ستيك الدياي بالمشروم بطعم الكمون اللذيذ((لعيون شندوخه)) بالصور

[ام كتكوت]

السلام عليكم

صياما مقبولا وافطارا شهيا



بنات هذي الوصفه لذيذه تعلمتها من مرت حماي الله يعطيها العافيه ويوفقها

ولعيون شندوخه اقدم لكم المقادير والطريقه بالصور ان الله يعجبكم :tek:

المقادير:
ستيك دياي بدون عظم

وللتتبيله:
صوص صويا
ملح
كمون (سر الطعم)
ثوم
بهارات دياي (لاتكثرين)

للتغليف:
بيض+طحين+بقسماط

الصوص:
1 علبه مشروم
نص زبده كبيره
2 فص ثوم
مكعب ماجي
2 قفشه ك خردل
1كريمه حمرا
ملح+فلفل اسود حسب الرغبة.



الطريقه:

اول شي تتبلين صدور الدياي بالتتبيله اللي ذكرتها وتطقينها بالمطرقه الخاصه بالاكل وتخلينها بالثلاجه من ساعتين الى يوووم كامل

عقب تغلفينها بيض بعدين طحين بعدين بقصماط

تحطيها بالفريزر شويه تصك

تجهزين الصوص المكونات اللي ذكرتها تخلطينهم كلهم بطاسه وتصبينهم بمقله وبالزبده تحمسينهم كلهم مع بعض لمن تحسين الصوص صك

تطلعين الدياي وتقلينه بمقلاه غزيره وتصفينه ببايركس بعدين تصبين الصوص فوقه

تحطينه بالفرن شويه يتماسك


وبالعافيه


ملاحظه:

انا حاطه الستيكات يم بعض وصابه وايد صوص(زوجي يحبه جذي)

بس تقدرين تحطينه بصينيه الفرن وفوق كل شتيك شوويه صوص يصير ارتب


وبالعااااااااااافيه يارب ولاتنسوني ومرت حماي من دعواتكم.




وهذي الصور بالتسلسل:






الدياي اللي استخدمه



عده الصوص



الدياي بعد التغليف



الستيك بالبايركس بدون صوص(بعد القلي)



الصينيه بعد وضع الصوص فوق الدياي



بعد الفرن


وهذا صحني(سويت معاه بطاط شبس)


واي سؤال من عيوني@@

 

[مسكنه قلبي]

تسلم ادياتج واااايد سهله وشكله لذيذ عوافي عليكم يارب والله يوفقج وييوفق مرت حماج يارب ويسخرلكم ريايلكم ويخليلكم عيالكم ياااااااااارب

 

[زلابيا]

عليكم بالعافيه ام كتكوت وتسلم ايدينج وايد سهل

 

[بنت الخور]

تسلم ايديج الغالية،،

ما شاء الله الطبق روووووعة،،

وبإذن الله بجربه،،،

 

[ام كتكوت]

حياكم الله يابنات ومشكورين على الردود

فديتكم

 

[دانة الكون]

يسلمووووووووو حبيبتي يعطيج العااافية

 

[brat]

مشكورة

تسلم إيدج على هالأكلة الحلوة

 

[سفيرة العشق]

تسلم ايدج على هالأكله الحلوة

 

[جنون العشق]

شكله حلو


بصراحه كانك حاسه فيني مشتهيه اسوي صمون استيك دياي


وبجرب طريقتك يالغاليه والله يعطيكم العافيه

 

[شندوخه]

بعد قلبي الله يعطيج العافيه ذبحتج بحنتي
ان شاءالله بااجر مطبقتها تسلم الايادي ام حسون

 

[Stylist]

تسلم إيدج

 

[القبله]

تسلم ايدج ما شاء الله

 

[مرق تفاح]

الله يعطيج العافيه ومبارك عليج الشهر


تسلم عيونج وادينج حبيبة قلبي ام كتكوووت



اول سؤال بسالج اياه الدياي من وين يايبته ؟؟؟من اي جمعيه يعني؟؟؟؟؟؟؟؟
اكثر الجمعيات ما اييبون صدور دياي بدون عظم كويتي كله من ساديا,,,,, واحنا ما ناكل الا ميد ان كويت والا سعودي ,,,تدرين ليش طبعا اتوقع عارفه القمنده_03BA:



ثاني سؤال اذا قليت الستيك راح يستوي عدل؟؟؟؟؟؟ وشكثر ياخذله بالزيت ؟؟؟؟؟ لاني متعقده من لما اقلي الدياي بدون سلق اخاف ايستوي من بره ومن داخل لا,,والا يحترق البقسماط ومن داخل للحينه ما استوى:cxxxp: ما ادري احس الستيك ما يستوي بسرعه لازم شوي والا بالفرن ؟


ثالث سؤال :لازم اطق الصدور بالمطرقه لانه ما عندي المطرقه ؟؟؟

رابع سؤال :وينفع اسوي هالطريقه على ستييك لحم؟؟ وما اغير بالطريقه والا المقادير؟؟


ومشكوووره وايد على ههالطبق الروعه

وعسى الله يوفقج ويعطيج اللي في بالج انتي مرت حماج:tek:

 

[الاطلالة]

مشكورة ويعطيج العافية

 

[أم عزيـز]

يم يم يم يم يم

ماشاء الله تبارك الله شكلها روعه واكيد الطعم اينن

يعطيج الف عافيه يا قلبي

 

[كنفاني]

تسلم ايدج ومشكوره

 

[داريني]

شكلها يشوق
بس في فرق بين الكريمه الحمرا والكريمه الزرقه مالت الكيك
؟؟

 

[Athwaq]

يشوووووووق

تسلم ايدج

 

[ضحكة الدنيا]

مشكوووووووره
وتسلم ايدج

 

[ام كتكوت]

هلا حياكم الله بنات كلكم ومشكورين ع المرور والكلام الحلووووو

اختي مرق تفااح جابوتج باللون الاحمر تفضلي

الله يعطيج العافيه ومبارك عليج الشهر


تسلم عيونج وادينج حبيبة قلبي ام كتكوووت

الله يسلم عيونج ياعمري



اول سؤال بسالج اياه الدياي من وين يايبته ؟؟؟من اي جمعيه يعني؟؟؟؟؟؟؟؟
اكثر الجمعيات ما اييبون صدور دياي بدون عظم كويتي كله من ساديا,,,,, واحنا ما ناكل الا ميد ان كويت والا سعودي ,,,تدرين ليش طبعا اتوقع عارفه القمنده_03BA:

هلا حبوبه الدياي من جمعيه رميثيه (وعرفت شتقصدين ^_*



ثاني سؤال اذا قليت الستيك راح يستوي عدل؟؟؟؟؟؟ وشكثر ياخذله بالزيت ؟؟؟؟؟ لاني متعقده من لما اقلي الدياي بدون سلق اخاف ايستوي من بره ومن داخل لا,,والا يحترق البقسماط ومن داخل للحينه ما استوى:cxxxp: ما ادري احس الستيك ما يستوي بسرعه لازم شوي والا بالفرن ؟

اي يقلبي يستوي لاتنسين ان احنا متبلينه بصوص الصويا يذووووبه هههههههه بس حاولي يكون الدهن غزير
مايحتاج بالفرن ولا شوي


ثالث سؤال :لازم اطق الصدور بالمطرقه لانه ما عندي المطرقه ؟؟؟

لازم تطقينه وهذا بعد يساعد ع الاستواااااء ههههههه حطي الديايه داخل جيس نظيف وطقيه ببطل بيبسي جام ولا كتشب ههههههههههههه مو مجربه انا بس فكره وديري بالج شوي شوي لاينكسر

رابع سؤال :وينفع اسوي هالطريقه على ستييك لحم؟؟ وما اغير بالطريقه والا المقادير؟؟

انا ماجربت مادري عمري!!


ومشكوووره وايد على ههالطبق الروعه

العفو حبيبتي حياج الله ومشكوره ع الدعوات

وعسى الله يوفقج ويعطيج اللي في بالج انتي مرت حماج:tek:

------------------

شكلها يشوق
بس في فرق بين الكريمه الحمرا والكريمه الزرقه مالت الكيك
؟؟

هلا عمري انا حاطه صورته بالموضوع

وهذا اللي استخدمته
ويسمونه كريمه حمرا لان اول كان علبته لونها احمر

وحياكم