سالفة بنت عمتي الكويتية

[love love]

حبيبتي العذووب مالج شغل فيها مثل مايقولون الي مايطول العنب حامض عنه يقووول

هذي حاسدتج وبعدين شنو ترفع جوتيها عزج الله علي والله اذبحهاا

بعدين بس الفقر يتكلمون عن الفلوس خل تولي عنج

فشلتنا والله جذييه تسوي فييج بدال ماتضيفج بالكوييت
وبعدين شنو فصخو عبايتكم خلي كشتها تنفعها والله يعين ريلها عليها مالت على الخلقه استغفرالله
واثرت فيني كلمه شنو لانه ابوي متوفي شكووو يعني انتي الي ذبحتيييه

انا هم يبطووووووون جبدي

انا بعد يتيمة الاب بس انا ماشفته ولا شافني اهو توفى قبل ولادتي ب 3 اشهر

وفي ناس يعاملون اليتييم جنه طرار شكوو والله انا اعرف وحده تصيرلي تسوي نفس هالحركات تقريبا(وكله تقول لو ابوج عايش جان كنتو برى الكويت وصرتو وكنتو بس لمه سكتها وقلتلها شكو انا لو ابوي عايش وكل يوم يطقني اهون علي وعمري مافكرت انه ابيه يعيش علشان مكانته السياسيه ولا شي والحمدالله اخلاقي احسن منها وشهادتي احسن وامكانياتي احسن والحمدالله خذيت الريال السنع) بس خل تولي ظليت اصير زينه سنين بس بعدين اطناش كيفها كل واحد بحاله



ادري طولت عليج بس من حرت قلبيي
واي وقت بتيين الكويت قولي ودي يكون لي بنت عم نفسج بدال القطاعه الي صايره بين الاهل

 

[أم طه الحولة]

الصراحة الله يعينها على نفسها بنت عمتج بس كل واحد يعامل الناس بأصله وتربيته وترى بنات الكويت مو نفس بنت عمتج عندنا بنات زينين وينات اصل ويعجبونج

 

[Pink GirL]

الصراحه هذي ما تستحي على ويهها
مالج شغل فيها انتي سويتي الواجب وزياده

وحياج الله بالكويت كلناا خواتج

 

[*( FANTASIA GURL)*]

والله ياعذوب كل واحد يسوي بأصله وانتي ماعليج كلام كفيتي ووفيتي

خل تولي بتعرف قيمتكم تالي ... اهي يمكن محتره منكم ... بس على شنو اهي الخسرانه
الواحد وين يلاقي اهل بهالزين

عالعموم الله يصلح الأمور بينكم ويوفقكم

 

[aBoOoRa]

كل انسان له طبعه وشخصيته.
انا عمت امي متزوجه اماراتي وقاعده عنده بالشارقه واذا ياهم يدي الي اهو اخو عمتي والله حتى خبزه يابسه مايحطوله كلا ماعندنا وتونا قاعدين ومادري شنو واحنا ماناكل مثلكم يالكويتيتن يعني شنو الامارات مافيها خبز.
واذا يسوون الغدا كل واحد له صحن وزياده مافي وانا يدي يحب الاكل ومعطينه صحن حاله حال اليهال ومافي غيره بعد؟؟؟؟
ويدتي تييبلهم هالهدايه والاغراض الغاليه من الكويت واهم لما ايون حتى عود مايبونلها لا واذا يوو الكويت يطرشون امي وخواتها نبي بنك من دوار القادسيه ونبي دقوس بطول بو ديج ونبي سوقه دراريع عندكم يعني اهلي يشترونلهم واهم مايدفعون ماعدا بنتهم اسمها ايمان متزوجه وحبووووووووووووبه حتى طلعات كانت اطلعنا على حسابها وماترضى ندفع لها شي.....
الناس اجناس.... فيهم الزين وفيهم الشين...

 

[الجــادل]

والله انا اشوف انج ما تحترين طنشي

كل واحد يعامل الناس باصلة وانتي عاملتيها باصلج الطيب

لا تتحسفين على هالشي لان اجره ماراح يضيع عند الله

 

[أميرة الورد]

البنات كفوا ووفوا وانا أجدد دعوتي لج حياج الكويت وانا بالخدمة افا عليج بس ترانا الكويتيات ما نرضى احد يطلع ززعلان منا لو شنو يصير ولكل حاله شواذ وهذي الشواذ طال عمرج الله يصلحها .

 

[رقي]

اختي العذوب واخيرا قريت قصتج
بنت عمتج الظاهر حديثة نعمه يعني مو شايفه خير
احنا لنا اهل بالامارات وبقطر نروح لهم مره بالسنه
بس نستانس وبصراحه احنا حالتنا وايد وايد زينه
بالنسبة لهم طراريين

 

[ضوى العيون]

اصابعج ماهى سوى حبيبتي الله كريم اكيد انه البنت فيها نقص

 

[om el7elwen]

حبيبتي الناس اجناس وياقلبي الزين والشين ابكل مكان وكل واحد اسوي اباصله والحسد والغرور موجود سواء بالكويت او برة .
انا قريت موضوعج بس حبيبتي بنت عمتج صج غلطانه بشي بس ما يصيرتذكرين عيوب اهلج للناس لان محد ابيلقالج حل الا اهلج مو الغرب او انج اصارحينها .
الناس اذواق اذا اهيا مو عاجبها لبسكم او كلامكم فاعتبري هذا رايها الشخصي ولاتزعلين وطنشيها واعتبريها مريضة نفسيا.

 

[همسات ليالي]

حبيبتي مو كل كويتيات جذي

الناس اجناس ومثل مافي الشين في الزين

وعلى العموم الحمدالله انج شفتي وحده غيرت فكرتج عن الكويتيات وعلى هذه حاله شاذة

 

[جورية كويتية]

حبيبتي انتي صلة رحمج اللي الله يحاسبج عليها عمتج
اهي مو لازم اتواصلينها
ختولي حقريها
ومثل ما اهي شايفه روحها على ولا شي
انتي لازم اتشوفين نفسج بشي
مو قصدي تتكبرين
بس انتي انسانه اصيله وخلوقه وخوش بنيه
خلي ثقتج بنفسج كبيره
ترى هالاشكال ما تذبحهم الا الثقه
اذا شافو وحده واثقه من نفسها يموتوووووووون
صدقيني انا مجربه ^_^
<<< شرانيه
لا بس صج ما عليج منها
منتي بعازتها

​

 

[تخصص كنتاكي 1]

والله انها ماتستاهل احد يكلمها انتي لاتكلمينها لانج انتي اكبر من جذي

 

[ريفيل]

الكبرلله ما ادري ليش تسوي جذي .. الله يهديها

 

[Om_RayooMa]

الناس اجناس ياختي
واحيانا الغريب يكون احن عليج من اهلج معروف هالشي

لاتضيقين خلقج

 

[دندرمه]

بنت عمتج هذي ماتستحي ولاتنتخي الحمدالله والشكر بنت فقر واتعنفق على شنووو
ترى محتره ومنقهره منكم والله
لكن حقريها الطيب مابين فيها خلاص بلعنتها خليج مع رفيجتج اللي تعرفتي عليها الثانيه بنت الاصل
وبنت الفقر خل تولي بس لاتضرينها موعشانا عشان عمتج الطيبه ولابنتها جبح ويه اتبهلل خخخخخخخخخخخخخخخخخخخخخخ

وانتي بنت ناس وطيبه واصيله وسويتي اللي عليج وهذي الله يهديها معدنها ردي خليها لربها اللي فوقها اهو بيوريها مواحنا

ويابنات ترى العذوب خوش بنت ودهب لاتظنون فيها ظن ترى موقصدها شي كبرو عقولكم واهي مثل ماذمت بنت عمتها مدحت بنت رفيجة عمتها يعني ماذمت الكل وكل مكان في الزين والشين