ســــاعدوني خوف رجفة رهاب ارتباك

[جوري - q8]

شخبارج يالغاليه بجواء رمضان شهر الخير وانا دايم ادعيلج وادعي للبنات كلهم

 

[ديانا سبنسر]

روحي دكتور عصام الانصاري وراااح تدعيلي

 

[رقية // الكويت]

السلام عليكم ورحمة الله وبركاتة

مبارك عليكم الشهر وكل عام وانتو بخير

جوري - q8 يابعد راسي مشكورة على التواصل وجزاج الله الخير والجنة على دعائج الطيب الله لايحرمج من عطاه ويمن عليج

بالشفاء والفرج واقسم بالله ادعيلج في صلاتي وبقيامي ....المشكلة انا اتردد آخذ موعد وسكب ماروح استغفر الله اتصدقين ثاني يوم رمضان قالولي خواتي واخواني اذا مانزلتي على الفطور محنا متفطرين وبعد الحنة الطويييييييييييييييله

اجتمعنا على الطاوله وافرحوا فيني وعيالهم سلموا عليي عمتي مانجوفج وخالتي سلامات
من زماااااان ماجفتج واول لقمة وطحت عليهم صار فيني هبوط مع رجفة

انا عارفتها هذة ارتباك اليمعه والشكوى لله ماني عارفة شسوي والحمدلله على كل حال

والله حتى عندي هواية ومحتاجة حق خام معين وهو في السوق بس ماني قادرة اروح اشترية زحمة واشفيني تخسبقت مره وحده
استغفر الله ودي اعالج هالخجل اللي تحول للأرتباك والرجفة وماقدر اطلع كل سنة تتردى حالتي اكثر استغفر الله

الله يفرج علينا ابهالشهر الفضيل ان شاء الله يبدل امراضنا عافية وبلائنا شفاء وضيقنا فرج وهمنا افراح وشقانا سعاده ويبدل هالحال الى أفضل واحسن واكرم واسعد حااااال لنا ولكم ولجميع مرضى المسلمين اللهم آآمين


ديانا سبنسر.......مشكورة حبيبتي وتسلمين يابعد راسي الله يوفقج دنيا وآخره بحاول اروحلة

 

[جوري - q8]

هلا فيج صاجه والله الارتباك يسوي جذي واكثر بس ليش ماحولتي تبعدين الوسواس يوم نزلتي الله يعين يبيلنا لازم نروح انتي تقولين عندج هوايه ترا انا مثلج والله احب اصمم وادري ذوقي راقي مو مدح فيني اول يوم كنت متعافيه ومافيني الاعراض اقسم بالله اصمم لنفسي واروح واتعنا وكل يمدح موديلاتي ويقوللي افتحي مشغل بس الحين لو اشوف زحمه احس بالاعراض وانتي عارفتها قمت اخذ جاهز او افصل خياط مبجر ونفس المعروض لاني خلقي مو شي والحمدالله علي كل حال مااحس متمعه وانا اخذ الخام وافصل مو مثلي اول ترا علي فكرره ماروح بعيد مااحب الشوارع والزحمه اقول بنفسي ماتسوا واخاف روحي يالغاليه قبل الفطور شرايج يمكن مافي زحمه وروحي مع احد مو بروحج وفالج الخير والعافيه والشفا وطمنيني عليج وسلامات انشالله اخر حاله هبوط يالغاليه وماتجيج انشالله تتعافين يارب ويدخل بقلبنه السرور قولو امييين

 

[Ghreba eb derty]

حبيبتي أنا شخصيا فيني رهاب اجتماعي وحاسه بكل كلممه قلتيها ..

والحمدلله رحت طبيب نفسي وقاعده أتعالج والله العظيم تغير حالي 180 درجه وحسيت براااحه مو طبيعيه ...

والعلاج الدوائي يبيله جلسات نفسيه عشان تتحسن حالتج بسرعه


ولا تستحين أو تخافين من طبيب نفسي ولا تصدقين اللي يقولج طبيب نفسي حق الميانين !!

أول شي وأهم شي صحتج إنتي وانج تعيشين مرتاحه البال
وثاني شي طبيب النفسي حاله حال أي طبيب ثاني
وثالث شي الفوبيا حالها حال أي مرض عضوي ثاني

حبيبتي لا تهتمين حق كلام الناس أهم شي راحتج وبالعياده شكثر ناس يعني عادي إنتي مو بروحج

لا تسكتين على هالحاله لأن راح تزيد وتزيد أكثر

وإذا تبين أي شئ أنا حاضر حبيبتي

 

[رقية // الكويت]

السلام عليكم ورحمة الله وبركاتة

اشلونكم بنات عساكم بخير والله اني احبكم في الله كلكم على راسي

هلا فيج حبيبتي.... جوري - q8 الله يسلمج من كل شر ماشاء الله عليج ذويقة ومصممة ليش ماتحاولين اطلعين نفسج غصب
من هالدائره المظلمة حاولي وشجعيني وياج الله يشفيج يارب ويبدل حالج الى افضل حال اللهم آمين

Ghreba eb derty حبيبتي بعد راسي مشكورة عالكلمات الطيبة والتشجيع الله يكتبلج الشفا والعافية ويزيل همج ويفرج عليج اللهم

وتبارك الرحمن والحمد لله على التحسن الله يديم عليج عافيتج اللهم آمين

يعني ماعليج امرج لما رحتى يعطيج دوا ولا يكلمج ولا شنو بالضبط

والله محتارة ماني عارفة شسوي استغفر الله استغفر الله والحمدلله على كل حال

 

[Alias]

راجعي دكتور نفساني

 

[{ شيوخهـ ~]

حبيبتي هذآ يسمونه social phobia/anxiety..
وهني تلقين آلمعلومآت وآنآ آشوف آنهآ مطآبقه لحآلتج..
يبيلج تزيدين من ذكر آلله وتطلبين ربي يسآعدج ومو بس جذي، ربج قآل آسعي يآ عبدي وآنآ آسعي معآك يعني مو تسكتين عن روحج لآزم تروحين تعآلجين بطبيب نفسي يعآلج آلفوبيآ آلي فيج وترآ كلش مو عيب ولآ فشله بآلعكس آنآ وحده من آلنآس آشوف هآلشي عآدي وصحتج آهم من آلكل وآذآ خآيفه من كلآم آلنآس لآ تقولين حق آحد والله يكون بعونج حبيبتي بدعيلج من كل قلبي..

\

 

[رقية // الكويت]

السلام عليكم ورحمة الله وبركاتة

Alias ..... { شيوخهـ ~ ........ مشكورين يابعد راسي الله يرزقكم كل خير والله بحاول اروح طبيب نفسي والله المستعان


شيوخة الله يرفع قدرج ويكبر حظج ويرزقج كل خير اللهم آمين ولجميع من دعالي اللهم آمين اللهم آمين اللهم آمين

وماننسى اختنا جوري الله يشفيها بعد ويشفي مرضى المسلمين اللهم آمين

 

[جوري - q8]

الله يذكرج بشفا من عندج يالغاليه لانج تذكرين خواتنا الغاليات فيني الله كريم بس انا ملاحظه مكتأبه بدون سبب ياربي يشافينا وصراحه لما رحت مجمع قبل كم يوم مااجذب عليج جتني الاعراض شفت الزحمه ماكنت متوقعه والله العالم احاول اهدي نفسي الاقي غصب غصب شعور متعب صراحه بس لو احد يعلمنا طريقه انا يصيبني خوف خوف شديد مدري ليش ودي انحاش من هالمكان

 

[Ghreba eb derty]

هلا فيج حبيبتي*

اي عادي تدخلين وتقولينله شتحسين فيه حاله حال اي طبيب ثاني ^_^*

لا تحتارين ولا شي بعد قلبي والله راح ترتاحين راحه مو طبيعيه وتردين تعيشين سعيده مره ثانيه ماله داعي تترددين ،،، انا قبل كنت نفسج خايفه ومادري شسوي بس الحين احمد ربي واشكره 100 مرة لان العيشة مع هالمرض لااا توووطاااااااق !!!!! ولو تامه لي الحين بدون علاج جان اقل شيء انتحرت !!! لان جددددد شي موو طبيعي*

الله يشافيج ويعافيج حبووبة*

 

[حولة مركزة]

كثري مٍْْن الاستغفار

 

[gala q8]

حبيبتي هذا نوع من أنواع الفوبيا..

لازم علاج نفسي يا غالية..
حاولي تضغطين على نفسج و تروحين طبيب نفسي وبإذن الله تروح منج هالحالة..

عسى ربي يفرج همج و يزيح عنج كربج..​

إإي يمكن فوبيا , إنتي تخافين تقعدين مع الناس وتحتكين فيهم ..؟؟؟؟

او انج مو واثقه من نفسج !!






انا ساعات ارتجف إذا تيمعت مع ناس وايد مثلا بمجنع ولا شيء احس اني بطيح وارتجف و ما اقدر اوقف , بس مو كثر ما انتي تقولين تستحين من اخوانج و ما تقعدين معاهم .. !!

حبيبتي اقري المعوذات كل يوم و مسحي على جسمج و اقري سوره الكرسي قبل لا تنامين و حاولي تتواصيل مع الاستغفار لا يقص عليج الشيطان بعد !

وراجعي طبيب نفسي و مو عيب الوحده تتعالج من طبيب نفسي لانه اهوا مو بس للميانين اهوا للناس اللي نفسيتهم تتعب وانتي إذا تميتي عللا هالحاله يمكن تتعبين ,

و صدقيني كلها ايام وترجعين سالمه غانمه , و مالج شغل بكلام البنات اللي بتقول مينونه !! لانج رحتي لطبيب نفسي .. اهم شيء نصلحتج ونفسيتج , :rerrerek:



والله يشفيج يارب و يهديج يااارب :yaaaaaarb:

 

[gala q8]

الله يذكرج بشفا من عندج يالغاليه لانج تذكرين خواتنا الغاليات فيني الله كريم بس انا ملاحظه مكتأبه بدون سبب ياربي يشافينا وصراحه لما رحت مجمع قبل كم يوم مااجذب عليج جتني الاعراض شفت الزحمه ماكنت متوقعه والله العالم احاول اهدي نفسي الاقي غصب غصب شعور متعب صراحه بس لو احد يعلمنا طريقه انا يصيبني خوف خوف شديد مدري ليش ودي انحاش من هالمكان

اشوا يعني مو بس انا :eh_s(2): ,,


انا نفسج والله ساعات ودي اصارخ ابي اطلللع , احسس بضيقه وبقمته مو طبيعيه ..

و خاصه لمن اكون ويا امي بس اقول ااشر بيدي ان راسي يعورني تعرف اني خلاص مو قادره !!

ما ادري من شنو ياربي ! والله بس لمن تيي لي استغفر ربي عسى ان ربي يهديني :eh_s(2)::eh_s(2):

 

[gala q8]

حبيبتي هذآ يسمونه social phobia/anxiety..
وهني تلقين آلمعلومآت وآنآ آشوف آنهآ مطآبقه لحآلتج..
يبيلج تزيدين من ذكر آلله وتطلبين ربي يسآعدج ومو بس جذي، ربج قآل آسعي يآ عبدي وآنآ آسعي معآك يعني مو تسكتين عن روحج لآزم تروحين تعآلجين بطبيب نفسي يعآلج آلفوبيآ آلي فيج وترآ كلش مو عيب ولآ فشله بآلعكس آنآ وحده من آلنآس آشوف هآلشي عآدي وصحتج آهم من آلكل وآذآ خآيفه من كلآم آلنآس لآ تقولين حق آحد والله يكون بعونج حبيبتي بدعيلج من كل قلبي..

\

الرهاب الاجتماعي هو اضطراب ونوع من المخاوف غير المبررة تظهر عند قيام الشخص بالحديث أو عمل شيء أمام مجموعة من الناس، مثل المناسبات أو قاعات الدرس أو التقدم للإمامة في الصلاة وفي المواقف التي يشعر فيها الشخص أنه تحت المجهر وأن الكل ينظر إليه، فيخاف أن يظهر عليه الخجل أو الخوف أو أن يخطيء أو يتلعثم مما يؤدي به للارتجاف والخفقان وضيق التنفس وجفاف الحلق والتعرق... الخ.
عندما تحدث هذه الأعراض في موقف ما فإن المرء يخاف ويتجنب تلك المواقف. مما يزيد من مخاوفه ويضعف ثقته بنفسه، فيجعله عرضة لهذه المشاعر في المستقبل مما يزيد الحالة سوءاً وتعقيداً.
يبدأ هذا الاضطراب مبكراً في سن الطفولة أو بداية المراهقة حيث تبدأ معظم الحالات في الظهور عند سن الخامسة عشرة تقريباً. وقد وجدت دراسات مختلفة أن هناك مرحلتين يكثر فيهما ظهور هذا الاضطراب: ما قبل المدرسة على شكل خوف من الغرباء، ومرة أخرى بين 12-17 سنة على شكل مخاوف من النقد والتقويم الاجتماعي، وتندر الإصابة به بعد الخامسة والعشرين من العمر.
وبالرغم من أن الإصابة بالرهاب الاجتماعي تحدث في هذه المراحل المبكرة إلا أنه يعتبر أيضاً من الاضطرابات النفسية المزمنة التي قد تستمر عشرات السنين. ومع ذلك فإن المصابين بالرهاب الاجتماعي حتى مع علمهم بهذه الحالة قد يتأخرون في طلب العلاج سنين عديدة، إما بسبب خجلهم من الحالة نفسها أو خوفاً من مواجهتها والاعتراف بوجودها.


بالاحتجاج اللفظي أو العملي.​

العلاج

علاج هذه الحالة لدى الطبيب النفسي على شكل أدوية مضادة للمخاوف وهي على العكس مما يعتقد البعض تعتبر عديمة المخاطر والمضاعفات ولا تؤدي إلى الإدمان أو التعود. كذلك لا غنى في العلاج عن جلسات العلاج النفسي التي تعتمد على الاسترخاء والمواجهة المتدرجة وتأكيد الذات وبناء الثقة بالنفس ويدعى ذلك العلاج السلوكي المعرفي.




الله يشفيج يآرب :yaaaaaarb:​

 

[أنـا]

بسم الله الرحمن الرحيم ..
لا يغير الله بقومٍ حتى يغيروا ما بأنفسهم
صدق الله العظيم

بديت كلامي بآية قرآنية تكون مدخل للي بقوله لج .. وضروري تفهمينه وتستوعبينه ...

ركزي بكلامي عدل حرف حرف ..
دام انج عرفتي المشكله اللي فيج .. فـ انتي وصلتي لي نص الطريج .. والنص الثاني هو العلاج من هالمشكلة ..

انتي تقولين ان كل ما تقعدين مع البنات .. تقومين تروحين غرفتج ؟
هل تعتقدين ان روحتج لغرفتج هي العلاج والحل للمشكلة ؟!
اكيد لا .. انتي تعانين منوالوسواس القهري .. ديري بالج لانه ( يقال بعلم النفس ان الوسواس القهري يؤدي الى الموت )

حاربي الوسواس اللي فيج .. قاوميه بكل قوة وايمان .. اذا نفسج قالتلج قومي دارج قولي لها لا بقعد مع البنات حالي من حال خواتي ..

بعدين لازم لازم لازم لازم (!شوفي جم مرة كررت لازم ) تزيدين ثقتج بنفسج ..
لان انتي شكاكه بنفسج لانج قلتي اتكلم واحس انهم ما يفهموني
وكلمة احس تدخل في دائرة الشك او نقصان الثقه بالنفس ..
فـ زيادة ثقه بالنفس هي الخطوة لثالثه للعلاج ان شاءالله ..

حاولي تقرين بالنت او كتب عن تكوين شخصيه اجتماعيه .. او كيف اكون شخص اجتماعي او كيف احارب الخجل
يعني من هالنوعيه من الكتب لانها مهمة بالنسبة لج ..


مراحل بدء العلاج
1- صممي على انج تتغيرين من داخلج .. لان الايه تقول بعد البسملة " لا يغير الله بقوم حتى يغيروا ما بانفسهم "
يعني له بيساعدج على حل هالمشكله لكنةلما تساعدين نفسج بالاول

2- حاربي الوسواس اللي فيج .. بالذكر والقران والايات والادعيه والتسبيح ..
3- زيادة ثقتج بنفسج .. وهذا علاج مهم للحاله اللي انتي فيها ..


صدقيني هالثلاث طرق سهله وبسيطه .. طبقيها وان شاءالله راح تلاحظين اختلاف بشخصيتج ..
لكن صممي من داخلج ان عندج النيه للتغيير للافضل .. لان النيه هي بوابة كل شيء


طبقي هالشي لمدة اسبوع ولاحظي الفرق ..



اما بالنسبة للبهاق فأعتقد انه اما يكون وراثي او نفسي
واتوقع شخصياً انه نفسي بسبب الحالة اللي انتي فيها ..

والله يشافيج يارب

 

[رقية // الكويت]

السلام عليكم ورحمة الله وبركاتة

جزاكم الله خيرا وكلكم على راسي بعد عمري ماقصرتوا الله لايقصر في اعماركم ويكبر حظكم ويرفع قدركم اللهم آمين

خواتي بارك الله فيكم انا اللي فيني خجل من وانا صغيرة وتحول الى ان سقت وفجأة خووووف قوي بدون اي سبب من السيارة

واركب الطيارة بدون مشاكل بعدها فجأة هلع وخووووف شديد بدون سبب تحول الى حياتي الخاصة من كل شئ اخاف من اي شئ
والله لولا خوفي من الله كنت انتحرت بس انا عارفة اللي ينتحر للنار علطول

والله يابنات اللي فيني مو وسواس لأ انا عارفة هذا خوووووف قوي من لاشئ تحول الى دمار شامل في حياتي من كل شئ بدون اي سبب واي موقف واي حادث مااادري شنو هذا بالضبط شنو السبب وليش ومن منه والله يابنات محتارة احس انه شئ من الله وبيآجرني علية بس انا بعالم غييييير عن عالمنا استغفر الله الحمد لله احفظ اجزاء من القرآن وعمري ماقطعت عن قيام الليل ولله الحمد والمنه
ملتزمة وانا صغيرة والحمد لله والشكر

والله ماني عارفة الشكور لله بنات اللي تقدر تعطيني رقم طبيبة او طبيب مو مشكلة بس يعطي حبوب للخوف والرهبة من الطيارة بروح عمرة استغفر الله

الطبيب ورا بيتنا انطر احد يوديني وعندي سيارة البيت واعرف اسوق لكن الخوف يقتلني استغفر الله إلا وياي احد ملو مني اهلي وخواتي
متى راح اعتمد على نفسي ودي اقعد واسولف ابكل راحة مادري فجأة اموري تلخبطت مرة وحده استغفر الله

اللهم اشفي كل مريض وبدل حاله الى افضل واحسن واكرم حال واسأل الله ان يأجرنا في مرضنا هذا

استغفر الله العلي العظيم

واستودعكم الله الذي لاتضيع ودائعة وبحفظ الله ورعايتة ومشكورين بعد راسي

 

[جوري - q8]

خير انشالله يالغاليه انا قلت لصيدلاني ملتزم وشرحتله خوفي الي نفسج بالضبط ترا علي فكره انا ماحب استقبل خواتي بس اضغط علي نفسي غصب لانه كلش وخواي مالي غيرهم بعد الله والله اكره نفسي اذا حسيت اصرفهم مالهم ذنب اول مابدخلون ارتبك وتوتر شوي وتالي ابعد الوساويس غصب اي اكملج شقالي الصيدلي قال يامدام الي فيك تغييير هرمونات قلت معقوله قالمزاجك ملخبط من الهرمونات مع العمر تلخبط ونصحني بزهرة الربيع يقول تعدل الهرمونات والمزاج والخوف من الهرمونات متلخبطه مادري صج حتي قالالبشره والشعر كله من الهرمونات عاد انا ملاحظه بشرتي مو الي قبل من تغيرت تغيرت بشرتي وشعري متحسسين وجافين والله وشاهد ربي علي نفسج يارقيه كنت اركب الطياره واسافر سياره من 6 سنين لو شنو حتا اخاف زوجي يقولي خلينا نسافر انا خايفه واخر عمره قبل 7 سنين او 8 وكل من قالي خواتي والي يعز علي روحي عمره الله العالم شصير فيني ودي بس اخ انا افكر اروح عياده لاني ملاحظه زايده الاعراض لو اروح معي زوجي مشوار بعيد منطقه عن منطقتنا اتوتر واختنق واصب عرق وماابين لزوجي لاتقولون عادي علميه اعرف هو شنو مع طبعه الانتقادي يارب اشفينا كلنا انا ورقيه الكويت يارب لاتقطعنا من رحمتك امين

 

[Coffee_aholic]

اسأل الله العظيم رب اعرش العظيم ان يشافيج يا احتي
والحمدلله هذا ابتلاء من الله لج والله اذا احب عبد ابتلاه والحمدلله


داومي عالاستغفار والذكر واشربي ماي زمزم تراه لما شرب له

وحاولي تقعدين مع نفسج وتسوين بروفة لج كنك قاعدة مع ناس وسولفي مع نفسك عالمنظرة بتقولين هبلة بالعكس احس راح يخفف عنج اشيا كثييرة بعد الله سبحانه هذي قريتها في النت عن كيفية تقوية الشخصية واذا كنتي تخافين من شخص معين حاولي تعلين صوتج بحيث يطغى ع صوته وانتي اولا ابدي مع اهلج اقعدي معاهم واكسري الحواجز بينكم لو توترتي عالاقل اخواتج واهلج عقب مع اللي تمونين عليهم من رفيجاتج بنات خالتج احد عزيز حييلل عليج عقب مع الناس


الله يفرج همج ويشفيج عاجلا غير اجل اتمنل اكون فدتج

وانتهزي فرصة شهر الخير رمضان ت تراه بركة عسى الله يتقبل مننا يارب

 

[رقية // الكويت]

السلام عليكم ورحمة الله وبركاتة

Coffee_aholic مشكورة اختي الحبيبة ويابعد راسي على النصايح والدعوات الحلوة الله لا يقصر ابعمرج ويكبر حظج ويرفع قدرج

ان شاء الله بسوي كل النصايح اللي قلتيها وجزاك الله خير


على فكرة انا عندي مشروعي واسوي كل شي للبنوتات لكن خواتي اهم اللي يسوقولي ويقعدون في المعارض عني
انا بس اكلم الزياين شنو يبون من طلبات بس مااطلعلهم ا ابد يعرفوني بس بالتلفون ورب الكعبة

ولاتنسونا من خالص دعائكم لي وللأخوات

جوري 8

gala q8 وكل مسلم ومسلمة اللهم آمين وانا بدعيلكم والله بظهر الغيب بكل خير