنا بنركب الاصنصير​

ولقيناها بوجهنا قلت ماني راكبه اصنصير واصرخ وبنزل عالدرج لانه رد دخلها الاصنصير مره ثانيه ​

عشان انزل صج خفت ​

رحنا ركبنا السياره واهي ورانا أعوذ بالله منها وأنا اصرخ بالسياره حرك بسرعه بسرعه امشي
سريع عشان ما تلحقنا طاح قلبي منها الحيوانه صج حيوانه ​

ردينا الصبح ثاني يوم لقيناها نفس مكانها ردت عند باب الشقه ​

ما طلعت مره ثانيه دخلت الشقه بخرت ورقيت الشقه وشغلت سورة البقره زوجي ​

جا بيطلع المغرب ما لقاها عند الباب وااااقفه واااااااااااااي حدي ارتحت يوم راحت ​

 

[بدلية]

انا ماصار لي شي بس تذكرت موقف اختي

اختي قبل كانت تنام بداري الحين << ياحسرتي

المهم تقول مرة كانت مطفية الليتات خررررمس وتبي تنام فجاة والا تشوف ريال واقف يم الكبت وشعره كاريه لي نص رقبته ولابس دشداشة تقول بس مو واضحة ملامح ويهه لان الغرفة ظلمة خرمس
تقول اغمض عيوني اقرى قران ماكو فايدة واااقف مايتحرك
تقول قمت اقول بقلبي بروح افتح الليت والي فيها فيها
وتقوم شوي شوي عشان لا يحس
يوم فجت الليت
والا الخدامة معلقة دشداشة اخوي برة الكبت ومعلقة فوقها شورت قصير اختي تحسبه شعره لوووول

مت عليها من الضحك واهي تقول السالفة خخخ



بس بالصج يعني ماصار لنا سالفة مثل سوالفكم والحمدلله

 

[مفسرة الاحلام]

اعوذ بالله من همزات الشياطين واعوذ بك ربي ان يحضرون

انا ياطويلات العمر والسلامه بقولك موقفين صارو معي واحد قديم والثاني فرشش

هذا يا اخواتي وانا فى المتوسطه اول مراهقتي كنت دايم اجلس فى صاله الحريم المغلقه واقعد العب لحالي >ماعندي خوات من عمري وكان عندي مسجل عاد كل الى عندي اناشيد ومحاضرات هاك اليوووووم طقت فى راسي اشغل الراديو ولا احصل اغنيه وطررربت عليها واجلس ارقص لحالي حوالي الساعه 10 ونص باليل وكل البيت نايمين طبعا فى الصاله فى كنبه انا كنت حاط عليها شيله=ملفع والله يا اخواتي انا قاعده ارقص ولا اللتفت على ورى ولا اشوووف الشيله طااااااااااايره فى الجوو لحالها كان احد ماسكها باطراف اصابعه وقتها احمد ربي الى اللهمني ذكره واسمي بالله واقرى المعوذات وهي تطيح الشيله فى الارض واطفي الراديو واشغل قران واركض عند امي مخترررررررررعه وقتها كنت صغيره بالعمر 14 سنه عمري تقريبا




الموقف الثاني تووو يوم الجمعه الى فات الظهر على وقت صلاه الجمعه وقدام سرير فيه مرايه متحركه كنت حاطتها والله لا يوريكم وانا بين النومه والقومه اشوف ولد صغير يلعب قدامي قدام المرايه ويتنطط ماااااااااعرف مين وابي اقوم ابي اقوم مووو قادره واذكر الله واسمي بالرحمن وقمت وجسمي مو قادره اشيله من الثقل ومن يوم الجمعه الى يومكم هذا وانا تعبانه وجالسه اشغل سورة البقره فى البيت وخاصه غرفتي احسها مو صاحيه وضعها مشبوه

معلووووومه ترى مايطلعون الا للمسحورين او الى فيهم حسد والى بيوتهم مسكونه

واعوذ بكلمات الله التامات من شر ماخلق

 

[هاديه احمد]

ايوا تذكرت
في رمضان اللي فات
كان الوقت الصبح واهلي كانو نايمين كلهم
الا انا جالسه لحالي في المطبخ
فجأه سمعت صراخ وحده وكان قوي حيل وصراخ كان قريب حيل من المطبخ
وقتها صار معي ثقل في جسمي مو قادره اتحرك ومو قادره اتكلم
ذكرت اسم الله وصليت على محمد واله

مدري ليش يصير معي جذا

 

[سفيره الكويت]

وايد مواقف يوم كنت صغيره اهلي خلوني بروحي وسمعت صوت عيوز وكانو مقفلين الشقه ينيت يومها وللحين ماثر علي للاسف

وفيه مواقف وايد ومنها كنا بفندق بماليزيا مسكون قصوا علينا السفريات طلع الفندق بو نجمتين ونسمع اصوات بلليل ناس تصارخ كل يوم

 

[قلبي وينك]

الله يسلمج يوم كنت صغيره كنت رايحه انام كنا بعدنا صغار فكنا انا واخواني الاولاد ننام بغرفه وحده فيوم حطيت راسي بنام بس ما نمت نومه كامله والليت طبعا مسكر والله العظيم اشوف واحد بدون راس وبدون رجول بس صدره ورقبته يقولي اروح عند اخوج وانا خايفه واقوله لا لا

الموقف الثاني خالتي بيتوهم كبير عباره عن طابقين زوجها كان دوم مسافر فكل يوم اهي وعيالها يتجمعون ينامون بغرفه وحده ويصكون الباب عليهم بالقفل فكانت تسمع احد يكسر الصحون بالمطبخ ويدق عليهم باب الغرفه هذا هذا الحال تقول يوميا عليه لين ما ملت وخافت حيل فاول ما وصل زوجها من السفر قالت لا ما راح اعيش بالبيت هذا فراحوا اجروا بيت ثاني واجروا بيتهم الغريب بالموضوع انه المستاجرين ما يسمعون اي شئ والوضوع عندهم طبيعي