سالفتي مع زوجي ،، مع ولده من طلقيته

[غنوة ستايل]

اعذريني يا قلبي .. بس المشكله فيج انتي
انتي قاعده بكل شغله تقارنين نفسج بالجاهل . طفل عمره 7 او 8 سنوات شنو بيفهم !!
اكيد يبي امه . واكيد الحين عنده فكره انج تحبين عيالج اكثر منه ...
مشكلتج انج من اول الزواج كان لازم توقفين ضد رجلج . وتقولين له هذا طفل . تبيني اربيه خلني على كيفي معاه
اعامله مثل عياااالي .. اليوم اللي اقسي فيه على عيالي اهوا معاهم . و اليوم اللي اكون طيبه فيه معاهم اهوا معاهم يكون ...

بس انتي من البدايه ريلج او انتي حطيتوا حدود في تعاملج مع الطفل ... عشان جذي الحين مو قادره تلمين الموضوع ومو قادره تتعاملين معاااه

الحين انتي زعلانه منه ... و لازم اذا ردج او رديتي بيت زوجك تفهمين زوجك او من شروط الرده ان الطفل ولدج مثل ما اهوا ولده .. يعني انتي تقولين ( الام الله بالخير ! ) يعني مستحيل ترضين ان طفل صغير يرد عند مثل هذه الام !!!

و ما تبينه يقعد معاج .. ومتحججه ان الطفل الصغير صار يسوي مشاكل لانه ما يبيج !!!

يعني الرجال شنو يسوي يقط ولده بالشااارع ! او ييتم الطفل لا ام و لا اب ! عشان يقعد الاب بروحه عندج !!

ترى الله ما يرضى ...

نصيحه اختي .. هذا يتيم او بحكم اليتيم ... و تذكري قوله تعالى ( فاما اليتيم فلا تقهر ) فلا تقهري الطفل ...

تبين الرجال وانتي عارفه من البدايه مطلق وعنده بيبي و البيبي معاكم في نفس البيت ...

فهمي الرجال من البدايه يبا انا احب ولدك واخاف عليه
ابيه يطلع رجال . ابيه يكون مثل عيالي هذا اخو عيالي .. لا تسوي تفرقه وحزازيات بينا
و من الكلام الحلو .. يابعد عمري وغيره ...

و حاولي انج تكسبين الولد .. يعني واحده مثل تفكيرج مستحيل تكونين عجزتي انج تكسبين الطفل !

بلعبه بهديه بطلعه بروحه مطعم او العاااب مره ورا الثانيه بسرعه تكسبين الطفل ..
خلي الطفل يحبج عشان ابوه يحبج
لا تسوين حساسيات و تفرقات ..
انتي من داخلج لا تحسين ان هذا مو ولدي وان هذا ضيف ما يصير اكلمه او اوجه له اي انتقاد

طفل عادي تشكلينه على كيفج ..

نصيحه من الحين عدلي علاقتج مع الطفل .. ترا الطفل واااضح جدا ان ام ريلج وريلج وخواته يحبووونه ومستحيل ان الطفل يرد لامه ،،،،

و اتقى الله في معاملتج للطفل هذا ..

حتى لو كان الطفل يبي المشاكل . ويبي امه .. و سمعج كلمتين ... يتم طفل صغير ما يفهم وين مصلحته ....

و عسى الله يسخر لج زوجك و يرزقج بكل اللي تتمنينه ... و لا تنسين يا قلبي هذا طفل صغير ..

وحتى لما يشوفج مع بنتج شلون تعاملينها ... تلاقينه اهوا من داخله يتمنى ان امه تكون يمه تلمه وتحظنه

سؤال : انتي عمرج لميتيه او حظنتيه !! او حتى مسحتي على راسه .. او بستيه !!

 

[sara bent elkuwait]

اليتيم هو الذى لة اما تخلت او ابا مشغولا وهذى تنطبق على هاليتيم ولما اهلة يعاملونة على انة مسكين واهو فعلا مسكين كافى ان امة الى المفروض موجودة مع ابوة واليتيم يعانى الامرين م هذا الامر واللة لا يحط عيالنا وعيال الناس بهالموقف 0ثانيا واضح انك قاسية مع ابنائك ودراستهم الامر الى فسرة المسكين على انة كرة غير موجهة لة ولو بطريقة غير مباشرة ثانيا من الموقف الاول يبدو ان الطفل اخطاء ولكن انتى بدال ما تكحلينها عميتيها وبدل ان تجاهلين الموضوع وتنسينة اياة وتشغلين تفكيرة عن انة يحطك فى بالة طردتى اخوة البيبى الى مايفهم لااااااااااااااااااا يقعد مع الكذابين ويبدو ان فى قلبك كان ترسب الموضوع فى قلبك وما نسيتية اسالك باللة لو واحد من عيالك اللة لا يقولة وقعد نفس هالقعدة مع ابوة ومرت ابوة ترضيين مرت ابوة تشيل ولدها الصغير من ولدك العود الى يفهم وتنعتة بالكذب امانة ماتنجرح مشاعرك وانتى كبيرة وشلون الصغير اختى حطى عيالك بنفس المكان وبتلاقيين العذر لهاليتيم الذى يعانى الم لا يستطيع احد ان يتحملة اختى اللة لا يحطك بهالموقف وانتى يعنى تبتحافظين على دراستة ولكن يبدو انك جافة بالمشاعر من ناحيتة وفى ناس واااايد عاطفيين ولكن طبيعتهم جافة ولا يستطيعون اظهار عواطفهم 0 ويوم زوجك يقول انتى وعيالك بصوب والولد بصوب لانة عارف بالالم الى فية ودارى ان عيالك بين امهم وابوهم انما هذا المسكين قاعد عند الابو ومرت الابو كتسمية طبعا واللة يعيين

 

[اتحي^_^]

انا لو منج ما ارد البيت الا لما يحققون وعدهم بان الولد يتم عند يدته وما ايي عندي
لان وجوده عندي واحتكاكه فيني يسبب مشاكل خاصه ان الولد مؤلف جيد
ولا تنسين ان ممكن امه اموصيته يقول هالحجي لانها شيطانه

يبي ولده يشوفه عند امه
وبعدين شنو اهو احسن منج ومن عيالج شالحجي
اشلون رضيتي على اعيالج
ريلج يبيله جعام

 

[اتحي^_^]

بنات اشفيكم اهي مو مكلوفه بالولد
الولد له امه موجوده
وان ما بغته بروح ليدته ام امه
وبعدين خالاته
وتالي يدته ام ابوه


اهي شكو فيه اذا اهو اصلا سبب خراب بيتها والريل ما يحشم ولا يقول هذي بنت ناس زين منها امجابله ولد طليقته
لا وبعد الخاله نقالة حجي تقولها قلتي عن امه هالكلمه

انا لو منج اختي واشوفهم كلهم امصدقينه اقولها بويوهم وجنه العيد عيل سمعوها مني امه كذا




قطيعه شالعيشه
الله ياجرج ويعينج

 

[lomy]

بنات ........... سمعوني أنا بعلق على كلمة يتيم بس ................



اليتيم اللي أمه توفت أو أبوه تـــــوفى لاااااااااااااااااااااااااااااااااا تألفووووووووووووووووووووووووووووووون بلييييييييز الأم موجودة أشـــــــوف ريلي يقط ولده عندها ............. طول الصيف مايدري عنه بس لاهي بسفراته من ديرة لي ديرة بحجة شغله وماشوف قال طليقيتي مو زينه ........ولا بس عشان لأنها ماتهتم بدراسته صارت مو زينه ........ عادي كا في وايد امهات ومو مطلقات وعيالهم بينهم بس مايدرسون عيالهم ............... شنو المشكله يعني .............


الله عرفناه بالعقل وماشفناه ........

وسالفة انه مسكين ارفضها ليش مسكين أمه موجوده وابوه موجود ليش مسكين عشان مطلقين يعني .... مدخله ابوه أغلا المدارس ... ويلبس الولد أحلا لبس ... وياكل ويشرب وكل فريجن ينزل جديد بلي ستشن .. على طول عند الولد ........ على شنو مسكين .......... يقعد عند أمه ويجي عند ابووووووووه .... وانا زينه معاه ....... وعمري ماكنت له مرت ابو بالعكس ........


بس المشكله مشكلة تربية .......... مو مشكلة فيني انا ...... أنا أعرف ربي .... واعرف اشلون اعامله لأنه عندي عيال وأخاف ربي ........


بس اهما ريلي وخالتي ........ مايبوني اربيه يبوني أجامله ............ وهمه بس اني ادرسة وبس ...... ومن ناحية تربية مايبوني .. أتدخل فهمتو المشكلة ,,,,,,,,,,,

واذا قلت حقي ولدي لا تقعد مع الجذابين ...................... بحسس الولد بالموقف ( الخايس )) اللي اهوا سواه .......... والله لو أحد من عيالي قايل هالكلمة والله طراق على حلجة وانتي ياسارة مادريتي عن قوة الكلمة اللي اهوا قطها ما تخييلين شكثر اهيا قوية ........... مع هذا كبرو مخ الجاهل ولا باجر راح يتطاول على الكل وأولهم ابوه ... بس كيفهم هذا ولدهم واهما أحرار فيه ......... أنا شكو أعور قلبي عليه ...:eh_s(14):






وانا اعرف ربي والحمدالله ...................... ماني محتاجة نصايح بسالفة مراعتي ربي بالطفل ,,, اللي تقولي انتي جـــــــــافه .......... كل هذا وجافة لا حبيبيتي انا موجافة ......... شدخل الجفاف بالشدة ياعمري ........ بس الولد بعمر لازم يتربى فيه .............. حيل حيل اعزه .......... بس الغلط غلط ... وانا محتجة على موقف الأب مو الولد ........ وعلى فكره انا اطلع معاه والعب معاه وأبوسه وألمه وكل هالسوالف تصير وقوله قصص ،، وأحط له واشري له .......... وكل هذا موجود.............



وفعلا أنا مو ملزومة فيه .......... بس انا من طيبي وطيب أصلي ........ احط واسوي واودي ....... بس مابين بالعين وطلعت انا بالشينة ... وأصلا يوم أهله يوم ............. جو يخطبوني أمي سالتهم عن وضع الولد ............ قالو ماراح يعيش عندي ............. وانه يعيش عند امه واذا بيزور ........... يشوفه ابوه عند جدته .... مع هذا حطوني قدام الأمر الواقع ............ ولا بطلت حلجي ولا اعترضت ............ وقلت هذا جاهل .......... اعده مثل عيالي ...... مع اني كنت عروس وجابه عندي وكشت فيني ليالي ......... ينام عنده ويجي يتسحب مثل الحرامي تالي الليل اذا يبي شي ومع هذا صبرت وتحملت ........... وخالتي تزف ريلي تقوله تنام عند المره ومخلي ولدك بالليل ماتدري عنه ............ واهوا كبير ،، وانا عيالي بس يكملون سنة أطلعهم بره داري ينامون بروحهم لا خدامة ولا شي .......... واهما بيبيات ................


رحنا مره نودي بنتي درجة حرارتها 40 ....... الساعة 11 ونص بالليل .......... والولد واره مدرسة قلت حق الولد حبيبي اختك مريضه بنوديها الطبيب انت وارك مدرسة ولازم تنام........... وخليت ولدي الثاني الصغير معاه ومعاهم الخدامة ,,,,,,,,,,,,,


رايح الولد ....... داق على خالتي يشتكي لها ليش ماخذيناه معانا .......... داقة خالتي على ريلي تزفه عشان مخليه في البيت مع الخدامه ........... رد عليها ريلي انا مو رايحة طلعت وناسه رايح المستشفى واهوا مو بروحة الخدامة ولدي معاه ..............اشوف كا انا مخليه ولدي البيبي عند الخدامة ما احتجت خالتي عليه يعني شنو بالله ولدي ولد الخدامة ...........؟؟؟


وخالتي وايد مرات اذا بنطلع معاها انا وحماتي تقولي احسن عيالج لا يتأذون من الطلعه قطيهم شقتج اريح لهم ماعليهم شر مع الخدامة مع اني ماحب اخلي عيالي وايد مع الخدامة اذا بطلع احب احطهم عند اهلي لأني ما أمن وايد على الخدم الا اللهم اذا مضطره ......... أخليهم .......... ليش غير يعني ...........


ومــــــــع هذا مابطلت حلجي بكلمه ...........


وكاني مقطوطة شهررررررررررررر خالتي مافكرت تدق تسأل عن عيالي .......... اشلونهم ؟؟ وامس يوم دق حماي ............ عاتبته قلت له ليش خالتي ........ ماتدق هذيله مو عيالها بعد توه أمس دقت وسالت وقالت ........... مابينا زعل .... وأنتي بنيتنا .. وسلمي على أمج ............


بســــــــــــــــألكم سؤال عليكم الله ............... أنتوا ساعات ............ مثلا ماتتعايزون تجبون مثلا واحد من عيالكم هل معناته انكم ماتحبونهم ........... ليش انا اذا قلت حق ريلي اليوم مثلا ماقدر اجيبه من المدرسة ليش يقلب السالفه ويطلعني ماحب الولد ومادري شنو .......... ليش مو حرام اهوا عليه .......

ينسى الأيام اللي يبته ووديته من كيفي مع انه ابوووووووه يا مكبر المخدة ونايم ولا طالع لاهي بربعه ... اقول حرام لازم أوديه كافي اللي ضاع عليه ............. وهم كل هذا وانا مو زينه معاه ,,,,,,,,,, صج الناس مايعجبه الععجب ولا الصيام برجب .......



عموما أنا تحسفت أني تسرعت وطرحت الموضـــــــــــــوع ............. بس كنت أبي الحلول لقيت في بنات يلوموني على مادري شنو ...........


صج على قولتي عمتي ........ سوي خير وقطي بحر ..............................



وانا كنت فعلا ............. كنت ناوية اذا ردني زوجي ........ احط شرط واحد اني اعامل الولد مثل ما أعامل عيالي ونشيل موضوع الحساسية ........... الزايدة ...............


بس بعد كلام الخوات دلـــــــــع وساره لا والله ................. مالي شغل فيه ............. وكيفه يجيبه يوديه

ينام عندنا ما ينام ........ والله مالي شغلل فيه ولا يبي أبوه اهوا يوديه عند خالتي او امه اللي اولا فيه أنا ماني ناقصة عوار راس بروحهم عيالي صغر ومحتاجين كل وقتي .............. على ألأقل لي قسيت على عيالي محد بلومني بقول لي انتي جــــــــــــافه ... عيالي وانا حره فيهم صح ...

وكافي اني اكون انا راضيه عن نفسي ....................


وشكرا على كل الردود .............. سواء كانت معاي او ضدي ........................ وخلو اللي في القلب في القلب ............



وسامحوني ........



:tek:




​

 

[بنت الناس]

حبيبتي أشكرج على ردج ،، بس ياحبيبتي ،، انا مو على أقل شي رحت بيت اهلي وايد مرات تحملت وقعدت ،، بس مايفيد ،، وهالمره مو غلط علي وعلى أهلي بعد ،، وانا ماراضى على أهلي ،، لأني قبل لا اصير زوجته ،، انا بنتهم فاهنتني ...............​

وابي يتعلم يتأدب من سالفة روحي بيت أهلج ،،،،،،، وبيني بينج انا رحت هالمره بيت أهلي لأني كنت متضطره كان عندي مناقشة مشروع تخرجي وكويزات ودشيت وراها على طول على الفاينل ،، يعني كنت أبي ا؛مي مستقبلي الدراسي من الضياع بسبة تفكير وعقد زوجي ،،​

الله يوفقج بدراستج ---- مافي حل غير انج تتحاشين كل شي متعلق بولده
يعني خلي العلاقه سطحيه
ما اقولج كرهيه و لا حبيه
خلي العلاقه عاديه
دام الولد الله يهديه راعي مشاكل تجنبيي
ليش بتادبينه -- خليه كيفه ابوه و امه بيشيلون عيبه مو انتي
انتي لج بعيالج -- و كيفه عاد ريلج بيربي ما بيربي اهو الخسران
بالنهايه بيقولون ولد فلان و فلانه
مو ولدج --- يمكن حتى الزين باجر ما يردونه لج -عاملي عادي
روحي يبي من المدرسه - وكلي
لبسي
بس لا تخلين في شي اكثر من هذا
يعني مو ضروري تسولفين او تتكلمين معاه

ادري البنات بيلوموني على هل كلام -- بس هم عندج 2 عيال
حرام بدال لا يكون واحد امه و ابوه مطلقين يصيرون 3
مسكي بيتج -- ازمه و تعدي انشالله

 

[ذكريات]

لا تردين له بسهولة هو اهانج و اهان اهلج و اذا ما لقا من يوقفه عند حده بيصير عادي عنده

و الولد من الحين يجذب اذا كبر شنو يسوي ؟؟

 

[القرآن ربيع قلبي]

والنعم فيج والله يكثر من امثالج والولد عادي من الغيرة يمكن اهو جذي وبعدين اذا رجعتي على خير ان ان شاء الله نصيحة
تقبلي زوجج كما هو وليس كما تتمنين والله يوفقكم ان شاء الله ويصلح ما بينكم

 

[[ معــآآلــي ]]

اكسبي الجآهل

 

[منوووووله]

هدي نفسج ياقلبي والله حاسه فيج مهما سويتي شي زين ماراح يحسون لانهم موعايشين بحالتج

واذا على الولد تقدرين اتربينه عدل مثل عيالج .. وهاذا مايعتبر يتيم امه وابوه للحين موجودين ..

بس اتمنى انه الامور تهدى بينكم وانتي مالج غنى عن ريلج لانج اتحبينه ومبين من ردودج انج شاريته بس تبين اتأدبينه اشوي

والريال موته لما اتقوليله كلم ابوي ولا مشكلتنا بيد ابوي << مادري عبالهم الابو بياكلهم !! خو كل شي بالتفاهم :tek:

 

[JaDeL]

امي عندها نفس السالفه امي كانت الاولى طبعا بس طلقها ابوي وخذا وحده وجاب منها 3 عيال وبعدها رد امي وطلق الثانيه لووول قصه المهم ان ابوي عمره ماسوى الامور هذي اول شي امي ماتدخل فيهم كلش ولا لها شغل فيهم ابدا
وثاني شي ابوي يحترم امي حيل ومايرضى احد من عياله ولا يسمح ان يقلون ادبهم اخوي الكبير امه كله تحرشه لدرجه ان يمر ولا يسلم علينا ياخواته الكبار بس الوسطاني يحترمنا حيل ولا شافنا وشاف امي على طول يسلم ويحترم امي حيل بس الكبير لا والثالث للحين صغيرون مايدري عن اي شي بس امي مالها شغل فيهم احسن شي فيها وابوي لو اخواني غلطو وامي هاوشتهم بالغلط هذا لايمكن ان يزعل من امي ابدا لان اهو دايم يقول انتي مثل امهم ولج الحق عليهم اذا سوو اي غلط قوليلي عليه وانا اهاوشهم على العموم انتي تفاهمي مع زوجج وحلي الموضوع بشويش يعني قوليله ولدك ترى حسبة ولدي واهو يمكن مايحبني لان يبي امه ولاتخسرين زوجج تفاهمي وياه بهدوء

 

[حبيبه قلبه]

الله يعيني ويعينج
انا بعد ريلي عنده ولد...
اتمنى انا امه تاخذه عندها لان اغلب مشاكلنا منه..
انا من رديت من شهر العسل وانا ماخذته عندي وامه قبل لايكمل السنه قاطته ماتبيه
انا خذته ابي الاجر من رب العالمين لكن من تزوجت حلى الولد في عينها وقامت تطلبه ومايجي الا تارسه راسه علينا انا عاملته جنه ولدي ساعات اقول مايستاهل اللي اسوي له لكن ارجع واقول موعلشانه عشان رب العالمين.. امه تبيه يكرهنا بااي طريقه وهو غالبا اذا جاء منها يجي متغير علينا
زوجي الحمد لله مقدر اللي انا سويته لولده بس ساعات يقهرني بدلاله الزايد له ودايم اقوله انت بتخربه..
وترى الناس مهما سويتي يطالعونج انج مرت ابو مب ام سواء قراب ولا بعاد
وان شاء الله على اجر يارب

حبيبتي رضى الناس غايه لاتدرك ..اناتعبت من الناس وكلامهم واللي ايده في الماي مومثل اللي ايده في النار..
اناعلى اللي اشوفه من الولد سكت ياما بس كلشي له حدود ليش اصرخ على ولدي واهو لا وليش اطق ولدي واهو اللي غلطان اسكت له لي متى ؟؟؟
الاخوات اللي قالوا جاهل ويتيم
اليتيم اللي واحد من والدينه ماتوا بس اهو ابوه وامه عايشين... واذا جاهل لاياقلبي مب جاهل 8 سنين يفهم ويعرف الصح من الخطأ.. انا انقهرت من اللي قالوا كلام ضدج لاني عايشه الوضع وحددي زعلانه ..ليش امه تعيش مرتاحه ولاكبر تاخذه بارده مبرده ليه؟؟؟؟؟؟ تدرين انها من الحين تخطط لاكبرت بتسفرني وبتوديني وبتسويلي ؟؟يعني شنو باي حق تصيرين ام عشانج حملتي وولدتي ؟؟؟؟؟؟؟واللي ربت وسهرت وتعبت وجابلت وسهرت شنو تصير؟؟ولد ريلي اذا راح لاامه وجاه مرض مغص ولا زكام ولاحراره على طول ترده ..ليه؟؟ شكو ام عيل؟؟؟مو حرام ..........زماكنت ناويه اتكلم بس كلام الاخوات طلعني من طوري ..حرام عليكم والله ماجربتوا اللي احنا مجربينه...

 

[رقي]

الله يعينج

 

[LaSt WoMeN]

ما شاء الله .. الله يجزيج ألف خير على تعاملج الطيب مع الولد .. و حطي اببالج ان هالولد يتصرف جذي بناء على توجيهات أمه فلا تاخذين موقف منه و خلج على ما انتي عليه .. لأن أجر و اختبار من رب العالمين ..

انتي تعرفين ان ريلج عنده عقدة بحياته .. أثبتي له العكس ... أول شي لا يصير بينكم اي مشكلة و صراخ جدام الولد علشان ما يوصل حق أمه .. و بعدين إذا قال لج انتي معصبة اليوم علشان الولد موجود قولي له شوف يا فلان .. محد طقني على ايدي و غصبني آخذك .. يوم انا خذيتك كنت أدري ان عندك ولد و متأقلمة نفسيا .. و الحمدلله ان عندي عيال ما علي قاصر ليش أحط دوبي دوب ياهل ؟ و منو هالياهل ؟؟ أخو عيالي و ولد الغالي معقولة يعني في مرة عاقلة بتفرق بين أخوان بدون سبب ... انا وحدة أخاف من ربي و ما أسويها ..

قولي له .. الولد ما بيني و بينه شي و انا ادري اذا تصرف تصرف مثل المرة اللي طافت فهالسوالف مو منه .. ياهل بريء ما يعرف هالدوابير هذي سوالف أمه الله يهداها .. و يكون بعلمك .. بيدك انت تخليني أحب ولدك و إلا احس انه ثقيل علي و لا تزعل من الحق .. انا ادري انك حاس ان الولد مظلوم و ماله ذنب انه يعيش بعدم استقرار و يكسر خاطرك و ما الومك صج و ضعه يكسر الخاطر - حسسيه بتعاطفج معاه - و كملي : بس هذا ما يمنع انه ما يعيش حياة طبيعية حاله حال اخوانه .. و انا كنت مستعدة انني ما اخليه يحس بفرق و انه عايش اببيته بس انت تبي تحسس ولدك انه ضيف و مو محسسه ان المكان مكانه من جذي اهو يحن بزيادة حق أمه ... و لا تحسب اللي أقوله منة عليك .. بس صدقني وحدة غيري ما تدرس ولدك و لا لها شغل فيه و لا تاخذه من المدرسة ... و لا تتعي روحها بس كل هاللي أسويه شحقه .. من غلاتك عندي و لأن صج ولدك يكسر خاطري ... و لأن ما تدري يمكن عيالي ما يصير لهم خير فيني و اهو اللي يصير فيه خير لي .. و انا ادري ما يضيع شي عند رب العالمين ... بس لا تظلمني و قدر شوي و حس فيني و لا تفسر كل شي بسوء نية ... و انا مستعدة افتح صفحة يديدة اذا صج شفت منك تغيير في تعاملك .. و ولدك بعيوني ... لا تحاتي .. ( ريلج محتاج انه يتطمن على عياله في غيابج .. ركزي على هالنقطة و لاتهملين عيالج ... اشتري ألعاب حق ولده إذا نجح مثلا .. سوي حفلة جماعية يكون فيها مع عيالج .. اذا كان ولده مو موجود سأليه عنه شلونه ان شاء الله بخير ... و قولي له سالفة من سوالف ولده .. قولي يحليله - عبودي و الا حمودي ايا كان اسمه بس دلعيه - ذاك اليوم قال جذي و جذي ... يبين انج متقبلته ..


* ملاحظة : تقدرين تقولين له ميخالف .. ما راح ادخل ابوي بس أرد بشروطي .. و من هالشروط انه ما يصارخ عليج جدام الولد مهما كان ... و الباجي كيفج .. انتي أدرى بوضعج و شنو اللي محتاجته ..

و الله يوفقج

 

[اضوى]

حبيبتي اغلب مشاكلج ان زوجج لاهي عنج كله مسافر والسفر اغلب الاحيان ماله داعي شعنده بره والولد مسؤل من ابوه يعني جزاج الله خير اذا قمتي فيه وانتي تعاملي معاه علي قد سنه يعني نزلي مستواج ليمستواه حاولي تكسبينه حطي بالج انج اذا عاملتيه مثل عيالج ماراح يفهم ليش لانج مو امه فاي موقف شد من طرفج ماراح يتقبله ليش لانج لازم تكسبينه اولا وبعدين ياعمري الولد حساس وانت غلطتي يوم قلتي لولدج لاتلعب مع الجذابين ياحافظ عيب هالكلام تري اهو جاهل ومن البدايه كان يبي امه تاخذه من المدرسه حاولي انج تمتصين غظبه ولبي طلباته مثل هديه حلوه منج تكسبه طلعه حلوه انتي وياه من غير زوجج فهمتي علشان تكسبينه ايحس انه مو فرض عليج .................

اما زوجج لازم يحترمج ويحترم اهلج وانج مو لعبه بيده عيب انه يطردج لبيت اهلج والسالفه بيد اهلج اللحين وشنو سالفه الخدامه عنده عييييييييييييييييييب عيييييييييييييييييييب وغلط وليش يسافر ويخليج انتي شنو مو ام عياله الله يهديه بس لاتردين الابشروط انه يحترمج ويقدرج .............................

 

[kajool]

حبيتي انا زوجي قبل ما اتنيل واتزوجه كان مطلق وعنده 3 بنات وطليقته حامل
وقصتي نفس قصتج
ممكن اراسلج على الخاص احسن؟

 

[أم عبوودي11]

لاتردين له الا وكرامتج محفوظه يبه هذاك اول الريال يقدر المراه اللي ماتروح بيت اهلها لو شنو يسوي ريايييل هالوقت لارضخت له بسرعه بيتمادي شوفي هالمرة بيتفاهم يتفاهم مع اهلج بالكثير عمامج اخوج اي احديروح له يقوله شنو موقفك انت ويفهمه انج بنت ناس موكل كلمة طردج عندج اهل بس خلي واحد عاقل ايستفزه نوعه ريلج بسرعة ستفز وترا لاتحاتين نوعه هميخاف ويحسب حساب يوم قلتي ابوي خاف ماعليج منه وانشالله ترجعين بيتج بسمعززة مكرمه ويحسب حساب كل كلمة يقولها مايغلط يثمن كلامه شي ثاني قبل لاتروحن تقعدين معاه وتقوين له كل اللي بجبدج وحتي لو في شي بتقوله لي لاتقوله جدام ياهل اصلا انت تخلي العداوة حتي بينه وبين اخوانه انا ابيهم يحبون بعض مو يكرهون بعض وانت طريقتك غلط ولو وحده ثانيه بتقولك مابي ولدك بالبيت عندي ومعاها حق بعد ،، بس انا مابيك تصير جاحد و>كريه باللي سويتيه للولد ودراسته وقوليله لاترهني عادصج فيه وطريقتك غلط وشوف حالنا من يا انت سويت لنا مشاكل وايد بس نبي نرتاح

 

[lomy]

الله يعيني ويعينج
انا بعد ريلي عنده ولد...
اتمنى انا امه تاخذه عندها لان اغلب مشاكلنا منه..
انا من رديت من شهر العسل وانا ماخذته عندي وامه قبل لايكمل السنه قاطته ماتبيه
انا خذته ابي الاجر من رب العالمين لكن من تزوجت حلى الولد في عينها وقامت تطلبه ومايجي الا تارسه راسه علينا انا عاملته جنه ولدي ساعات اقول مايستاهل اللي اسوي له لكن ارجع واقول موعلشانه عشان رب العالمين.. امه تبيه يكرهنا بااي طريقه وهو غالبا اذا جاء منها يجي متغير علينا
زوجي الحمد لله مقدر اللي انا سويته لولده بس ساعات يقهرني بدلاله الزايد له ودايم اقوله انت بتخربه..
وترى الناس مهما سويتي يطالعونج انج مرت ابو مب ام سواء قراب ولا بعاد
وان شاء الله على اجر يارب

حبيبتي رضى الناس غايه لاتدرك ..اناتعبت من الناس وكلامهم واللي ايده في الماي مومثل اللي ايده في النار..
اناعلى اللي اشوفه من الولد سكت ياما بس كلشي له حدود ليش اصرخ على ولدي واهو لا وليش اطق ولدي واهو اللي غلطان اسكت له لي متى ؟؟؟
الاخوات اللي قالوا جاهل ويتيم
اليتيم اللي واحد من والدينه ماتوا بس اهو ابوه وامه عايشين... واذا جاهل لاياقلبي مب جاهل 8 سنين يفهم ويعرف الصح من الخطأ.. انا انقهرت من اللي قالوا كلام ضدج لاني عايشه الوضع وحددي زعلانه ..ليش امه تعيش مرتاحه ولاكبر تاخذه بارده مبرده ليه؟؟؟؟؟؟ تدرين انها من الحين تخطط لاكبرت بتسفرني وبتوديني وبتسويلي ؟؟يعني شنو باي حق تصيرين ام عشانج حملتي وولدتي ؟؟؟؟؟؟؟واللي ربت وسهرت وتعبت وجابلت وسهرت شنو تصير؟؟ولد ريلي اذا راح لاامه وجاه مرض مغص ولا زكام ولاحراره على طول ترده ..ليه؟؟ شكو ام عيل؟؟؟مو حرام ..........زماكنت ناويه اتكلم بس كلام الاخوات طلعني من طوري ..حرام عليكم والله ماجربتوا اللي احنا مجربينه...

ئي والله صاجة ،،،،،،،،،،، أمه تفتر من سوق لي سوق وهايته 24 ساعه ........... وانا آخرتي مطرودة ومنهانه ............ صج الواحد لو شنو يسوي ماراح يعجب أحد واالي ايده بالنار مو مثل اللي ايده بالماي,,,,,,,,,,,,, الله يعينا انا وياج ................... على ما بلاني ويكمل رياييلينا بعقولهم ........



وشكرا حق كل البنات اللي تفاعلوا معاي ............. لكم مني أحلا تحية ,جان زين احنا اللي نربي عيال أزوجنا نفتح لنا قرووووووووووب نعرف اشلون نتعامل مع حساسية ازواجنا بهالموضوع ؟؟؟:eh_s(14):



ولكم مني احلا تحية ​

 

[سواري88]

الله يعينج ياقلبي ع اللي انتي فيه وانتي ماقصرتي معاه بس شوفي هي وحده من الثنتين
ياان الولد يبي امه صج وابوه طارده فقال اسوي جذي عشان ابوي يخليني اروح اعيش عند امي
او هذي التصرفات اللي تشوفينها من الولد وراها امه تبيكم تتهاوشون ويطلقج ويردها مهما كان مايبيها
فإنتي هالفتره اهتمي بنفسج وبدراستج وهو راح يفكر ويتحسف وراح يرد والولد جاهل ووراه احد يحرشه ولاتلومين عمتج ووولدها يفكرون انه جاهل ومايعرف يجذب ويألف وفوق هذا متأثرين بصورة مرت الابو اللي بالافلام انها قشره مايدرون ان بعض حريم الابو ارحم من الام نفسها
عسى الله يوفقج بدراستج ويفرج همج

 

[lomy]

حبيتي انا زوجي قبل ما اتنيل واتزوجه كان مطلق وعنده 3 بنات وطليقته حامل
وقصتي نفس قصتج
ممكن اراسلج على الخاص احسن؟

هلا حبيبتي حياج الخاص ............ يرحب فيج .............. وناطرتج ...............



وشكرا حق البنات اللي شاركوني بالراي ,,,,,,,,,,,,,,,, بدون ذكر أسماء ..​