ساعدوني بنات مقهورة من أخت زوجي دخلها بيننا وشوفو شنو قالتلي ؟؟

[ام خالد 78]

الله يسخره لج

 

[p!nkiya]

حبيبتي

انتي بعد غلطانة...الريال مايحب احد يحاسبه..
هالدور بتقولين قلت وسويت ولاهي... انسي!!!!!!!!!!!!!!!!!11111

ريلج يبيله كيد حريم...تمسكن لما تمكنين
يعني انت احسن الناس ومافي مثلك
اشرايك هالاسبوع مثلا نطلع.باليوم الي يناسبك الحزة الي تبي
المكان الي تبي...
لو شورما من مطعم الجمعية بس ودي اتونس بشوفتك..

والله تكسرين عينه ويستحي
اما التحدي والمرادد ما يفيدج بشي!!

وكل ماضيق خلقج قولي بقلبج هيييييييييييييييييييييييييييييين انا اوريك
موشرط العقاب بزف ولا نرفزة

واما سالفة البنات بالفيس بوك هذي شي ثاني
هذي سوي روحج ماتدرين
ومرة سولفي عن عذاب القبر والواحد لويسوي جذي ولاجذي شنو بيستفيد!!

وبس وخليج بالدعاء

حبيبتي المشكلة اكبر من اخته درت ولا مادرت
المشكلة في علاقتج انتي وياه اساسها غلط
اوكي تحبينه ويحبج بس والله الاسلوب يلعب دور وياما وياما
ناس انفصلوا ومابيهم مشاكل!!

عجبني ردها وترا كلامها صح 100% اذا تبين تكسبينه سوي جذي
بس اسمحيلي اقوولج يعني ان ماكو احتراام بينكم @@! يعني ما احترمج كلش وبعدين شنوو يقوولج بطلقج @@! شوفي العلاقه بس 2 لازم اساسها الاحترام انتي عشان تكسبين زوجج اول شي لا تعاتبينه وخلج معااه مثل ما اهوو يبي ومثل ماقالت بسبوسه سوي وبعدها عاد تقدرين تكلميينه بأحلى اسلووب وتقولي له ان الاحترام شي لازم يكوون بينا واي شي تبينه قولي له بس مثل ماقلت باحسن اسلووب وتدلعي عااد وعسى الله يخلي لج ريلج ويسخره لج ويعله يحبج اكثر واكثر لي درجه ان ما يقدر يفارقج ولا ثانيه ( آمييييييييين )

 

[عهـود]

صاجة بسبوسه

 

[غمزه وإبتسامه]

الله يعيييييييييينج

 

[جوري وبنفسج]

السلام عليكم

الله يعينج ريايل الكويت مفارقتهم الرومانسية . بس شنو نسوي ما في غيرهم

الحل ثقلي عليه يومين أو أكثر بس يعتمد على نوع زوجج في ريايل أذا حقرتيهم يتضاقون وما يرتاحون لين يصالحون حريمهم وفي نوعية تقول أبركها من ساعة

زوجج ما ينفع معاه العتب لأنه بيظل يكابر

والحل أنج تهتمين بنفسج وتدلعين نفسج روحي الصالون سوي منكير وبدكير أو سبا أو أي شيء يخليج مرتاحة نفسياً وسوي نيو لوك

لا تخلينه محور حياتج بل جزء منها وحبي نفسج وعطيها أحترامها ترة الريال ما يحب اللي تقط نفسها قط عليه يحب اللي تعطي نفسها قيمتها وتثقل شوي ومو كل شوي تقولين سويت لك وسويت لا ما راح تطلعين بنتيجة أنتي سوي نفس اللي يسويه أذا أنشغل عنج بالأنترنت أنتي أنشغلي وأذا تبين تغثينه وترفعين ضغطه :dddds: أذا دخل عليج سولفي مع وحدة من رفيجاتج بالمسن ( كتابة طبعاً ) وأضحكي من قلبج راح تلقينه يقرب منج ويطلطل بالشاشة أنتي طبعاً قولي له عيب قاعدة أسولف مع رفيجتي . راح تلقينه يحوس عندج ولا يقول لج طفي المسن وتعالي أنتي عاد أثقلي شوي وقولي لحطة الحين بس دقيقة وخليه شوي ينلطع وأذا عصب وقال يللا تعالي طفي المسن وروحي له وأنتي ميته من الضحك > طبعاَ لأن سوالف رفيجتج أم دم خفيف عاجبتج

وأذا مشتهية تطلعين قولي له شرايك عازمتك اليوم على طلعة حلوة وأذا رفض قولي خلاص بروح مع رفيجتي وشوفي ردة فعله .

وشوي شوي راح يتغير بس أنتي عليج أنج ما تناجرينه على كل شيء وحاولي تسحبين سيفون على أي شيء يضايقج وأذا سمعج كلام مو عاجبج قولي له ما أسمح لك تغلط وطلعي من الدار وروحي دار ثانية مرة على مرتين راح ينقد على نفسه ويحس أن شخصيتج قوية مو ضعيفة . ونقطة مهمة لا تترجينه ترى تطيحين من عينه والله أعرف جم وحدة كله يبجون ويترجون أزواجهم وأزواجهم دايسن على رأسهم لأن مثل ما قلت الرجال يحب المرأة القوية ما يحب اللي تكسر الخاطر وفقيرة .

ولا تنسين الدعاء والأستغفار هم أقوى حل ممكن يحل مشكلتج .​

 

[.،:"$الـعـوبــــة$":،.]

أول شي ماله حق يغلط على اهلك مهما كان وسكوتك له هو اللي خلاه يتمادى ،
مشكلتك انتي وياه عادية وروتينية ! مشاكل ودني او جيبني عادي !
بس الغلط الكبير والغثيث انه يدخل احد بالموضوع هذي لازم توضحين له انه لا يمكن يكررها ،
واخته مالها اي حق تعلق تعليق سخيف لو انشالله كنتي قاعدة وتلطمين عالخدين !
كل شي بيدك ،
وكل شي له حد ، وموفقة انشالله ،​

 

[al-musk]

فعلا أسلوبه حقير..شنو هو ماخذج بس عشان وناسته وحاجاته


الله ييسر أمرج ويسهل عليج..مابقولج أكثر من جذي لأن هذي حياتج ومحد يقدر يقررها غيرج ويحطلها قيمة وانتي غلطانة من الأول وسمحتيله بهالشي..أهلج ربوج وتعبو عليج طول عمرهم وسهرو وربوا وصرفو عشان يجي واحد لسانه طويل يقلل من قيمتهم وبرضى بنتهم !!

حدي تنرفزت..ترا فوق انتي استغلاله لج ولسانه الطويل فانتي سامحتله يتمادى...

نصيحة شوفي استشاري اسري متخصص لأن هذي حياتج مو حياتنا ومانقدر نقولج سوي وفعلي لأن محد بيتحمل كل النتايج غيرج

اتمنى ماتزعلين مني عشان صراحتي بس اعتبريني اختج..وحده قهرني على تعامله معاج..وانتي ماقصرتي معاه بولا شي

 

[a7la MUM]

حبيبتي امبين انج وايد معصبه وبيني وبينج ماتنلامين والله بس لو انا مكانج بقلب الدنيا على اخته واوقفها عند حدها شكووو تكلمج واذا تبين نجرة كيييييييفج اهي شكو !!! الله يفكج من شرها والله يحنن قلب زوجج
داااااايما قولي اللهم حنن قلب زوجي علي وصب محبتي بقلبه اللهم اميييييييييين

 

[.:SuGar^GirL:.]

غلطتج من البدايه إنج تساهلتي
يعني يقولج يا بنت ال.... وساكته ويسب أهلج وساكته << خير إن شاء الله
لااااااا ياماما هذا أكبر غلط
هذي حدود ما لازم يتجاوزها لازم يكون في إحترام بعلاقتكم مهما كان حبج له ما يخليه يتمادى على أهلج
وصدقيني إللي ما ترز نفسها وتعزها محد بيرزها
وبعدين شلون يكلمج جدام إخته وين الخصوصيه إللي المفروض تكون بينكم
ألحين إللي سويتيه صح وعين الصح
طنشييييييييه فتره خل يراجع حساباته ويحس على دمه عطيه مهله عشان يصحى ضميره
وبعدين لما تردين عليه كلميه وفهميه إن إللي سواه غلط
وإن مهما يكون ما توصل لدرجة يدخل إخته بينكم وقولي له ترضى أدخل أهلي بسوالفنا
وقولي له راجع ألفاظك مو كل كلمه والثانيه قعدت تسب فيني وبأهلي
وخليج حااااااازمه بهالموضوع
إي ولما تتكلمين معاه تكلمي معاه بهدوووووء وأعصاب بارد ومن تحسين بدا يصارخ سكتي ولا تزيدين النار حطب
أكبر غلط لما تاخذين وتعطين معاه وهو معصب شي أكيد النتيجه بتكون العناد
بس لما تخلينه يفرغ الشحنه إللي فيه وإنتي ساكته بيراجع نفسه بعدها وبيحس بغلطته

 

[غـ أطـفال ـرآمـ]

الله يهديكمـ ,, ادعيلهـ حبوبهـ بالصلأاهـ .. ربي ان شاءالله يغيرهـ للأحسن ويهيدكمـ لبعض

 

[آم آحمدو]

حبيبتي ادغيله بالهداية

وهليع شوي فتره يهدى

 

[عاشقه زوجها]

الله يهديه لج

 

[كتموتو]

مالج غير الدعاء حبيبتي وانتي غلطانه انج اصلا سويتي مشكلة على سبب سخيف بس رده كان اسخف وترا حلج تتمين ببيت اهلج وتردين عليه بس من غير لاتطيحين عليه واذا قالج تعالي قولي موالحين ولاتناقشينه بالتليفون حتى لو بدا النقاش..وانتي تقولين مومتعود يتأسف ترا زوجج على ماتعودينه واهو شافج من الأول طايحه عليه استقوى استهدي بالله ولاتخربينها بس ترا كل شي له حدود واذا ماوقفتيه بيتم طول عمرة جذي وزود ووقتها راح تكرهبنه غصب غصب

 

[@ دهن العود @]

الله يهديه لج

 

[ام احلى خلودى]

الله يهديه لج يارب

 

[سعوديه مووت]

الله يعينك حبيبتي ويهدي زوجك ترا الرجال مايحب الوحده تبينله انه ميته فيه وبس تققوله كلام حب ولازقه فيه لازم تبينين له العكس مو تقولين اكرهك لا بس خليه شي عادي بحياتك حاولي انتي اللي تطنشينه انشغلي باامور وابعدي عنه ونامي عند اهلك بالويكند خليه هو اللي يشتاق لك ويبي يسمع منك كلام حلو ويبي يطلع معك خليه على راحته خليه يحترق وش فيها متغيره وش اللي شاغلها ترى اذا حقرتيه قاام يلزق فيك واهم شي ادعي ربك يحنن قلبه عليك

 

[LiPss]

ههههههههههههههه
حبيبتي كلميني عالخاااص
دواج عندي جنج تسووولفين عني
اول ماتزوجت

وين كنت ووين صرت
آآآآآآآآآآآآآآآه
الحمدلله يلرب

 

[السولعيه]

ما اقول الا عسى ربي يسخره لج


الله الله بالمعامله الحسنه وادي واجبه بأكمل وجه بـــــــــــس عامليه برسميه شووي وقللي الكلام معاه الصمت الصمت راح يفيد معاه لما يحس بغلطته ويجيج على يوم يعترف بأغلاطه ...


الله يسعدج



نصيحه : لا تكلمين اخته ولا تقولين لا تدخلين بيني وبينه ترا تكبر السالفه وراح تبينين انج منغثه
كلميه اهو شخصيا ..

 

[اشتياق]

مبين عليج حيل مزهقته بلزقتج فيه

الريال مايحب اللي تقول احبك واموت فيك وماقدر اعيش من غيرك

سوي سيرج على مواضيعي واقري موضوع ((هالحجي للكل وخاصة ..))

وفيه اللي يسرج ان شاء الله اقري الحجي عدل وبتعدلين من شخصيتج

تحياتي ياحياتي

 

[_j'aime mon mari_]

الله يهديه ويصلحه يارب