زينة وحمد .. قصة حب كويتية واقعية

[MISS ZOZO]

حده عجيبببببببببببببببببب يسلمو حياتـي نبي بارت اطوووووووووووووووووول من جذي اوكي حياتو >>>

 

[rawabi]

مشكوريييييييييييييين بنات واللة تعليقاتكم تعطيني طاقة مو طبيعية انشاللة باجر (يعني الخميس ) عال 10 بالليل بنزل بارت ووراه بجم ساعة بنزل بارت ثاني يعني انشاللة بنزل بارتين ماراح انزلهم ورا بعض عشان اعرف رايكم بالاحداث .... ومشكوريييييييييين على تشجيعكم :eh_s(6):

 

[ساحرة بعيونها]

مشكورة على القصة بس لوسمحتي نبيج تنهينها اليوم لان مافيني صبر :eh_s(6):وهذي قصة حقيقية ولا لا

 

[MeeMeeYoo_2]

يعطيج العافيه

 

[AngelGirl]

لاا بليييز حطيها قبل العشر ما فيني صبر :\

 

[رفيف الورد]

تنزلينها عالعشر ونبي البارت يكون بات ثاني وياه مشتاقين للأحداث اليديده

بنشوف شنو يكون ردة فعل لولوه لمن حمد صار يبتعد عنها أكثر

 

[foshiya]

7dha 3jeba w plzZz shwy est3ylay coz elg9a mshallah rw3aa ...
waiting

 

[^ليلاس^]

كملي حبيبتي

 

[Red carpet]

عيزانه اقراها كامله

 

[مـ سهله ـو]

عجيبه ناطرتج

 

[زهور الجمان]

يعطيج العافية


خووووووووووووووووش قصة


فعلا مبدعة​

:ggdw:

 

[نهايه انسانه]

y36ech 2lf 3afia w alrwaia 3jeeeeeeeba plz kil yo0m nazlai parteen ok
w teslam al2yadi wla t6awleen
waiting 4 ur parts

 

[lm3at almasa]

y36eeeeeech al3afia w na6reeeen alpart aliai
yeslmooooooo

 

[rawabi]

هاي بنات انشاللة انا بحاول انزل كل يوم بارتيين ... اما سالفة ان القصة انهيها اليوم واييييييييييييييييييييد صعب هالشي
لان القصة صجية بس كل شي ... اي القصة صجية بس في اشياء انا مغيرتها عشان اصحاب القصة مايتضايقون وماودي اقلب المواجع ... نص ساعة وينزل البارت

 

[rawabi]

اهم شي البدليات توني رادة من الطلعة ابدل وانزل البارت

 

[lm3at almasa]

waaaaaaaaaaaaw yallah na6retech

 

[rawabi]

البارت الثامن :

زيون حدها احترت وانقهرت من حمد شكو يسوي جذي هو متزوج ليش للحين يتذكر سوالفنا ياربي متى انساة وانسى كل شي 3 سنين هو تخرج وتوظف وتزوج وانا للحين لا زواج ولاعماة عيين حتى بكورس زواجة يبت مادتين f ومادة faلا والمادة الرابعة c حدي مسكتة مالت علي ... دامك هالكثر تحبني ليش تزوجت وانهيت كل شي صج مالت عليك ..... قامت زيون بتروح دارها لانها خلاص شوي وتبجي اذا سمعت صوتة وكلامة زووود
صالح: وين رايحة زيون ؟
زيون : بروح داري تذكرت عندي تقرير لازم اسوية باجر اخر يوم تسليم

دشت دارها بدلت هدومها وقعدت تذكر حمد وسوالفهم ..
زيون : حمد
حمد: هلا ياعيون حمد
زيون : هييييي شنو عيون حمد استح على ويهك انا بنت عمك
حمد : عشان انتي بنت عمي اقولج ياعيون حمد لانج مني وفيني
زيون : يعني صج انا عيونك ؟
حمد : اكيييييييييييييييييييييد ... انت اغلى شي عندي اصلا من دونج اضيع
زيون : خلاص اسكت جنك بديت تخربط وااايد .......... عيب
حمد: اخربط ... يابختي فيج حدج رومانسية ..... مالت عليج الحين ... اقولج عيوني واضييييييع وحالتي حالة تقولين خرابيط ... خلاص بنجعم احسن ( وقلب ويهه)
زينة : يعني زعلت؟
حمد : .......................
زينة : لاتصير بايخ .... واللة مااحبك لما تزعل
حمد : يعني تحبيني ؟
زينة : انا ماقلت جذي ... قلت مااحب اشوفك زعلان
حمد:.................... يعني مطنقر
زينة : وااااااااي خلاص واللة يضيق خلقي جذي
حمد : لا كلش ولا يضيق خلقج .... اصلا انا لو ابي ازعل عليج ... قلبي مايرضى يزعل









تذكرت زيون اغنية نوال الكويتية ... أغلى حب

أدري ما بلقى بدالك لا تفارقني
ياترا شاللي جرالك بس تضايقني
تدري ماحبيت غيرك
وعمري مانسيت خيرك ...
حتى لو زادت عيوبك تبقى أغلى حب
مادري ياحبي شسوي لو تصادفنا
وش اسوي لو حياتي هي سوالفنا
عيني من تلقاك تدمع ودمعتي تقول ارجع
قلي وش يجري في بالك لا تعلقني
مابغيت الا وصالك لا تجنني
شكلي ما بلقاك بكرة ... وتنسى من معطيك عمرة
حتى لو زادت عيوبك تبقى أغلى حب ............................

سمعت زينة الاغنية وقامت تبجي حييييييييييل ياربي لمتى جذي مليت من كثر ماافكر فية واتذكر كلامة وسوالفنا ياربي انت قادر على كل شي نسيني اياة يارب طلعة من قلبي يارب ريح بالي وتبجي .... اللة ياخذج يا لولوة ( لولوة شكو )



وتمت بدراها تذكر وتذكر وكل ماذكرت بجت زوووود

المغرب صالح بالصالة تحت بروحة ماسك موبايلة دز مسج حق دلال اللي كانت قاعدة بستار بكس كيفان مع خواتها نور و منار

صالح : msa2 el 5eer
دلال (استغربت لما وصل لها المسج قالت بتحقرة بس ماقدرت تذكرت ويه تقول بقلبها مع انة جكوووووور حدة يشوق وردت علية ) : msa2 el noor ?
صالح : ma gelty ly el waled mesa7 feeej el ga3 wela ba3ad? 
دلال : la allah setar
صالح: ashwa wallah knt a7ateej !!!
دلال( مسرع مابدا يحاتيني هذا من اولها عيااااااار ) ردت علية بمسج فاضي
صالح: shnw ya3ny?
دلال : ya3ny ma 3araft shagol
صالح :emmmmmm
دلال: ?
صالح : weeeeeenj ?
دلال: star bucks
صالح : ay shay … al7een ana agolej emshy a9ale7 sayartej tgoleen ma agdar athareej ray7a etgzeeen ?!!!!!!
دلال : 3asa ma shar …. Shnw agez .. ya3ny ma a6la3
صالح ( انا للحين ماكلمتها ولا طاحت الميانة قلت لها تقزين واتزعل لا باللة البنت طارت ) : la ma ge9adt shay …. Ay star bucks
دلال : kifan
صالح اول ما قرا كيفان نقز من القنفة راح لبس تيشرت اابيض مكتوب علية علم بريطانيا وجاكيت اسود وجينز وطلع من بيتة رايح ستار بكس كيفان اهو بيتهم بالشامية يعني ابد دقايق ويوصل لها بس ماقالها انة ياي وصل هناك والوضع ماكان زحمة كان حدة عادي لمح دلال قاعدة برا معاها ثنتين صفط ونزل والا يدز لها
صالح : nawarat kifan
دلال : ؟
صالح : mshallah esh mel7ej 
دلال : ay shay esh yabebk
صالح : shnw ma ye9eer ashrab gahwa ?
توة صالح داز المسج والا يسمع احد ينادي بصوت عالي : صااااااااااااااااااااالح صلوووووووووووح
التفت والا يلقى فيصل( ولد عمة) وسعو وناصر( اخوة ) قاعدين راح لهم , دلال لما شافتة رايح لهم مادزت لة مسج خلتة على راحتة بس عرفت ان اسمة صالح .
فيصل : انت شيايبك ؟
صالح: هههههههه ماكو اللي يابكم يابني
ناصر : ليش ماقلت لي جان يينا مع بعض
صالح: ماكو فجاة قررت ايي .. حرام
فيصل : لا حرااام ولا شي زيين اني ييت انا اصلن كنت ناوي ادق عليكم وعلى سليمان وحمد بس دام شفتكم بقولكم وهم تالي بقولهم
سعود: فصول خيير .. شصاير شكلك حدك جد
فيصل : انا خطبت وبملج الا سبوع الجاي
ناصر : ايا الجلب وليش توك تتكلم من متى خاطب
فيصل : واللة انا من زمان ادور وتوني خطبت الاسبوع اللي فات و خطبة الرياييل باجر عمامي يدرون ابوي بلغهم بس انا قلت انتوا انا ابلغكم
سعود : ومنو هاذي اللي امها داعية عليها بتاخذ ؟ عاد الوحيد اللي هقيت ان ماراح يتزوج انت من كثر ماخربطت هقيتك كرهت البنات
فيصل : لا يبا انا اعرف البنت اللي حق تخربط واللي حق زواج ... انا كلمت امي تدور لي وحدة على ويها مالها طلعات ولا روحات الا مع امها وخواتها ولا تحط مكياج لا بعد تلبس عباة .... عاد امي لقت لي خوش بنية بنت رفيحتها وشفتها عجبتني خطبتها بس
الشباب قاموا يباركون لة ويدعون لة بالتوفيق .. صالح عينة مع دلال وهي حدها توترت من كثر مايخزها كلاها بعينة .
قامت دلال وخواتها وهم الشباب مشوا كل واحد ركب سيارة . صالح اول ماركب سيارتة دز مسج حق دلال : agdar adg ? دلال k
صالح : السلام
دلال: وعليكم السلام
صالح: شلونج؟
دلال : الحمدللة
صالح: عوافي
دلال : اللة يعافيك
سكت صالح بس هذا الكلام اللي كان مزهبة وتوهق شقول زوود ... دلال تمت ساكتة بس ملت لمتى يتمون ساكتين
دلال : اسمك صالح
صالح: اي شدراج
دلال : سمعت رفيجك يناديك
صالح : وانتي شسسمج ؟
دلال : .. دلال
صالح: عاشت الاسامي
وتم صالح ويا دلال يسولفون قريب الثلاث ساعات وصالح مارد البيت طول ماهو يكلمها كان يفتر بالشارع لينا صارت الساعة 12 تالي رد البيت دخل دارة و رد دق عليها وتموا للفجر من اول مكالمة ارتاحوا حق بعض
حلال حييل اعجبت صالح كانت سوالفة حلوة ومبين عليها انها سنعة وعجبة ثقلها وهي هم صالح عجبها اكثر شي عجبها انها حست انة مو راعي خرابيط ولعب


المكان دار ناصر
ناصر يتكلم بالتلفون معصب : ترااااااااج زهقتيني كل يوم هوشة ... ماعندج شغل .
فرح : ناصر انا مو قاعدة اتهاوش معاك انا ابي اتفاهم معاك ... يعني تهقا انا احب الغثا والنجرة
ناصر : واللة شكلج جذي .. كل يوم طالعة لي بسالفة يديدة
فرح : شدعوة كل يوم ...انت صار لك 4 ايام ما تدري عني حتى مسج مادزيت ..
ناصر : انشغلت ماني فاضي مثل بعض الناس
فرح : ناصر حبيبي انت زعلان من شي .. فيك شي .. ليش صاير جذي ؟
ناصر ( بنفسية ) : قلت مشغول
فرح ( تمت ساكتة شوي ) : خلاص عيل اكلمك وقت ثاني
ناصر على طول قال باي وسكرة
خل اسولف لكم عن فرح وناصر شوي ... تذكرون مرة زينة لقت هدية بدار ناصر هذي كانت هدية ناصر حق فرح بعيد ميلادها فرح عمرها 23 وتشتغل بشركة زين للا تصالات وكانت مع ناصر بالكلية ومن زمان ناصر حاط عينة عليها بس ماكانت تعطية ويهه لما تخرجوا مرة ناصر كان رايح حق شركة زين يبي عندة جم شغلة وشافها وحس انها للحين بخاطرة سوا المستحييل عشان يقدر يكلمة ياللة كلمتة .. فرح تموت بناصر مابدنياتها غيرة ماتفكر الا فية .. وكل ما طلعت ولقت شي رجالي عجبها تيشرت او ساعة او عطر شرتة حق ناصر وهم ناصر مايبخل عليها بس ماكان مخلص لها كان يلعب من وراها يعني لة وايد نزوات وعلاقات عابرة بس ماكان يقارنهم فيها هيا غير هي الوحيدة اللي يشكي لها ويرتاح لها بس مثل ماقلت لكم ناصر يكلم البنت بس مايتزوجها يوم ما فكر يخطب شال فرح من بالة بس هم كمل وياها يعني مخليها.... ستاند باي


اليوم الثاني :
زينة قامت من النوم حدها تعبانة من البجي اللي بجتة امس على حمد راحت بتلبس حق الجامعة والا هي صج مزاجها زفت ومالها خلق شي البست نفس البس مال امس لما كان حمد عندهم بس من غير السلاسل حتى مكياج ماحطت ولابسة فلات ... راحت الكلية اول ماشافتها منيرة رفيجتها شهقت : امبي هذه اللي بتكشخ وكل يوم بكون لها ستايل يديد .... هذا ستايلج اليديد ههههههههههههههههههههههههههههه صج نيو لوك
زينة : جب ترا مو طايقة نفسي !!!
منور: افا شفيج .. بعينا بالسوق
زينة :............................................ وكملت رايحة حق الكلاس شافت محمد واقف صوب كلاسها يندرها حدها ما اهتمت ودشت عادي . اما هو دقتة البوهه من شكلها كان شكلها حدة تعبان ويهها معتفس : شفيها اليوم هذاك اليوم شزينها شكلها مريضة .. خل امشي واكييد بصادفها اليوم بالسكوييييييير او برة عند الباصات
خلصت محاضرة زيون بس زينة ماطلعت من الكلاس تمت فية لينا وقت محاضرتها الثانية ومنور ينت تبي تعرف زينة شفيها بس زينة ماقالت شي ردت زينة البيت متاخرة عمدا عشان ما تتغدا مع حمد . لما دشت كان الكل قاعد بالصالة ام صالح : اول ما شافتها : زيونة يما شفيج .. عسى ماشر ؟
زينة: ماشر .. شفيني ؟
ام صالح: شكلج تعبان ومو من عوايدج ماتكشخين حق الجامعة
زينة : عادي ماكان لي خلق بعدين لهدرجة شكلي يخرع
حمد ( اللي قلبة قام يعورة اول ماشافها تعبانة نقز من مكانة لا شعوريا ) : لا واللة شكلج حلو بس مبين عليج تعبانة تبيني اوديج الطبيب
زينة طنشتة وقالت يما انا بصعد انام حدي دايخة
ام صالح : ماتبين غدا ؟ زينة : لا يما بنام .... حمد : ساروووونة قومي شوفي اختج شفيها !!! شكلها مو طبيعي
ام صالح : اي واللة سارة حبيبتي روحاي ........ دشت سارة الدار لقت زينة مغمضة عينها حسبت انها نايمة وطلعت بس زينة ماكانت نايمة بس مالها خلق احد ... وتذكرت شكل حمد وردت تبجي : واااااااااااااي لا انا صج ماساة لمتى يعني ببجي ... حدي غاوية نكد خل اقوم اغسل والبس واطلع اروح كافية جمعية فرع اي مكان بس اذا قعدت جذي اكيييد بين
راحت غيرت لبست جينز وقميص وحطت مكياج خفيف ونزلت تحت
ام صالح : مانمتي ؟ زينة : لا مانمت حاولت بس ماقدرت ... يما انا بروح بيت منور ام صالح : انزين بس لا اطولين
حمد مات من الحرة : الحين ببيتهم وتطلع صج ماتستحي لا وانا مخترع عليها مالت علي
ناصر : حمد هوووووووووووووووووب وينك فية .. اكلمك انا ؟

حمد: ها شتبي ؟
ناصر : بتروح خطبة فيصل اليوم ؟
حمد: اي اكييد ابوي وعمي ملزميين علي
ناصر : انا ليش محد لزم علي .... ماني رايح
حمد: تراك حدك ياهل كلة ليش انا لا وليش انا محد قالي مأذينا .... انت مو لازم تروح لانك مو متزوج .. نصور وين صلوح .. تغدا وذلف وين راح ظ
ناصر : شدراني ... يمكن راح ينام

طبعا صالح لا نايم ولا شي قاعد بدارة فوق طايح لة سوالف مع دلال
صالح: دلول شرايج فيني وانا مصلح سيارتج باقل من ساعتيين
دلال: حدك عجيييييييب ... صج صج انقذتني .. مشكووووووووووور
صالح ( يبي يطفرها ) :ماسالتيني جم كلفت شنو مو ناوية تدفعين؟
دلال : شكو ادفع .. انت اللي داعمني
صالح: يالخايسة انا داعمج والا انتي الغشمية لزمتي بريييييييك والسيارة اللي قبلج بينج وبينها كيلو
دلال : مالي شغل القانون يقول اللي يدعم من ورا هو الغلطان ... بعدين انت ريال يعني لازم تكون تعرف تسوق احسن مني
صالح : لا واللة تعالي يا ام قانون ... ماقلتي لي شتدرسين ... لا يكون حقوق ؟
دلال : لا................ ادرس ادب انكليزي
صالح: ياة ياة عيل اللغة قوية ... خلاص عيل لما اشوف فيلم مو مترجم ادق عليج تترجمين لي
دلال : افا عليك حاضريييين
صالح : ابي اشوفج
دلال : امس شايفني واليوم شايفني
صالح: مالي شغل بشوفج روحي جمعيتكم وانا ايي لج
دلال : ويييييييييييييية مالي خلق
صالح: افا مالج خلق تشوفيني
دلال : مالي خلق البس واتمكيج
صالح: تعالي ببجامتج وانا اصلن مااحب المكياج .
دلال : عطني ساعة وازهب
صالح: لا مابي واييد ... عندج نص ساعة يلا بسرعة
قام صالح لبس بلوفر بييج وبنطلون زيني اما دلال البست جينز وجاكييت سكري لنص الفخذ تحتة بلوزة سكرية فيها حركات وملفع سكري فية ستراس سلفر وراحت لة جمعية قرطبة
: صالح شفتني يلا بمشي .. صالح: حلفي لا نزلي من سيارتج .. دشي الجمعية
دلال: شسوي بالجمعية ؟ صالح: اشتري خيار.... طماط.... بصل كيفج اهم شي تنزلين ابي اشوفج عدل .
دلال: اوووووووو ف نزلت من سيارتها رايحة صوب باب الجمعية . صالح : واااي يا بختي انا اكلم هالقمر ياحلاة اللي لابس ابيض واللة دلال: مو ابيض ... سكري صالح : فرقت يعني شعرفني انا .... ولا يهمج ياحلاة اللي لابس الابيض الوسخ ههههههههههههههههههه دلال: احد قالك انك مليييييييييييق صالح : احد قالج انج حلوة

وتموا صالح ودلال على هالحال كل يوم يشوفها ويكلمها بالساعات وحدة تعلق فيها اما زينة وحمد ماكو زينة ترد متاخر عشان ما تتغدا معاة وبس ادش اذا لقت ادش دارها هي من زمان متعبها فراقة بس عقب زواجة ماكنت تشوفة الا من وين لوين بس الحين صار قريب منها هذا اللي مخليها قاعد تنهار احساسها لة بدا يرجع وحمد قام بس يتغدا ويمشي على طول عشان مايضايقها لينا ردت لولوة وماقام يزورهم وكمل هو ولولو نجرات وهواش على سالفة الحمال وان لولو ماتبي تراجع الطبيب اما محمد اللي مع زينة بالكلية كل يوم صار يلحقها وعرف سيارتها واسمها ومرات يلحقها للبيت ناصر بس نجرة مع فرح بس هي مستحملتة وطوف لة وايد لانها تحبة ماتقدر على زعلة ويرد يرضى جم يوم وتالي يطنقر العزيمة اللي كانت سارة مخططة لها ماصارت لان زينة حدها مالها خلق وفوق هذا لاهيين بملجة فيصل اللي بسرعة خطب ويبي يملج بس ما لغوها اجلوها اسبوعين وسارة طنقرت لانها كانت تبي هدايا وايد بس الحين ماحصلت الا من اهلها ورفيجاتها بس اللي ونسها ان هداياهم حلوة وغالية

 

[AngelGirl]

حلوو...ناطريين البارت الثاااني

 

[رفيف الورد]

شنو ستاند باي يا ناصر شنو بنات الناس لعبه بإيدك الله يهداك

ما تنلام فرح عاشت بحب مغشوش الله يعينج على صدمتج من ناصر

حتى الحب صار مصلحه بهالزمن والعياذ بالله من هالزمن

 

[MeeMeeYoo_2]

ثنكيوووووو