زينة وحمد .. قصة حب كويتية واقعية

[PorscheGirl3]

ناطرين عل أحر من الجمر

 

[M!Ss OL!Ve]

القصه حدها عجيييبه
يالله ناطرينج...

 

[رفيف الورد]

طار قلب حمد على حبه الأولي منو قدك يا حمد

 

[MeeMeeYoo_2]

ثنكيوووو

 

[rawabi]

هااااي بنات عذا البارت الخامس ......
حمد طول الطريج من لورنزو ساكت يفكر بالكلام اللي قالة فيصل ويفكر بزيون وكل مايت فكرة خايسة ببالة تعوذ من ابليس وقال لا ما اهقى زيون تسوي جذي زيون متربية دق صالح على زيون يبلغهم انهم قربوا لهم دق اكثر من مرة بس مالقط معاه الخط وصلو لعند كاريبوا يدورن زينة وسارة مالقوهم ...... حمد كان من غير شي معصب ولما ما لقاهم عصب زود صالح استغرب بس كلش ماعصب قال بقلبة اكيد ان خواتة يتمشون بالمحلات
حمد: هذيل وين راحاو .. صالح: اكيد قاعد يتمشون المشكلة التلفون ما يلقط مادري شلون بنلقاهم
حمد احتر من برود صالح كان ودة يكفخة بس مسك اعصابة : والحين شلون ؟
صالح: ماكو ننطرهم ... حمد: انت تبي تجلطني ؟ ماتخاف على خواتهم شوف موت زحمة ... صالح: منو شنو اخاف احنا بمجمع شبصير فيهم ... ترا حمد مو زين جذي تحاتي ... حمد طنشة و مشى عنة يدورهم صار يتلفت يمين ويسار يدور لين طاحت عينة على زيون ياية صوبهم من بعييييييد وهي تبتسم حمد تنح فيها ونسى ان معصب ونسى ان الدنيا زحمة ونسى صالح وظل يطالع فيها من زمااااااااااااان مو شايف ابتسامتها يمكن من يوم ماتفارقوا : انتي وين كنتي ووين سارة ؟
زيون : ماتصدق من شفنا ؟ حمد : اول ردي وين كنتي وشكو قايمة من مكانج ؟ زينة : شفييك قمت اتسوق عادي ؟ حمد (من غير ما يحس بنفسة ) : بكييييييييف منو قكتي انتي ماتعرفين تشاورين .. ليش ما قلتي لي ؟
زيون : واللة مالك حكم علي ماني زوجتك تتحكم فيني .... وين صالح ؟ ومشت عنة ادور صالح اللي كان وراهم بشوي
صالح : زيون وويعة وين ذلفتي قعدنا اندورج ووين سارووووووووووووة ؟
زينة : واللة صالح حاولت ادق عليك اكثر من مرة مالقط وياي انا قمت من عندهم مليييت من سوالفهم قلت اتسوق شوي وساروووووووة فوق بسواح
صالح: ليش مارحتي معاهم المطعم ؟
زينة : حدي طفحانة واذا شميت ريحة اكل احس بزوع
صالح : اللة يلوع جبدج انشاللة يلا دقي عليها خل تيي بنمشي

ركبوا السيارة وطول الطريج حمد وسارة وصالح سوالف ساروووووونة حدة سوالفها حلوة وتشوق والكل يستانس عليها وهي تحب حمد وايد وحمد يحبها لانها رابية ببيتهامع خواتة الصغار اما زينة كانت ساكتة ما تتكلم الا على قولتهم كلمة ورد غطاها .

رد حمد شقتة ( حمد مأجر دور في جنوب السرة ) لقى لولوة قاعدة تدرس ( لولو تكمل ماستر )
حمد(وهو يقط غترتة على الغنفة ويبطل زراير دشداشتة ) : السلام .
لولو : حمددددددددددددد قوم شيل غترتك حرام عليك توني مرتبة الشقة
حمد: شفييييييييييييج انتي ....الناس يردون السلام بالاول ولا تصرخين لا واللة اقوم اعفس الشقة كلها فوق راسج الحين
لولو : اوووووووووو
حمد: تكلمي عدل
لولو: حمد شفيك علي ماتتحمل مني كلمة ماقلت شي انا كل اللي قلتة اني مابيك تعفس الشقة
حمد: انا ما اتكلم عن اللي قلتية انا اتكلكم عن طريقتج شكو تصرخين شايفتني ياهل جدامج غترة وانقطت خير يا طير علقيها منتي ميتة اذا علقتيها
لولو : وانا بس مهنتي انظف وارتب
حمد : واللة قلت لج اييب لج خدامة انتي اللي ماتبين
لولو : لا مابي خدامة انا كلة قاعدة بالشقة تيبها تجابلني ليش تقعد تحط عينها علي شسوي وما اسوي
حمد : خلاص عيل دامج ماتبين تحملي .... قومي يباي لي ماي
لولو : اي شي صح ليش مو انت اللي تييب لك
حمد : بس لعاااااااااااااانة عشان تعرفين اتصرخين مرة ثانية
لولو : واذا ماقمت
حمد: بتقومين وريولج فوق راسج .........

طبعا لولو قامت لانها تعرف حمد اذا قفل يقفل عدل ومالها خلق هوشة يديدة كافي هم صار لهم قريب الشهر كل يوم هوشة ونجرة ... السبب الرئيسي كان سالفة الحمال حمد كان يشوف ان هذا حقة ولولوة ماكانت تبي شي يعطلها عن دراستها لولو من النوع اللي طموحة عالية وكانت تشوف ان مستقبلها هو وظيفتها والمنصب اللي بتوصلة مو حمد وبيتها كانت انانية بتفكيرها

 

[rawabi]

هااااااااااي بنات عساكم بخير انا قبل شوي نزلت البارت الخامس ودقايق وبنزل البارت السادس انشاللة يعجبكم [/color]

 

[rawabi]

حمد وزينة ... (قلبي يحبج ...... )


البارت السادس :

يوم الاحد زيون بالجامعة قاعدة ويا رفيجتها منيرة ...
زيون : واااااي حدي يوعانة امشي ستاربكس اشتري لي شي
منور : لا مو الحين نطري شوي ونتغدا مرة وحدة حدة الكافتريا زحمة الحين
زينة : لاواللة بموت امس مو متعشية ومن قعدت ماطب بطني شي الا الماي .... مالي شغل زحمة او لا الحين ابي اكل والا بصير فيني شي
منور : وااي حدج حنة خلاص يلا قومي

راحوا البنات للكفتيريا كانت صج زحمة ولوية خذت لها زيون كرواسون و كارميل ماكاتو ومنوؤ خذت لاتية وطلعوا يقعدون عالكراسي اللي برة لان الجو كان حلو كان شهر 11 والجو عجييب بالكويت هالحزة
منور : اوووووووو شنو هذا ماكو كرسي فاضي وين بنقعد شكلنا بنتم واقفين 
زينة : وييييية شلون الحيين ؟ ...... منور شوفي من قاعد هناك هذي مو رفيجتج دانة وصديقاتها
منور : اي بلى .....شدعوة خليتها رفيجتي هي معاي بمادة وحدة بس
زينة : لا حبيبتي رفيجتيج والحييين بتروحين تسلمين عليها وتسولفين معاها
منور: شكو البنت ماكلمتها الا جم مرة شكو اقعد واسولف معاها
زينة : منور واللي يعافيج سلمي عشان نقعد شوي عندها مابي اكل وانا واقفة وعلى ماتسولفون اكون خلصت كرواسوني واللة اكل بسرعة
منور: خرا عليج حدج مصلحجية

منور راحت حق دانة ومعاها زيون طبعا منور حدها مفتشلة من البنت ماتعرفها عدل ويت رزت ويها والمشكلة ان ماعندها سالفة تقولها قامت تخربط من قعدت ماقالت سالفة عدل واول ماخلصت زيون اكل قاموا
منور : بالسم الهاري ...
زيون :اللي يهريج .... ويعة ليش تقولين جذي هذا وانا رفيجتج .
منور : مالت عليج وعلى رفجتج ...................... ويييييييييه شفية هذا بعد يخز قاط ويهة معانا
زيون : منو ؟ وين ؟
منور : اللي هناك لابس تيشرت رمادية وكاب احمر من قعدنا وهو يخز للحين ... عمى
زيون ( لفت بتشوفة) والا ينقلب ويها : وييية هذا اللي ذاك اليوم بالافنيوز لحقني للسيارة .......اللي خذا طاولتي مالت كاريبو
منور: اش هالصدفة ويانا بالكلية ... صج الكويت صغيرة .. وانتي مثبتة ياحليلج تحسين ماحدج يلحقج الا من وين لوين ههههههه
زينة : مليييييييييييقة بس تصدقين اليوم صاير احلى
منور : خلصينا يلا خل نمشي
زينة : لحظة على وين ماعرفنا عنة شي لا عرفت باي كلية؟ ولاشنو سيارتة ؟ عالاقل خل اشوف منو ربعة عشان اثبت عدل الايام الياية
منور : صج لقافتج مو طبيعية ... شكو انتي فية .. كيفة
زينة : اووووووووووووووووووووووووووووووووووو صج وهقة
منور : شنو ؟
زينة : الحين لازم كل يوم اكشخ ومااكرر بدلاتي ويييييييييييييية مالي خلق
منور : والللة انج مو صاحية
ابتسم لها محمد من بعيد وهو يقول ( بقلبة ) شهالصدف ... ولحقها محمد ل كلاسها ومنور متنرفزة خايفة احد ينتبة ... منور: هذا مو من صجة اجكرة جذية
زيون : واللة انتي اللي مادري شفيج حدة عادي يعني ممنوع يمشي هني شدراهم الناس ان لاحقنا


الظهر بيت بو صالح ناصر بالصالة ويا امة منسدح عالقنفة
ام صالح: نصور قوم غير هدومك مابقى شي ويوصل ابوك ونحط الغدا..

ناصر : مابي ماني متحرك ولاني ماكل الا لما تزوجوني ... يما حرام عليج صارلي اكثر من سنتين احن ما كسرت خاطرج
ام صالح : يما انت بس تحن كل شوي طالع بسالفة ... قلت لك ازوج صالح تالي انت
ناصر : ردت وقالت ازوج صالح .... يما انا شكو بصلوح اذا ما تزوج اعنس انا
ام صالح : شتعنس شتخربط انت .... شفيك متصرقع عالزواج
ناصر : يما حرااااام عليج شيبت... ابي اشوف عيالي ابي واحد يقولي بابا ....ابي ارد من الدوام القى زوجتي تنطرني مو ارد من الدوام القى روزو لا ومرات مالقاها القى لجمي العيوز عالاقل يبو فلبينية حلوة
ام صالح : ويععععععة نصور شتخربط انت لا حشى مو صاحي اكيييييييد ينيت
ناصر : يما ياتزوجيني يا انحرف واذا انحرفت ترا بسود ويهكم عاد تحملوا تالي
ام صالح : جب وقم اذلف البس صج مصرقع شكلها مسوية لك سحور ودبور
ناصر : منو هذي ؟
ام صالح : اللي مشيشتك عالزواج ؟ ولافة راسك بكلامها شكلها تحن تبيك تخطبها
ناصر: لا سحور ولا دبور...... انا اصلا ماني متزوج الا اللي تكون على هواج وانت منقيتها عاد ياحلاتج وحلاة نقوتج
ام صالح : يعني ماكو وحدة قاصة عليك ؟ او وحدة ببالك
ناصر : لا واللة ماكو شقالولج ياهل يقصون علي .. انتي يما دوري لي وقولي لي وانشاللة اللة يكتب فية الخير بس يما ابيها حلوة مثل ميريام فارس مو مثل بناتج
ام صالح : يحصلك مثل بناتي ... يلا اذلف البس ويصير خير خل ازوج صالح
ناصر : ردييييييييييييييييييينا على صالح ماني قايم الا لما تلقين لي مرة حتى لو تشبة لجمي بس ابي اتزوج

وهو يتحلطم دش بو صالح الصالة : السلام عليكم ... نصور شفيك تصارخ صوتك واصل اخر الفريج ؟

ناصر ( وهو يعدل قعدتة ) : سلامتك يبا ما فيني ( وهو مطنقر شوي )
بوصالح : تكلم قول شفيك ؟
ناصر : يبا اخاف اقول تعصب او تزفني ؟
بوصالح: شمسوي ؟؟؟؟؟؟؟؟؟؟؟؟؟
ناصر : انتو ليش كلة ظالميني مو مسوي شي ....... بس يبا ابي اتزوج صارلي قريب السنتين احن وامي معطتني طاف تقول خل صالح يتزوج بالاول وصلوووووووح شكلة مطول وانا مليت من عيشتي ابي اتزوج

بوصالح : هذة الساعة المباركة ... انت مو ناقصك شي وظيفة وعندك ومعاشك زييين وانا انشاللة اطلع المؤجر اللي ببيت مشرف واخليك تسكن فية وازهب الدور الثاني حق صالح عشان اذا ية يتزوج

ام صالح (طقتها البوهه ): اشوفك مخطط كل شي يابو صالح
ابو صالح : واللة انا من زمان مخطط من اول ماتخرج صالح بس هو اللة يهداة مادري شفية وصالح وناصر عيالي افرح لهم ودام ناصر بخاطرة ليش لا ...هو ماطلب الا حاس ان محتاج وهو ريال عارف ان الزواج مو لعب وهو قد المسئولية انشاللة ... عاد انتي يا ام صالح دوري لة البنت السنعة اللي تريحة وتترس عينة

ناصر على طول نقز باس راس ابوة حيييييل وراح عند امة : صج لقالوا بالكويت كل شي بواسطة حتى الزواج وباس راسها
اكيد في منكم بقول وصاحبتة اللي يكلمها اللي ياب لها هدية من ديور ناصر من الشباب اللي نوعهم اكلمج اي اتزوجج يعني يكلم البنت ويحيط لة سوالف حب وغرام ولما يصير ببالة الزواج قالها باي

 

[رفيف الورد]

حبيبتي يا ريت تنزلين بارتين متواصلين لأن القصه أحداثها فوق الروعه

والله صاج ناصر ما ينلام من قرار الأهل اللي يأجلون زواج عيالهم على حساب الولد الكبير خو الريال يبي يبني مستقبله ليش تحطمون طموح الولد اللي يبي يتزوج ويكون الصغير أو الوصطي

بس صج حنتك يا ناصر يابت لك نتيجه عفيا عليك يا بطل


:nbvppw:

 

[foshiya]

ambeeeeeeeeeeeeh 3jeeba waiting

 

[Beautifulgirl]

القصة وايد حلو يعطيج العافية

 

[Beautifulgirl]

انا صارلى فتره اقراها بس الحين الاحداث صارت اوضح عن علاقة حمد وزينه

 

[رفيف الورد]

روابي حبيبتي وييييينج نبي نشوف الأحداث حدنا بإنتظار الروايه

نبي نشوف منو اللي يكون من نصيب زينه محمد ولا حمد

ونشوف منو بقلب ناصر الحب المخفي

 

[MeeMeeYoo_2]

يسلموووووووووو

 

[rawabi]

هاااااااااااااااااااااااااااي بنات مشكورين على ردودكم الحلوة انشاللة بعد شوي بنزل بارت ...... يعني ساعة او ساعتين انشاللة

 

[AngelGirl]

حدهااا عجييبة القصة :>
ان شاءالله البارت اليدييد يكووون أطوول من الي قبل

 

[ماسيتي]

حبيبتي وين البارت ناطرتج من امس طووووووووووولتي القصهههههههه ابدااااااااااااااااااااااااااااااااااااااع

 

[rawabi]

انشاللة يعجبكم البارت اليديد وانا بنزلة طوييل عشانكم .... بس انشاللة يعجبكم

الباررت السابع :

المكان : دار زينة
الغرفة حدها عفيسة ولوية الهدوم مقطوطة بكل مكان دشت سارة الغرفة
سارة : زيوووووووووووووووووووووووووووووون.. شنو هذا واللة لو تشوف امي هالعفسة بتذبحج ...لا واللة مو امي اللي بتذبحج لجمي هي اللي بتنتفج .... ليش قاطة هدومج جذي ؟
زيون : ماكو : قاعدة اركب لي بدلات حق الجامعة ابي كل يوم اطلع بستايل يديد !!!!!!!!!!1
سارة : ليش يعني ؟ شالطاري ؟
زينة : امممممممممم اقولج بس مو تقولين حق احد اوكي ... اكو واحد منعجب فيني بالجامعة عشان جذي لازم كل يوم اكون كاشخة
سارة : وييييييييييييييييييية واللة عبالي عندج سالفة ... و منو هالمعجب ؟
زينة : ماعرف عنة اليوم اول مرة اشوفة بالجامعة .... وقالت زينة حق سارة السالفة كلها وهم قاعدين يشوفون الهدوم وزيون ماوراها الا انها تلبس وتفسخ دشت ام صالح الدار حده ويها انقلب من العفيسة طبعا اصرخت على زيون وساروة وامسحت فيهم القاع ...
ام صالح : زيون عندج ربع ساعة اذا مانظفتي هالعفيسة واللة لا اييب جيس واقط كل هدومج بالزبالة ... مالت عليج من بنت ... هذا وانا عادتج مرا ياية اقولج عن خطبة نصور
سارة وزيون (بصوت واحد ) : نصووووووور خطب ؟؟؟؟؟؟؟؟؟؟
ام صالح : بطيتوا اذوني لا ما خطب بنخطب لة ... قاعدة ادور لة مرة وقلت ابيكم تساعدوني خو هو يبي وحدة بعمركم يعني شوفوا لي وحدة من رفيجاتكم او من اللي معاكم بالجامعة وحدة تكون سنعة عشان نشوفها لة

سارة ويها مبتسم حييل : يما عندي فكرة عجيييييييييييييييييييييييييبة وحدها بتعجبج ؟
ام صالح : قولي عاد انتي افكارج تخوف
سارة :يماااااااااااااا ... شرايج نسوي حفلة او عزيمة وانادي البنات اللي نعرفهم اللي معانا بالجامعة وبنات اهلنا وانتي شوفي من اللي تعجبج
زيون: حدها خوش فكرة
سارة بس يما لازم نسويها يوم السبت الياي يعني عندنا بس اسبوع عشان انزهب لها
زيون : اشمعنة السبت ؟؟؟؟
سارة : لان عيد ميلادي وابي احصل هدايا وايد ههههههههههههه
ام صالح : حشى بنات فقر مو بناتي .... خلاص شورج وهداية اللة عاد انتوا عازموا اللي تبون

اطلعت ام صالح وقعدوا زينة وسارة يكتبون اسامي اللي ينادون ..
سارة : انادي في وفجر ؟
زيون : لا فجور جيكرة بس نادي في
سارة : صج انج حمارة ....مايصير يا انادي الثنتين او ولا وحدة
زيون : اوووو كيفج ........ززز سارووووووووة نادي شهد حدها حلوة وهم نادي نورة اللة لو ياخذ نورة حدة تشوووووووووووق ودلوعة وتحب الهياتة عشان نهيت ثلاثتنا مع بعض هههههههههه

تموا على الحال يمكن ساعتين او اكثر والا بدخلة صالح
: اقول ترا باجر ولد عمي بيتغدا عندنا امي قالت اقولكم عشان ماتتاخرون برة
سارة : اي ولد عم شكثرهم عيال عمنا
صالح : حمد!!!!
زيون انصعقت لما درت ان حمد بيتغدا عندهم هو من تزوج لا تغدا ولا حتى دش بيتهم
: معاة مرتة ؟
: لا بروحة ... مرتة سافرت دبي عند اختها اللي عايشة هناك يقول اولدت فجاة بالسابع وزوجتة واهلها كلهم سافروا لها عاد انا عزمتة يتغدا عندنا ... مو تتاخرون 2:30 الغدا
زيون تمت بمكانها جنة احد كات عليها ماي بارد وبسرعة التفت على سارة : سارووووووووووة شالبس ؟؟؟
سارة : انتي شفيج اليوم ... كل الهدوم وتقولين شلبس لبسي اي شي
زينة : لا ابي اكشخ ............. امممممممممممم اشرايج البس التوينز السماوي تحتة القميص الابيض البف وبنطلون بييج .. والا قميص الاسود مع الحزام العريض الاسود بذهبي وال البس سلاسل ملونة بدال الحزام ؟
سارة (بتطنز ) : شرايج تلبسين بدلة العيد وايد احلى ........ يقولولج ياي يتغد وبيمشي شكو قميص بف والا حزام عريض لبسي تريننغ وخلاص يصير شكلج سبورتي وبنفس الوقت حلو
زينة : ماعندي تريننغ حلو كلهم مالوت بيت يعني حدهم اي شي
سارة : لبسي توين طويل وبنطلون يصير جنة ترييننغ

طبعا زيون مع انها قرررت تلبس توينز طويل وبنطلون خام هم قامت تقايس بالهدوم لينا ملت ونامت

اليوم الثاني يوم العزيمة الساعة 10 الصبح زيون دشت المطبخ والا تلقى ام صالح ويا الطباخ تكلمة عن غدا اليوم والاطباق اللي يسويها
ام صالح : زيون ليش مارحتي الجامعة .. فيج شي ؟
زينة : لا مافيني ماعندي محاضرات اليوم !!!!!!!!!!!!!!!!!!!!!!!!!!!!!!!!!
زينة قررت انها ماهي رايحة الجامعة اليوم لانها بتسوي حلو حق حمد ....ولا جنها امس قاطة الكبت كلة عشان محمد ...... وماقدرت تقول حق امها هالشي عشان ماتنزف .
زينة : يما انا بروح الجمعية بشتري اغراض مشتهية اسوي حلو اليوم تبين اييب لج شي معاي
ام صالح : اي واللي يعافييج يباي لبن

زيون وصلت الجمعية وقامت تشتري اغراض الحلو من فرحتها ان حمد بزورهم شرت ماعون يديد حق الحلو مع ان شكثر المواعيين ببيتهم

المكان : بيت يدها ... الوقت : قبل خمس سنين
حمد : زيون انتي ماتعرفين تسوين الا هالحلو هذي ثالث ازوارة تسوينه لمتى
زيون : بدال لاتقولي تسلم ايدج كلفتي على حالج ... تعبتي نفسج .. تقول جذي
حمد : شدعوة تعبتي حالج اقصاة بسكوت مقمصتة بحليب بارد وصابة فوقة كاكاو نوروة اختي الياهل تسوية ...... شكلي اذا خذيتج كل يوم بتسوينة لي هههههههههه وياريت تغيرين كل مرة حاطة فليييييييك ... غيري حطي سنيكرز .. مالتيزر ... مارش ملو قصي علي مو كلة فليييك
زينة : شدعوة عليك .................زززدامك تتطنز خلاص بخلييييييك اتيب لي طباخيين واحد حق الاطباق الرئيسية وواحد بس حق الحلو ... عشان تعرف تتطنز عدل
حمد: لااااااااا خلاص ماني مطنز اصلا يا حلاة حلوج انتي حتى التوستة من اييدج تصك على مجبوس اللحم عندي ههههههههههههههه

ضحكت زينة وهي تذكر وصج عاد اليوم هي بتسوي هالحلو بس كل مرة هي تحط فوقة كاكاو فليييييك هالمرة بتحط مالتيزر يعني تغييييييير ..... ردت زينة البيت وسوت الحلو تالي صعدت غرفتها تلبس البست بنطلون اسود واسع شوي وتوينز اسود تحتة بلوزة بيضة مثل طول التوينز وحطت سلاسل ذهبية ولفة بيج فيها بس لاين واحد ستراس كان شكلها ناعم وحلو ومن الساعة 1 ارتزت بالصالة مع انها تدري ان حمد مايخلص دوام الا الساعة 2


المكان شارع دمشق الساعة 1:30 الظهر صالح طالع اليوم من الدوام مبجر عشان الغدا وهو بسيارتة متنرفز من الزحمة ماوعى الا اللي جدامة يلزم بريييييك قوي فجاة صالح مااستوعب فدش باللي جدامة : شهالحمااار اكو احد يوقف فجاة جذي.... نزل من سيارتة هو معصب رايح للسيارة اللي جدامة والا يلقاها بنت .. البنت كانت حاطها منصدمة ومخترعة ويهها صج كان يكسر الخاطر اول ماقال صالح شفيج والا تدمع عيونها وتبجي
صالح ( مخترع ) : شنو تعورتي؟ شفيييييييييييج ؟
دلال : لا
صالح : عيل شفييييييييج تبجيييييييييين جذي ... ماصار الا الخير ترا الدعمة مو جايدة بس خفسة بسيطة بسيارتج
دلال ( اسمعت كلمة خفسة بجت زود) : لا باللة ابوي ذابحني اليوم ونزلت من سيارتها رايحة تشوف الدعمة
صالح : شدعوة يذبحج لا تكبرين السالفة .. اهم شي انتي بالحديد ولا فيج
دلال : لا واللة ياليتة كان فيني عالاقل انا بدش المستشفى واحصل ورد واكييد ماني منزفة ... بس الحين بسفل فيني ابوي... هو قبل امس امطلعها من الكراج من دعمت الاسبوع اللي طاف
صالح ( يملق ) : طلعتي خبرة حوادث ههههههههههه ..... ( بس دلال عطتة نظرة حسسته انة صج مليق) تدرين شلون ؟ انتي ردي البيت وصفطيها بطريقة ان الوالد مايشوفها واليوم العصر اوديها لج كراج واحد من الربع يصلحها وانتي واقفة مايطول انشاللة لا تحاتييين ... سجلي رقمي او عطيني رقمج عشان نتفق
دلال بقلبها ترقيييييييييييييم اشكرة بس ياربي ماكو الا الحل هاذي 3 دعمة بشهر اووووو ماكو الا اخذ رقمة
دلال : بس انا مااقدر اليوم خلها باجر الصبح
صالح : خلاص اوكي اللي تامرين فيية ..... سجلي...... 9978
شوي والا يرن تلفون صالح توة بشيلة والا يتسكر : شهالحركة رنة ويسكرون !!!!!!!!!!!!!!!
دلال : انا اللي داقة ... خفت انك معطيني رقم غلط وتوهقني
صالح: الحمدللة والشكر صج ماكو ثقة اشايفتني ؟ ان بعض الظن اثم

مشى صالح ودلال كل واحد رد بيتة وطول الطريج صالح يفكر : فيها ياحليلها حدها مو صاحية
وصل صالح البيت والا يلقى سيارة حمد صافطة دش سلم على اهلة وحمد وراحاو تغدوا

بعد الغدا بالصالة الكل قاعد الابو صالح اللي راح ينام شوي
ناصر : حمد دريت بخطب
حمد : صج واللة .. اللة الهادي الفال حق اللي يمي ( ويطق على فخذ صالح )
صالح : اللة يكتب اللي فية الخير
ام صالح : زيونة ويين الحلو اللي انتي مسويتة .... تدري حمد زيونة اليوم سوت حلو عشانك .
زيون( خاست بهدومها من جملة امها ) : لا ان سويتة لاني انا مشتهية حلو مو عشان احد

اول ماحطت الخدامة الحلو والا حمد يقعد يضحك ناصر : شفيك ينييت تضحك بروحك لا تذكرت شي اهم شي ان هالمرة مالتيزر مو فليييييييييييك ( محد فهم الازينة اللي ابتسمت ابتسامة خفيفة ومن داخل طايرة من الفرحة ان حمد للحين يذكر حلوها ) قعدوا ياكلون الحلو وسارونة وديما يصبون القهوة والشاي
ام صالح : حمد لولو متى ترد انشاللة ؟
حمد : انشاللة بعد اسبوع او عشر ايام
ام صالح : خلاص عيل كل يوم غداك عندنا
حمد : تسلمين خالتي واللة ماتقصرين لا بتغدا عند الوالدة وخواتي .... خيرج واصل
ام صالح: لا واللة ماتتغدا الا عندنا ... واللة اني فرحت لما قال صالح انك بتتغدا عندنا ... من زمان مادشيت بيتنا ... هذا وانت اول دايم عندنا ... ترا ازعل
حمد: كلش ولا زعلج خالتي تامرين امر
زيون حدها افرحت كل يوم بتشوف حمد وعلى طول قالت بقلبها باجر بسوي حلو يديد عشان اكسر عينة
وهي تفكر بحلو سهل تسوية
ام صالح : حمد لولو ماحملت ؟
تكدر خاطر زينة لما سمعت لولو كانت مستانسة ان حمد معاها ولحين ذكرت ان مو لها صار لغيرها وكل مسالة وقت ويصير ابو عيال
حمد: لا واللة خالتي للحين مااللة كتب
ام صالح : اللة يرزقك انشاللة
ناصر : عاد قولي اذا يبت ولد شبتسمية ؟
حمد : مايبيلة .... اكيد عبداللطيف عالوالد
سارة : واذا بنت ؟ اكييييييييد سارة علي صح؟
حمد يبتسم : واللة يابختي بنتي تطلع عليييج بس انشاللة بسميها داليا ... ونزل راسة
زيون جنة احد كفخها كف لما قال داليا : من صجة هذا ؟ هو ليش جذي يسوي ؟


المكان شالية العايلة قبل 4 سنين
زيون: اوووووووو صدعاو راسي هاليهال بطلع برة
حمد: حرااام عليج هذولا يصدعون الراس حدهم زوغة
زينة : وووع مااحب اليهال ولويتهم ... ازعاج
حمد: مشاللة الامومة طافحة ... مساكين عيالج
زينة: لا عيالي غيييييييير ياحلاتهم ويازينهم
حمد : اكيد مو انا ابوهم
زينة ( منحرجة حييييييييل ) : حمد اذا يبت ولد شنسمية ؟
حمد : اكييييييييييد عالوالد عبداللطيف
زينة : امممممممممم كان خاطري اسمي يوسف بس يلا عمي يستاهل والثاني نسمية على ابوي ... انزين والبنت
حمد : شيخة
زينة : منو شيخة ... تكلم
حمد : محد بس الاسم عاجبني انسمي شيخة .. منيرة ... شريفة انا اموت عالاسامي القديمة
زينة : لااااا ماابي ابي اسمي داليا او رانيا
حمد: مالج امل شنو داليا شايفتني زلمة ؟
زينة : عشان خاطري ... عفية انت سميت الاولاد خلني اسمي البنات .. اللة يخليك
حمد : مشكلتي مااقدر اقولج لا بس مو رانيا انسميها داليا شوي اهون
زينة : قول واللة اسمي داليا اخاف لما نتزوج تهون
حمد : واللة انا حمد ولد عبداللطيف اذا يت لي بنت اسميها داليا .... ارتحتي

 

[rawabi]

سوري..... تاخرت عليكم على مانزلتة بس لاب توبي هالايام صاير دعلة وايد يعلق انشاللة يكون البارت حلو ويستاهل النطرة :eh_s(6):

 

[AngelGirl]

يعطيج العاااافية ....عجيييييييييب

ناطريين التكملة

 

[رفيف الورد]

تسلميييييييين حبيبتي عالبارت