ســــاعدوني خوف رجفة رهاب ارتباك

[رغد84]

قبل فتره حضرت عرس واحد قريب لنا
يمممممه جاني شعور غريب
ضيييقه واحس عقلي بيزوغ من الخوووف
انكتمت تالي خذيت خالتي
يالله بطلع مااتحمممل
مااحب الاجتماعات الكبيرره

مرات وانا قاعده لحالي تييني ضيقه بدون سبب
واخاااف واتوترررر

قبل يومين قاعده بالمطبخ
وكان ولدي يلعب بكورته عندي بس ماانتبهت
فجأه حسيت شي طاير
وانا يرقع قلبي من الخوووف
اطالع الا كورته
دقايق ويضيق التنفس عندي
واستمر الخووف والرقعه بالقلب والضيقه جم ساعه


ونفس الحاله يوميا احد يدخل فجأه علي اخااااف حييييل
ويضيق نفسي

اسمع خبر مو زين
اشوف منظر
اخاااااااف خوف مو طبيعي



الاكل بعد له دور كليت اول الرمضان كفته دسممه
جان على طول خوووف بدون سبب
رحت خذيت شور عشان ارتاح ومعااااي ملازمني
ضاااق التنفس عندي
اختلطت الامور معاااي
يارب رحمتك بس

 

[جوري - q8]

ترا كلامج صح ياروس 2012 عين العقل بس الاعراض شوقفها حاولت ماكو فايده واختنا رغد صاجه انا مثلج بالضبط حتا لو احاول اعزم جاراتي واطلع نفسي من هالشي ماكو الاعراض توتر داخلي ورجفه وضيق تنفس وخوف جني خايفه منهم وهم طيبين بس احس كارهه البشر مادري صج مريت بصدمات وغدر من اقرب الناس لي بس ودي اصير قويه بالاعراض لاني مؤمنه انا الله موجود وياخذ حق المظلوم بس في ناس ماتستاهل اعراضي الي ازعجتني ودي اصير طبيعيه مالهم ذنب جاراتي وحبايبي والله لدرجه اتهرب منهم واتحاشه اقهويهم ودي اجمعهم بس ماارتاح ودايم لحاولت اتقهوا عند جاراتي اقول ماشالله طبيعيين متواضعين انا شفيني ولاتنسون اختنا رقيه الكويت الله يشفيها ويجازيها خير افتحت الموضوع الي مثلنا كثيييير يعانيه

 

[رغد84]

شرايكم بنات نسوي لنا قروب واتس ؟؟؟

 

[رغد84]

جورررري تييج حاله فززع ؟؟
وخوف من شي مجهوول

اتحسين ماتقدرين تبلعين


انا اكثر شي اتعب منه كتمه نفس مااخذ نفس عدل
الهوا مايدخل الصدرررر

 

[فله]

اي وتحسين انج بتموتين
اكثر شي يضايقني اني احس ادووووخ وراسي يدور والرؤيه تصير ضبابيه عندي
بس ودي اليوم يعدي

 

[ريماR]

فيج فوبيا
روحي طبيب نفسي يعالج اهو افضل شخص علشان يعطيج نصايح

 

[i afnan]

حبيبتي عليك بالدعاء + الرقيه

وربي راح يشفيك سواء كان مرضك نفسي او روحي او عضوي
الله يشفييك يارب ويسعدك ويفرج عليك

 

[عيوني شقااقيه..]

لااازم تروحين طبيب نفسي والله يعينج و يوفقج

 

[جوري - q8]

اي والله يارغد وفله شعور يخرع اصلا تجيني عند جارتي دايم وودي انحاش من الكتمه علي قولتج يالله الهوا يدخل مو مرتاحه فيني فزع بدون سبب خوف مو طبيعي ساعات افكر اغصب نفسي واروح عياده بس ياربي يعطونا دوا اخاف يزيد الفزع انا ابي عياده سلوك نفسي بدون ادويه وين احصل الي تعرف لاتبخل لانه صراحه حياتي متوكفه وعاطله حرام

 

[فله]

ياااااارب يشافينا
اي والله ي ليت تقولون اذا في أطلال سلوك

 

[بنت لكويت]

Toastmasters) هي*مؤسسة غير ربحية*تعليمية تنظم أندية حول العالم لمساعدة الناس في التواصل والتحدث أمام العامة وتعليمهم مهارات القادة. تأسست المؤسسة في شهر ديسمبر عام 1932 وافتتح أول نادٍ في الولايات المتحدة الأمريكية ويوجد الآن آلاف الفروع من أندية توست ماسترز حول العالم.

 

[بنت لكويت]

بنات اشرايكم اتسوي قروب بألواتس اب لمرضى الرهاب الاجتماعي انا فيني بعد دزو ارقامكم