ساعدوني بنات مقهورة من أخت زوجي دخلها بيننا وشوفو شنو قالتلي ؟؟

[om Firas]

حبيبتي

انتي بعد غلطانة...الريال مايحب احد يحاسبه..
هالدور بتقولين قلت وسويت ولاهي... انسي!!!!!!!!!!!!!!!!!11111

ريلج يبيله كيد حريم...تمسكن لما تمكنين
يعني انت احسن الناس ومافي مثلك
اشرايك هالاسبوع مثلا نطلع.باليوم الي يناسبك الحزة الي تبي
المكان الي تبي...
لو شورما من مطعم الجمعية بس ودي اتونس بشوفتك..

والله تكسرين عينه ويستحي
اما التحدي والمرادد ما يفيدج بشي!!

وكل ماضيق خلقج قولي بقلبج هيييييييييييييييييييييييييييييين انا اوريك
موشرط العقاب بزف ولا نرفزة

واما سالفة البنات بالفيس بوك هذي شي ثاني
هذي سوي روحج ماتدرين
ومرة سولفي عن عذاب القبر والواحد لويسوي جذي ولاجذي شنو بيستفيد!!

وبس وخليج بالدعاء

حبيبتي المشكلة اكبر من اخته درت ولا مادرت
المشكلة في علاقتج انتي وياه اساسها غلط
اوكي تحبينه ويحبج بس والله الاسلوب يلعب دور وياما وياما
ناس انفصلوا ومابيهم مشاكل!!

:ggdw::ggdw:

 

[أنا Top أنا]

الله يعين

والله يهديه لج

 

[nezgha.85]

انا رايي من راي بسبوبه وإنشالله بس تهدي الأوضاع بينكم كلميه وقوليله انا بعرف شنو اللي يضايقك مني وانتي قوليله ولا تخلين ولا احد صغير ولا كبير يدش بينكم كل واحد عنده مشاكل وانتي اتحلين المشكله بالطريقه اللي تناسبج يعني دخل اخته بسالفه اهي ما تدري من الاساس شنو السالفه ! والله يهديه ويسخره لج آمين يارب

 

[đeɱɛɼɑ™]

اهو غلطان وانتي غلطآنه ..

بس خليني اقولج اغلآطج واللي وصلتكم انتوا الاثنين لـ عدم الاحترآم بينكم وبين بعض ،

- العتب العتب العتب ... يعني سالفة انته سويت وحطيت وتذكرينه باغلاطه
ترى الريال ما يحبها .. وحتى لو يحبج ويموت فيج راح يزهق عيشته !!
الريال يحب دايما ً يكون اهو الصح .. تقدرين تبينين له انه انتي صح بس بطريقة افضل من جذي...
نصيحة بعدي تماما ً كثر ما تقدرين عن " العتآب " !

- للاسف انج سمحتي له يتمادى ويغلط عليج وعلى اهلج
ومع هذا سكتي .. ورحتي تبينين له حبج وهيامج ... غلط حبيبتي
كان المفروض من الاول لما سبج .. تزعلين عليه ولا ترضين الا لما يعتذر ويندم ويحس بغلطته ..،
الحين صار الشي وخلص .. بس مرة ثانية اذا سبج او سب اهلج وقفيه عند حده
بسسسسسسس باسلوب راقي .. وزعلي بـ رزانة وعقل بدون صراخ وهوآش

- لا تقطين روحج عليه .. اوكي قوليله كلام حلو وخلي لسانج ينقط عسسل
بس بدون ما تهينين كرآمتج او تنزلين من شآنج ،

اما سالفة اخته .. فـ ثقي انه ما لجا لهآ الا لما طقت جبده
من الحنة والعتب اللي انتي معيشته فيهم .. وتذكري اهي اخته
و شكى لها الحال .. احسن من ما يشكي لـ رفيجه !! .. ويمكن اهي كانت يمه وما تمالك نفسسه
عذريه .. وان شاء الله لما تتراضون ما يكررها مرة ثانية

//

وربي يوفقكم ويصلح بينكم
ويسخركم لــ بعض

 

[نادره في وجودها]

انتي وحده ما قصرتي معاه تبين تطلعين وطلعينه

اخته شكواااا تدخل جان قلتيلها يا شين الناس الملقوفه وفشلتيها بجم كلمه

ونجره هذاااا شكله يتحدا على اى شي

شكله يخاف يطلع معاج ويشوفونه معجبينه اللي بالفيس بوك هههههههههههههههههههه

 

[مشتاقة الى الله]

شوفي يا عمري مثل هذه المواقف انتي لازم تتصرفي قبل لا ينهدم بيتج وتضيعين كل شيء وحسب قولتج انج تحبيه وهو يعرف

بقولج شيء يا الغالية دام هذا الموضوع صار بينج وبينه ودخل اخته اولا لازم توقفين الريال عند حده يعني دوسي على قلبج شوي وعلى مشاعرج وطنشيه خير شر ولا كانه موجود وان كان هندج لا تفتحيله السالفة وتبداء النجرة والخلاف يمكن كثرة اتصالاتج بيه تزعجه وهو ريال ما يحب المرة يلي تلزق وتركض وراءه

الريال يحب المرة الغامضة القوية يلي ما تهزءه ريح وفي نفس الوقت تكون رقيقة وناعمة

حبيبتي لا تخلين الريال اهو كل شيء بحياتج... ولا ترضي لاي مخلوق مهما كان انه يسبج ويسب اهلج اذا رضيتي مرة راح يتمادى عشر واكثر

ثقلي من روحج واهتمي باولويتاج وافضل انج تقللي من اتصالاتج اتصلي بس للضرورة غير كذا خليه اهو يلي يركض وراج ويتصل بيج

اولا راح تسحين بقيمتج وثانيا اهو راح يفرح بيج لانج صرتي ثقيلة

وبخصوص اخته هم طنشيها وقوليلها لا تدخلين في شيء ما يخصك وان دخلك اخوك بس هذه حياتي وانا حرة
لا تسكتين عنها ترى ان تماديت العائلة بكبرها راح تتدخل وانتي راح تنزلين عمرج للقاع

كوني ثقيل ودوسي علي قلبج​

حبيبتي هذا كلام المجرب والله يوفقه ويسخره لج يارب

 

[ToOoTi]

الله يهديكم ويسخركم حق بعض

 

[متواضعة]

بالتووفيق حبيبة قلبي كنت بقول لج مثل ما قالت بسبوسه

والشي الثاني لي ان شاءالله تراضيتوا طلبي منه موعد للنقاش لا تين وتهدين بالحجي يمكن يكون مو مستعد

 

[brettey]

اولا انتي غلطانه يسب اهلج وتسكتين ؟والله ارد له السبه بعشر اسبه واسب اهله وفي امه خير يبطل حلجه اوكي تحبينه بس مو لدرجه المذله انه يذلج ويسب اهلج لازم يكون عندج كرامه
ثانيا اخته يوم حاجتج جان قلتي لها انتي شكو تدخلين عصج بشي مايخصج شكو اللقافه المفروض تزفينها وتفشلينها عشان ماتكررها
ثالثا طالما انه دخل اهله خلي ابوج او اخوانج يكلمونه ويادبونه ويخلونه يتسنع خل يعرف ان وراج ظهر
رابعا ضايف بنات بالفيس بوك هذه خيانه وتهددينه انج ماراح تسكتين ان عادها وبتفضحينه عند اهله
خامسا عليج بالدعاء وصلاه الليل والاستغفار ادعي له بالهدايه

 

[Tantoshah]

مشكورين يا بنات كل اللي دشت الموضوع وردت عسى الله لا يحرمكم من غالي وتشوفون الخير بكل خطوة امييين ان شالله باخذ بنصايحكم وترى من عقب امس مادق شكله ندم انه دق علي .... انتوا مو عارفين انا ليش اسكتله ماحب ارد عليه قلت له لا تغلط على اهلي باسلوب حلو مو عيب عليك انا في مره اسب اهلك يقول ساعة غضب وساعة الغضب صارلها كثير وتتكرر انا بشنو غلط كل مره اقوله تعال انا عازمتك عالعشا او غدا مايرضى يقول لا مو اليوم مو اليوم انا ودي نقعد مع بعض بروحنا نستانس ونتكلم قلت له مو لازم عشا خلينا نطق فره بالسيارة وناكل صمون شاورما هم مايبي وايد قدرت ظروفة وكلمته بهداوة اني ودي اطلع معاك نسولف ونضحك مو لازم عشا ولا مصاريف خلينا نروح البحر يا دوام يا بيت شنو غلطتي بنات ولاخر لحظة ماغلط عليه مع اني كنت راح انفجر باخر اتصال يوم كلمتني اخته قتله روح الله يسامحك مادري اذا شخصيتي ضعيفة ولا عشان احبه احس عندي مبدأ انه مايصير اتكلم واحترمه لانه ريال ولما يغلط ماحب اغلط عليه عشان لا يطيح من عيني واحس انه مره هزأته ولا تفكيري غلط يابنات ؟؟