سالفة بنت عمتي الكويتية

[ليالي الكويت]

صرراحــــة قريت القصة من اولها الى آخرهــا ...

غريب أمر بنت عمتج صراحـة...

يعني لو انا منها جـان أفرح واستانس ان عند أهل من أي دولة خليجية .

بس صدقيني هذا يدل على تربيتها وكل بلد فيه الزين والشين وأكيد هي تصرفاتها مع الناس كلهم مو بس معاااج ..​

 

[عهود الحب]

حبيبتي العذوب
الناس اجناس
وبنت عمج تعبر عن نفسها فقط وعن تربيتها الغلط وعقدها النفسيه
واصابع ايدج مو سوى صدقيني
انا متأكدة انج سنعه مبين من اسلوبج معانا وردودج
ومتأكدة بعد انج تدرين انه الدنيا كلها فيها الزين وفيها الشين
والحمدلله انه انتي كسبتي صديقة سنعه الي هي رفيجة بنت عمتج
واحنا كلنا اهلج وخواتج
متى ماييتي للكويت بلغينا واحنا كلنا بنقوم بالواجب وبيتي بيتج انتي صاحبة الدار وانا ضيفة عندج
والله نتشرف فيج
وللعلم انا احب كل شي له علاقة بالامارات

 

[عذبه الصوت]

حبووووووووبه ماعليج من بنت عمتج هذي موصاحيه انا والله احسدها لان عندها اهل من الخليج ويسألون عنها احنا يم بعض ومحد يسال عن الثاني بس يدورون التشيحط والترزز افا عليج بس كلنا خواتج وربعجججج اهنيه متى ماتبين تيييين الكويت قولي لنا نتفق على مكان نتقابل فيه وانضيفج

 

[b6o6a]

والله مادري شقول

بس غريبه بنت عمتج ..!

 

[DBDOB3 DES]

والله بصراحه مااقول الا الاخلاق نعمه وهذا اللي لمسته من مشكلتج انا قصدي انج اخلاق وبنت سنعه والاجان سويتي مثلها حبيبتي الوحده على تربيتهاوالدنيا صغيره تلللللللللللف وتدور وترد لج
وانا بنات خالتي دايم يسألون امي عني ولي دقيت عليهم والا دزيت لهم مسجات والله يجو فون المسج ومايردون حبيبتي على نياتكم ترزقون:eh_s(17):

 

[مي الحلوة]

انا قريت السالفة كلهااا ..وبصراااحة بنت عمتج ما عندهاااا ذوق..
وما عليج منها ومن تصرفاتها...واعتبريناااا خواتج أذا بغيتى اي شيء...

 

[العـذوب]

تدرون بنات .. أنا قهرني إن الغريب أحسن منها .. يعني فديت البنية اللي كلفت نفسها وجات ويانا طول فترة اقامتنا بالكويت ما خلتنا وبنت عمتي سيارتها واقفة قدام الباب ما كلفت نفسها تقول بنروح الجمعية مع بعض ,.


تعرفون في المرة الثانية لما كانت أمي وياي .. كان معاي أخوي الصغير عمره سنتين .. وياته حمى وحرارة .. تدرون تغير الجو .. يومين الولد مسخن وأنا ودي أوديه العيادة والله اني رمستها .. قالت لي : المسا إذا بقى تعبان بنوديه ..

تخيلوا ..!!

يعني الولد مسخن يومين وأنا مستحية أقول لها أبا أروح العيادةولما خبرتها قالت المسا..
أنا اتصلت لربيعتي وفديتها خلال 20 دقيقة كانت عندي وودينا الصغير مركز الروضة الصحي وعالجناه ., ولما رجعنا البيت .. قالت بنت عمتي: كيف عالجوكم وانتوا موب كويتيين..؟
قلت لها: الطبيب أصلا ما سأل .. شافوا الولد مريض ودخلوه ولو سأل الجوازات وياي .. وإذا ما بيعالجونه بالروضة بوديه أكبر مستشفى خاص بالكويت ..



أنا أحب إن أهلي يكونون أحسن الناس .. وزعلانة لأن بنت عمتي جذيه .. ليش يعني ؟؟


أنا شفت بنات عمتي الثانية وايد حبوبات وطيوبات بس موب من سني صغار حيل .. وشفت بنات عمي بعد طيبات لكن ما كانوا ساكنين ويانا في نفس البيت .. هي الوحدية اللي طلعت شايفة نفسها .. ولا أدري ليش ..

أنا أقول الله يصلح حالها ..

 

[عذبه الصوت]

افا عليج حبوبه انسي السالفه اللي يبيج خلج معاه واللي مايبيج مايشوف شر اهي خسرانه موانتي انتي كافي انج قعدتي وياهم وعرفوا انتي شنو واهي شنو

 

[LaSt WoMeN]

صج يضيق الخلق و يحز بالصدر لما تشوفين احد من اهلج جذي .. بس شتسوين ما تقدرين تغيرين غيرج ..

 

[عذبه الصوت]

اي والله ماانقدر انغير اهلنا خليها على الله الكل ساكت عن همه ولا صارت اعلوم وبلاوي ساكتين ومتحملين الاحسن انطنش وخلاص علشان مانتعب عمرنا

 

[danaaa]

قريت القصه غم انها طويله و دوخ

حبيبتي العذو كل مك في الزين و الشين

الناس اجناس يا قلبي
بس ال واحد اسوي اباصله

انتي ما عليج و لا يهمج
و علي قولت المثل
الاقارب عقارب
بس الواحد شسوي ؟؟
صيري انتي احسن منهم اكفايه انج راضيه ربج بصله الرحم
و عند الله ما يضييع

 

[قهوة عربية]

يابعد عمري ياالعذوب ...ماراح أزيد أكثر من اللي قالوه البنات

وبنت عمتج هذه فشلتنا قبل لا تفشلج......وقولي لها مايتكبر إلا الرماد

وترا مو كل الكويتيات جذي ياقلبي ..وايد فينا السنع والطيبة والوصل

وأهم شي واصلي عمتج ..وأخذي الأجر فيها

أما بنت عمتج فهي ظالمة روحها ..وباجر الله يهديها ويوعيها

والعين تشيلج بالكويت قبل البيت

 

[سحيله_الحلوه]

بعد عمري والله انج ماتستاهلين كل هاذا !! حبيتج من كلامج :eh_s(17):
مالج شغل فيها مردها اهي تصحى وتييلج

 

[HoNeY_GirL]

قريت القصه كلها امبيييه جكيت بنفسي لووول نفسنا سالفه طويله عريضه من ايام قبل وبالنهايه ابوي كويتي وامي اماراتيه واهم اعيال عم : ) >> لغز لوول
وياعمري مالج شغل فيها هذي ماادري اشلون صايره احنا انموت على الامارات ولازم كل سنه انروح اهناك واعرف وايد بنات اماراتيات والنعم فيهم وانموت على اهلها والله هذي مو حاسه بالنعمه اللي اهي فيها لااتفكرين فيها واتعورين راسج معاها انتي اللي عليج سويتيه طلعتي احسن منها واصيله وبنت سنع والله ماشاءلله عليج بس اهي صج اتفشل
وانا معاج فيه وايد جذي من الاهل شايفين نفسهم علينا وسبحان ترى فجأه يتغيرون بين يوم وليله مالنا إلا انه ندعي لهم بالهدايه واتوقع اللي مثلها فيهم مرض نفسي وعندكم وعندنا خير الله يصلحهم بس

 

[Whisper ~]

والله حسافه عليهـا الروحـه وانتي بعـز ضيقتـج
صراحـه إنسانه عديمـة إحساس ماعندهـا ذوق بالمـره
بس أهـم شي انج توصليـن عمتـج وربيعتـج
أمـا بنت عمتـج هذي مامنهـا رجـا .. "طـاف" كأن مالهـا وجـود
مجرد سلام وعليكم السلام
عشـان ماتصير مواقف مالهـا معنـى
ولا تضايقين روحـج بهالموضوع "ماتسوى" تلقينهـا عايشه حياتهـا ولا طريتوا ابالهـا
وصدقينـي روحتـج كسبتي فيهـا أجر وكسبتي صديقه عزيزه
وحيـاج الله حبيبتـي
كلنـا خواتـج ..

 

[أسيرة موني]

بس صدقيني هذا يدل على تربيتها وكل بلد فيه الزين والشين وأكيد هي تصرفاتها مع الناس كلهم مو بس معاااج ..​

قلبو

التربية الحين مالها شغل

اعرف ناس اهلهم ربوهم احسن تربيه بس سبحان الله طلعوا رونق سايد بالمرة

 

[مهرة العرب]

أختى العذووب



الناس أجناااس .......... يعني في الزين وفيه الشين

بالاخير انتوا ترجعون الى عرق واحد ودم واااااااحد

من خلال قرأتي للقصة تبين انه بنت عمك مغرورة
وشايفه نفسها .........

وزين منك انك ما قطعتي وصل الارحااااااااااام


زيارتك لهم لك أأجر كبير .....

وصدقيني اهي بداخلها تنظر لج نظرة أخري
غير اللي قاعدة تتكلم فيها .........

هالاشكال لا تعطينهم وجه ويجوون يركضون وراااج

وعسااج على قوووة

 

[[ . . Jee Jee . . ]]

اشوة اني شفت من اهلي هالشوفات وانصدمت ..

عادي والله .. الأقارب عقارب وانا خيتج​

 

[بنت الاجاويد @@@]

كنت على النت وأدور في مواقع بحث .. لقيت موقع يطلع ديوالنيات الكويت كلها بأرقام تيلفوناتها ..


على سبيل التسلية حطيت الاسم في السيرش ..

ولقيت كل المعلومات .. ركضت لأمي أخبرها ( تدرون هذيل عيال عمها ) وأمي حلفت علي نتصل فيهم ..

واتصلنا ..

ياقلبي عليج......أصيله... والله كلن يعمل بأصله وانتي واصلتي الرحم وجزاج الله خير
وحياج الله بالكويت هذي ديرتج الثانيه ...وماعليج من هذي المتكبره يجي يوم وتنكسر رقبتها وخشمها بعد ....

 

[love love]

حبيبتي العذووب مالج شغل فيها مثل مايقولون الي مايطول العنب حامض عنه يقووول

هذي حاسدتج وبعدين شنو ترفع جوتيها عزج الله علي والله اذبحهاا

بعدين بس الفقر يتكلمون عن الفلوس خل تولي عنج

فشلتنا والله جذييه تسوي فييج بدال ماتضيفج بالكوييت
وبعدين شنو فصخو عبايتكم خلي كشتها تنفعها والله يعين ريلها عليها مالت على الخلقه استغفرالله
واثرت فيني كلمه شنو لانه ابوي متوفي شكووو يعني انتي الي ذبحتيييه

انا هم يبطووووووون جبدي

انا بعد يتيمة الاب بس انا ماشفته ولا شافني اهو توفى قبل ولادتي ب 3 اشهر

وفي ناس يعاملون اليتييم جنه طرار شكوو والله انا اعرف وحده تصيرلي تسوي نفس هالحركات تقريبا(وكله تقول لو ابوج عايش جان كنتو برى الكويت وصرتو وكنتو بس لمه سكتها وقلتلها شكو انا لو ابوي عايش وكل يوم يطقني اهون علي وعمري مافكرت انه ابيه يعيش علشان مكانته السياسيه ولا شي والحمدالله اخلاقي احسن منها وشهادتي احسن وامكانياتي احسن والحمدالله خذيت الريال السنع) بس خل تولي ظليت اصير زينه سنين بس بعدين اطناش كيفها كل واحد بحاله



ادري طولت عليج بس من حرت قلبيي
واي وقت بتيين الكويت قولي ودي يكون لي بنت عم نفسج بدال القطاعه الي صايره بين الاهل