زيارتي حق وحده والده

[كادي سويت]

امس رحت حق رفيجتي والده وقلت حق نفسي يا بنت هزي طولج ودشي المطبخ
وسويت دونات وطبق موالح {شاورما وسمبوسه } سميته ريتاج على اسم المولوده قولوا لي شرايكم فيهم لاني حسيت انه يفشل

 

[معكرونه أسبكتى يم يم]

بالعكس لاتفشل ولاشي شكلها يم يم .........تسلم يدينج يالغلا

 

[الاسطورية]

والله استانس لو رفيجتي تييبلي شي من شغل ايدها بدال الجاهز احس انها خذت من وقتها وتعبها عشاني

يونس

 

[طيف ااالكويت]

بالعاافيه عليكم
وعصاافير بطني قااعده اتكاااكي

 

[زيزو]

اشحلاتة ممكن الطريقة؟

 

[رفرف]

بالعكس وايد حلو تسلم ايدج

 

[CaRaMeLaH]

والله عفيه عليج شقرديه

 

[ايفيان]

وايد حلو تسلم ايديج

بس الاخضر اللي على نجوم شنو؟؟؟؟؟

 

[سيدة الكويت]

ما شاء الله عليج شاطره تعطينا الطرق لو سمحتى؟

 

[7alawa]

اشحلاااته ما شاء الله
كلج ذوق

 

[هوى الدار]

تسلم ايدج خوش شغل

 

[الماسه وبس]

تسلم ايدج ممكن الطريقة ومشكوووووووووره حبيبتي

 

[DELY]

teslam edech

 

[el7ob Klah]

والله وايد حلوين

خصوصا الموالح تهبل

بس الدونت شكله مو مستوي عدل

المفروض تخلينه يحمر اشوي باين انج شلتيه بسرعه

على العموم حلوو وعليهم بالعافيه يا رب ومبروك على المولوده

 

[كادي سويت]

مشكورين الغاليات طمنتوني
بالنسبه للنجمات الزرقاء هم بعد دونات بس قسمت العجينه قسمين واحد منهم حطيت عليه صبغة زرقاء ماركة فوستر كلاركس
وهم مستويين بس انا احب اللون الأشقر الشي الثاني
اخذو المقادير والطريقه
العجينه عجيبه ما تحتاج تتخمر
5 كوب طحين , 4 ملاعق سكر باودر , 6 ملاعق حليب باودر , ملعقة شاي (ملح ) نصف ملعقه باكينج باودر , ملعقتين خمير0
تخلطينهم بالعجانه بعدين تضيفين نصف كوب زيت ( طبعا كل المقادير بنفس الكوب) وتنتظرين لين يتفلفل العجين بعدين تضيفين 2 كوب ماء دافي وبعدين تقطعين العجينه على سطح مرشوش بالطحين وتقلينهم في زيت ساخن وعلى فكره راح تحسين ان العجينه تلزق شوي بس ضيفي لها شوي طحين
اما بالنسبه للمولح تنقسم الى وردات الشاورما ونبوسه
الشاورما عباره عن توست قطعته بالقطاعه على شكل ورووود ودهنته بالمايونيز وحشيته بحمسة دجاج مسحب مع بهارات
والسمبوسه حشيتها بحمسة بطاطا مسلوقة مع بصل وبهارات وغلافتها بالبيض وقليتها بزيت غزير وساخن بس لا تخلينها طول مجرد ما تحطينها بسرعه طلعيها علشان تتشقر وزينت الطبق بجزر مبشور واوراق نعناع ورشيته بسماق. وبالعافيه على اللي بتسويهمممممممممممممممممم .:tek:

 

[د.شريفة]

تسلم الاياي حركات

 

[جارة القمر]

تسلم ايدج

 

[القرآن ربيع قلبي]

تسلم ايدينج يا احلى طباخة ماشاء الله عليج

 

[غمزة عين]

تسلم ايدينج..... بالعكس روعه وباين لذيذذذذذذذذ...... مشكوره ياحلوه....

 

[thenutybee]

يعطيج العافية شحلات الموالح تسلم ايدج