lomy
New member
- إنضم
- 23 فبراير 2008
- المشاركات
- 893
- مستوى التفاعل
- 0
- النقاط
- 0
السلام عليكم ورحمة الله وبركاته ،،
موضـــــوع يحيرني ،، خاصة أنه يخصني ويمكن يخص مجموعة من البنات ،،
المهم يا محفوظات السلامة ،، أنا زوجي مطلق وعنده ولد عمره 7 سنوات ونص،،
المشكله ،، أنا زوجي وايد حساس من ناحية ولده ،، يعني ،، لما يجيبه عندنا ،، ألاحظه اذا انا تعبانه مثلا
ومالي خلق وصدف انه بهالوقت جاب ولده ،، يقولولي انتي اشفيج نفسيه ،، ويربط وجود ولده بتعبي ،، اذا عصبت على عيالي ،، والولد موجود ،، يقولي ادري انج توجهين الكلام حق ولدي وعصبيتج عشان اهوا اهني
علما بأني ،، طبعي مع عيالي هذا يومي ،، ونرفزتي من عيالي وريلي بسبب ضغط الدراسة علي ... وهذا يكون بوجود الولد أو عدمـــه ،، حتى الخدامة تشهد ....
والله يشهد اني عمري ما ضايقت الولد ولا وجهت له اي كلام ،، واعـــامله مو مثل عيالي ( لأنهم مايبوني اعاملهم مثل عيالي ) يبوني اعامله مثل الضيف يعني ياكل يشرب ينام على كيفي مالي شغل فيه ولا له شغل فيني
ومره،، نشب فيني ريلي نشبة لأنه ولده متأخر بالدراسة ،، ودرسته لأنه كسر خاطري أنجلش سكول سنة ثانية ومايعرف الف باء تاء ولا شي ،، قلت ادرسه والثواب من رب العالمين ،، وفعلا قعدت عليه شهرين هملت دراستي ودرسته انجليزي عربي ،، حساب بس الدين خلته على ابوه وتحسن الولد ... وصارت علامته اوكي بالاملاء قبل ياخذ 1 او 2 من 5 والحين بعد ما قعدت عليه ،، والله 5 من 5 وتحسن حيل بدراسته والفضل لرب العالمين اللي عطاني الصبر ولي طبعا وبالعكس انا حيل استانست من النتيجة
((( طبعا أمه هاملته وماتدري عنه همها نفسها وبس والأبو اللي اهوا زوجي ماله خلق مسئوليه وقط المسئوليه فوق راسي وانا اسوي الشي من طيبي مو غصب هم كنت ساعات اجيبه وأوديه من المدرسه بطيبي ،،
المهم في مرة من المرات زوجي كان بسافر قالي جيبيه من المدرسه وكان بنفس وقت طلعة الولد عندي موعد ليزر قلت ماقدر خله أمه أو جده يجيبه ،، عفس ويهه علي ومد بوزه واخذو الكلام انتي ماتحبينه وانتي وانتي وانتي والكلام الفاضي ،، قلت له انا مشغوله وامه أولى فيه ( انا غلطانه بنات) ؟؟
وسافر ولا ودعني ولا يكلمني وهم انا ا راضيته بجم مسج يالله تنزل وكلمني وقالي كلمتين حلويين
،، المهم قبل فترة صارت سالفه والولد والله يشهد اني مو مقصره بحقه ،، بس الولد يبي امه بس يخاف من ابووه ،، المهم وزوجي مسافر كان 3 ايام دقوا عليه المدرسة قالوله ماكو احد اخذه من المدرسة ،، والساعه 3 المهم دق علي ريلي رحت طرت حقه قلت حرام ،، خل اروح اخذه المسكين ،،وياريتني مارحت
احرجني جدام المشرفه قالي مابيج ابي أمي ،،
المشرفه تدق على امه ولا 20 مره كله جهازها مسكر قلت روح معاي ( على فكره انا مالي علاقة بام الولد ابدا ) وموراضي الا لما كلمه ابوه وزفه وبعد ماحنت المشرفة عليه يالله رضا وو شرط علي اني اوديه بيت امه قلت له اوكي ....
وفعلا صعد السياره معاي ،، وبعدها قلت له أوديك بيت جدتك اللي اهيا ام زوجي لأنه ابوك مو راضي ومثل ما انت تخاف من ابوك هم انا اخاف من ابوك وماقدر ما اسمع كلامه ( لأن ريلي وصاني اوديه عند ام زوجي وما أوديه عند أمه ) ..... وفعلا وديته عند خالتي ......
بالليل تاخرت طيارة زوجي .. قلت ادق على خالتي اطمنها واتطمن على الولد ولا أتفاجأ ...........:lkmnkl:
خالتي تقولي ،،،،،،،،،، أني اني سبيت أم الولد وقلت له كلمة وصخة طبعا انا اهني ينيــــــــت وخنقتني العبره ،،
جــان اقول حق خالتي ،، تبيني أحلف لج على القرآن ،، جان تقولي لاااااا هذا جاهل والجاهل مايعرف يجذب مادري من اللي يجذب عيل اللي بعمري و أم عيال أتجذب ................
طافت السالفه ،، مع انه زوجي ما نصفني ،، وبدال لا يأدب الولد ويهزأه على الكلمة القوية اللي قالها اللي مادري من وين جايبها ،، والحمدالله اني متربية وعمري مادار على الساني هالكلام ،، والله لو واحد من عيالي مسويها جان أدبته عدل ،،
بس كيفهم اهما اللي بيجنون على ولدهم ،، بهالدلع الزايد ..
وقلت لكم ريلي ما نصفني وقف محايد وقالي ماراح اظلمج ولا اظلمه ،، وانا ماني مجذبج ولا أجذبه ،،:eh_s(14): يعني أنـــــــــــــــــــــا صرت حالي حال جـــــــــاهل ....
وعدت السالفه ،، عادي ................. بس الولد حاطيني في باله ،، يوم من الأيام عادي كنت معصبه شي طبيعي لأنه ريلي ما نصفني قلت حق ولدي الصغيرون مع انه مايفهم بيبي ،،
قلت اطلع من دار اخوك مابيك تقعد مع جذابين بس كان قصدي أحسس الولد بالغلط اللي مسويه عشان ما يكرره هالموقف أو يتعود على الجذب ،،
،، وراح قال حق ابووووووووه وزوجي سالني اذا انا صج قلت هالحجي ،،
قلت ايه ،،،،،،،،،،،، جان يقولي دام انه نقل السالفه الثانية صح عيل أنتي صج بالسالفه الأوليه انج سابة أمه ،،
( من حرتي جان اقوله والله لو بسب امه جدامك اشكره ماراح استحي ..... وماخاف منك وليش بجذب ،، بس انا متربية ومومثل ولد اللي مو متربي ،، وتهاوشنا ،، وقلت عاجبك عاجبك مو عاجبك كيفك ،، وانا بطبعي يا بنات ماحب الغلط ( يعني ماحب اغلط على أحد ولا أحد يغلط علي ..........) وعلى فكرة من يوم سالفة جذبة ولدهم عني
حماتي صدت عني وخالتي مادقت الا اللهم اليوم الصبح ... لأن امي يوم السالفه الأوليه أمي دقت على ام ريلي وقالت لها الصج الواقع اللي اهما ما يبونه
(( أن الولد مايبي يعيش عندي وقـــــــــام يالف ويجذب بس عشان يبي أمه )) وخالتي ردت على أمي احنا مانبيه يعيش عند امه لأنه أمه مو زينه (( انزين انا ماقلت شي اربيه والله اني عادي عندي وقسما بالله انه اهوا مايبيني والحين قاعد يسوي حزازات بيبني وبين زوجي مادري تدبير من امه ولا اهوا من مخه ))))
خالتي زعلت لأنه أمي قالت لها هالكلمتين وحماتي احتجت انه امي تقول يعيش عند امــــه
وماقاموا يسالون .........
وأنا صارلي شهررررررر وشي مشرفة بيت أهلي
والسبب : أنــــــــــــــه كانت الخدامه تكرمون تغسل حمام داري وقاعد يتغدا ريلي مع ولده وانا كنت لابسه بروح محاضرتي ،،
وينادووووووووون على اسم الخدامه والخدامة ماترد ....
قلت حق ريلي الخدامة تغسل الحمام والباب مسكر وماتسمع ،،
عادي خل يروح يجيب الولدحق روحة ماي (( انا قلت شي عادي صح ))
وقمت انا ورحت المطبخ و جب له قلاص الماي ولااااااااااااااااا ريلي يعصب :eh_s(14): ويثور ويقولي اشلون تقولون اهوا يقطع اكله ويروح يجيب حق رحه الماي قلت اشفيها مافيها شي ،،،،،،،،
رد علي انا امي قبل ماتخلينا نجيب شي حق روحنا كله اهيا تخدمنا اذا انتوا في بيتكم غير هذا شي ثاني
(( قمت رديت عليه ايـــــــــــه أمك مو الخدامة ))
المــــــم هزئني قدام الولد وقالي لا انتي ولا اهلج ولا عيالج تسوين ولدي ،، وطلعي بره البيت ما أبيج (( شفتو التفاهة ))
طبعا انا ماتحملت الكلام رحت شلت قشي رحت بيت أهلي ،،، وصارلي شهر وشي ...........
ضيم ضيم ضيم كانت نفسيتي زفت وابوي زعـــل من موقف زوجي ودقيت على حماي قلت له الموضوع قـــــــــالي خليه يولي ،،، وخلصي امتحانتج ويصير خير .............
بعد 15 يوم من روحتي بيت أهلي دز مسج عشان يدزلي مصرف ومعاش الخدامه وانه مسافر ،،،
وبعد مارد من السفر قام يقلقس يبي يشوف بنته ،، يقولي زهبيها وطلعيها ،، وخذاها معاه ،، وكان شغلنا كله مسجات ......................... وبس حدي كنت سلبيه معاه ..............
بعد فترة قام يدق بحجة يكلم بنته فكنت مادر عليه اخلي بنتي اهيا اللي ترد ،،،،،،،،،،،،،،،،،،،،،
وبعدها قام يستخف دمه يحاول يهدي الموضوع يصلح الأمور ...................
المهم ،، انا كانت عندي امتحانات فاينل قلت له مابي تطرش علي اي مسج تبي شي كلم ابوي
رد علي انتي زوجتي شكو ابوج بالموضوع ،،،،،،،،،،، يا سلام قاعدة شهر بيت اهلي ومايبي الأخ يدش من الباب ،، يبيني ارد بارده مبردة ،، ولا حط اي اعتبار حق ابوي ،، حتى ملجت ماحضرها ،،،، وابوي وعمامي كلهم موجودين ،،،،،،،،،،،،،،،،،،،،،،،،
المهم يا بنات ماطــول عليكم ،، من قلت له الموضوع عند ابوي هستر ،، وقام يطرش مسجات من الحرة انتي انا عشان عيالي ادراريج ولا انتي ماتسوين عندي ،،، وانا لو شنو ما اكلم ابوج لو ادري حياتي بتنتهي ما اكلمة تبين تردين حياج الله ولا أكلم ابوج ...... القمر اقرب لج ...............
رديت عليه : القمر اقرب لي .....
المهم عصب ودزلي انا بسافر الصيف كله مع اهلي ولما ارد ،، اردج مثل الخدامة ,,,
قلت له بوري ابوي مسجك بشوف اذا رضا يردني لك ............
عاد بعدين دز مسج عموما انا لما ارد من سفرتي اتفاهم معاج .............
وبعدها انقطت بيني وبينه المسجات .................
بنات انا مارديت هالمره ،،،،،،،،،،،،،،،،، لأنه مو أول مره اتم في بيت اهلي وكنت ارجع له بسرعه يعني نزعل يومين 3 بالكثير اسبوع اول مايرضيني .... ارد له بسرعه حتى مايجي ياخذني من البيت دوم يستحي من فعايله ............. بمواضيع مختلفه مع اني عمري من تزوجت مادخلت اهلي ،، أول كله كنت اتححج باي شي ........... يعني بيتي مافي كهربا مثلا ريلي طالع بر ،، او شاليه من هالحجج ،، بس اهلي يحسون وآخر مره ماقدرت ،، وفي مره ابوي كلمني ،، قلت يبه انا وريلي نتفاهم ولي حسيت اني بحاجة لتدخلكم راح اقولكم ,,, بس هالمره فقدت لأنه .................... انطردت انهت وجاب طاري اهلي ,, وجرحني الموقف ،، وأبي أدبه .... عشان لا تصير مره ثانية طردتي عنده سهله ,,,,,,,,,,,,,,,,,,
وبحقره وأحقرررررررره ليما يتأدب ،،،،، المهم البنات طولت عليكم بسالفتي ...............
المشكله : ابي البنات اللي متزوجات من مطلق ,,,,,,,,,, قولولي اشلون تتعاملون مع أزواجكم وعيال ازواجكم ؟؟؟
انا زوجي وايد حساس ( لأنه متعقد من أوبـــــــوه لأن عمي قطهم وراح يتزوج من مره لي مره وهملهم (( عمي تزوج اربع حريم )) وعياله وايد بس القلوب مو على بعض .........
وخالتي ماقصرت كرهت العيال بأبوهم واخوانهم من حريم ابوهم ))
يعني حده متعقد لدرجة انه يقولي طلعتي مثل حريم ابوي ،،،،،،،،،،،،،،،، مادري شنو وجة الشبه ابوه تزوج على امه وانا ريلي تزوجني وكان مطلق بارادته ،،،،،،،،،،،،،،،،،،،،،،،،،
(( وعلى فكره كنت المفروض انا الأولى بس ام الولد دشت على الخط واخطفته مع انه اهله كانوا مكلميني بس اهوا تزوجها محد يدري وحطهم جدام الأمر الواقع وبعد سنة وشي طلقها ،، لأنها استغفر الله ( الله يستر عالجميع )) وبعد 5 سنوات من طلاقة يالله وافقت أتزوجــــــــه وخاصة أنه أهله ناس زينين ونعرفهم وامه زينه وتحبني ودايم تكرر علي ابيج حق ولدي واخته رفيجتي ))
وعلى فكره اول ماتزوجت سوت لي أم الولد (( طليقة ريلي)) وايد مشاكل وكانت اتدقق على ريلي وكانت تقوله ردني عادي حتى لو ماتطلق زوجتك وانا وقتها كنت حامل في بينتي ،، بس انا مطمنه لأن ادري زوجي عافها ولا يمكن يرد لها ،، وانه متمسك فيني خاصة انه شكثر حاول يخطبني ودايم كنت ارفض اصلا لما وافقت ماصدق بسرعه تمم الموضوع شهر 2 ملجت شهر 4 انا عنده كان خايف اني اغير رايي ،،،، :dddds:
فياريت كل وحدة تعاملت مع هالوضع اتعلــمني اشلون احسسه انه مافي حساسية بيني وبين الولد وبالفعل انا والله مو حاطة الولد في بالي .............. بس اهما مادري اشفيهم علي حتى اهلي ازعلوا من زوجي ،،،،،،،،،،،، لأنهم يعرفون ويشوفون شكثر انا ،، زينه مع ولد زوجي ،،، فليش دايم هالشك في راسة
انا اول قلت يمكن لما أجيب عيال يتغير ريلي ويحس انه عادي ،،،،،،،،، لقيت للاسف حتى بمعاملته غير
يقولي لا تظيني عيالج يكونون بمكانه هالولد ،،،،،،،،،،،، (( بالله هذا كلام ينقال )) أخذه على قد عقله ادري يبي يقهرني اقوله كافي اهما عندي انا الدنيا ومافيها ،،،،،،،،،
بنات بليز علموني ،،،،،،،،،،، اشلون اتعامل مع الولد ومــــــــــــع ابو الولد ( زوجي ))
الولد : لأنه بدأت يـــــــــــألف ويجذب بس عشان يتخلص مني ،، خاصة انه يغار على ابوه وايد مني حتى داري يدشها من غير ما يستاذن وعادي ابوه ولا يزفه ......
وزوجي : وعقدته من ابوه اللي خالهم ،،، وجاي يعاقب ابوه فيني أنا فيصير ولده الكل بالكل وانا ولاشي ................
على فكره هالمشحنات بس اذا كان الولد عندنا في البيت ولا يكون الولد مو هني ريلي يعاملني احلا معامله في البيت ومايرضى علي ...............
وفي أمور كثيره أنا ماتطرقت لها بصراحة ............... بس تعبت وانا اكتب وادري بتتعبون وانتم تقراون \\ أمبي بنات تصدقوووووووون كتبت قصة حياتي :dddds:
المهم اتمنى تتفاعلون معاي واسمع نصايحكم ،،،،،،،،،،،،،،،،،،،،، وماننحرم من خبراتكم :tek:
ومستحيل اهدم بيتي في يوم من الأيام لأني ان انسانه واعيه وافاهمة وأحب بيتي وزوجي وشكرا على ردج
